Па запрашэнні грамадскага аб'яднання "Беларускі саюз мастакоў" прыняў удзел у адкрыцці выставы "РАЗАМ. Да 30-годдзя інстытута Прэзідэнцтва ў Рэспубліцы Беларусь".

Прадстаўлены працы найлепшых дзеячоў беларускага мастацтва, якія ў розны час атрымалі дзяржаўныя ўзнагароды.

Ад імя Парламента прывітаў гледачоў выставы і айчынных мастакоў, падзякаваў за іх плённую працу, адзначыў фундаментальную ролю творчай інтэлегенцыі ў грамадзянскім выхаванні і адукацыі беларускага грамадства.

Беларуская дзяржава і надалей плануе надаваць вялікую ўвагу творцам з патрыятычнай пазіцыяй.

Выстава "РАЗАМ. Да 30-годдзя інстытута Прэзідэнцтва ў Рэспубліцы Беларусь" размешчана ў рэспубліканскай мастацкай галерэі "Палац мастацтваў" (Мінск, вул. Казлова, 3) і будзе працаваць да 2 лютага 2025 года.

Абанентаў мабільнай сувязі абароняць ад выпадковага падключэння шэрагу паслуг 🤳🏻

☝🏻Правілы аказання паслуг электрасувязі вырашана дапоўніць спосабамі выказвання згоды абанента на аказанне (спыненне аказання) інфармацыйных паслуг даведачнага і (або) забаўляльнага характару. Гэта заклікана абараніць інтарэсы абанентаў ад выпадковага (ненаўмыснага) падключэння такіх паслуг.

Сярод гэтых спосабаў — прастаўленне адзнакі ў асабістым кабінеце абанента на афіцыйным сайце аператара электрасувязі, пастаўшчыка паслуг электрасувязі ў інтэрнэце (мабільным дадатку); накіраванне USSD-запыту або SMS-паведамлення; падача заявы ў сэрвісным цэнтры аператара, пастаўшчыка паслуг электрасувязі.

zviazda.by

#ГісторыяБеларусі

З кнігі Сямёнова-Цянь-Шанскага П.П. "Живописная Россия. Том 3. Литовское и белорусское полесье", 1882 г.

Цікавы факт пра граматыку Мялеція Сматрыцкага. Яе перадрукоўвалі аж больш чым праз 100 гадоў! У Маскве, і нават у Сербіі і Харватыі (у перакладзе)!

❤️❤️ "Марыля Верашчака -- каханая Адама Міцкевіча.

Марыля Верашчака… Ахутанае легендамі імя жанчыны, якой было наканавана ўвайсці ў гісторыю дзякуючы каханню.

Лаура, Беатрычэ, Марыля… Гэтыя імёны стаяць побач. Што мы ведаем пра жанчыну, чый вобраз праходзіць праз усю творчасць сусветна вядомага паэтычнага генія?

Самым радасным для Міцкевіча быў 1818 год, калі Адам з сябрам Тамашам Занам прыехаў у Туганавічы. Гаспадароў госці дома не засталі - знайшлі на жніве. Там жа і пазнаёміліся Адам з Марыляю. Каханне ўспыхнула адразу. Першае і апошняе. Шчаслівыя хвіліны і гады пакут. Каханне, якое прынесла з сабою смутак і журбу. І адзіноту на ўсё жыццё.

Нягледзечы, што пазней былі ў Адама і жанчыны, была і свая сям'я, і дзеці… Даволі хутка яны знайшлі агульную тэму для размовы - рамантычная літаратура таго часу. Непаўторная прыгажосць Марыі (Марылі, як яе называў Міцкевіч) засланіла ў вачах маладога паэта хараство прыроды. Паэту імпанавала і тое, што Марыля была адукаванай жанчынай. Яна добра ведала французскую, нямецкую і італьянскую мовы, сучасную літаратуру, сама пісала вершы, іграла на фартэпіяна і спрабавала ствараць п'есы, прыгожа спявала, асабліва беларускія песні. Любіла вышываць, прымаць гасцей, ездзіць на балі ў суседнія маёнткі.

"Лёгкасць яе зграбнай постаці, - успамінаў сябра Міцкевіча - яшчэ адзін наш славуты зямляк Ігнацій Дамейка, - падкрэслівалі свабоднае летняе адзенне і шалікі. Твар яе быў спакойны, сімпатычны і вельмі выразны, валасы светлыя, у вялікіх блакітных вачах адлюстроўвалася глыбіня пачуццяў і жывасць уяўленняў".

Паездкі Адама ў Туганавічы паўтараліся кожнае лета. Маладыя людзі сустракаліся, гаварылі, хадзілі ў Туганавіцкі парк, блукалі каля возера Свіцязь, натхнёна апетага потым Міцкевічам у многіх вершах, баладах, паэмах. Там яны сустрэлі старога рыбака, які расказаў аб тым, што на дне возера ёсць затоплены горад, што на берагах Свіцязі ўначы з'яўляюцца вадзяныя німфы - свіцязянкі…

Спачатку маці Марылі не прыдавала сур'ёзнага значэння сяброўству маладых людзей, бо была ўпэўнена, што Адам для яе дачкі не пара: па-першае - Верашчакі жылі заможна, бацька Марылі быў калісьці нават маршалкам Навагрудскай шляхты, а па-другое - Марыля была ўжо заручана з графам Путкамерам, маладым сімпатычным і багатым уладальнікам некалькіх маёнткаў у Лідскім павеце.

У жніўні 1821 года Адам апошні раз прыехаў у Наваградак. "Ніхто мяне не сустрэў, не пачуў я былога "Адам, Адам!". І такая туга ахапіла мяне, што я доўга не мог апамятавацца…".

Было шмат прычын для такой роспачы. У мінулым годзе памерла маці паэта, а пяць месяцаў таму яго каханая Марыля выйшла замуж за графа Путкамера. Гэта расстанне было найцяжэйшым для абодвух.
Прымаючы бацькоўскае блаславенне, нявеста залілася слязамі…

Знаёмыя асуджалі Марылю за здраду каханню. Аднак у Адама з сям'ёй Путкамераў склаліся дружалюбныя адносіны. Міцкевіч нават падарыў свой першы зборнік мужу Марылі. А граф спакойна глядзеў на заляцанні рамантыка Міцкевіча да сваёй жонкі. Як яму здавалася, ён добра разумеў сентыментальныя дзівацтвы Марылі і не надаваў ім асаблівай увагі, бо лічыў, што Марыля добра выхавана, каб зрабіць што-небудзь неспадзяванае.

Міцкевіч, як і яго папярэднікі-паэты, маліўся на сваю каханую, укленчваў перад сваёй багіняю. А іншыя здзіўляліся: што ён знайшоў у ёй, чаму пакланяецца? Навошта пакутуе? Віленскія студэнты, сябры паэта гаварылі пра Марылю "Жанчына як жанчына". А сын Міцкевіча Уладзіслаў, які пазнаёміўся з Марыляю Путкамер у Вільні праз шэсць год пасля смерці бацькі, скажа вельмі ўпэўнена: "Напэўна, яна ніколі не была прыгожаю".

А Міцкевіч бачыў гэтую прыгажосць. І жыў ёю. І пакутаваў ёю. І, напэўна, калі б не гэтае каханне, магчыма і не было б паэта Адама Міцкевіча.

#ПобытБеларусаў

А дарэчы, так жа і было. Помню, мы прачынаемся ранкам, а тата ўжо з Кабыльніка ці з Лотвы парасят прывёз. Радасці было! Іх з мяшка вытрасуць, а тыя маленькія, смешныя такія, рохкаюць, пішчаць!...

Чаму іх начамі купляць ездзілі?)))

Крыніца відэа

Дзень добры!

Можа хто карыстаецца Алісай з вас? Ці ведае яна беларускую мову?)))

Крыніца відэа

#Паўстанне1863
#ГісторыяБеларусі

З кнігі Бранцава П.Д. "Польский мятеж 1863 г.", 1892 г.

Працягваем вывучаць падзеі паўстання 1863 года. Цікава разглядаць гэта пытанне з пазіцыі царскіх улад. Так, трапілася гэта кніга.

Заўсёды цікавіла пытанне, як каталіцкая царква магла каніназаваць у святыя такую вядомую сваёй супярэчлівасцю асобу як Язафат Кунцэвіч, за якім стаіць столькі нападабаючых для духоўнай асобы ўчынкаў. Адказ у выдзеленым тэксце.

Канешне, такія рашэнні каталіцкай царквы не дадаюць ёй павагі...

16 студзеня 1919 года— нарадзіўся (г. Бабруйск) Уладзімір Алоўнікаў, беларускі кампазітар. Заслужаны дзеяч мастацтваў Беларусі. Народны артыст Беларусі. Прафесар. У. Алоўнікаў — аўтар кантаты і араторыі, сімфанічных паэм, харавой і камерна-інструментальнай музыкі. Асаблівае месца ў яго творчасці займаюць песні. Пачатковы матыў адной з іх — «Радзіма, мая дарагая» — стаў пазыўнымі Беларускага радыё.

Радзіма мая дарагая
Музыка: У. Аловнiкау. Слaва: Алесь Бачыла

Радзіма мая дарагая,
Ты ў шчасці жаданым жыві!
Я сэрцам табе прысягаю
Ў шчырай сыноўняй любві!

На рэках шырокіх і нівах,
Заводах, будоўлях – наўсцяж
Народ наш працуе руплівы
І край ўзвышаецца наш.

Навокал жыццё расцвітае –
І песня ўзлятае сама:
Мне лепей ад роднага краю
Нічога на свеце няма.

Чужое зямлі нам не трэба,
Пачуцці ў нас сёння адны:
Мы хочам, каб мірнае неба
Не знала пажару вайны.

Мы дружбы народам жадаем
І шчырай братэрскай любві.
Радзіма мая дарагая,
Красуйся і ў шчасці жыві!

15 студзеня 2025 года ў г. Полацку пасля завяршэння рэстаўрацыйных работ адбылося ўрачыстае адкрыццё Спаса-Праабражэнскага храма, пабудаванага прападобнай Еўфрасінняй Полацкай у XII ст. Рэстаўрацыя храма была пачата ў 1990-х гг., асноўны этап праходзіў з 2017 па 2024 гг.

Урачыстае адкрыццё царквы ўзначаліў мітрапаліт Мінскі і Заслаўскі Веніамін, Патрыаршы Экзарх усея Беларусі. Шэраг спецыялістаў, якія прымалі ўдзел у рэстаўрацыі і навуковых даследаваннях храма, былі ўзнагароджаны граматамі Патрыаршага экзарха.

У іх ліку вядучы навуковы супрацоўнік цэнтра гісторыі навукі і архіўнай справы Інстытута гісторыі НАН Беларусі Іна Калечыц, якая займаецца вывучэннем графіці XII-XIX стст. і фрэскавых суправаджальных надпісаў полацкай Спаса-Праабражэнскай царквы.

Беларускі рубель умацаваўся да асноўных валют на таргах 16 студзеня

Долар стаў таннейшым на Br0,0023 – яго курс склаў Br3,4718.

Курс юаня стаў ніжэй на Br0,0009 да Br4,7352 за 10 юаняў.

Курс расійскага рубля знізіўся на Br0,0001 і склаў Br3,3825 за 100 расійскіх рублёў.

zviazda.by

#ГісторыяБеларусі

З кнігі Сямёнова-Цянь-Шанскага П.П. "Живописная Россия. Том 3. Литовское и белорусское полесье", 1882 г.

Як паны прымушалі беларускіх сялян атрымоўваць медыцынскую адукацыю 😁

⚡️ Беларуска Ксенія Вогт — заснавальніца амбіцыйнага AI-стартапа Identic і адна з самых перспектыўных венчурных прадпрымальніц у Швейцарыі.

Стартап Identic генерыруе 3D-мадэлі мэблі і прадметаў інтэр'ера з простых фатаграфій і тэкставага апісання.

🧩 Тэхналогія дазваляе ствараць якасныя 3D-мадэлі тавараў, дадаючы функцыянал дапоўненай рэальнасці, што павялічвае ўцягнутасць пакупнікоў і павышае продаж тавараў.

💵 Праект ужо ацанілі ў $4 мільёны.

————————
🏋️‍♀️ Belarusian Ksenia Vogt is a founder of the ambitious AI startup Identical and one of the most promising venture capitalists in Switzerland.

@belaiplatform

#ПобытБеларусаў
#УспаміныПраДзяцінства

Знайшла працяг тэмы пра парасят
Тут цудоўна ўсё: і простая гаворка, і ўспаміны пра дзяцінства ды як яно тады адбывалася, і шэраг прымавак, якія хадзілі ў народзе

Крыніца відэа ў тыкток