የእንግሊዝ ፕ/ሊግ የወሩ ምርጥ አሰልጣኝ ታውቋል !

የእንግሊዝ ፕርሚየር ሊግ ውድድር የወርሀ መጋቢት የወሩ ምርጥ አሰልጣኝ ይፋ ተደርጓል።

ሊጉን በመምራት ላይ የሚገኘው የሰሜን ለንደኑ ክለብ አርሰናል ዋና አሰልጣኝ ሚኬል አርቴታ የእንግሊዝ ፕርሚየር ሊግ የወርሀ መጋቢት የወሩ ምርጥ አሰልጣኝ በመባል በአብላጫ ድምፅ ተመርጠዋል።

ስፔናዊው አሰልጣኝ ሚኬል አርቴታ በውድድር አመቱ #ለአራተኛ ጊዜ የወሩ ምርጥ አሰልጣኝ ክብርን መቀዳጀት ችለዋል።

አሰልጣኝ ሚኬል አርቴታ በመጋቢት ወር ውስጥ መድፈኞቹን እየመሩ ያደረጓቸውን #አራት የሊግ ጨዋታዎች በአሸናፊነት መወጣት ችለዋል።

@tikvahethsport     @kidusyoftahe

የቼልሲ እና ሊቨርፑልን ጨዋታ ማን ይመራዋል ?

ዛሬ ምሽት የለንደኑ ክለብ ቼልሲ ከ ከመርሲሳይዱ ክለብ ሊቨርፑል ጋር የሚያደርጉትን የእንግሊዝ ፕርሚየር ሊግ ጨዋታ በመሀል ዳኝነት የሚመሩት ዳኛ ታውቀዋል።

ስታምፎርድ ብሪጅ ላይ የሚደረገውን ተጠባቂ ጨዋታ የ 44ዓመቱ ዳኛ አንቶኒ ቴለር በዋና ዳኝነት እንደሚመሩት ይፋ ተደርጓል።

አንቶኒ ቴለር ቼልሲ እና ሊቨርፑል ለመጨረሻ ጊዜ ካደረጓቸው #አራት ግንኙነቶች ውስጥ #ሶስተኛ ጨዋታቸውን በመሀል ዳኝነት የሚመሩ ይሆናል።

@tikvahethsport     @kidusyoftahe

ባህርዳር ከተማ ወሳኝ ድል አስመዝግቧል !

በቤትኪንግ የኢትዮጵያ ፕርሚየር ሊግ ሀያ ሶስተኛ ሳምንት መርሐ ግብር ባህርዳር ከተማ ከ ኢትዮጵያ ቡና ጋር ያደረጉትን ጨዋታ 3 ለ 1 በሆነ ውጤት ማሸነፍ ችለዋል።

የባህርዳር ከተማን የማሸነፊያ ግቦች ሀብታሙ ታደሰ ፣ ያሬድ ባየህ እና አለልኝ አዘነ ከመረብ ማሳረፍ ሲችሉ ለኢትዮጵያ ቡና መሐመድ ናስር አስቆጥሯል።

የኢትዮጵያ ቡናው የፊት መስመር ተጨዋች መሐመድ ኑር ናስር በውድድር አመቱ #አስር ግቦችን አስቆጥሯል።

የባህር ዳር ከተማው ተጨዋች ሀብታሙ ታደሰ በውድድር አመቱ #ስምንተኛ ግቡን ከመረብ ማሳረፍ ችሏል።

ባህርዳር ከተማ ማሸነፉን ተከትሎ ነጥቡን አርባ ሰባት በማድረስ ቀሪ ጨዋታ ካለው የሊጉ መሪ ቅዱስ ጊዮርጊስ ጋር ያለውን የነጥብ ልዩነት ወደ #አራት ማጥበብ ችሏል።

ኢትዮጵያ ቡና በሊጉ ደረጃ ሰንጠረዥ ሰላሳ አንድ ነጥቦችን በመሰብሰብ #ስድስተኛ ደረጃን ይዟል።

በቀጣይ የሊጉ መርሐ ግብር ባህርዳር ከተማ ከ አዳማ ከተማ እንዲሁም ኢትዮጵያ ቡና ከ ኢትዮ ኤሌክትሪክ የሚጫወቱ ይሆናል።

@tikvahethsport     @kidusyoftahe

የአርሰናል የወሩ ምርጥ ተጨዋች ማን ይሆናል ?

የሰሜን ለንደኑ ክለብ አርሰናል የወርሀ ሚያዚያ የወሩ ምርጥ ተጨዋች #አራት ዕጩዎችን ይፋ አድርገዋል።

በዚህም መሰረት ጋብሬል ማርቲኔሊ ፣ ቤን ዋይት ፣ ማርቲን ኦዴጋርድ እና ጋብሬል ጄሱስ የሚያዚያ ወር ምርጥ ተጨዋች እጩዎች በመሆን ቀርበዋል።

የወሩ ምርጥ ተጨዋች ማን ነው ?

@tikvahethsport     @kidusyoftahe

#BKEthPL 🇪🇹

በቤትኪንግ የኢትዮጵያ ፕርሚየር ሊግ ሀያ ሶስተኛ ሳምንት መርሐ ግብር ሀዋሳ ከተማ ከ ሀድያ ሆሳዕና ጋር ያደረጉትን ጨዋታ 0 ለ 0 በሆነ አቻ ውጤት አጠናቀዋል።

ሀይቆቹ በተከታታይ ያደረጓቸውን #አራት ጨዋታዎች ማሸነፍ አልቻሉም በሶስቱ ሲሸነፉ በአንዱ አቻ ተለያይተዋል።

ሀዋሳ ከተማ እና ሀድያ ሆሳዕና በዚህ አመት በተመሳሳይ ስምንት ጨዋታዎች አቻ ተለያይተው ስምንት አሸንፈው ሰባት ጨዋታዎች ተሸንፈዋል።

በሊጉ ደረጃ ሰንጠረዥ ሀድያ ሆሳዕና በሰላሳ ሁለት ነጥቦች #አምስተኛ ደረጃ ላይ ሲቀመጥ ሀዋሳ ከተማ በተመሳሳይ ሰላሳ ሁለት ነጥብ በግብ ክፍያ ተበልጦ #ሰባተኛ ደረጃ ላይ ይገኛል።

በቀጣይ የሊጉ መርሐ ግብር ሀድያ ሆሳዕና ከ ወልቂጤ ከተማ እንዲሁም ሀዋሳ ከተማ ከሊጉ መሪ ቅዱስ ጊዮርጊስ ጋር የሚጫወቱ ይሆናል።

@tikvahethsport     @kidusyoftahe

ፈረሰኞቹ ሽንፈት አስተናግደዋል !

በቤትኪንግ የኢትዮጵያ ፕርሚየር ሊግ ሀያ ሶስተኛ ሳምንት መርሐ ግብር የሊጉ መሪ ቅዱስ ጊዮርጊስ ከ መቻል ጋር ያደረጉትን ጨዋታ 1 ለ 0 በሆነ ውጤት ተሸንፈዋል።

የመቻልን የማሸነፊያ ግብ የቀድሞ የፈረሰኞቹ ተጨዋች ከነዓን ማርክነህ በፍፁም ቅጣት ምት ከመረብ ማሳረፍ ችሏል።

ፈረሰኞቹ በውድድር አመቱ ሁለተኛ ሽንፈታቸውን አስተናግደዋል።

መቻል ማሸነፉን ተከትሎ ነጥቡን ሰላሳ ሶስት በማድረስ አምስተኛ ደረጃ ላይ ሲቀመጥ ሽንፈት ያስተናገደው ቅዱስ ጊዮርጊስ በሀምሳ አንድ ነጥብ ሊጉን በመምራት ላይ ይገኛል።

የሊጉ መሪ ቅዱስ ጊዮርጊስ ሽንፈት ማስተናገዱን ተከትሎ ከተከታዩ ባህርዳር ከተማ ጋር ያለው የነጥብ ልዩነት ወደ #አራት ጠቧል።

በቀጣይ የሊጉ መርሐ ግብር ቅዱስ ጊዮርጊስ ከ ሀዋሳ ከተማ እንዲሁም መቻል ከ ሲዳማ ቡና የሚጫወቱ ይሆናል።

@tikvahethsport     @kidusyoftahe

ባየር ሙኒክ ድል አድርጓል !

የጀርመኑ ክለብ ባየር ሙኒክ ከ ሻልክ 04 ጋር ያደረጉትን የሊግ መርሐ ግብር 6ለ0 በሆነ ውጤት በማሸነፍ መሪነታቸውን አጠናክረዋል።

የባየር ሙኒክን የማሸነፊያ ግቦች ቶማስ ሙለር ፣ ኪሚች ፣ ናብሪ 2x ፣ ቴል እና ናዝራዊ ከመረብ ማሳረፍ ችለዋል።

ባየር ሙኒክ ማሸነፉን ተከትሎ ነጥቡን ስልሳ ስምንት በማድረስ አንድ ጨዋታ ከሚቀረው ተከታዩ ዶርትመንድ ጋር ያለውን የነጥብ ልዩነት ወደ #አራት ከፍ ማድረግ ችሏል።

በቀጣይ የሊጉ መርሐ ግብር የሊጉ መሪ ባየር ሙኒክ ከሌፕዚግ የሚገናኝ ይሆናል።

@tikvahethsport     @kidusyoftahe

ቪንሰስ ጁኒየር የወሩ ምርጥ ተጨዋች ተብሏል !

በአሰልጣኝ ካርሎ አንቾሎቲ የሚሰለጥኑት ሪያል ማድሪዶች የወርሀ ግንቦት የወሩ ምርጥ ተጨዋቻቸውን ይፋ አድርገዋል።

በዚህም መሰረት ብራዚላዊው የፊት መስመር ተጨዋች ቪንሰስ ጁኒየር የሪያል ማድሪድ የወሩ ምርጥ ተጨዋች በመባል በአብላጫ ድምፅ መመረጥ ችሏል።

ብራዚላዊው የፊት መስመር ተጨዋች ቪንሰስ ጁኒየር ለተከታታይ #አራት ወራት እንዲሁም በውድድር አመቱ ለ #አምስተኛ ጊዜ የሪያል ማድሪድ የወሩ ምርጥ ተጨዋች ክብርን መቀዳጀት ችሏል።

@tikvahethsport     @kidusyoftahe

ሊዮኔል ሜሲ በኮከብነቱ ቀጥሏል !

አርጀንቲናዊው የኢንተር ሚያሚ የፊት መስመር ተጫዋች ሊዮኔል ሜሲ ቡድኑን ከሽንፈት ሲታደግ ሁለት ጎሎችን ከመረብ ማሳረፍ ችሏል።

የሊዮኔል ሜሲ የኢንተር ሚያሚ ቁጥሮች ምን ይመስላሉ ?

- ኢንተር ሚያሚ ሊዮኔል ሜሲ በተሰለፈባቸው #አራት ጨዋታዎች አልተሸነፉም።

- ሊዮኔል ሜሲ በኢንተር ሚያሚ ቤት በድምሩ በስምንት ጎሎች ላይ ቀጥተኛ ተሳትፎን ማድረግ ችሏል።

- ሜሲ ሰባተኛ የኢንተር ሚያሚ ጎሉን ዛሬ ሌሊት ከመረብ ማሳረፍ ይችላል።

- ሊዮኔል ሜሲ ተሰልፎ በተጫወተባቸው አራት ጨዋታዎች #በሙሉ የጨዋታው ኮከብ በመባል ተመርጧል።

የክለቡ የዓመቱ ከፍተኛ ግብ አግቢ ማነው ?

1. ሊዮኔል ሜሲ :- ሰባት ጎል ( በአራት ጨዋታ )

2. ጆሴፍ ማርቲኔዝ :- ሰባት ጎል ( ሀያ ስምንት ጨዋታ )

3. ሮበርት ታይለር :- አምስት ጎል ( ሀያ ሰባት ጨዋታ )

4. ሊዮናርዶ ካምፓና :- አራት ጎል ( ሀያ ሁለት ጨዋታ )

@tikvahethsport     @kidusyoftahe

የሳውዲ ሊግ የወሩ ምርጥ ተጨዋች ማን ይሆናል ?

አራተኛ ሳምንቱ ላይ የደረሰው የሳውዲ አረቢያ ሊግ የወርሀ ነሀሴ የወሩ ምርጥ ተጨዋች #አራት እጩዎች ይፋ ተደርገዋል።

በዚህም መሰረት ክርስቲያኖ ሮናልዶ ( አል ናስር ) ፣ ሪያድ ማህሬዝ ( አል አህሊ ) ፣ ማልኮም ( አል ሂላል ) እና ኢጎር ኮሮናዶ ( አል ኢትሀድ ) በእጩነት መቅረብ የቻሉ ተጨዋቾች ናቸዉ።

@tikvahethsport     @kidusyoftahe

ሆልዲንግ ክሪስትያል ፓላስን ሊቀላቀል ነው !

ክሪስትያል ፓላስ እንግሊዛውን የተከላካይ ስፍራ ተጨዋች ሮብ ሆልዲንግን ከሰሜን ለንደኑ ክለብ አርሰናል ለማስፈረም ከስምምነት መድረሳቸው ተገልጿል።

አርሰናል ከሮብ ሆልዲንግ ዝውውር #አራት ሚልዮን ፓውንድ የዝውውር ክፍያ እንደሚቀበሉ ሲገለፅ ተጨዋቹ በአሁኑ ሰዓት የህክምና ምርመራ በማድረግ ላይ እንደሚገኝ ተዘግቧል።

@tikvahethsport     @kidusyoftahe

የአርሰናል የወሩ ምርጥ ተጨዋች ማን ይሆናል ?

በአሰልጣኝ ሚኬል አርቴታ የሚመራው የሰሜን ለንደኑ ክለብ አርሰናል የወርሀ ነሐሴ የወሩ ምርጥ ተጨዋች #አራት እጩዎችን ይፋ አድርገዋል።

እጩዎች እነማን ናቸው ?

👉 ቤን ዋይት

👉 ኢዲ ኒኪታህ

👉 ዊልያም ሳሊባ

👉 ዴክላን ራይስ

የወሩ ምርጥ ተጨዋች ማን ይሆናል ?

@tikvahethsport     @kidusyoftahe

የአርሰናል የወሩ ምርጥ ተጨዋች ማን ይሆናል ?

በአሰልጣኝ ሚኬል አርቴታ የሚመራው የሰሜን ለንደኑ ክለብ አርሰናል የወርሀ መስከረም የወሩ ምርጥ ተጨዋች #አራት እጩዎችን ይፋ አድርገዋል።

እጩዎች እነማን ናቸው ?

👉 ቡካዩ ሳካ

👉 ዴክላን ራይስ

👉 ማርቲን ኦዴጋርድ

👉 ዊልያም ሳሊባ

የወሩ ምርጥ ተጨዋች ማን ይሆናል ?

@tikvahethsport     @kidusyoftahe

ኖቲንግሀም ፎረስት ነጥብ ተቀነሰበት !

የእንግሊዝ ፕርሚየር ሊጉ ክለብ ኖቲንግሀም ፎረስት የፕርሚየር ሊጉን ፋይናንሻል ፌር ፕሌይ ህግ መጣሳቸውን ተከትሎ #አራት ነጥቦች እንደተቀነሱባቸው ተገልጿል።

የአራት ነጥብ ቅነሳውን ተከትሎ ኖቲንግሃም ፎረስት ወደ ወራጅ ቀጠናው በመውረድ በሀያ አንድ ነጥቦች አስራ ስምንተኛ ደረጃ ላይ ለመቀመጥ ተገደዋል።

ኖቲንግሀም ፎረስት በዘንድሮው የውድድር አመት ከኤቨርተን በመቀጠል ነጥብ የተቀነሰበት ሁለተኛው የፕርሚየር ሊግ ክለብ ሆነዋል።

@tikvahethsport     @kidusyoftahe

ኖቲንግሀም ያቀረበው ይግባኝ ተቀባይነት አላገኘም !

የእንግሊዝ ፕርሚየር ሊጉ ክለብ ኖቲንግሀም ፎረስት የፕርሚየር ሊጉን ፋይናንሻል ፌር ፕሌይ ህግ ጥሰዋል በሚል በቅርቡ #አራት ነጥቦች እንደተቀነሱባቸው ይታወቃል።

ኖቲንግሀም ፎረስት ውሳኔውን በመቃወም ይግባኝ መጠየቃቸው ቢገለፅም ተቀባይነት ሳያገኙ ቀሬተው ቅጣቱ መፅናቱ ታውቋል።

የአራት ነጥብ ቅነሳው የፀናባቸው ኖቲንግሃም ፎረስቶች አሁን ላይ ከወራጅ ቀጠናው በሶስት ነጥብ ርቀው በሀያ ዘጠኝ ነጥቦች አስራ ሰባተኛ ደረጃ ላይ ይገኛሉ።

@tikvahethsport     @kidusyoftahe

ጄራርድ ፒኬ ምርመራ እንደተከፈተበት ተገለጸ !

የቀድሞ የስፔን ብሔራዊ ቡድን እና ባርሴሎና የተከላካይ ስፍራ ተጨዋች ጄራርድ ፒኬ በሙስና ወንጀል ተጠርጥሮ ምርመራ እየተደረገበት እንደሆነ ተገልጿል።

ጄራርድ ፒኬ ምርመራው የተከፈተበት ሉዊስ ሩብያሌስ የስፔን እግርኳስ ፌዴሬሽን ፕሬዝዳንት በነበሩበት ወቅት የስፔን ሱፐር ካፕ ውድድር ወደ ሳውዲ አረቢያ ማምራት ጋር በተያያዘ መሆኑ ተነግሯል።

የስፔን ሱፐር ካፕ ውድድር ሳውዲ አረቢያ ላይ እንዲደረግ የአምስት አመት ውል ሲፈፀም የጄራርድ ፒኬ ተቋም የኮሚሽን ክፍያ ማግኘቱ ተገልጿል።

እስከ 2025 በሚዘልቀው ስምምነቱ የጄራርድ ፒኬ ተቋም እንደ ኮሚሽን በአመት #አራት ሚልዮን ዩሮ እንደሚቀበል ሲገለፅ የስፔን እግርኳስ ፌዴሬሽን #አርባ ሚልዮን ዩሮ እንደሚያገኝ ተዘግቧል።

@tikvahethsport     @kidusyoftahe

ናይጄሪያ ሽንፈት አስተናግዳለች !

በአለም ዋንጫ ማጣሪያ የምድብ አራተኛ ጨዋታ የናይጄሪያ ብሔራዊ ቡድን ከቤኒን አቻው ጋር ያደረገውን ጨዋታ 2ለ1 በሆነ ውጤት ተሸንፏል።

ዘ ሱፐር ኤግል በሚል ቅፅል ስም የሚታወቀው የናይጄሪያ ብሔራዊ ቡድን በአለም ዋንጫ ማጣሪያው ያደረጋቸውን #አራት ጨዋታዎች ማሸነፍ ሳይችል ቀርቷል።

ብሔራዊ ቡድኑ ሶስት ጨዋታዎችን በአቻ ውጤት አጠናቆ በአንዱ ተሸንፎ በሶስት ነጥቦች እና አንድ የግብ እዳ የምድቡ አምስተኛ ደረጃ ላይ ይገኛል።

በቀድሞ የናይጄሪያ ብሔራዊ ቡድን አሰልጣኝ ጌርኖት ሮር የሚመራው የቤኒን ብሔራዊ ቡድን በበኩሉ ማሸነፉን ተከትሎ ነጥቦቹን ሰባት በማድረስ ምድቡን በበላይነት መምራት ጀምሯል።

@tikvahethsport     @kidusyoftahe

#Paris2024

በዛሬው ዕለት ጅማሮውን ባደረገው የ2024 ፓሪስ ኦሎምፒክ ውድድር በመጀመሪያው ቀን ውሎ አስራ ሶስት የወርቅ ሜዳልያዎች ለውድድር አሸናፊዎች እንደሚበረከቱ ተገልጿል።

የሀገሪቱ የፈጣን ባቡር መስመር ትላንት ጥቃት የተፈፀመበት መሆኑን ተከትሎ በሺዎች የሚቆጠሩ
አትሌቶች በጀልባ ለመጓጓዝ መገደዳቸው ተነግሯል።

ቻይና የመጀመሪያውን የ2024 ፓሪስ ኦሎምፒክ ውድድር የወርቅ ሜዳልያ አሸናፊ ሀገር መሆን ችላለች።

በዛሬው ዕለት በዋና #አራት ፣ በብስክሌት ፣ ፌንሲንግ ፣ ጁዶ ለእያንዳንዳቸው #ሁለት እንዲሁም በዳይቪንግ ፣ ራግቢ እና ሹቲንግ ለእያንዳንዳቸው #አንድ የወርቅ ሜዳልያ ይጠበቃል።

@tikvahethsport     @kidusyoftahe

የመድፈኞቹ የወሩ ምርጥ ተጨዋች ማን ይሆናል ?

በአሰልጣኝ ሚኬል አርቴታ የሚመሩት አርሰናሎች የወርሀ ነሐሴ የወሩ ምርጥ ተጨዋች #አራት እጩዎችን ይፋ አድርገዋል።

በዚህም መሰረት ቡካዮ ሳካ ፣ ዴቪድ ራያ ፣ ካይ ሀቨርትዝ እና ዊሊያም ሳሊባ የአርሰናል የአመቱ የመጀመሪያ ወር ምርጥ ተጨዋች እጩ ሆነው መቅረብ ችለዋል።

የወሩ ምርጥ ተጨዋች ማን ይሆናል ?

@tikvahethsport      @kidusyoftahe