ነሃሴ 10/2012 ዓ/ም

የኢትዮጵያ የኮቪድ-19 መረጃዎች #1 ፦

#Amhara

በአማራ ክልል ባለፉት 24 ሰዓት 5,877 የላብራቶሪ ምርመራ 93 ሰዎች በኮሮና ቫይረስ መያዛቸው ተረጋግጧል። የአንድ ሰው ህይወት አልፏል (ከጎንደር ከተማ)

በቫይረሱ ከተያዙት መካከል፦

- 18 ከኦሮሞ ብ/ሰብ ዞን
- 14 ከደ/ወሎ ዞን
- 13 ከሰ/ሸዋ ዞን
- 11 ከባህር ዳር ከተማ
- 9 ከአዊ ብ/ሰብ ዞን
- 7 ከሰ/ወሎ ዞን ይገኙበታል።

#BenishangulGumuz

በቤኒሻንጉል ጉሙዝ ክልል ባለፉት 24 ሰዓት ውስጥ 547 የላብራቶሪ ምርመራ ተደርጎ 4 ሰዎች በኮሮና ቫይረስ መያዛቸው ተረጋግጧል።

- 1 ከኩርሙክ ወረዳ
- 3 ከካማሽ ወረዳ

#Afar

በአፋር ክልል ባለፉት 24 ሰዓት 415 የላብራቶሪ ምርምራ ተደርጎ 85 ሰዎች በኮሮና ቫይረስ መያዛቸው ተረጋግጧል።

አጠቃላይ በአፋር ፦

- 415 በቫይረሱ የተያዙ
- ያገገሙ 191

#Oromia

ባለፉት 24 ሰዓት የተደረገው ምርመራ 3537 ሲሆን 185 ሰዎች በቫይረሱ መያዛቸው ተረጋግጧል፤ የስምንት (8) ሰዎች ህይወት አልፏል።

አጠቃላይ በኦሮሚያ ፦
- 2,953 በቫይረሱ የተያዙ
- 35 ሞት
- 939 ያገገሙ

#Tigray

በትግራይ ክልል ባለፉት 24 ሰዓት ውስጥ 1,145 ላብራቶሪ ምርመራ ተደርጎ 82 ሰዎች በቫይረሱ መያዛቸው ተረጋግጧል ፤ የ2 ሰዎች ህይወት አልፏል (ከመቐለ የኮቪድ-19 ህክምና ማዕከል)

አጠቃላይ በትግራይ ፦
- 1,770 በቫይረሱ የተያዙ
- 13 ሞት
- 809 ያገገሙ

#Somali

በሱማሌ ክልል ባለፉት 24 ሰዓት 260 የላብራቶሪ ምርመራ ተደርጎ 9 ሰዎች በኮቪድ-19 ተይዘዋል።

- 9 ጅግጅጋ

@tikvahethiopiaBot @tikvahethiopia

በኢትዮጵያ ተጨማሪ 982 ሰዎች በኮቪድ-19 ተያዙ!

ባለፉት 24 ሰዓት በተደረገው 19,769 የላብራቶሪ ምርመራ 982 ሰዎች በቫይረሱ መያዛቸው ሲረጋገጥ የ19 ሰዎች ህይወት አልፏል። በተጨማሪ በትላንትናው ዕለት 322 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 29,876 የደረሱ ሲሆን የሟቾች ቁጥር 528 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 12,359 ደርሷል።

@tikvahethiopiaBot @tikvahethiopia

ነሃሴ 10/2012 ዓ/ም

የኢትዮጵያ የኮቪድ-19 መረጃዎች #2 ፦

#SNNPRS

ባለፉት 24 ሰዓት ውስጥ በደቡብ ክልል በተደረገው 849 የላብራቶሪ ምርመራ 26 ሰዎች በኮሮና ቫይረስ መያዛቸው ተረጋግጧል ፤ 13 ሰዎች አገገመዋል።

በቫይረሱ ከተያዙት መካከል ፦

- 13 ከጋሞ ዞን (7 ከአርባ ምንጭ፣ 3 ከቁጫ፣ 1 ከሰላምበር፣ 1 ከቦንኬና፣ 1 ከካምባ ወረዳዎች)
- 5 ከወላይታ ዞን (ሁሉም ከወላይታ ሶዶ ከተማ)
- 4 ከጉራጌ (3 ከአበሽጌና 1 ከወልቂጤ)
- 3 ከስልጤ ዞን (2 ከወራቤ፣ 1 ከአዘርነት ብርበሬ)
- 1 ከጎፋ ዞን

#DireDawa

ድሬዳዋ ከተማ ባለፉት 24 ሰዓት 332 የላብራቶሪ ምርመራ ተደርጎ 10 ሰዎች በኮቪድ-19 መያዛቸው ተረጋግጧል። ሁሉም ከማህበረሰቡ በተወሰደ ናሙና የተገኙ ናቸው።

አጠቃላይ በድሬዳዋ፦
- 680 በቫይረሱ የተያዘ
- 18 ሞት
- 592 ያገገሙ

#Sidama

በሲዳማ ክልል ባለፉት 24 ሰዓት 772 የላብራቶሪ ምርመራ የተደረገ ሲሆን 53 ሰዎች በኮሮና ቫይረስ መያዛቸው ተረጋግጧል ፤ የአንድ (1) ሰው ህይወት አልፏል ፤ 3 ሰዎች አገግመዋል።

አጠቃላይ በሲዳማ ፦
- 658 በቫይረሱ የተያዙ
- 12 ሞት
- 143 ያገገሙ

@tikvahethiopiaBot @tikvahethiopia

ዳሳሽ መዳፎች - በሰለሞን ሙጬ

ዳሳሽ መዳፎች የተባለው እና በ332 ገጽ የተዘጋጀው አዲስ መጽሐፍ በገበያ ላይ ሊውል ነው።

በአዲስ አበባ የጀርመን ድምጽ ( ዶቼ ቬለ ) ራዲዮ ወኪል በሆነው ጋዜጠኛ ሰሎሞን ሙጬ የተዘጋጀው ይህ መጽሐፍ ሙሉ በሙሉ እውነተኛ ታሪክ ነው።

ጋዜጠኛው የመንግስት ሰራተኛ በነበረበት ወቅት ያለምንም ፍርሃት ሙስናን ለመዋጋት ያደረገው ተጋድሎ ፍጹም አስተማሪ ነው።

የሀገር ፍቅር፣ የሥራ መውደድ፣ የቤተሰብ ምንነትና እንዴት መታነጽ ፣ ፍቅር ፣ ወጣትነት ዕድሜ በረከት በሚገባ ተዳስሰውበታል።

ጋዜጠኛው የኢትዮጵያዊያንን በተለይም በጎንደርና አካባቢው በ2008/9 የነበረውን ተጋድሎ ከአገዛዝ በየዕለቱ መዝግቦ በማስቀመጥ በመጽሐፉ ዋና አምድ አድርጎ ከትቦታል።

በተጨማሪም የአወዛጋቢውን የ ENN Tv ከምስረታ እስከ መክሰም ድረስ ያለውን እውነታ በሚገባ ተንትኖ ጽፎታል።

ከፍ ሲል በጠቅላላው የኢትዮጵያን የቤተሰብ ፣ የማኅበረሰብ፣ የታሪክ እና የፖለቲካ ውቅር በየታሪኮች ጣልቃ በተረዳው እና ባሰባሰበው መረጃ እያጣቀሰ ለመተንተን ሞክሯል።

@tikvahethiopiaBot @tikvahethiopia

ችሎት!

ኦሮሚያ ፖሊስ በኢዴፓ የብሔራዊ ምክር ቤት አባል በሆኑት አቶ ልደቱ አያሌው ላይ የጠየቀው ተጨማሪ የምርመራ ጊዜ በፍርድ ቤት ተፈቀደለት።

የፖሊስን ጥያቄ ዛሬ ረፋድ የችሎት ውሎው የተመለከተው የቢሾፍቱ ከተማ ወረዳ ፍርድ ቤት ፤ ሰባት የምርመራ ቀናትን መፍቀዱን የኢዴፓ ፕሬዝዳንት አቶ አዳነ ታደሰ ተናግረዋል።

ምንጭ፦ ኢትዮጵያ ኢንሳይደር
@tikvahethiopiaBot @tikvahethiopia

የትግራይ ክልል ምርጫ ኮሚሽን ‘ሃራ ስርዓት ምህዳር’ ከሚሰኝ ድርጅት ጋር መራጮች የሚመዘገቡበት እና ድምጻቸውን የሚሰጡበት መተግበሪያ በጋራ እያበለጸጉ ይገኙሉ።

ይህ መተግበሪያ ለመጀመርያ ጊዜ ትናንት በመቐለ ሙከራ ተደርጎበታል። መራጮች ሞባይል ላይ በሚጫነው መተግበርያ [አፕ] የሚመዘገቡ ሲሆን፤ አንድ መራጭን ለመመዝገብ ከ30 እስከ 50 ሰከንዶች ብቻ በቂ መሆናቸውን የ‘ሃራ ስርዓት ምህዳር’ ወኪል ኃ/ስላሴ ሊላይ ለBBC ተናግረዋል።

መራጮች ለመመዝገብ ኢንተርኔት እንደማያስፈልገው የተጠቀሰው መተግበሪያው ፤ መራጮች ድምጽ እንዲሰጡ እንዲያስችል ተደርጎ የተሰራ መሆኑም ተጠቁሟል። የመተግበሪያው የድምጽ አሰጣጥ ስርዓት ደግሞ በሚቀጥለው እሁድ ሙከራ ይደረግበታል ሲሉ አቶ ኃ/ስላሴ ሊላይ ተናግረዋል።

ይህ መተግበሪያ በምርጫ ዕለት አንድ መራጭ ብቻውን ወደ ምስጢራዊ የድምጽ መስጫ ቦታ ገብቶ ከወረቀት ንክኪ ነጻ በሆነ መልኩ በታብሌት በመታገዝ ‘በዲጂታል ኮሮጆ’ ድምጹን እንዲሰጥ ያስችላል ሲሉ አቶ ኃ/ስላሴ ተናግረዋል።

ምንጭ፦ BBC
@tikvahethiopiaBot @tikvahethiopia

#WogetaFM

በቀን 08/12/2012 ዓ/ም በመንግስት የፀጥታ ኃይሎች ስርጭቱ እንዲቋረጥ የተደረገው ዎጌታ ኤፍ ኤም 96.6 ዛሬ ወደ ስራ መመለሱን /ስርጭቱን መጀመሩን የሬድዮ ጣቢያው ሰራተኞች አሳውቀውናል።

@tikvahethiopiaBot @tikvahethiopia

ብር ሥንቆጥር ጥንቃቄ እያደረግን!

ባንክ ውስጥ አገልግሎት የምንጠቀም ሰዎች እጅግ ከፍተኛ ጥንቃቄ ልናደርግ ይገባል። ከላይ በቪድዮ የምትመለከቱት አንድ ባንክ ቤት ውስጥ በቲክቫህ ኢትዮጵያ አባል የተቀረፀ ነው። ለሁላችንም መማሪያ ይሆነን ዘንድ አጋርተነዋል።

@tikvahethiopiaBot @tikvahethiopia

በቀጣዮቹ ቀናት በአዲስ አበባ ከተማ አንዳንድ አካባቢዎች ለማሻሻያ ሥራ ሲባል የኃይል አቅርቦት ይቋረጣል!

ነገ ማክሰኞ ነሐሴ 12 ቀን 2012 ዓ.ም ከጠዋቱ 2፡00 እስከ ረፋዱ 4፡00 ድረስ ፡-

• በአዲሱ ገበያ፣በሰሜን ማዘጋጃ፣ በላዛሪስት ትምህርት ቤት፣ በሩፋኤል ቤተ-ክርስትያን ፣ በገርጂ ኮንደሚኒየም በኢምፔሪያል ሆቴል፣ በገርጂ ጤና ጣቢያ፣በዳችያ ቀለም፣ በገርጂ አንበሳ ጋራዥ እና አካባቢዎቻቸው፤

• በተመሳሳይ ቀን ከጠዋቱ 1፡00 እስከ ቀኑ 8፡30 ድረስ ቦሌ መድሃኒዓለም ቤተ-ክርስትያን፣ በአያት ሆስፒታል፣ በብራስ ሆስፒታል፣ በሚሊኒየም አዳራሽ፣በቦሌ ሚኒ፣በጎላጎል፣ በቺቺኒያ፣በቦሌ ሚሊኒየም፣በሳሚት ኮንደሚኒየም እስከ በፍየል ቤት፣በጊዮርጊስ ቤተ-ክርስትያን እና አካባቢዎቻቸው፤

እንዲሁም ረቡዕ ነሐሴ 13 ቀን 2012 ዓ.ም ከጠዋቱ 2፡00 እስከ ቀኑ 6፡00 ድረስ፡-

• በዘነበወርቅ ቶታል፣በአለርት ሆፒታል፣ በገርጂ ዩኒቲ ኮሌጅ፣ በቦሌ ሆምስ፣ በቦሌ ሲቪል አቬሽን፣ በጎሮ አለማየሁ ህንፃ፣ በጃክሮስ፣ በተወካዮች ምክር ቤት እና አካባቢዎቻቸው፣

• በተመሳሳይ ቀን ከጠዋቱ 2፡00 እስከ ረፋዱ 9፡00 ድረስ በራስ ደስታ ሆስፒታል፣በእየሩሳላም ሆቴል፣ በእምቢልታ ሆቴል፣ በእንቁላል ፋብሪካ እና አካባቢዎቻቸው፣

በተጨማሪም ሀሙስ ነሐሴ 14 ቀን 2012 ዓ.ም ከጠዋቱ 2፡00 እስከ ረፋዱ 4፡00 ድረስ ፡-

• በኢትዮ-ፕላስቲክ፣ በየነገው ሰው ትምህርት ቤት፣ በ17/24 ታክሲ ማዞርያ፣ በአዲሱ የወጣቶች ማዕከል ስታዲየም እና አካባቢዎቻቸው፣

• በተመሳሳይ ቀን ከጠዋቱ 1፡00 እስከ ቀኑ 10፡00 ድረስ በቦሌ መድሀኒያለም ቤተ-ክርስትያን፣ በአያት ሆስፒታል፣በብራስ ሆስፒታል፣ በሚሊኒየም አዳራሽ፣በቦሌ ሚኒ እና አካባቢዎቻቸው።

ከወዲሁ አስፈላጊ ጥንቃቄ አድርጉ!

@tikvahethiopia

ችሎት!

በእነ ጃዋር መሐመድ መዝገብ የቅድመ ምርመራ ጉዳያቸው እየታየ ካሉ 14 ተጠርጣሪዎች መካከል 5ቱ በኮሮና ቫይረስ መያዛቸው በምርመራ መረጋገጡን ኢትዮጵያ ህብረተሰብ ጤና ኢንስቲትዩት ለፌደራል የመጀመሪያ ደረጃ ፍርድ ቤት አራዳ ምድብ ችሎት ገልጿል።

ዛሬ ሰኞ ከሰዓት ፍርድ ቤት የቀረቡት አቶ ጃዋር "ትላንት ማታ አልተኛሁም። በከፍተኛ ሁኔታ ታምሜ ነው ያለሁት። እስካሁን ማስታገሻ መውሰድ አልቻልኩም" ሲሉ ለችሎት ተናግረዋል። በግል ሀኪማቸው ህክምና ማግኘት ይችሉ ዘንድም ጥያቄ አቅረበዋል።

ምንጭ፦ ኢትዮጵያ ኢንሳይደር
@tikvahethiopiaBot @tikvahethiopia

#UPDATE

አቶ ጃዋር መሀመድን ጨምሮ ስምንት (8) ተጠርጣሪዎች ላይ የዐቃቤ ህግ የቅድመ ምርመራ ምስክሮችን ለመስማት ዛሬ ቀጠሮ ይዞ የነበረ ቢሆንም አቶ ጃዋር መሀመድ አሞኛል ብለው በችሎት በተደጋጋሚ መውጣትና መግባት የምስክር ሂደቱን ስለሚያስተጓጉል በሚል ፍርድ ቤቱ ተለዋጭ ቀጠሮ ሰጥቷል፡፡

አቶ ጃዋር መታመማቸውን ለፍርድ ቤቱ አቤቱታ አቅርበው ንፋስ ለማግኘት ከችሎት ወጥተው የነበረ ሲሆን ዐቃቤ ህግ የምስከሮቹን ጭብጥ እያስመዘገበ ባለበት በድጋሚ ወደ ችሎት ገብተዋል፡፡

ፍርድ ቤቱ ይህ ወጣ ገባ ሁኔታ የዐቃቤ ህግ የምስክር ሂደትን ያስተጓጉለዋል በሚል ለነሃሴ 14 ቀን 2012 ዓ.ም ተለዋጭ ቀጠሮ ሰጥቷል፡፡

አቶ ጃዋር መሃመድ ልጄን እና ባለቤቴን በቪዲዮ ኮንፈረንስ ላግኛቸው እንዲሁም ከጤናቸው ጋር በተያያዘ የግል ሃኪሜን እንዲያየኝ ይፈቀድልኝ ብለው አቤቱታ አቅርበዋል፡፡

ፍርድ ቤቱ የአቶ ጃዋር ጤና ሁኔታ ባለው የህክምና አሰጣጥ ህክምና እንዲያገኙ እንዲደረግ እንዲሁም ወጪውን ሸፍነው ከልጃቸውና ከባለቤታቸው ጋር በቪዲዮ ኮንፈረንስ እንዲገናኙ እንዲመቻችላቸውና የጤናቸው ሁኔታ ታይቶ ተገቢው ክትትልና ድጋፍ እንዲደረግላቸው አዟል፡፡

https://telegra.ph/JawarMohammed-08-17

Via Tarik Adugna (FBC)

@tikvahethiopiaBot @tikvahethiopia

ለልጆቼ እጠነቀቃለሁ!

ልጆች የቡሄ በዓልን ቤት ውስጥ እንዲያከብሩ በማድረግ የኮሮና ቫይረስ ስርጭትን ይከላከሉ!

(ጤና ሚኒስቴር እና የህብረተሰብ ጤና ኢንስቲትዩት)

@tikvahethiopiaBot @tikvahethiopia