#uchrashuv

⚡️Rahbar va yoshlar uchrashuvi o‘tkazildi

Qarshi davlat universiteti "Yoshlar markazi"da shahar hokimi Normo‘min Xolboyevning talaba-yoshlar bilan uchrashuvi o‘tkazildi. O‘zbekiston Yoshlar ittifoqi Qashqadaryo viloyat kengashi bilan hamkorlikda tashkil etilgan "Rahbar va yoshlar uchrashuvi" ochiq va samimiy muloqot hamda savol-javoblarga boy tarzda o‘tdi.

Uchrashuv davomida talaba-yoshlar o‘zlarini qiziqtirgan savollarga javoblar oldi. Shu bilan birga o‘z taklif va mulohazalarini bildirishdi. Ko‘tarinki kayfiyatda o‘tgan tadbir yakunida talaba-yoshlar shahar hokimi bilan esdalik uchun suratga tushishdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#uchrashuv

⚡️Faxriylar va yoshlar uchrashuvi

Shu kunlarda Qarshi davlat universitetida yoshlarni harbiy-vatanparvarlik ruhida tarbiyalashga doir ishlar samaradorligini yanada oshirish maqsadida “Faxriylar va yoshlar”, “Uch avlod uchrashuvi” kabi mavzularda ma’naviy-ma’rifiy tadbirlar bo‘lib o‘tmoqda.

Xususan, bugun Sport fakulteti professor-o‘qituvchilari, talaba-yoshlari va universitet profilaktika inspektori M.Jabbarov ishtirokida tashkil etilgan tadbirga O‘zbekiston “Veteran” jangchi-faxriy va nogironlari birlashmasi Qarshi shahar bo‘linmasi raisi Q.Rahmonqulov, jangchi-faxriylardan, Qarshi shahar Mustaqillik mahallasi raisi F.Bozorov taklif qilindi.

Muloqotda tinchlik oliy ne’mat, uni asrab-avaylash esa muqaddas burch ekanligi ta’kidlandi, davlatimiz tomonidan jangchi-faxriylarga qaratilayotgan e’tibor va imkoniyatlar haqida so‘z bordi. Tadbir mehmonlari o‘zlarining amaliy tajribalarini, hayotiy ibratga boy voqealarni so‘zlab berishdi. Uchrashuv qizg‘in suhbatlarga boy bo‘lib, yoshlar o‘zlarini qiziqtirgan barcha savollarga javob olishdi.

🌐 Ijtimoiy tarmoqdagi rasmiy sahifalarimiz

✅ Telegram             🌍 qarshidu.uz
💬 Facebook            📸  Instagram

#uchrashuv

Bugun, 6-fevral kuni Qarshi davlat universitetida “Xotin-qizlarning oila va jamiyatdagi ijtimoiy o‘rni” mavzusida tadbir bo‘lib o‘tdi. Unda O‘zbekiston Respublikasi Bosh prokuror o‘rinbosari Svetlana Ortiqova, viloyat hokimi o‘rinbosari — viloyat oila va xotin-qizlar boshqarmasi boshlig‘i K.Karomova, Qarshi davlat universiteti, Qarshi muhandislik-iqtisodiyot instituti va TATU Qarshi filialida tahsil olayotgan iqtidorli talaba-qizlar ishtirok etdi. Muloqotda mehmonlar tomonidan qizlarning o‘qishi, kasb-hunar egallashi, ularlarning faolligini, yetakchilik salohiyatini oshirish, hayot maktabiga tayyorlash, mazkur yo‘nalishdagi ishlarni yanada yuqori bosqichga ko‘tarish xususida fikr va mulohazalar bildirildi.

Ayni paytda Qarshi davlat universitetida 21 ming nafardan ortiq talabalar tahsil olmoqda. Shundan 13 ming nafardan ortiqrog‘i xotin-qizlardan iboart. E’tiborlisi, ular orasidan 33 nafari Qoraqalpog‘istondan kelib universitetda o‘qiydigan talaba-qizlardir. Umuman olganda, viloyatimiz OTMlarida qoraqalpog‘istonlik talaba-qizlar soni 78 nafarni tashkil qiladi. Tadbirda davlatimiz rahbarining 2022-yil 31-avgustdagi PF–213-son farmoni bilan qoraqalpog‘istonlik yoshlar uchun davlat granti asosida 3 mingta, to‘lov-kontrakt asosida 6,5 mingta qo‘shimcha kvota ajratilganligi, imkoniyat va imtiyozlar haqida ham so‘z bordi.

– Prezidentimiz tashabbusi bilan bugun yurtimiz yoshlari, jumladan, talaba qizlarimiz uchun keng imkoniyatlar eshigi ochilgan, – deydi O‘zbekiston Respublikasi Bosh prokuror o‘rinbosari Svetlana Ortiqova. – Ilm-fan, san’at, sport, tadbirkorlik va turli sohalarda yuksak natijalarga erishayotgan qizlarimiz safi yildan-yilga ortayotganligi quvonarli holdir.

Ishtirokchilarning faolligi, qizg‘in savol-javoblar tarzida o‘tgan tadbirda talaba-qizlarni qiziqtirgan savollarga batafsil javob qaytarildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#uchrashuv

⚡️Yoshlar bilan muloqot tashkil qilindi

Fiziklar, texnologlar, kimyogarlar keyingi 10 yilda eng yuqori maosh oladi. Respublika Ma’naviyat va ma’rifat markazi rahbari Otabek Hasanov hamda Qarshi davlat universiteti talaba-yoshlari bilan bugun bo‘lib o‘tgan uchrashuvda shu xususda so‘z bordi.

Uchrashuv davomida yoshlar oldiga qo‘ygan maqsad va vazifalarini qanday amalga oshirish borasida fikr almashildi. Ilm barcha muvaffaqiyatlarning kaliti ekanligi hayotiy misollar orqali ifoda etildi.

Samimiy ruhda kechgan muloqotda talabalar o‘zlari qiziqtirgan savollarga javob oldilar. Faol talabalarga Otabek Hasanov o‘zining “Liderlar” kitobini sovg‘a qildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#turizm_elchilari #uchrashuv

Joriy yilning 2-iyul kuni "Yosh turizm elchilari uchrashuvi" bo’lib o’tdi.

Uchrashuv davomida yoshlar turizmi bilan bog’liq muammolarni o’rganish, viloyatda amalga oshirilishi lozim bo’lgan turizm loyihalari ustida ishlash hamda joriy yilning avgust oyida Qashqadaryo viloyatida o’tkazilishi rejalashtirilgan xalqaro “Turizm quriltoyi”ning tashkiliy masalalari ko’rib chiqildi.

Mazkur uchrashuv Qashqadaryo viloyati Turizm elchilari a’zolari, QarDU Turizm va marketing kafedrasi professor-o’qituvchilari va talabalari hamda Respublika ishchi guruhi tomonidan tashkil etildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#uchrashuv #muloqot

24-sentyabr kuni Qarshi davlat universitetida O'zbekiston Respublikasi Markaziy banki rahbariyati, viloyat tijorat banklari rahbarlari, tadbirkorlar bilan seminar-trening tashkil etildi. Seminarda Iqtisodiyot fakultetining iqtisodiyot (tarmoqlar va sohalar bo`yicha) va inson resurslarini boshqarish yo`nalishlarining bitiruvchi kurs talabalari ishtirok etdi.

Muloqotda banklar tomonidan tadbirkorlar uchun yaratilgan imkoniyatlar, imtiyozlar, kichik biznesni tashkil etish va ularni mikrokredit bilan qo`llab-quvvatlash yuzasidan olib borilayotgan amaliy ishlar haqida so‘z bordi. Mavzu doirasida yig‘ilish ishtirokchilarini qiziqtirgan ko‘plab savollarga mas’ullar tomonidan batafsil javob berildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#uchrashuv

Qarshi davlat universiteti kafedra mudirlari, magistrantlari va doktorantlari ishtirokida “Maktabgacha va maktab ta'limi”, “Muhandislik va iqtisodiyot” hamda “Yashil iqtisodiyot va taraqqiyot” ilmiy jurnallari muharriri Sherzod Qurbonov bilan uchrashuv o'tkazildi.

Muloqotda yig‘ilganlarga ilmiy maqolalar yozish va ularni nashrga tayyorlash, maqola tayyorlashda muhim ahamiyatga ega bo‘lgan ilmiy uslub, mavzuni to‘g‘ri tanlash, adabiyotlardan foydalanish bo‘yicha batafsil ma'lumotlar berildi.

Uchrashuv jarayonida Sherzod Qurbonov doktorlik dissertatsiyalari ustida ishlayotgan tadqiqotchilarni qo‘llab-quvvatlash maqsadida nashr jarayonlarida universitet jamoasi bilan yaqindan hamkorlik qilishga tayyor ekanligini bildirdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#OʻzPFL #QarDU
#Uchrashuv #Hamkorlik

🟢 "Lochin" futbol klubi rasman liga aʼzosi boʻldi

Joriy yilning 4-aprel kuni OʻzPFL bosh direktori D.Imomxoʻjayev va Qarshi davlat universiteti rektori D.Nabiyev ishtirokida uchrashuv boʻlib oʻtdi.

Muloqotda universitet "Lochin" futbol klubining istiqboli xususida soʻz bordi. Jumladan, Professional futbol liga talablari asosida universitet hududidagi mavjud futbol stadionini rekonstruksiya qilish va zamonaviy, muhtasham baza bunyod etish, klub infratuzilmasini yanada rivojlantirish, klub menedjerlari uchun seminarlar tashkil qilish kabi qator masalalar muhokama qilindi.

Uchrashuv yakunida har ikki tomon ham yoʻlga qoʻyilayotgan ushbu samarali hamkorlikdan mamnun ekanliklarini bildirib, "Lochin" futbol klubining Oʻzbekiston Professional futbol ligasiga aʼzolik toʻgʻrisidagi hamkorlik shartnomasini imzolashdi.

Bizni kuzating

Telegram|Instagram|Facebook|Veb-sayt