#BKEthPL 🇪🇹

ሀዋሳ ከተማ ከመቻል ጋር ያደረጉትን የሀያ ስድስተኛ ሳምንት የኢትዮጵያ ፕርሚየር ሊግ መርሐ ግብር 1ለ1 በሆነ አቻ ውጤት አጠናቀዋል።

የሀዋሳ ከተማን ግብ ተባረክ ሄፋሞ ሲያስቆጥር ለመቻል የአቻነቷን ግብ ምንተስኖት አዳነ ከመረብ ማሳረፍ ችሏል።

መቻል በሊጉ ደረጃ ሰንጠረዥ ሰላሳ አምስት ነጥቦችን በመሰብሰብ ሰባተኛ ደረጃ ላይ ሲቀመጥ ሀዋሳ በተመሳሳይ ሰላሳ አምስት ነጥብ በግብ ክፍያ ተበልጦ ስምንተኛ ደረጃን ይዟል።

በቀጣይ የሊጉ መርሐግብር ሀዋሳ ከተማ ከወላይታ ድቻ መቻል ከባህርዳር ከተማ ጋር የሚገናኙ ይሆናል።

@tikvahethsport     @kidusyoftahe

#BKEthPL 🇪🇹

በቤትኪንግ የኢትዮጵያ ፕርሚየር ሊግ ሀያ ስድስተኛ ሳምንት መርሐ ግብር ወላይታ ድቻ ከ ሲዳማ ቡና ጋር ያደረጉትን ጨዋታ 0 ለ 0 በሆነ አቻ ውጤት አጠናቀዋል።

ሲዳማ ቡና ከአራት ተከታታይ ድሎች በኋላ ነጥብ ተጋርቶ ወጥቷል።

በሊጉ ደረጃ ሰንጠረዥ ሲዳማ ቡና በሰላሳ አራት ነጥብ #አስረኛ ደረጃ ላይ ሲቀመጥ ወላይታ ድቻ በሰላሳ ሶስት ነጥቦች አስራ ሁለተኛ ደረጃ ላይ ይገኛል።

በቀጣይ የሊጉ መርሐ ግብር ሲዳማ ቡና ከ አርባምንጭ ከተማ እንዲሁም ወላይታ ድቻ ከ ሀዋሳ ከተማ ጋር የሚጫወቱ ይሆናል።

@tikvahethsport     @kidusyoftahe

#BKEthPL 🇪🇹

ፋሲል ከነማ ከወልቂጤ ከተማ ጋር ያደረገውን የሀያ ሰባተኛ ሳምንት የቤትኪንግ የኢትዮጵያ ፕርሚየር መርሐ ግብር 0ለ0 በሆነ አቻ ውጤት አጠናቀዋል።

ፋሲል ከነማ በሊጉ ደረጃ ሰንጠረዥ ሰላሳ ስምንት ነጥቦችን በመሰብሰብ አምስተኛ ደረጃን ሲይዝ ወልቂጤ ከተማ በሰላሳ አራት ነጥብ አስራ ሁለተኛ ደረጃ ላይ ተቀምጠዋል።

በቀጣይ የሊጉ መርሐ ግብር ፋሲል ከነማ ከ ኢትዮ ኤሌክትሪክ እንዲሁም ወልቂጤ ከተማ ከመቻል ጋር የሚገናኙ ይሆናል።

@tikvahethsport     @kidusyoftahe

#BKEthPL 🇪🇹

በቤትኪንግ የኢትዮጵያ ፕርሚየር ሊግ የሀያ ስምንተኛ ሳምንት መርሐ ግብር አዳማ ከተማ ከ ሀድያ ሆሳዕና ጋር ያደረጉትን ጨዋታ 3ለ3 በሆነ አቻ ውጤት አጠናቀዋል።

የአዳማ ከተማን ግቦች ዳዋ ሁቴሳ 2x እና አዲስ ተስፋዬ ከመረብ ማሳረፍ ሲችሉ ለሀድያ ሆሳዕና የአቻነት ግቦችን ባዬ ገዛኸኝ 2x እና ሰመረ ሀፍተይ አስቆጥረዋል።

ባዬ ገዛኸኝ በውድድር አመቱ ያስቆጠራቸውን ግቦች ወደ ስምንት ከፍ ማድረግ ችሏል።

ሀድያ ሆሳዕና አርባ ነጥቦችን በመሰብሰብ አራተኛ ደረጃ ላይ ሲቀመጥ አዳማ ከተማ በሰላሳ ሰባት ነጥቦች ስምንተኛ ደረጃን ይዟል።

በቀጣይ የሊጉ መርሐ ግብር አዳማ ከተማ ከ ኢትዮጵያ መድን እንዲሁም ሀድያ ሆሳዕና ከቅዱስ ጊዮርጊስ ጋር የሚጫወቱ ይሆናል።

@tikvahethsport     @kidusyoftahe

#BKEthPL 🇪🇹

በቤትኪንግ የኢትዮጵያ ፕርሚየር ሊግ ተስተካካይ መርሐ ግብር ቅዱስ ጊዮርጊስ ከ ባህር ዳር ከተማ ጋር ያደረጉትን ጨዋታ 2ለ2 በሆነ አቻ ውጤት አጠናቀዋል።

የፈረሰኞቹን ግቦች አቤል ያለው እና ቸርነት ጉግሳ ከመረብ ማሳረፍ ሲችሉ ለጣናው ሞገድ አለልኝ አዘነ እና ፍራኦል መንግስቱ አስቆጥረዋል።

የቅዱስ ጊዮርጊሱ የፊት መስመር ተጨዋች ቸርነት ጉግሳ በውድድር አመቱ ያስቆጠራቸውን ግቦች ወደ ሰባት ከፍ አድርጓል።

ቅዱስ ጊዮርጊስ በሊጉ ደረጃ ሰንጠረዥ ነጥቦቹን ሀምሳ ዘጠኝ በማድረስ ሊጉን መምራቱን ሲቀጥል ባህር ዳር ከተማ በሀምሳ አራት ነጥቦች ሁለተኛ ደረጃን ይዟል።

በቀጣይ የሊጉ መርሐ ግብር ቅዱስ ጊዮርጊስ ከ ኢትዮጵያ ቡና እንዲሁም ባህር ዳር ከተማ ከ ሲዳማ ቡና ጋር የሚገናኙ ይሆናል።

@tikvahethsport     @kidusyoftahe

#BKEthPL 🇪🇹

በቤትኪንግ የኢትዮጵያ ፕርሚየር ሊግ የሀያ ስምንተኛ ሳምንት መርሐ ግብር ፋሲል ከነማ ከ ኢትዮጵያ መድን ጋር ያደረጉትን ጨዋታ 0ለ0 በሆነ አቻ ውጤት አጠናቀዋል።

ኢትዮጵያ መድን በአርባ ዘጠኝ ነጥቦች ሶስተኛ ደረጃ ላይ ሲቀመጥ ፋሲል ከነማ በሰላሳ ዘጠኝ ነጥቦች ስድስተኛ ደረጃን መያዝ ችሏል።

በቀጣይ የሊጉ መርሐ ግብር ፋሲል ከነማ ከኢትዮ ኤሌክትሪክ እንዲሁም ኢትዮጵያ መድን ከ አዳማ ከተማ ጋር የሚገናኙ ይሆናል።

@tikvahethsport     @kidusyoftahe

#BKEthPL 🇪🇹

ከቀናት በኋላ ሐሙስ በሚጀምረው የቤት ኪንግ ኢትዮጵያ ፕርሚየር ሊግ ላለመውረድ በሚደረገው አጓጊ ፉክክር ሁለት ጨዋታዎች በእኩል ሰዓት እንዲደረጉ አወዳዳሪው አካል ከውሳኔ ደርሷል።

ይህንንም ተከትሎ አርባምንጭ ከተማ ከ ድሬዳዋ ከተማ በአዳማ አበበ በቂላ ስታዲየም እንዲሁም ወላይታ ድቻ ከ ወልቂጤ ከተማ በአዳማ ሳይንስ እና ቴክኖሎጂ ዩኒቨርስቲ ስታዲየም በእኩል 9:00 ሰዓት እንዲደረጉ ከውሳኔ ተደርሷል።

@tikvahethsport     @kidusyoftahe

#BKEthPL 🇪🇹

በቤትኪንግ የኢትዮጵያ ፕርሚየር ሊግ የ 2015 ዓ.ም የውድድር አመት የመጨረሻ ጨዋታቸውን ያደረጉት ኢትዮጵያ ቡና እና ፋሲል ከነማ ጨዋታቸውን 0ለ0 በሆነ አቻ ውጤት አጠናቀዋል።

ኢትዮጵያ ቡና የውድድር አመቱን አርባ ሶስት ነጥቦች በመሰብሰብ ማጠናቀቅ የቻሉ ሲሆን በአመቱ ውስጥ አስራ ሶስት ጨዋታዎች አቻ ተለያይተው አስር አሸንፈው ሰባት ደግሞ ሽንፈት አስተናግደዋል።

ፋሲል ከነማ በበኩሉ በተመሳሳይ አርባ ሶስት ነጥቦች በመሰብሰብ የውድድር አመቱን ያጠነቀቀ ሲሆን በአመቱ ውስጥ አስራ አንድ ጨዋታዎች አሸንፈው አስር አቻ ተለያይተው ዘጠኝ ጨዋታዎች ተሸንፈዋል።

በሊጉ ወቅታዊ የደረጃ ሰንጠረዥ መሰረት ቡናማዎቹ አራተኛ እንዲሁም አፄዎቹ በግብ ክፍያ ተበልጠው አምስተኛ ደረጃ ላይ ተቀምጠዋል።

@tikvahethsport     @kidusyoftahe