#anjuman #batafsil

Qarshi davlat universitetida Matematik analiz va differensial tenglamalar kafedrasi tomonidan joriy 2023-yilning 2-3 iyun kunlari "Analizning zamonaviy muammolari" mavzusida Respublika ilmiy-amaliy anjumani o‘tkazildi. Unda xorijdan yetakchi olimlar, yurtimiz oliy ta’lim muassasalari, ilmiy-tadqiqot institutlarining professor-o‘qituvchilari, soha mutaxassislari, yosh tadqiqotchilar va iqtidorli talabalar ishtirok etdi.

Anjumanni Ilmiy ishlar va innovatsiyalar bo‘yicha prorektor N.Xolmirzaev hamda O‘zRFA V.I.Romanovskiy nomidagi Matematika instituti direktori, O‘zbekiston FA akademigi Sh.Ayupov kirish so‘zi bilan ochib berdi. Yalpi majlisda Novosibirsk davlat universitetidan professor A.Tersenov, RFA Sibir bo‘limi MGITIdan professor X.Imomnazarov, O‘zbekiston Milliy universitetidan professor B.Omirov hamda B.Islomov, O‘zbekiston RFA V.I.Romanovskiy nomidagi Matematika instituti professorlari U.Roziqov hamda U.Jamilov o‘zlarining ma'ruzalari bilan qatnashishdi. So‘ngra konferensiya sho‘balarga bo‘lingan holda olib borildi. Yakunda tajribalar o‘rtoqlashilib, mavzu doirasida zarur xulosalar shakllantirildi.

Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#xalqaro_anjuman #batafsil

Qarshi davlat universitetida “Mikro va nanotexnologiya, yangi materiallar olishning zamonaviy holati va istiqbollari” mavzusida xalqaro konferensiya bo‘lib o‘tdi. Ushbu anjumanning oldida turgan eng muhim vazifa mikro va nanotexnologiya, elektronika va energetika sohasida qo‘llanilanidigan materiallar va ularni olish, turli metodlar yordamida fizikaviy xossa va xususiyatlarini o‘rganish hamda hukumatimizning ilm-fanni rivojlantirish sohasidagi qarorlari va buyruqlarii hayotga tatbiq etish, fizika fanining rivojlanishi to‘g‘risida taniqli fizik olimlarning fikrlarini umumlashtirish, ilm-fanga layoqatli yoshlarni kashf etish, ularda ilm-fan va texnologiyalarga rag‘batni kuchaytirishdan iboratdir.

Anjumanda Pyotr Velikiy nomidagi Sankt-Peterburg politexnika universiteti professori Vadim Vasilevich Korablev hozirgi kunda eng dolzarb energetika muammosi haqida ma’ruza qildi. Vodoroddan energiya ajratib olish, energiyani saqlashning texnologik jarayonlari va yechimi haqidagi fikrlari konferensiya ishtirokchilarida katta qiziqish uyg’otdi. Pyotr Velikiy nomidagi Sankt-Peterburg politexnika universiteti Elektronika va telekommunikatsiyalar instituti professori Jurixina Valentina Vladimirovna “Plazmonli nanozarralar asosidagi sensorlar”, Rossiya texnologiya universiteti “Almaznaya SVCH-elektronika” laboratoriyasi mudiri Andrey Aleksandrovich Altuxov (Moskva) “Almaz monokristallarining elektronikada qo’llanilishi haqida”, Ozarbayjon Radiatsiya muammolari instituti professori Gunel Imanova “NanoZrO2 Gamma-nurlanish ta'sirida Nano-ZrO2 sirtidan suvni ajratish jarayonlarining mexanizmi va kinetikasi” mavzularida qilgan ma’ruzalari konferensiya qatnashchilari tomonidan yuqori baholandi. O’z RFA akademigi, O’zbekiston milliy universiteti Fizika fakulteti professori A.Mamadalimov “Tabiiy yarimo’tkazgichlar”, Andijon davlat univeristeti professori, akademik S.Zaynobiddinov “Si, Ge va GaAs asosida kvant o‘lchamli nanobektlarga ega bo‘lgan tuzilmalarning shakllanish mexanizmlari” mavzularida ma’ruza qilib, respublikamizda fizika sohasida olib borilayotgan eng yaxshi tadqiqotlar, yangiliklar haqida ma’lumotlar berishdi.

Toshkent davlat texnika universiteti professori B.Umirzakov, Samarqand davlat universiteti professori A.Jumaboyev, Jizzax politexnika instituti professori A.Sattorov hozirgi zamonaviy fizikaning dolzarb muammolari haqida o’zlarining eng so’ngi ilmiy tadqiqot ishlari, yutuqlari haqida ma’ruza qilishdi. Anjumanda, shuningdek, U.Arifov nomidagi Ion-plazma va lazer texnologiyalari instituti, O‘zbekiston milliy universiteti, Toshkent davlat texnika universiteti, Samarqand davlat universiteti, Termiz davlat universiteti, Buxoro davlat universiteti va boshqa bir qator oliy ta’lim muassasalarining yetuk olimlari hamda tadqiqotchilari ishtirok etishdi. Konferensiya yakunida olimlar tomonidan hozirgi kunda eng dolzarb, rivojlanish istiqboliga ega yo’nalishlar belgilab olindi. Kelajakda bu sohalarda hamkorlikni kuchaytirish, OTMlar orasida integratsiyani kuchaytirish orqali mavjud moddiy-texnik bazadan birgalikda foydalanish, fan, ta’lim va ishlab chiqarish integratsiyasini yo’lga qo’yish, Ilmiy tadqiqotlardan olingan natijalarni tijoratlashtirishni yo’lga qo’yish kabi vazifalar belgilab olindi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#kurash #musobaqa
#batafsil

⚡️Kurash bo‘yicha musobaqa o‘tkazildi

Xabar berilganidek, bugun Qarshi davlat universiteti talabalari o‘rtasida O‘zbekiston Respublikasi Konstitutsiyasi qabul qilinganligining 31 yilligiga bag‘ishlab milliy kurash sport turi bo‘yicha universitet birinchiligi musobaqasi bo‘lib o‘tdi.

Musobaqada fakultetlardan saralangan yuzdan oshiq yosh kurashchilar 6 ta vazn ( 60 kg, 66 kg, 73 kg, 81 kg, 90 kg, +90 kg) toifasida g‘oliblik uchun gilamga chiqdi.

Musobaqa avvalida so‘z o‘lgan rektor maslahatchisi A.Jo‘rayev davlatimiz rahbari tomonidan sportga berilayotgan e'tibor haqida gapirib, barcha kurashchilarga omad tiladi.

Yig‘ilganlar olqishi va qo‘llab-quvvatlashi ostida o‘tgan musobaqada quyidagi natijalar qayd etildi:

(60 kg)
1⃣ - o'rin Sport fakulteti talabasi Omadjon Boyqulov;
2⃣ - Sport fakulteti talabasi Quvonchbek Ro'zimurodov;
3⃣ - Sport fakulteti talabasi Firdavs Xoliqov;
3⃣ - Fizika fakulteti talabasi Abror Abdullayev.

(66 kg)
1⃣ - o'rin Sport fakulteti talabasi Bobur Tuxliyev;
2⃣ - o‘rin Sport fakulteti talabasi Ahror Himmatov;
3⃣ - o'rin Sport fakulteti talabasi Ziyomiddin To‘rayev;
3⃣ - o'rin Sport fakulteti talabasi Azizbek Eshmatov.

(73 kg)
1⃣ - o'rin Sport fakulteti talabasi Shohruh Raupov;
2⃣ - o'rin Sport fakulteti talabasi Mehroj Homidov;
3⃣ - o'rin Sport fakulteti talabasi Rufat Rahmatullayev;
3⃣ - o'rin Sport fakulteti talabasi Akobir Ochilov.

(81 kg)
1⃣ - o'rin Sport fakulteti talabasi Abror Qulmahmatov;
2⃣ - Sport fakulteti talabasi O‘tkir Omonov;
3⃣ - o'rin San'atshunoslik fakulteti talabasi Nasimjon To'raqulov;
3⃣ - o‘rin Sport fakulteti talabasi Nuriddin G'ulomov.

(90 kg)
1⃣ - o‘rin Sport fakulteti talabasi Boburjon Normurodov;
2⃣ - o‘rin Sport fakulteti talabasi Otajon Jalilov;
3⃣ - o‘rin Xalqaro qo‘shma ta'lim dasturlari fakulteti talabasi Azizbek Omonjonov;
3⃣ - o‘rin Sport fakulteti talabasi Feruz Norqulov.

(+90 kg)
1⃣ - o'rin Sport fakulteti talabasi Olimjon Uralov;
2⃣ - o'rin Sport fakulteti talabasi Komronbek Hamidov;
3⃣ - o'rin Matematika va kompyuter ilmlari fakulteti talabasi Og‘abek Hamidullayev;
3⃣ - o'rin Matematika va kompyuter ilmlari fakulteti talabasi Farrux Omonov.

Musobaqa yakunida har bir vazn toifasida muvaffaqiyat qozongan g‘olib va sovrindorlar medal, darajali diplom, qimmatbaho esdalik sovg‘alari va pul mukofotlari bilan taqdirlandi.

👉@qarduuz 👈

#besh_tashabbus_olimpiadasi #batafsil

⚡️Qarshi shahri talabalar o‘rtasidagi ommaviy sport musobaqalariga mezbonlik qildi

10-13-dekabr kunlari Oliy ta’lim, fan va innovatsiyalar hamda Sport vazirliklari tashabbusi bilan Qarshi davlat universitetida “Besh tashabbus olimpiadasi” doirasidagi oliy ta’lim muassasalari talabalari o‘rtasida ommaviy sport musobaqalarining respublika final bosqichi bo‘lib o‘tdi. Joriy yildagi musobaqalar Qarshi davlat universiteti va viloyatning boshqa oliy ta’lim muassasalari mezbonligida o‘tkazildi. To‘rt kun davom etgan musobaqalar ko‘plab iqtidor egalarini kashf etgani, jamoalarni yanada jipslashtirgani, yoshlar o‘rtasida hamjihatlik tuyg‘ularini, do‘stlik rishtalarini yanada mustahkamlagani bilan ahamiyatli bo‘ldi.

Bellashuvlar mini futbol, stol tennisi, voleybol, yengil atletika, stritbol kabi sport turlari bo‘yicha bo‘lib o‘tdi. Final bosqichida umumiy hisobda 574 nafar sportsevar talaba ishtirok etdi. Qarshi davlat universitetida tashkil etilgan taqdirlash marosimida barcha g‘olib va sovrindorlarga kubok, diplom va medallar tantanali topshirildi. Taqdirlash marosimida Oliy ta’lim, fan va innovatsiyalar hamda Sport vazirliklari, Yoshlar ishlari agentligi, viloyat hokimligi rahbar va mas’ul xodimlari, oliy ta’lim muassasalari rahbarlari, talaba-yoshlar ishtirok etdi. Tadbirda so‘z olganlar ushbu olimpiada jismoniy va ma’naviy barkamol avlodni tarbiyalashda muhim ahamiyatga ega ekanligini alohida ta’kidlashdi.

Musobaqaning yakuniy natijalariga ko‘ra, yengil atletika bo‘yicha 1-o‘rin Buxoro davlat pedagogika instituti jamoasiga nasib etdi. Yigitlar o‘rtasida stol tennisi bo‘yicha 1-o‘rinni O‘zbekiston davlat jismoniy tarbiya va sport universiteti talabasi Shahzod Toshtemirov qo‘lga kiritgan bo‘lsa, qizlar o‘rtasida Chirchiq davlat pedagogika universiteti talabasi Shahrizoda Sharipovaga teng keladigan raqib topilmadi. Stritbol musobaqalari ham keskin bahs va munozaralarga boy tarzda o‘tib, yigitlar o‘rtasida O‘zbekiston davlat jismoniy tarbiya va sport universiteti jamoasi 1-o‘rinni, qizlar o‘rtasida esa Farg‘ona davlat universiteti jamoasi yuqori o‘rinni egalladi. Futbol bo‘yicha o‘tkazilgan o‘yinlarda O‘zbekiston davlat jismoniy tarbiya va sport universiteti jamoasi o‘yinchilarining qo‘li baland keldi. Yigitlar o‘rtasida bo‘lib o‘tgan voleybol o‘yinlarida O‘zbekiston-Finlyandiya pedagogika instituti jamoasi g‘olib bo‘ldi. Qizlar o‘rtasida esa Buxoro davlat universiteti voleybolchi qizlari ustunlikka erishdi. Mezbon Qarshi davlat universiteti talaba yigitlari mini-futbol bellashuvlarida kumush medalga sazovor bo‘lgan bo‘lsa, qizlar o‘rtasida o‘tkazilgan voleybol musobaqasida universitet jamoasi bronza medalni qo‘lga kiritdi.

Qarshi davlat universiteti bu kabi yirik musobaqalarga ilk bora mezbonlik qilmoqda. Shu bois, ushbu musobaqa sharafiga universitetda “Ziyolilar bog‘i” ham barpo etildi. “Besh tashabbus olimpiadasi” respublika final bosqichi musobaqalari yakuniga bag‘ishlangan tantanali marosimga tashrif buyurgan yurtimizdagi oliy ta’lim muassasalari rektorlari “Yashil makon” umummilliy loyihasi doirasida “Ziyolilar bog‘i”ga ko‘chat ekish tadbirida ishtirok etdi. Mehmonlar tomonidan oliygohning belgilangan hududida mahalliy iqlim sharoitiga mos mevali daraxt ko‘chatlari ekildi. Yaxshi niyatlar bilan barpo etilgan ushbu mo‘jaz bog‘ kelgusida oliy ta’lim muassasasi hududini yanada go‘zal va betakror yashil maskanga aylantirishi shubhasizdir.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram