#muloqot

⚡️O‘quvchilarning ikkita chet tili va kasbga o‘qitilishi yangi o‘quv yilidan joriy qilinadi

Joriy yilning 2-iyun kuni Qarshi davlat universitetida Roman-german filologiyasi fakulteti professor-o‘qituvchilari, nemis va fransuz tili ta'lim yo‘nalishlari 3-4-bosqich talabalari, Marketing va talabalar amaliyoti bo‘limi ishtirokida davra suhbati o‘tkazildi. Tadbirga viloyat Maktabgacha va maktab ta’limi boshqarmasi boshlig‘i U.Oripov va boshqarma o‘rinbosari D.Tojiyev taklif qilindi.

Ma'lumki, mamlakatimizda yoshlarni kamida ikkita chet tili va zamonaviy hunarga o‘rgatish maktab ta'limidagi asosiy yo‘nalish sifatida belgilangan. Muloqotda tadbir mehmonlari tomonidan yangi 2023-2024-o‘quv yilidan boshlab, viloyat maktablarida 2 ta xorijiy til va kasbga o‘qitish joriy qilinishi hamda universitet bitiruvchi talabalariga tegishli tartibda umumta'lim maktablarida ishlash imkoniyatlari haqida batafsil ma'lumotlar yetkazildi.

Xususan, nemis va fransuz tillarini maktablarda chuqur o‘qitish uchun zarur shart-sharoitlar yaratilishi alohida ta'kidlandi. Talabalarni qiziqtirgan savollarga atroflicha javob qaytarildi.

Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#yoshlaroyligi
#muloqot

Qarshi davlat universiteti Xalqaro ta’lim dasturlari fakulteti professor-o‘qituvchilaridan Ye.Milovanova, S.Kenjayeva Qarshi shahridagi 9-23-sonli maktablarda bo'lib, bitiruvchi sinf o‘quvchilarini oliy ta’limga qamrab olish yuzasidan muloqot o‘tkazdi. Tadbirni tashkil etishdan asosiy maqsad – yoshlarimiz jamiyatda o‘z o‘rnini topishi uchun oliy ta’lim muassasasida tahsil olish qanchalik muhim ekanini tushuntirish bo‘ldi.

Muloqotda, universitetdagi mavjud fakultetlar, yo‘nalishlar, talabalarga yaratilgan sharoit va imkoniyatlar bo‘yicha batafsil ma’lumot berildi. Shuningdek, universitet o‘qituvchilari yoshlarni kasbga yo‘naltirish, maktabni bitirgach, oliygohda tahsil olish bilan bog‘liq muhim tavsiyalarni qayd etishdi. Bitiruvchi yoshlar o‘zlarini qiziqtirgan savollarga atroflicha javob olishdi.

🌐 Ijtimoiy tarmoqlardagi sahifalarimiz

✅ Telegram 🌍 qarshidu.uz
💬 Facebook 📸 Instagram

#muloqot

⚡️Viloyat IIB boshlig'ining birinchi o‘rinbosari biriktirilgan mahalla yoshlari bilan uchrashdi

Joriy yilning 5-aprel kuni Qashqadaryo viloyat IIB boshlig‘ining birinchi o‘rinbosari polkovnik Rajapov Baxtiyor Ro‘zmetbayevich Qarshi shahri Aralovul mahallasining Qarshi davlat universitetida tahsil olayotgan talaba-yoshlari bilan uchrashdi. Tadbirni rektor maslahatchisi A.Jo‘rayev ochib berdi.

Ochiq muloqotda B.Rajapov tomonidan talabalarni zamonaviy kasblarga (IT, xorijiy til) o‘qitish to‘garaklariga jalb qilish, ular uchun mehnat yarmarkalarini tashkil etish hamda ish beruvchilarni jalb qilish, muammolarni manzilli o'rganish, yoshlar o'rtasida jinoyatchilik va huquqbuzarliklarni oldini olish, huquqiy madaniyatni oshirishga qaratilgan turli mavzulardagi tanlovlar o‘tkazish, sog‘lom turmush tarzini targ‘ib qilish maqsadida turli sport musobaqalarini tashkil etish va yoshlarni sport to‘garaklariga jalb etish orqali ularni Vatan himoyasiga tayyorlash hamda oliy ta’lim muassasalari o‘rtasida vatanparvarlik ruhida tarbiyalashga qaratilgan ommaviy harbiy va sport musobaqalarini o‘tkazish haqida so‘z yuritildi.

Shuningdek, yoshlar bandligini ta’minlash borasida yurtimizda yaratilgan imkoniyat va imtiyozlar batafsil tushuntirilib, taklif va tashabbuslar tinglandi. Uchrashuv davomida ogohlikka chorlovchi maxsus videolavha ham namoyish etildi. Faol yoshlarga B.Rajapov kitoblar to‘plamini sovg‘a qildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#uchrashuv #muloqot

24-sentyabr kuni Qarshi davlat universitetida O'zbekiston Respublikasi Markaziy banki rahbariyati, viloyat tijorat banklari rahbarlari, tadbirkorlar bilan seminar-trening tashkil etildi. Seminarda Iqtisodiyot fakultetining iqtisodiyot (tarmoqlar va sohalar bo`yicha) va inson resurslarini boshqarish yo`nalishlarining bitiruvchi kurs talabalari ishtirok etdi.

Muloqotda banklar tomonidan tadbirkorlar uchun yaratilgan imkoniyatlar, imtiyozlar, kichik biznesni tashkil etish va ularni mikrokredit bilan qo`llab-quvvatlash yuzasidan olib borilayotgan amaliy ishlar haqida so‘z bordi. Mavzu doirasida yig‘ilish ishtirokchilarini qiziqtirgan ko‘plab savollarga mas’ullar tomonidan batafsil javob berildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#muloqot #qonun_hujjatlari_targʻiboti

26-sentyabr kuni Pedagogika fakulteti professor-o‘qituvchilari ishtirokida manfaatlar to‘qnashuvi va korrupsiyaga qarshi kurash targ‘ibotiga bag‘ishlangan muloqot tashkil etildi. Unda “Manfaatlar to‘qnashuvi to‘g‘risida”gi Qonunning mazmun-mohiyati va Ma’muriy javobgarlik to‘g‘risidagi kodeksning 46²-moddasi va Jinoyat kodeksining 141²-moddasi (“Shaxsga doir ma’lumotlar to‘g‘risidagi qonunchilikni buzish”) bo‘yicha tushunchalar berildi.

Muloqot davomida davlat xizmatchisi korrupsiyaning har qanday ko‘rinishlariga qarshi keskin kurashishi, yuklatilgan funksional xizmat vazifalarini qonun talablari asosida sidqidildan bajarishi, tanish-bilishchilik, mas’uliyatsizlik, tamagirlik va manfaatlar to‘qnashuvi hamda korrupsiyaga oid huquqbuzarliklarga yo‘l qo‘ymasligi lozimligi ta’kidlandi. Tadbirga ma’ruzachi sifatida universitet yuristi S.Azizov va Korrupsiyaga qarshi kurashish “Komplayens-nazorat” tizimini boshqarish bo‘limi bosh mutaxassisi N.Srajidinova taklif etildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#muloqot

⚡️Vazir va yoshlar uchrashuvi

Bugun Qarshi davlat universitetida Favqulodda vaziyatlar vaziri general-mayor A.X.Qo'ldoshevning iqtidorli yoshlar bilan uchrashuvi bo‘lib o‘tdi. Dastlab tizimda yoshlarga oid davlat siyosati doirasida amalga oshirilayotgan ishlar xususida ma’ruza tinglanib, vazirlik faoliyatiga doir qisqa videolavhalar namoyish etildi. Uchrashuvda yoshlar o‘zlarini qiziqtirgan savollar bilan vazirga yuzlanishdi.

Samimiy, ochiq va jonli tarzda kechgan muloqot davomida blits savollar yo‘llanib, to‘g‘ri javob bergan qatnashchilar esdalik sovg‘alari bilan rag‘batlantirildi. Shuningdek, faol yoshlar vazir tashakkurnomasi, kitoblar to‘plami bilan taqdirlandi. E’tiborlisi, uchrashuv davomida vazir suratini chizib, o‘ziga topshirgan San’atshunoslik fakulteti 2-kurs talabasi Marjona Muhammadiyeva ham vazir tashakkurnomasiga ega bo‘ldi. Tadbir yakunida A.Qo‘ldoshev yoshlarning fikri muhim ahamiyatga egaligi va uni amalga oshirishda vazirlik doimo hamkorlik uchun ochiq va tayyor ekanligini alohida ta’kidladi.

🌐 Ijtimoiy tarmoqlardagi sahifalarimiz

✅ Telegram             🌍 Veb-sayt
💬 Facebook            📸  Instagram