#musobaqa

Xorijiy tillar hamda Matematika va kompyuter ilmlari fakultetlari talaba-yoshlarining bo‘sh vaqtlarini mazmunli tashkil etish maqsadida “Sport – salomatlik garovi” shiori ostida sportning stritbol turi bo‘yicha o'rtoqlik uchrashuvi o‘tkazildi. Qizg’in kechgan o’yinda durang natija qayd etilib, do'stlik g'alaba qozondi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#musobaqa

Qarshi shahrida “Talaba, yugur!” koʻngillilar sport musobaqasi bo‘lib o‘tdi

Talaba-yoshlar oʻrtasida sport va sog‘lom turmush tarzini targ‘ib qilish maqsadida bugun Qarshi shahrida viloyat oliy ta'lim muassasalari talabalari, shuningdek, professor-o‘qituvchilar ishtirokida "Talaba yugur" ommaviy yugurish musobaqasi o‘tkazildi.

1000 nafarga yaqin talaba-yoshlarni birlashtirgan ushbu yugurish marafoni soat 14:00 da start oldi va belgilangan hudud bo‘ylab 3 km masofada davom etdi. Finish chizig‘ini kesib o‘tgan har bir ishtirokchi o‘ziga biriktirilgan maxsus chip orqali aniqlandi.

Mazkur marafonda Qarshi davlat universiteti professor-oʻqituvchilari va talabalari ham faol ishtirok etdi.

Musobaqani tashkil etish va yugurish natijalari Oʻzbekiston yengil atletika federatsiyasining “Yugur” (yugur.uz) elektron platformasi orqali amalga oshiriladi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#musobaqa

⚡️To‘maris izdoshlari: mahorat, chidam va jasorat tanlovi

28-noyabr kuni Qarshi davlat universitetida Xotin-qizlar bilan ishlash va psixologik maslahat markazi tomonidan "To‘maris izdoshlari" mavzusida musobaqa o‘tkazildi. Unda barcha fakultetlarning talaba-qizlaridan saralangan jamoalar g‘oliblik uchun o‘zaro kurash olib bordi. Ularning mahoratini baholash uchun Milliy gvardiya Qashqadaryo viloyati boshqarmasi xodimlari taklif qilindi.

Kuch va chaqqonlik, iroda va qat'iyat tanlovi dastlab Davlat madhiyasi bilan boshlanib, To‘maris siymosi gavdalantirildi. So‘ngra ishtirokchi jamoalar "uzatdingmi o‘tir", "arqon tortish", " yugur va mo‘ljal ol" kabi shartlar bo‘yicha bellashishdi.

Qizg‘in va shiddatli ruhda o‘tgan bahslar yakunida Sport fakulteti jamoasi birinchi o‘rinni egalladi hamda diplom, ikki million so‘mlik vaucherni qo‘lga kiritdi. Kimyo-biologiya fakulteti talaba-qizlari ikkinchi o‘rin va diplom, bir million sakkiz yuz ming so‘mlik vaucherga, San'atshunoslik fakulteti jamoasi esa uchinchi o‘rin hamda diplom, bir yarim million so‘mlik vaucherga ega bo‘ldi. Shuningdek, faol jamoalar tashakkurnomalar bilan rag‘batlantirildi.

Ta'kidlash joiz, mazkur tanlov talaba-qizlarning bo‘sh vaqtini mazmunli o‘tkazish, ularni Vatanga sodiqlik, mardlik, ajdodlarga munosib avlod bo‘lish ruhida tarbiyalashga qaratilganligi bilan ahamiyatli bo‘ldi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#musobaqa #shashka

➡️O'zbekiston yoshlar ittifoqi Qarshi davlat universiteti boshlang'ich tashkiloti tomonidan 4-sonli talabalar turar joyida ko'zi ojiz talabalar uchun shashka sport turi bo'yicha musobaqa tashkil etildi.

Yakuniy natijalarga ko'ra:
🥇-o'rin Tarix fakulteti 3-bosqich talabasi Abduvali Ismoilov;
🥈-o'rin Tarix fakulteti 3-bosqich talabasi Abbos Tojiyev;
🥉-o'rin Sport fakulteti 1-bosqich talabasi Abbos Bo'ronov.

G'oliblar rag'batlantirildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#musobaqa #batafsil

Bugun Qarshi davlat universiteti Kurash sport zalida O‘zbekiston Respublikasi Konstitutsiyasi qabul qilinganining 32 yilligi munosabati bilan talaba yigit-qizlar o‘rtasida milliy kurash sport turi bo‘yicha musobaqa o‘tkazildi.

Unda o‘g‘il bolalar 6 ta, qizlar esa 3 ta vazn toifalarida g‘oliblik uchun gilamga chiqdilar. Har bir vazn toifasidagi kurashlar yig‘ilganlar olqishi ostida g‘oyatda qizg‘in va shiddatli kechdi.

Musobaqa yakunida taqdirlash marosimi bo‘lib o‘tdi. Unda so‘z olganlar yurtimizda sportga qaratilayotgan e'tibor haqida gapirib, g‘oliblarni tabriklashdi. Shundan so‘ng shohsupaning yuqori pog‘onasini band etgan qatnashchilarga darajali diplom, milliy kurash liboslari topshirildi.

Musobaqa nizomiga ko‘ra, g‘olib va sovrindorlar tegishli ravishda 1 000 000 (bir million), 700 000 (yetti yuz ming) va 500 000 (besh yuz ming) so‘m miqdorida pul mukofotlari bilan ham taqdirlanadi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#Vatan_himoyachilari_kuni
#musobaqa

Ayni kunlarda O‘zbekiston Respublikasi Qurolli Kuchlari tashkil etilganining 33 yilligi va 14-yanvar —Vatan himoyachilari kuni munosabati bilan universitetda sport musobaqalari bo‘lib o‘tmoqda.

Jumladan, kecha Iqtisodiyot fakulteti talabalari ishtirokida mini-futbol bahslari tashkil etildi.

Jami 12 ta jamoa ishtirok etgan ushbu bellashuvlarda turizm (faoliyat yo`nalishlari bo`yicha) yo`nalishi 4-kurs talabalari 1-o`rinni qo`lga kiritdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#kurash #musobaqa
#respublika_bosqichi
#Live #fotolavhalar

🌐 Ijtimoiy tarmoqlardagi sahifalarimiz

✅ Telegram             🌍 Veb-sayt
💬 Facebook            📸  Instagram

#rektor_kubogi #musobaqa

Xabar berilganidek, ayni kunlarda universitet talabalari o‘rtasida sportning mini-futbol (yigitlar), voleybol (qizlar) va shaxmat-shashka (yigitlar va qizlar) turlari bo‘yicha “Rektor kubogi” musobaqalari o‘tkazilmoqda.

🗓24-fevral kungi natijalar:
Voleybol (qizlar)
Filologiya fakulteti 2:0 Tarix fakulteti
Sport fakulteti 2:0 Tibbiyot fakulteti
San'atshunoslik fakulteti 2:0 Pedagogika fakulteti
Mini-futbol (yigitlar)
Filologiya fakulteti 2:6 Tarix fakulteti
Sport fakulteti 7:1 Tibbiyot fakulteti
Pedagogika fakulteti 4:3 San'atshunoslik fakulteti

Musobaqalar qizg‘in tusda davom etmoqda.

🌐 Ijtimoiy tarmoqlardagi sahifalarimiz

✅ Telegram             🌍 Veb-sayt
💬 Facebook            📸  Instagram