ሉሲዎቹ ተጋጣሚያቸውን አውቀዋል !

የኢትዮጵያ ሴቶች ብሔራዊ ቡድን ለፓሪሱ ኦሎምፒክ ለማለፍ ለሚያደርገው የማጣርያ ውድድር ተጋጣሚዎቹን አውቋል።

ብሔራዎ ቡድኑ በመጀመሪያ ዙር የማጣርያ ጨዋታ የቻድ አቻውን የሚገጥም ሲሆን ይህን ጨዋታ ከረታ በሁለተኛው ዙር ማጣርያ ከናይጄርያ ብሔራዊ ቡድን ጋር የሚጫወት ይሆናል።

በፓሪሱ ኦሎምፒክ ላይ አፍሪካን በመወከል #ሁለት ሀገራት ብቻ ተሳታፊ ይሆናሉ።

የማጣርያ የመጫወቻ ጊዜያት ለመመልከት :- https://t.iss.one/tikvahethsport/41800

ሙሉ የማጣርያ መርሐ ግብሩ ከላይ በምስሉ ላይ ተያይዟል

@tikvahethsport     @kidusyoftahe

አትሌት ለተሰንበት ግደይ ሪከርዷ ተሰበረ !

በፓሪስ እየተካሄደ በሚገኘው የፓሪስ ዳይመንድ ሊግ በአትሌት ለተሰንበት ግደይ ተይዞ የነበረው የ 5,000 ሜትር የአለም ሪከርድ በኬንያዊቷ ፌዝ ኪፕዬጎን ተሰብሯል።

እልህ አስጨራሽ በነበረው ውድድር ፌዝ ኪፕዬጎን የአለም ሪከርድን የግሏ ስታደርግ ለተሰንበት ግደይ የውድድር ዓመቱን የግሏን ምርጥ ሰዓት በማስመዝገብ #ሁለተኛ ደረጃን ይዛ አጠናቃለች።

ኬንያዊቷ አትሌት ፌዝ ኪፕዬጎን በአንድ ሳምንት ጊዜ ውስጥ #ሁለት_ሪከርዶችን በመስበር ( 1,500 እና 5,000 ሜትር ) የሪከርድ ባለቤት ለመሆን ችላለች።

ፌዝ ኪፕዬጎን ከሳምንት በፊት በተመሳሳይ በገንዘቤ ዲባባ ተይዞ የነበረውን የ 1,500ሜትር የአለም ሪከርድ መስበሯ ይታወሳል።

የ 5,000 ሜትር የምሽቱ ውጤት ምን ይመስላል ?

1ኛ ፌዝ ኪፕዬጎን - 14:05.20 ( የአለም ሪከርድ )

2ኛ ለተሰንበት ግደይ - 14:07.94 ( የውድድር ዓመቱ የግል ምርጥ ሰዓት )

3ኛ እጅጋየሁ ታዬ - 14:13.31 ( የውድድር ዓመቱ የግል ምርጥ ሰዓት )

@tikvahethsport     @kidusyoftahe

ቪክቶር ኦሲሜን ክለቡን ሊከስ ነው !

ከሰላሳ ዓመታት በኋላ ክለቡ ናፖሊ የሴርያውን ዋንጫ እንዲያሳካ ትልቁን ድርሻ የተወጣው ቪክቶር ኦሲሜን በክለቡ የቲክ ቶክ ገፅ ላይ ያልተገባ #ሁለት ተንቀሳቃሽ ምስል ሲሰራጭበት ታይቷል።

በተንቀሳቃሽ ምስሉ እንደታየው በፀገሩ ሲቀለድበት እንዲሁም የፍፁም ቅጣት ምት ሲስት የሚያሳይ ቪድዮዎች ክለቡ ለተመልካች አጋርቶ ተስተውሏል።

በጉዳዩ ላይ ደስተኛ እንዳልሆነ የተነገረው ቪክቶር ኦሲሜን እና ወኪሉ ሮቤርቶ ካሌንዳ ህጋዊ እርምጃ እንዲወሰድላቸው እንደሚፈልጉ በወኪሉ በኩል ተገልጿል።

" የተደረገው ነገር ተቀባይነት የለውም " የሚለው ወኪሉ ካሌንዳ " በኦሲሜን ላይ ትልቅ ጉዳት የሚያደርስ ድርጊት ነው ፣ ህጋዊ እርምጃ እንዲወሰድልን እንጠይቃለን " ብሏል።

ድርጊቱ መነሻውን ምንድነው ?

ናፖሊ በሳምንቱ መጨረሻ ከቦሎኛ ጋር በነበራቸው የሴርያው መርሐ ግብር 0ለ0 ሲወጡ ቪክቶር ኦሲሜን የፍፁም ቅጣት ምት ስቶ ነበር።

ቪክቶር ኦሲሜን ምን ምላሽ ሰጠ ?

ቪክቶር ኦሲሜን ክለቡ ይህን ድርጊት ከፈፀመበት በኋላ በክለቡ ማልያ የተነሳቸውን እና በኢንስታግራም ገፁ ያጋራቸውን መረጃዎች በሙሉ አጥፍቷል።

የሴርያው ክለብ ናፖሊ ጉዳዩ ከተፈጠረ በኋላ በሁነቱ ላይ የሰጡት ምንም አይነት ምላሽ እስከአሁን የለም።

ናይጄርያዊው የፊት መስመር አጥቂ ቪክቶር ኦሲሜን በናፖሊ ቤት እስከ 2025 የውድድር ዓመት ድረስ የሚያቆይ ኮንትራት አለው።

@tikvahethsport     @kidusyoftahe