Зарæ, мæлгъæ, зарæ!
Цъæх уалдзæг дин — дзæнæт...
Æз сатæги фагæ
Бæллун, кæнун сæ мæт.

Хъазбегти Хъазбег
#рухс_ссудз
#рс_дигоронау

Т-йӕн
Устур корӕг ди дӕн:
Де ’ууӕндагӕ бакасти бауӕр
Мӕ цӕстити цъифцади,
Мӕ хӕццӕ фембӕлгӕй, ма ’ртайӕ!

Гибизти Оскар
#рухс_ссудз
#рс_поэзи
#рс_дигоронау

Дæумæ бæлгæй мæ уарзт исусуй...
Ранигулдæй и хор, фал æ ранди
Кæцæйдæр сосæг дзурд игъусуй,
Кæцæйдæр игъусуй сос дзубанди...

Колити Виталий "Фæстаг тунæ рагъбæл исусуй..."
#рухс_ссудз
#рс_поэзи
#рс_дигоронау

’Схезин дæ размæ, фал мæ ку нæ уадзис,
Мæ къох ракъуæринæ, фал ми нæ ададзис...
Мæнæн ду абони бæргæ исхъазар дæ,
Мæлунбæл арази бозæй дæ колдуармæ...

Бабочити Руслан "Æз уæд дæуæй лигътæн, ду ба мæнмæ цудтæ..."
#рухс_ссудз
#рс_поэзи
#рс_дигоронау

Бамæтавæ, уæлæ хор,
Бони цази.
Бамæуадзæ, мæнæ дор,
Дони рази.

Раминзарæ, зургæ дон,
Бамæазæ,
Мæ гузавæ, хъурмæ бон,
Фæмминласæ.

Раминкафæ æхсицгон,
Уас бæласæ,
Сатæг думги фæззигон,
Тасæ-уасæй.

Баминдарæ, «Арви уод»,
Цардихуасæ.
Нæбал ерун мæ амонд
’Ма мæ уасæ.

Исминесæ мегъи уаргъ
Мæ иуонтæй...
Ма мин уасæ, гъæди маргъ,
Мæ фæсонти...

Скъодтати Эльбрус
#рухс_ссудз
#рс_поэзи
#рс_дигоронау

Æз агурдтон рæстдзинадæ,
ма ’ймæ зæнхæмæ цæун,-
фал ци? Нæ кæнун зинадæ,
уæддæр зæнхи дæр гъæун.

Багърати Созур "Рæстдзинадæ"
#рухс_ссудз
#рс_поэзи
#рс_дигоронау

КИЗГАЙИ ЗАР

Уæй, дæ кизгайи хай ку уайдæ хорти хор, мæйти мæйрохс.
Уæй, гъой, райдæ.
Уæй, Терки бабузау уорс дæллахъур.
Уай, уай, изæрæй æрцæугæй, хæдзарæмæ бауайгæй,
Уай, æрцæугæй, дан, дæ кизгайи дзæбæхджинæдтæмæ,
Уа, уай, дæ зæрдæ рæуæггæнгæ ку — цæудзæнæй косунмæ.
Уай, уай, æрцæугæй ба фæлмæн уат фæллад лæгæн.
Чи ’хцæуæн æй.

Радзырдта йæ Тегаты Слангери, 1898 аз, Хæрес. Ныффыста йæ Собиты Инал.
ЦИГСИИ-йы архив, фольклор №11, папкæ 67, ф. 355.
#рухс_ссудз
#рс_адамон
#рс_дигоронау

Мегъӕрфуг - мӕй-цӕстӕ,
Арви цъӕх ӕ бӕстӕ.
Ӕгъзалуй йӕ тунтӕ,
Итауй хуӕрзфунтӕ.

Ка йӕй? Ка си кӕсуй?
Сосӕй ка фӕлгӕсуй?
Равдесун на комуй?
Ӕви кӕд ӕргом ӕй?

Ӕви уотид уотӕ 'й -
Нивтӕ ӕнӕ уодӕй?
Цӕстӕ 'й исӕргъавта,
Зӕрди ба бандавта?

Талингӕ мӕйрохси -
Къахдзӕвтӕ 'хсӕвгъоси.
Нӕ гъӕуй фарстатӕ
Ӕма уа-нӕуатӕ..

Рохс кӕнуй мӕ рӕзтӕ
Арвбӕл и мӕй-цӕстӕ.
Хузӕ уа, ций фӕндуй -
Уод ибӕл баууӕндуй.

Гегкити Сослан

#рухс_ссудз
#рс_дигоронау
#рс_хастагдар

Разбор этого стихотворения почти всю неделю осуществлялся в моих мыслях. Ответственно разбирать стихотворение на дигорском, ибо есть риск не понять четко мысль. Но я попробую.

Первое, что я отметила, обилие вопросов в стихотворении. Этот факт натолкнул меня, что автор в раздумьях здесь. Стихосложение на мой взгляд несложное: слов в строке немного, рифмы легко воспринимаются.

На некую таинственность нам указывает не только обилие вопросов, но и выбранное автором время действия: это вечер: Мигъӕрфыг - мӕй цӕст, арвы цъӕх йӕ бӕстӕ/ Туманнобровый месяц-глаз, синева неба его края.
Обратите внимание на авторские лексические единицы: мегъӕрфуг - мӕй-цӕстӕ.
Олицетворение: Ӕгъзалуй йӕ тунтӕ,
Итауй хуӕрзфунтӕ/ Згъалы йӕ тынтӕ, Тауы хӕрзфынтӕ/ Сыпет свои лучи, Сеет хорошие сны. Это все про месяц-луну.

И вот целая строфа с вопросами. Кому они адресованы? Скорее это вопросы на размышление автору самому, читателю:
Ка йӕй? Ка си кӕсуй?/ Чи у? Чи дзы кмсы?/ Кто это? Кто с него смотрит?
Сосӕй ка фӕлгӕсуй?/ Сусӕгӕй чи фӕлгӕсы?/ Кто тайком наблюдает?
Равдесун на комуй?/ Равдисын нӕ комы?/ Показаться не соглашается?
Ӕви кӕд ӕргом ӕй?/ Ӕви кӕд ӕргом у?/ Или он открыт?

Далее вопросы продолжаются. Автор рассыпает перед нами разные варианты, мы вольны ответить сами. Интересно, да же?
Ӕви уотид уотӕ 'й -
Нивтӕ ӕнӕ уодӕй? / Ӕви æнæуый афтӕ у - нывтӕ ӕнӕ удӕй/ Или это просто лишь картины без души?
Цӕстӕ 'й исӕргъавта,
Зӕрди ба бандавта?/ Цӕст ӕй баргъӕвта, зӕрдӕ та бандӕвта/ Глаз за ним следил, а сердце согрел?

Следующая строфа откликнулась мне. Особенно последние 2 строчки: Талингӕ мӕйрохси -
Къахдзӕвтӕ 'хсӕвгъоси./ Талынг мӕйрухсы - къахдзӕфтӕ ӕхсӕвхъус/ В темную лунную ночь - шаги, мол, тихие.
Нӕ гъӕуй фарстатӕ
Ӕма уа-нӕуатӕ.../ Нӕ хъµуы фарстатӕ ӕмӕ уа-нӕуатӕ.../ Не нужны вопросы и будет или не будет...
Много лунного света и решимости в этих строчках. Автор для себя отвечает на какой-то внутренний диалог, мол, не нужно вопросов и сомнений "будет-не будет".

Далее настроение озаряется светом надежды.

Рохс кӕнуй мӕ рӕзтӕ
Арвбӕл и мӕй-цӕстӕ. /Рухс кӕны мӕ рæзты Арвыл ис мӕй-цӕст/ Озаряет возле меня месяц на небе.
Хузӕ уа, ций фӕндуй -
Уод ибӕл баууӕндуй. / Хуыз уа, цы фӕнды - Уд ыл баууӕнды/ Къам уа, цы фӕнды - Фотография или что бы это не было - Душа верит.

Итого, начавшееся с сомнений и размышлений стихотворение, заканчивается решением: душа верит и путь освещён. Отмечу еще раз, использование вопросов в повторении. Т.е. автор много сомневается, размышляет. При этом прямо о сути вопроса не говорит. Интересная параллель между луной, ночью и размышлениями автора. Использованием многочисленных вопросов, лунного таинственного света и настроения автор скрывает истинный объект размышлений. Интересные художественный приемы. Почему-то напомнилось творчество Георгия Малити.

Афтӕтӕ. Тӕлмацмӕ ма ӕркӕсын хъӕуы. Ранӕй-рӕтты дызӕрдыг кодтон. Поэтикон ӕвзаг зындӕр у, бирӕвӕрсыгдӕр. Цы зӕгъдзӕн кӕддӕра нӕ автор...

Рӕстмӕ ут! Бузныг!
#рухс_ссудз
#рс_дигоронау
#рс_разбор

АВД ХОЙЫ - СТЪАЛЫТÆ
У ма æнафон,
Арвы астæу ма
Авд хойы кафынц:
Аззæ,
Уырыззæ,
Цицц,
Уæрдахъ,
Дæдæкк,
Уæдæкк,
Уыдон кæстæр — Къæбæда.

Радзырдта йæ Цæрукъаты Дариа Убæдзы чызг, 65-аздзыд. Ныффыста йæ Цæрукъаты Алыксандр Ибрагимы фырт. 1961 аз, 19 февралъ, Хъарман-Сындзыхъæу.

*Авд хойы - Звездное скопление Плеяды

ÆРТАЙГÆЙ САБИТÆ ЗАРУНЦÆ:
О, хор, ракæсæ, —
Цъеути мадæ
Сæйгæ кæнуй.
Нæуæг ностæ
Кæрдзин кæнуй.
Зæронд нана
Къумæл цæгъдуй.

Гъомбæл кизгæ
Къумтæ сæрфуй.
Мах, седзæрти,
Æфсадунцæ,
Æфсес цард нин
Аразунцæ.

Ныффыста йæ Гарданты Михал, 1920 аз, 9 июнь, Владикавказ. Йæ радзурæг бæрæг нæу.
ЦИГСИИ-йы архив, фолъклор № 164—1, напкæ 51, ф. 80.

АМ ГАЛ ХЫЗТИ
(Сывæллоны æнгуылдзтыл амонгæйæ)
Ам гал хызти,
Ам дæлæмæ ратылд.
Ай йæ аргæвста,
Уый йæ бастыгъта,
Уый йæ сфыхта,
Уый йæ байуæрста.
Амæн хай нæ фæци æмæ
Хъаст кодта,
Хъыллист кодта.
Хъаст кодта,
Хъыллист кодта.
Уæлæ цары
Цæхджын мыст.
Хъыдзы-хъыдзы!

Радзырдта йæ Цæрукъаты Дариа Убæдзы чызг, 65-аздзыд. Ныффыста йæ Цæрукъаты Алыксандр Ибрагимы фырт. 1961 аз, 19 февралъ, Хъарман- Сындзыхъæу.

СУВÆЛЛÆНТТИ ЗАР
- Кæми адтæ?
- Касатæмæ.
- Йетæ дин ци равардтонцæ?
- Карк æма уасæнгæ.
- Йетæ дин ци фæцæнцæ?
- Биндзæ сæ рахуардта.
- Биндзæ ба ци фæцæй?
- Бæласæбæл бабадтæй,
- Бæласæ ба ци фæцæй?
- Фæрæт æй ракъуæрдта.
- Фæрæт ба ци фæцæй?
- Гъæддзаутæ ’й фæддавунцæ.
- Гъæддзаутæ ба ци фæцæнцæ?
- Дони фæннайунцæ.
- Дон ба ци фæцæй?
- Куй æй расдардта.
- Куй 6а ци фæцæй?
- Топп æй рамардта.
- Топп ба ци фæцæй?
- Хадзий хункъи ниххаудта.

Радзырдта йæ Ботъоты Къæрæсе Темурхъаны фырт. Ныффыста йæ Гарданты Михал. 1928 аз, 20 мартъи, Чырыстонхъæу. ЦИГСИИйы архив, фолъклор № 163—6, папкæ 50, ф. 38.
#рухс_ссудз
#рс_адамон
#рс_дигоронау

Бамæтавæ, уæлæ хор...
Скъодтаты Эльбрусы æмдзæвгæ кæсы Саулохты Ланæ.

Дигорæнттæ ам йес? Кенæ ба дигоронау ка лæдæруй?
#рухс_ссудз
#рс_дигоронау
#рс_уацмысдзуры

УАРЗОНДЗИНАДÆ
(Рагон тауæрæхь)

Еу зæронд лæг æ фурти тæскъæ бийгæ фæууидта. Баймæцудæй æмæ ’й фæрсуй зæронд лæг:
— О мæ фурт, уомæй 6а ци кæни?
И фурт имæ дзоруй:
— Дæу си ниввæрдзæн ’ма дæ кæд дони багæлдзинæ.
Зæронд дзоруй æ фуртмæ:
— Ма ’й федардæр исбийæ, дæхе дæр багъæудзæй.

Радзырдта йæ Золойты Данел Давкуйы фырт, 90-аздзыд, 1971 аз. Ныффыста йæ Золойты Изетæ.
Цæгат Ирыстоны паддзахадон университет, уырыссаг литературæйы кафедрæйы архив, 1971 аз, № 34.
#рс_адамон
#рс_дигоронау

После комментария одного из наших читателей решили собрать по хэштэгу #рс_дигоронау контент на дигорском.

Там есть стихотворения и пара разборов, подкаст и Лана Шавлохова начитала стихотворение Эльбруса Скодтаева. Фенут-ма 🕊

Мы стараемся публиковать контент на обоих вариантах осетинского языка.

ÆМБИСОНД:

Amond næ agurdtaj, ændæra ‘j isserdtajsæ/ ты не искал счастья, а не то нашел бы его

#рухс_ссудз
#рс_амбисонд
#рс_дигоронау

КУВД

О, нæ хуцау, о, нæ фидæ,
Цард радтæг, дуйней дарæг,
Цардæн æппæлуйнаг ку дæ,
Арв æма зæнхи бадæг!

Нæ хъурми æнцон дæ номæй
Ку уолæфæн, ку цæрæн,
Имисгæй ба дæ зæрддонæй,
Бæрæг читгин ку кæнæн!

Кæнæн дæмæ йидаугути,
Кувди сæри минæвар;
Фæдзæхсæн дæбæл кæугути,
Æппæлгæй цард — дæ лæвар!

Уо, хуцау, коргæ ди кæнæн
Æма радтæ æнæвгъау:
Уæрдунгинæн — федар сæмæн,
Хуймонæн — федар рæтæн,

Нæ бæлццонтæн — ирайгæ хатт,
Ковгутæн — зæрдæнцойнæ,
Не 'фсæддонтæн — федар кард,
Федардæр ба — æгъдинцойнæ;

Нæ цæугутæд — фæндаги раст,
Иергъæф. кæнæ — сæйгæ ка 'й;
Æзнаг, фудголи — федар баст,
Дæ хуарзæй ба — дзæбæх хай!

Гурджибети Блашка
#рухс_ссудз
#рс_дигоронау

#рс_поэзи - отрывки стихотворений осетинских поэтов

#рс_адамон - произведения народного творчества

#рс_дигоронау - материалы на дигорском

#дзырдайдзырдма - интересные идиомы, фразы, которые я собираю прям в поле: из речи обычных людей

#рс_архив - архивные материалы, письма, фотографии

#рс_этнографи - этнографические материалы

#автордзуры - авторские статьи, заметки, разборы и анализ создателя проекта Ирины Кадзовой

#рс_подкаст - аудиокомментарии по произведениям, этнографическим материалам

#рс_дзырд - этимологический и семантический разбор отдельного слова

#рс_амбисонд - осетинские пословицы

#рс_авзаг - материалы по языку, лингвистике

В прикреплённых сообщениях есть ссылки на эти статьи по темам.

Йес ма метæй гæппæлтæ,
Уадусмæ сæ æхснуй.

Малиты Геуæрги "Дзиддзил"

* * *

Метин уазали сабуйради
цæун гъунгти дæу агор,
цума рæстзæрдæ æстуйради
æма адзали къæбæргор.

Тетцойти Таймураз

* * *

Гъæунгти фæццæун.
Адæми цæстити мет мæбæл уаруй.

Гибизти Оскар
#рухс_ссудз
#рс_поэзи
#рс_дигоронау

Стъалутæ, жингау,
Арви — цæхæрæй,
Мæйæ шин — фиййау,
Цæфсунцæ минæй.

Гурджибети Блашка
"Æхсæвæ"
#рухс_ссудз
#рс_поэзи
#рс_дигоронау

Фæззинуй æрвгæрони цæхæртæ,
Соруй цади еу уолæн инней.
Æййевунцæ сæумитæ, изæртæ
Æмхузон еци тар кæрæдзей.

Æй рагуалдзæг, къæвда æнæвгъауæй,
Мухцурæй къибилатæй кæлуй.
Кедæр реуи кæд уарзт æригъал єй
’Ма сæударау фæсмонæй кæуй.

Колити Виталий
#рухс_ссудз
#рс_поэзи
#рс_дигоронау

КИЗГИ САГЪÆСТÆ

Хæдзар, хæдзар фæккæнон,
Къæсæр кæнун нæ зудтон,
Фулдæр, фулдæр ке уарзтон,
Уой зæрдæ дæр нæ зудтон.
Нур ба ин æй базудтон,
Ме рух имæ рахаттон.

Уарзон, уарзон фæккодтон,
’Нæуарзонмæ фæцæууон
Лæхъун-лæгмæ фæббæллон,
Зæронд лæгмæ фæццæуон
Мæхе зæрдæ — тæразæбæл,
Мæ уарзони зæрдæ — къæразæбæл.

* Радзырдта йæ Перисаты Самилхан; Ныффыста йæ Хъæдохты Валентинæ, 1967 аз, 20 декабрь.
Салæгаты Зояйы æмбырдæй
#рухс_ссудз
#рс_адамон
#рс_дигоронау