#yoshlaroyligi
#muloqot

Qarshi davlat universiteti Xalqaro ta’lim dasturlari fakulteti professor-o‘qituvchilaridan Ye.Milovanova, S.Kenjayeva Qarshi shahridagi 9-23-sonli maktablarda bo'lib, bitiruvchi sinf o‘quvchilarini oliy ta’limga qamrab olish yuzasidan muloqot o‘tkazdi. Tadbirni tashkil etishdan asosiy maqsad – yoshlarimiz jamiyatda o‘z o‘rnini topishi uchun oliy ta’lim muassasasida tahsil olish qanchalik muhim ekanini tushuntirish bo‘ldi.

Muloqotda, universitetdagi mavjud fakultetlar, yo‘nalishlar, talabalarga yaratilgan sharoit va imkoniyatlar bo‘yicha batafsil ma’lumot berildi. Shuningdek, universitet o‘qituvchilari yoshlarni kasbga yo‘naltirish, maktabni bitirgach, oliygohda tahsil olish bilan bog‘liq muhim tavsiyalarni qayd etishdi. Bitiruvchi yoshlar o‘zlarini qiziqtirgan savollarga atroflicha javob olishdi.

🌐 Ijtimoiy tarmoqlardagi sahifalarimiz

✅ Telegram 🌍 qarshidu.uz
💬 Facebook 📸 Instagram

#yoshlaroyligi
#ijod_sehri

Ijod ahlini azal-azaldan “o‘zga olam vakillari” deyishadi. Ular oddiy insonlar tasavvuriga sig‘dira olmagan yoki his qilmagan tabiat ovozlarini, manzaralarini ko‘ra olishadi, eshitishadi. Xususan, musavvir va hunarmandlar yaratgan asarlar tomoshabin nazariga tushgach yana jonlanadi.

Xalqaro ta’lim dasturlari fakulteti talabasi Mekka Ro‘ziyeva va San’atshunoslik fakulteti talabasi Feruza Ro‘ziyevaning “Nurli ijod” nomi ostida shaxsiy ijodiy asarlaridan iborat ko‘rgazma O‘zbekiston Respublikasi Badiiy ijodkorlar uyushmasi viloyat bo‘limi ko‘rgazmalar zalida tashkil etildi. Ochilish marosimida talabalarning o‘ziga xos iqtidori e’tirof etilib, samarali ijodiy faoliyat uchun O‘zbekiston Respublikasi Badiiy ijodkorlar uyushmasi viloyat bo‘limining diplomi bilan taqdirlandi.

Ko‘rgazmada opa-singil ijodkorlarning 50 dan ortiq asarlari namoyish etilmoqda. Mekka Ro‘ziyeva, asosan, tabiat, natyurmort, manzara janrlarida ijod qilsa, San’atshunoslik fakulteti talabasi Feruza Ro‘ziyevaning antiqa sopol buyumlari tashrif buyuruvchilarni o‘ziga jalb qilmoqda.

🌐 Ijtimoiy tarmoqlardagi sahifalarimiz

✅ Telegram 🌍 qarshidu.uz
💬 Facebook 📸 Instagram

#yoshlaroyligi
#tarbiyaviy_muloqot

4-sonli talabalar turar joyida yashaydigan talaba-qizlar ishtirokida davra suhbati tashkil etildi. Muloqotda Ingliz filologiyasi fakulteti xotin-qizlar masalalari bo‘yicha dekan maslahatchisi va tyutorlar tomonidan kiyinish va muomala madaniyati, yashash tarzi, odob-axloq va ma’naviy-ma’rifiy, tarbiyaviy mavzular doirasida so‘z yuritildi. Shuningdek, suv, elektr energiyasi va xona jihozlaridan oqilona foydalanish yuzasidan zarur tavsiyalar berildi.

🌐 Ijtimoiy tarmoqlardagi sahifalarimiz

✅ Telegram 🌍 qarshidu.uz
💬 Facebook 📸 Instagram

#yoshlaroyligi
#kinonamoyish

Joriy yilning 6-iyun kuni Filologiya fakultetining talabalar turar joyi va ijarada yashovchi talabalar uchun “O‘zbekkino” Milliy agentligi buyurtmasiga binoan “Ko’zgu film” studiyasi tomonidan suratga olingan “Maktab – mening hayotim” nomli badiiy film namoyish etildi.

Mazkur kinokartinada ijtimoiy muammolar aks ettirilgan bo‘lib, o‘qituvchilar va o‘quvchilar hayoti haqida hikoya qilinadi. Shuningdek, kartina voqealarida turli xarakterdagi o‘qituvchilarning kasbiy faoliyatidagi ziddiyatlar va keskin tasodifiy vaziyatlar o‘rin olgan. Film namoyishi tomoshabinlarga manzur keldi.

🌐 Ijtimoiy tarmoqlardagi sahifalarimiz

✅ Telegram 🌍 qarshidu.uz
💬 Facebook 📸 Instagram

#yoshlaroyligi
#LIVE

Ayni damda Qarshi shahridagi Alisher Navoiy nomli istirohat bog‘ida yoshlar saylgohining ochilish marosimiga bag‘ishlangan tadbirlar o'tkazilmoqda. Yoshlar saylgohida shaxmat pavilyoni, kutubxona, futbol maydoni, o‘quv markazi va tennis korti faoliyat ko‘rsatadi. Saylda Qarshi davlat universiteti talabalari ham ishtirok etayotir. Tadbirga viloyat hokimi M.Azimov tashrif buyurdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#yoshlaroyligi
#LIVE

Yoshlar saylida San'atshunoslik fakulteti talabalar tomonidan kuylangan dilbar qo‘shiqlar yig‘ilganlarga o‘zgacha zavq ulashdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#yoshlaroyligi

⚡️Qarshi shahrida “Yoshlar saylgohi” ochildi

Joriy yilning 7-iyun kuni Qarshi shahridagi Alisher Navoiy nomli istirohat bog‘ida "Yoshlar saylgohi"ning ochilish marosimi bo‘lib o‘tdi. Unda viloyat oliy ta’lim muassasalari talabalari, o‘quvchi-yoshlar va keng jamoatchilik vakillari ishtirok etdi. Yoshlar saylgohida shaxmat pavilyoni, shinam kutubxona, futbol maydoni, o‘quv markazi va tennis korti faoliyat ko‘rsatadi. Saylda Qarshi davlat universiteti talabalari ham ishtirok etdi.

Xususan, shaxmat, shashka, armrestling, stol tennisi va boshqa koʻplab sport turlarida universitet talabalari faol bo‘ldi. Ayniqsa, San’atshunoslik fakulteti professor-o‘qituvchilari va talabalaridan iborat orkestr jamoasining jonli ijrodagi konserti tadbirga tashrif buyurgan viloyat rahbari M.Azimov boshchiligidagi sektor rahbarlari va jamoatchilik vakillarida iliq taassurot qoldirdi.

Shuningdek, “Rahbar va yoshlar” uchrashuvida ishtirok etgan Kimyo-biologiya fakulteti talabalari esdalik sovg‘alari bilan taqdirlandi. Shu kuni, 30 nafar chin yetim qashqadaryolik yoshlarga uy-joy kalitlari topshirildi. Yoshlar sayli turli ma’naviy-ma’rifiy tadbirlar, sport musobaqalari va ajoyib konsert dasturi bilan kechga qadar davom etdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#yoshlaroyligi
#seminar_trening

Bugun Qarshi muhandislik-iqtisodiyot institutida “Biz qonunni bilamiz, lider qizlar biz bo‘lamiz” mavzusida seminar-trening va viktorina o‘tkazildi. Unda Qarshi muhandislik-iqtisodiyot instituti, TATU Qarshi filiali, Qarshi irrigatsiya va agrotexnologiyalar instituti talaba-qizlari va Qarshi davlat universiteti vakillari ishtirok etishdi.

“Umid” tashabbuslarni rivojlantirish va qo‘llab-quvvatlash markazi direktori D.Amirqulova tomonidan o‘tkazilgan seminar-trening barchaga katta qiziqish uyg‘otdi va xotin-qizlarni Qonunimizdagi o‘zgarishlardan xabardor etishi bilan ahamiyatli bo‘ldi.

Shundan so‘ng Qarshi shahridagi oliy o‘quv yurtlari talaba-qizlaridan iborat jamoalar ishtirokida “Siz yangi qonnnunni bilasizmi” mavzusi doirasida ajoyib viktorina o‘tkazildi. Bu ularning huquqiy va hayotiy bilimlarini oshirishga xizmat qildi. Tadbir so‘ngida faol ishtirokchilar esdalik sovg‘alari bilan taqdirlandilar.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#yoshlaroyligi
#kitobxonlik

Ota-bobolarimizning bilimga, kitobga bo‘lgan mehr-muhabbati ona diyorimizda dunyo tamadduniga, ilmu ma’rifat rivojiga beqiyos hissa qo‘shgan buyuk insonlarning yetishib chiqishiga sabab bo‘lgan. Bilimli insonlar el orasida katta obro‘-e’tiborga ega bo‘lishgan. Bir so‘z bilan aytganda, kitob — insonning eng yaqin do‘sti va maslahatchisi, aql qayrog‘i va bilim manbaidir.

Viloyat Favqulodda vaziyatlar boshqarmasida “Kitobxonlik ulug‘ fazilat” mavzusida o‘tkazilgan tadbirda Filologiya fakulteti Yoshlar bilan ishlash bo‘yicha dekan o‘rinbosari Sherzod Akromov ishtirok etdi. Tadbirda so‘z olgan universitet o‘qituvchisi mamlakatimizda kitobxonlikka qaratilayotgan e’tibor, yoshlarni kitobga mehrini oshirish borasidagi sa’y-harakatlarga to‘xtalib o‘tib, bunga yoshlarimiz ham o‘z bilim va tafakkurlari bilan munosib javob qaytarayotganliklarini e’tirof etdi. Savol-javob tarzida bo‘lib o‘tgan tadbir yig‘ilganlarda iliq taassurot uyg‘otdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#yoshlaroyligi
#davra_suhbati

Kimyo-biologiya fakulteti Mikrobiologiya va biotexnologiya kafedrasi professor-o‘qituvchilari, fakulteti talabalari ishtirokida “O`zbekiston mikrobiologlari” mavzusida davra suhbati tashkil etildi. Tadbirni kafedra mudiri, dotsent J.Sherqulova kirish so`zi bilan ochib berdi.

Davra suhbati mehmonlari O‘zRFA Mikrobiologiya instituti Ilmiy ishlar va innovatsiyalar bo'yicha direktor o'rinbosari, katta ilmiy xodim, b.f.f.d. N.Azimova hamda Probiotiklar mikrobiologiyasi va biotexnologiyasi laboratoriyasi katta ilmiy xodimi, b.f.f.d. B.Turayeva tomonidan talabalar uchun mikrobiologiya va biotexnologiya sohasida olib borilayotgan eng so`ngi ilmiy izlanishlar haqida ma`lumotlar berib o`tildi.

Talabalar o`zlarini qiziqtirgan savollariga sohaning yetuk mutaxassislaridan to`liq va aniq javob oldilar. Aytish mumkin, bunday tadbirlar talabalarning o`z yo`nalishlariga bo`lgan qiziqishlarini yanada ortishiga sababchi bo`ladi, kafedra va ilmiy tekshirish instituti hamkorligini yanada mustahkamlashga zamin yaratadi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#yoshlaroyligi
#shashka_musobaqasi

"Yoshlar oyligi" tadbirlari doirasida O'zbekiston yoshlar ittifoqi Qarshi davlat universiteti boshlang'ich tashkiloti tomonidan shashka sport turi bo‘yicha musobaqa tashkil qilindi.

Aql va idrok bahsida sportsevar talabalar g‘oliblik uchun kurash olib bordi. Musobaqa yakunida g‘oliblar esdalik sovg‘alari bilan rag‘batlantirildi.

✅ Telegram             🌍 qarshidu.uz
💬 Facebook            📸 Instagram

#yoshlaroyligi

➡️O‘zbekiston yoshlar ittifoqi Qarshi davlat universiteti boshlang'ich tashkiloti tomonidan "Yoshlar oyligi" doirasida “Bilim va tafakkurimiz - shu el uchun, shu yurt uchun!” shiori ostida "SUPER XOTIRA" intellektual musobaqasi tashkil etildi. Musobaqada talabalar 2 ta yo’nalish bo’yicha o’z iqtidorlarini namoyon etishdi.

Kubik rubik terish yo’nalishida
1️⃣ - o'rin Matematika va kompyuter ilmlari fakulteti 4-kurs talabasi Diyorbek Islomov;
2️⃣ - o'rin Matematika va kompyuter ilmlari fakulteti 3-kurs talabasi Elbek Mahmasoatov;
3️⃣ - o'rin Tarix fakulteti 3-kurs talabasi Samandar Eraliyev.

Raqam eslab qolish yo’nalishida
1️⃣ - o'rin Tarix fakulteti 3-kurs talabasi Samandar Eraliyev;
2️⃣ - o'rin Matematika va kompyuter ilmlari fakulteti 2-kurs talabasi Azizbek Eshmurodov;
3️⃣ - o'rin Avitsenna xususiy maktabi o'quvchisi Dildora Bobodo'stova.

🎉Musobaqa ishtirokchilari diplom hamda esdalik sovg’alari bilan taqdirlandi.

🌐 Ijtimoiy tarmoqlardagi sahifalarimiz

✅ Telegram 🌍 qarshidu.uz
💬 Facebook 📸 Instagram

#yoshlaroyligi
#tanlov

O‘zbekiston yoshlar ittifoqi Qarshi davlat universiteti boshlang'ich tashkiloti tomonidan “Yoshlar oyligi” doirasida “Bilim va tafakkurimiz - shu el uchun, shu yurt uchun!” shiori ostida "Talant shou" ko‘ngilochar ko'rik-tanlovi o’tkazildi.

Tanlov ishtirokchilari xonandalik hamda sozandalik yo’nalishlarida o’z iqtidorlarini namoyish etdi. Pozitiv kayfiyat, qo‘shiq va raqslar tanlovga fayz bag‘ishladi. Yakunda g‘olib hamda sovrindorlar darajali diplom va esdalik sovg‘alari bilan taqdirlandi.

🌐 Ijtimoiy tarmoqlardagi sahifalarimiz

✅ Telegram 🌍 qarshidu.uz
💬 Facebook 📸 Instagram

#yoshlaroyligi

⚡️🏆Tanlovda QarDU jamoasi g‘olib bo‘ldi

O’zbekiston yoshlar ittifoqi Qashqadaryo viloyat Kengashi tomonidan “Bilim va tafakkurimiz- shu el uchun, shu yurt uchun!” shiori ostida oliy ta’lim muassasalari o’rtasida “Munozara” intellektual o’yinining “Ittifoq kubogi” tashkil etildi.

Shiddatli, qizg’in hamda bahsga boy ruhda kechgan musobaqaning saralash bosqichida jamoalar “Ekologik muammolar iqtisodiy o’sishga to’sqinlik qilmaydi” va final bosqichida “Urbanizatsiya jarayonlari inson turmush tarzini yaxshilaydi” mavzularida o’zlarining teran tafakkur, notiqlik mahorati va intellektual qobiliyatlarini namoyon etishdi.

Yakuniy natijalarga ko’ra:

1⃣ - Qarshi davlat universiteti “Liderlar”;🥇
2⃣ - Oliy harbiy aviatsiya bilim yurti “Kosmos”;😀
3⃣ - Qarshi muhandislik-iqtisodiyot insitituti “Alfraganus”.😀

Tanlov so’ngida g‘olib va sovrindorlar diplom hamda qimmatbaho esdalik sovg’alari bilan taqdirlandi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram