#hamkorlik

Xabar berilganidek, O‘zbekiston Respublikasi Harbiy aviatsiya institutida joriy yilning 19-21-fevral kunlari Qarshi davlat universiteti professor-o‘qituvchilari ishtirokida uslubiy yig‘inlar o‘tkazildi.

Jumladan, yig'inlarda ishtirok etgan Pedagogika kafedrasi professor-o’qituvchilari S.Begmatova, O.Davronova “'Zamonaviy ta'limda kreativ yondashuvlar”, G.Berdiyeva, A.Qurbonova “O’quv mashg’ulotlarini o’tkazishda qo’llaniladigan zamonaviy interfaol metodlar” mavzularida ma’ruza qilishdi.

Mavzular doirasida keng muhokama va munozaralar, taklif va xulosalar bildirildi. Hamkorlik uchun universitet professor-o‘qituvchilari “Minnatdorchilik” yorlig‘i bilan taqdirlandi.

👉@qarduuz 👈

#Mirziyoyev #ochiq_muloqot #yoshlar #munosabat #xorijiy_tillar #hamkorlik

Inson uchun ona tili bilan birga xorijiy tillarni bilish dunyoga chiqishda juda muhim. Ayniqsa, tijoratda buning oʻrni beqiyos. Shavkat Mirziyoyev

Kuni kecha Ko‘ksaroy qarorgohida Prezident Shavkat Mirziyoyevning mamlakatimiz yoshlari bilan ochiq va do‘stona muloqoti bo‘lib o‘tdi. Aytib o‘tish joyizki, yoshlar masalasi doimo davlatimiz siyosatining eng ustuvor yo‘nalishi bo‘lib qolaveradi.
Uchrashuvda davlatimiz rahbari yoshlar bilan ishlash natijadorligini yanada oshirish, ularga keng imkoniyatlar yaratish chora-tadbirlarini muhokama qilish bilan bir qatorda xorijiy tillar o‘qitilishiga ham alohida eʼtibor qaratdi. Shuningdek, yig‘ilish davomida hozirgi kunda zamon talabi hisoblanmish bir nechta xorijiy tillarni bilish Yangi O‘zbekiston yoshlariga dunyo eshiklarini keng ochib berishi aytib o‘tildi.

Prezidentimiz tomonidan xorijiy tillar o‘qitilishini keng qamrovda va yuqori darajada yo‘lga qo‘yish borasida belgilab bergan vazifalariga hamohang tarzda Qarshi davlat universitetida ham turli xil xorijiy tillarga, ya’ni ingliz, fransuz, nemis, koreys va xitoy tillariga ixtisoslashtirilgan bir nechta zamonaviy Til o‘rgatish markazlari tashkil qilinib, xorijiy oliygohlardan tajribali mutaxassislar ishga jalb qilingan. Shu jumladan, fransuz tili o‘qitilishiga mo‘ljallangan Institut français til o‘rgatish markaziga Fransiyaning nufuzli Bordeaux-3 universitetidan FLE bo‘yicha mutaxassis Filip Rene Lyusi xonim taklif qilindi.

Ma’lumot o‘rnida, Institut français til o‘rgatish markazi kelgusida Qashqadaryo viloyatining xorijiy til sifatida fransuz tili o‘qitiladigan 100 dan ziyod maktablarida faoliyat yuritib kelayotgan 200 nafarga yaqin fransuz tili o‘qituvchilari uchun markazlashgan yagona o‘quv-metodik yordam ko‘rsatadigan HUB sifatida xizmat qilishi ko‘zda tutilgan. Bundan tashqari ushbu markaz hozirda dolzarb bo‘lgan milliy va xalqaro DELF, DALF sertifikatlari olish uchun tayyorlov kurslarini, Toshkent Alyans Fransez tashkiloti bilan hamkorlikda DELF, DALF imtihonlarini o‘tkazish jarayonlarini, shuningdek, “Kelajak kasblari loyihasi” doirasida (French+Law, French+Business, French+Tourism, French+Hotel, gid-tarjimonlik) kabi kasbga yo‘naltirilgan maxsus til o‘rgatish kurslarini tashkil qilish hamda dunyoning frankofon davlatlari ish beruvchilari talablari asosida maqsadli tayyorlov kurslari va sinov testlari o‘tkazishga mo‘ljallangan.

Shu bilan birga ushbu markazda viloyatdagi barcha umumta’lim maktablari fransuz tili o‘qituvchilariga professional uslubiy tavsiyalar berish maqsadida yuqori malakali soha mutaxassislari tomonidan yozgi maktablar, xalqaro va respublika miqyosidagi seminar-trening va mahorat darslarini o‘tkazish yo‘lga qo‘yiladi.

A.Zoirova
Fransuz tili va adabiyoti kafedrasi mudiri, Xalq deputatlari viloyat Kengashi deputati

Bizni kuzating

Telegram|Instagram|Facebook|Veb-sayt

#hamkorlik

2025-yil 26-fevral kuni Oʻzbekiston Respublikasi oliy taʼlim, fan va innovatsiyalar vazirining birinchi oʻrinbosari Shohrux Daliyev boshchiligidagi delegatsiya Gruziya Respublikasining taʼlim, fan va yoshlar vazirining birinchi oʻrinbosari Giorgi Modebadze bilan muzokaralar oʻtkazdi. Uchrashuvda, shuningdek, Gruziya taʼlim, fan va yoshlar vazirining oʻrinbosarlari Baya Kvitsiani hamda Tamar Gvamichava ishtirok etdi.

Muloqotda ikki davlat oʻrtasidagi oliy va yuqori darajada erishilgan kelishuvlarga asosan, oliy talim, fan va innovatsiyalar sohasidagi hamkorlikni yangi bosqichga olib chiqish maqsadida yangi tashabbuslar ilgari surildi. Tomonlar taʼlim va fan yoʻnalishidagi hamkorlikni yanada rivojlantirish, qoʻshma taʼlim dasturlarini joriy etish, ilmiy-tadqiqot faoliyatini qoʻllab-quvvatlash va oʻzaro professor-oʻqituvchilar almashinuvini kengaytirish boʻyicha fikr almashdilar.

Uchrashuvda Qarshi davlat universiteti Ilmiy ishlar va innovatsiyalar bo‘yicha prorektori I.Bekpulatov ham ishtirok etdi. Tadbir doirasida Gruziyaning Telavi davlat universiteti bilan hamkorlik shartnomasi hamda Gruziya texnika universiteti bilan memorandumi imzolandi.

Bizni kuzating

Telegram|Instagram|Facebook|Veb-sayt

#hamkorlik

Qarshi davlat universitetining Xalqaro qo‘shma ta’lim dasturlari fakulteti davolash ishi hamda pediatriya ta’lim yo‘nalishlarida 126 nafar talabalar tahsil olmoqda.

2024/2025-o‘quv yilida shartnomaga mufoviq fakultetning 30 nafar talabalari ilk bor akademik mobillik asosida hamkor OTM - Rossiyaning Privoljsk tadqiqot tibbiyot universitetiga 4-5-6-kurslarda o‘qishlarini davom ettirish maqsadida yuborildi. Hozirgi kunda talabalar tibbiyot ilmi va klinik mashg‘ulotlarining ilg‘or tajribalarini o‘zlashtirmoqdalar.

Shuningdek, joriy o‘quv yilida Qarshi davlat universitetiga Privoljsk tadqiqot tibbiyot universiteti professor-o‘qituvchilarining akademik mobilligi asosida tibbiyot fanlari nomzodi, dotsent Vladimir Yevgenevich Savelev va Ekaterina Aleksandrovna Ermolina tashrif buyurib, anatomiya va biologiya fanlaridan Xalqaro qo‘shma ta’lim dasturlari fakulteti davolash ishi, pediatriya ta’lim yo‘nalishlari talabalariga ma’ruza, master-klass va amaliy mashg‘ulotlar o‘tmoqda.

Dars mashg‘ulotlaridan bo‘sh vaqtda Rossiyalik o‘qituvchilar universitet tuzilmasidagi Qatag‘on qurbonlari xotirasi muzeyi, Tibbiyot fakulteti kutubxonasi va Turizm amaliyot markazi faoliyati bilan tanishtirildi. Akademik mobillik asosida tashkil etiladigan o‘quv mashg‘ulotlari aprel oyida ham davom ettiriladi.

Bizni kuzating

Telegram|Instagram|Facebook|Veb-sayt