አሸዋ ቴክኖሎጂ ከኢፌድሪ ቴክኒክና ሙያ ስልጠና ኢንስቲትዩት በጋር ለመስራት ተፈራረመ።

አሸዋ ቴክኖሎጂ ሶሉሽን አክሲዎን ማህበር በተለያዩ ጉዳዮች ላይ አብሮ ለመስራት የሚያስችለውን ስምምነት ከኢፌዲሪ ቴክኒክ እና ሙያ ስልጠና ኢንስቲትዩት ጋር በዛሬው እለት ተፈራርሟል። በዋናነትም ስምምነቱ የተደረገው የቴክኖሎጂ ውጤቶች ላይ፣ ጥናትና ምርምር ፣ ችግር ፈቺ ሃሳቦች ተደራሽ ማድረግ ፣ ስልጠና መስጠት ፣ ማርኬቲንግ፣ የስራ እድል መፍጠርና ለወጣቶች ስልጠና መስጠት ላይ ነው

በስምምነቱም ወቅት የኢትዮጵያ ቴክኒክና ሙያ ስልጠና ኢንስቲትዩት ጀነራል ዳይሬክተር ዶ/ር ብሩክ ከድር "አሸዋ ቴክኖሎጂ ተጽዕኖ መፍጠር የቻለ፣ ለብዙ ሰዎች የሥራ እድል የፈጠረ፣ ከዚህ በፊት ሲደረግ ከነበረው ወጣ ባለ መንገድ እያመጣ ያለው ለውጥ የሚበረታታ ነው" በማለት ተናግረዋል። " ከእናተ ጋር መስራታችን እንፈልገዋለን። የሁለታችንን ግንኙነት እንዲዳብር ሃላፊነት ወስዳችሁ የሰራችሁ በሙሉ ምስጋና ይገባችኋል፤ ከአሸዋ ጋር ብዙ የምንሰራቸው ስራዎች አሉ " በማለት ገልጸዋል።

የአሸዋ ቴክኖሎጂ ሶሉሽን ዋና ስራ አስፈጻሚ አቶ ዳንኤል በቀለ በበኩላቸው " አሸዋ ቴክኖሎጂ ለመንግስትና እና ለግል ተቋማት እየሰራቸው እና እያቀረባቸው ያለው የዌብሳይት ማበልጸጊያ (ነሃቢ)፣ ስማርት ኢአርፒ ፣ ሃይብሪድ ለርኒንግ፣ አስተማማኝ ክላውድ እና ሌሎች በርካታ ዌብ እና ሞባይል አፕ መፍትሄዎች አሰራርን ከዝልማዳዊ አካሄድ ወደ ዘመናዊ የቀየሩ ናቸው" ብለዋል።

የበለጠ ለማንበብ https://bit.ly/3YRQFiw

#Ashewatechnology #Partnership #SmartERP #WebsiteBuilder #CloudComputing #Softwaredevelopment