📙 Зборнік артыкулаў пра літаратуру Новага часу

У выдавецтве Нацыянальнай акадэміі навук выйшаў зборнік артыкулаў “Літаратура Новага часу ў люстэрку сучаснай гуманыстыкі”. У аб’ектыве даследчыкаў постаці літаратараў ХІХ і ХХ стст.: ад Адама Міцкевіча да Алеся Разанава.👍👍👍

У зборніку змешчаныя літаратуразнаўчыя артыкулы прысвечаныя творчасці А. Міцкевіча, Я. Баршчэўскага, В. Дуніна-Марцінкевіча, К. Вераніцына, Я. Чачота, У. Сыракомлі і інш.🔥🔥🔥

👉 Шукайце ў сталічнай "Акадэмкнізе".

#ДумкіЎслых

А мог проста даць адказ, святкаваць нам гэты Дзень студэнта ці гэта будзе праява русафобіі.

Што за ўнучык, адны загадкі!

Зоя С

https://t.iss.one/AzarenokCTV/39722

#ГісторыяБеларусі

У 1574 годзе ў Вільні пачала дзейнічаць друкарня Мамонічаў, заснаваная Пятром Мсціслаўцам.

У ёй былі аддрукаваны ад 80 да 100 найменняў кніг, з іх каля паловы — па-старабеларуску.
Кнігі вызначаліся высокім паліграфічным і мастацка-арнаментальным аздабленнем.

Была адзінай беларускай друкарняй, якая выпускала зборнікі заканадаўчых актаў, у тым ліку Статут ВКЛ, «Трыбунал абывацелям Вялікага Княства Літоўскага», пастановы сеймаў.

Больш падрабязна чытайце тут 👇
https://book.polotsk.museum.by/node/77802

#РазважанніПраГісторыю
#КанфесійныяПытанніВКЛ

(працяг)

Пункт а) таксама адпавядае і асабістым мэтам Хмяльніцкага і саміх казакоў.

Пункт б) - ніводнай мэце, толькі асабістай гетмана.

Пункт в) - часткова мэце #2. Паны аддавалі свае землі ў арэнду габрэям, якія жорстка эксплуатавалі сялян.

Пункт г) - адкладзеная мэта #2.
Пункт д) - мэце #2.
Пункт е) - мэце #2.

Якія высновы тут можна зрабіць?
1) Антыфеадальнай барацьбы мы тут не бачым. Казакі не прапанавалі народу і сялянам ніякай альтэрнатывы па гэтаму пытанню.
2) Больш за ўсё абаронена правоў саміх казакоў і праваслаўнай шляхты, часткова - праваслаўнай царквы
3) Усе патрабаванні тычацца толькі ўкраінскіх зямель. Беларускае насельніцтва ВКЛ, атрымоўваецца, Хмяльніцкі выкарыстаў ў сваёй барацьбе ў тактычных мэтах - не даць ударыць войску ВКЛ з тылу. Такі расклад вызначыў у далейшым розныя шляхі станаўлення і фарміравання ўкраінскага і беларускага народаў.
4) Гэтыя гістарычныя падзеі + Валынскія падзеі 1943 г. зрабілі палякаў і ўкраінцаў заклятымі ворагамі, што можна назіраць і зараз.

#ДзеткамБеларусікам

Цікавыя факты пра снег і сняжынкі
Частка 3

Крыніца

#МіфыЛегендыБеларусі

Хто такая Бадзюля і як яе выгнаць з хаты

https://www.tiktok.com/@tetia_ira_razreshila?_t=8rRNMhFf53Y&_r=1

З панядзелкам усіх!
Бадзёрасці вам на ўвесь дзень ды на цэлы тыдзень!

#КухняБеларусі

Кулеш

Прадукты:

Сала — 100 гр. ( абавязкова )
Мяса — 300 гр.
Пшано — 0,5 кг.
Морква — адна сярэдняя
Цыбуля — адна сярэдняя
Спецыі
Зеляніна па смаку

Спасаб прыгатавання

Сала парэзаць на дробныя кавалачкі і высмажыць яго да сухіх шкварак.
Мяса таксама парэзаць на кавалачкі сярэдняй велічыні, дастаць з казана сала, укінуць мяса і абсмажыць да румянай скарынкі.
Моркву і цыбулю парэзаць не вельмі дробна.
Злучыць у казане шкваркі, мяса і дадаць да іх моркву з цыбуляй.
Пшано прамыць некалькі разоў і дадаць да зажаркі.

Усе інгрэдыенты перамяшаць і заліць вадой, каб яна пакрывала пшано на 3-4 см.. Накрыць вечам, гатаваць на павольным агні 0,5 гадзіны.

Пасля зноў перамяшаць кашу, дадаць соль, спецыі і зеляніну. Гатаваць яшчэ 5-10 хвілін на агні без вечка.

Крыніца

#Падарожжа
#Архітэктура

Самыя старажытныя храмы

Царква Святога Архангела Міхаіла ў Сынкавічах

Самы стары храм абароннага тыпу стаіць у вёсцы Сынкавічы ў ваколіцах Слоніма. Меркуюць, што час яго пабудовы - другая палова XV стагоддзя, хоць знойдзеныя ў працэсе рэканструкцыі насценныя роспісы як бы намякаюць на больш ранні перыяд узвядзення храма-крэпасці.

Будучы ўзорам гатычнай архітэктуры, Міхайлаўская царква незвычайна прыгожая і здалёку нагадвае мініяцюрны замак.

Па кутах царквы ўзвышаюцца чатыры вежы, на вяршыні якіх вядуць шрубавыя лесвіцы. Непрыступны выгляд царквы падкрэсліваюць масіўныя, у паўтара метра шырынёй, сцены з шэрагам байніц.

Паводле легенды, храм для мясцовых жыхароў узвёў яшчэ ў ХIV стагоддзі вялікі князь Вітаўт, які хаваўся ў тутэйшых краях ад пераследаў свайго стрыечнага брата Ягайлы.

Царква Святога Міхаіла дзеючая. Паломнікі прыязджаюць у Сынкавічы пакланіцца іконе Божай Маці «Усецарыца» — гэта копія, напісаная з арыгінала, які захоўваецца на Святой гары Афон.

501 год таму, 17 лістапада 1523 года, каралём быў падпісаны ліст, які браў пад дзяржаўную апеку і абарону Альжбэту Радзівіл і яе дзяцей. Гэты ліст быў патрэбны ім з-за канфлікту з Гаштольдамі.

У 1510 г. Альжбэта з Саковічаў (на выяве) стала жонкай Мікалая Радзівіла. З мужам мела трох сыноў і трох дачок і стала пачынальніцай мядзельска-гонядзкай лініі роду Радзівілаў. Яны валодалі вялікімі тэрыторыямі, у тым ліку азёрамі Нарач, Мястра і Мядзел. На часы княжання Альжбэты і Мікалая прыходзіцца час росквіту Мядзельскага замка.

Пасля смерці Мікалая ў 1521 годзе, Альжбэта стала валодаць землямі Мядзела сама. Даводзілася канкураваць і са Свірскімі, і з Гаштольдамі, і з Бонай Сфорцай, якая спрабавала забраць гэтыя тэрыторыі ў распараджэнне каралеўскага скарбу. Вядома, што ў 1543 г. Сфорца высылала камісараў у Мядзел для разгляду зямельных спрэчак з Альжбэтай.

Неўзабаве Альжбэта памерла. У 1544 г. яе спадчыннікі дамовіліся замак "супольна трымаць". Але ў хуткім часе замак усё ж перайшоў у каралеўскія ўладанні.

#МоваНашаРодная

Калі вам нехта раптам скажа, што беларуская мова не прыгожае, то дайце яму паслухаць гэту дзяўчыну.

Непрыгожая яна ў тых, хто гаварыць не ўмее і ў каго слоўнік абмежаваны. Дык то ж не мова вінаватая!

Відэа з акаўнта Каляднай крамы https://www.instagram.com/reel/DBwRNgfofQs/?igsh=a3ZlZnlraDN2Nnc4