#ሩሲያ

"ዩክሬን ከሩሲያ ጋር ወዳጅ በሆኑ የአፍሪካ ሀገራት ሽብርተኞችን እየደገፈች ነው" - ሩሲያ

ሩሲያ በአፍሪካ "ሁለተኛውን ግንባር" ከፍታለች በሚል ዩክሬንን ከሰሰች።

ሩሲያ፣ "ዩክሬን ከሩሲያ ጋር ወዳጅ በሆኑ የአፍሪካ ሀገራት ሽብርተኞችን እየደገፈች ነው" ነው ያለችው።

የዩክሬን የውጭ ጉዳይ ሚኒስቴር በበኩሉ፣ የቀረበበትን ክስ አጣጥሏል።

ማሊና ኒጀር ከዩክሬን ጋር የነበራቸውን ግንኙነት ሙሉ በሙሉ ማቋረጣቸው ይታወሳል። #reuters#trtworld

@thiqaheth

የሂዝቦላ መሪ ሰዒድ ሀሰን ናስራላህ ተገደሉ፡፡

የሂዝቦላ መሪ የሆኑት ናስራላህ ቤሩት ውስጥ መገደላቸውን የእስራኤል ጦር አስታውቋል፡፡

ይሁን እንጂ የሂዝቦላህ ቡድን በመሪው ግድያ ዙሪያ እስካሁን ድረስ የሰጠው ማስተባበያም ይሁን ማረጋገጫ የለም፡፡

ሰዒድ ሀሰን ናስራላህ በሊባኖስ የሚንቀሳቀሰውን የሂዝቦላ ቡድን ለ32 አመታት በኃላፊነት መርተዋል፡፡
#onmanorama #reuters

@thiqaheth

"ዛሬ ጠዋት አካባቢ የጁባላንድ ኃይሎች በሶማሊያ ፌደራል ወታደሮች ላይ ጥቃት አድርሰዋል" - ሶማሊያ

"ዛሬ ጠዋት የፌዴራል ኃይሎች ከሞቃዲሾ ራስካምቦኒ ሆነው በጁባላንድ ኃይሎች ላይ የድሮን ጥቃት ፈጽመዋል" - ጁባላንድ

በጁባ ላንድና በሶማሊያ መካከል ይፋዊ ጦርነት ተጀመረ።

ለጥቂት ወራት ውዝግብ ውስጥ የቆዩት ሶማሊያ እና ጁባላንድ ዛሬ በይፋ ወደ ጦርነት መግባታቸውን ከሁለቱም በኩል የተሰጡት መግለጫዎች ያመላክታሉ።

የጁባላንድ ግዛት ምክትል ደህንነት ሚኒስትር አዳን አህመድ ሀጂ በዋና ከተማዋ ኪስማዩ በሰጡት መግለጫ፣ "ዛሬ ጠዋት የፌዴራል ኃይሎች ከሞቃዲሾ ራስካምቦኒ ሆነው በጁባላንድ ኃይሎች ላይ የድሮን ጥቃት ፈጽመዋል" ሲሉ ወቅሰዋል።

የሶማሊያ መከላከያ ሚኒስትር አብዱልቃድር መሀመድ ኑር በበኩላቸው፣ "በዛሬው ዕለት ጠዋት አካባቢ የጁባላንድ ኃይሎች በሶማሊያ ፌደራል ወታደሮች ላይ ጥቃት አድርሰዋል" ሲሉ ጦርነቱ በግዛቷ ኃይሎች እንደተጀመረ አብራርተዋል።

ጁባላንድ ያካሄደችው ምርጫ ለውዝግቡ ምክንያት ሆኖ ቆይቷል። #reuters

@thiqaheth

የሳህል ጥምረት ከ5000 በላይ ጦር ለማዋጣት ተስማሙ፡፡

"በወታደራዊ ጁንታ" እየተዳደሩ የሚገኙት ማሊ፣ ቡርኪናፋሶና ኒጀር የጅሃድስት መስፋፋትን ለመግታት ከ5000 በላይ ጠንካራ የጋራ ጦር ለመመስረት ከስምምነት ላይ መድረሳቸውን አስታውቀዋል፡፡

ሦስቱ የምዕራብ አፍሪካ ሀገራት በቅርቡ ''የተባበሩት ኃይል" የተሰኘ የሦስትዮሽ ጥምረት እንደሚመሰርቱ የኒጀር መከላከያ ሚኒስቴትር ሳሊጉ ሞዲ ገልጸዋል፡፡

''የሳምንታት ጉዳይ ነው እንጅ ይህን ኃይል በቅርቡ እናየዋለን'' ብለዋል ሞዲ።

ሦስቱ የቀድሞ የፈረንሳይ ቅኝ ተገዥ ሀገራት ከ2020 – 2023 መፈንቀለ መንግስት አስተናግደዋል፡፡ #reuters #associatedpress

@ThiqahEth

ደቡብ ሱዳን ውስጥ በተከሰተ የአውሮፕላን አደጋ 20 ሰዎች ህይታቸው አለፈ፡፡

በአደጋው 17 ደቡብ ሱዳናዊ፣ ሱዳናዊ እና አንድ ቻይናዊ ወዲያውኑ ህይወታቸው ማለፉን የደቡብ ሱዳን የመረጃ ሚኒስትር ጋትዎች ቢፓል ተናግረዋል፡፡

ከተከሰከሰው አውሮፕላን ውስጥ ሁለቱ የበረራ አባላትና አንድ ህንዳዊ እንዲሁም አንድ የሀገሪቱ ዜጋ ከአደጋው ተርፈው ወደ ሆፒታል መላካቸውን የጁባ ዓለማቀፍ አየር መንገድ ዳይሬክተር ኢንጅነር ሳልህ አኮት ለጣቢያው ተናግረዋል፡፡

ሁሉም ተጓዦች ግሬተር ፒዎነር ኦፕሬቲንግ ካምፓኒ (GPOC) የተባለ የነዳጅ ዘይት ካምፓኒ ሠራተኞች እንደነበሩ ተነግሯል።

ሠራተኞቹ ለ28 ቀናት በሥራ ቆይተው ከዩኒቲ ግዛት እየተመለሱ በነበረበት ወቅት አደጋው እንደተፈጠረ ሚኒስትሩ ለራዲዮ ታማዙጂ አረጋግጠዋል፡፡

የሀገሪቱ ፓርላማ የትራንስፖርት ሚኒስቴር እና የአቪየሽን ባለስልጣን ስለሁኔታው ማብራሪያ እንዲሰጡ መጠየቁ ተዘግቧል፡፡ #Anadolu #Shine #Reuters

@ThiqahEth

"ከአሜሪካ መከላከያና ገንዘብ ቢሮ ብቻ በሺዎች የሚቆጠሩ የመንግስት ሰራተኞች ስራቸውን በግድ እንዲለቁ ተደርገዋል" - የአሜሪካው ዳኛ

በትራምፕ የተባረሩ ሰራተኞችን ወደ ስራቸው
እንዲመልሱ ሁለት የሀገሪቱ ዳኞች መጠየቃቸው ተሰምቷል።

ዳኞቹ፣ በፕሬዝዳንት ትራምፕ አስተዳደር ከስራቸው የተባረሩ የመንግስት ሰራተኞች ወደ ስራቸው እንዲመለሱ አሳስበዋል።

በካሊፎርኒያ ግዛት የሚኖሩት ዳኛ ዊሊያም አልሰፕ፣ ሰራተኞችን ከስራቸው ማፈናቀልን "አሳፋሪ ስትራቴጂ" ሲሉ ተቃውመዋል።

ሌላኛው የሜሪላንድ ነዋሪ ዳኛ በበኩሉ፣ ከአሜሪካ መከላከያና ገንዘብ ቢሮ ብቻ በሺዎች የሚቆጠሩ የመንግስት ሰራተኞች ስራቸውን በግድ እንዲለቁ ተደርገዋል ብለዋል። #thewashingtonpost #reuters

@ThiqhEth