* Afar

የአፋር ሰብዓዊ መብት ድርጅት ሊቀመንበር የሆኑት ገአስ አህመድ የህወሓት ታጣቂዎች ተቆጣጥረው ከነበረው ያሎ፣ ጎሊና፣ አውራ እና እዋ ወረዳዎች ተጠራርገው መውጣታቸውን አረጋገጡ።

አቶ ገአስ ዛሬ ምሽት ለጀርመን ድምፅ ሬድዮ በሰጡት ቃል የአፋር ልዩ ኃይል ፣ የአፋር ሚሊሻ፣ የአፋር ታጋዮች ከትላንት በስቲያ እዋን ፤ ትላንት ደግሞ አውራ ጎሊና እና ያሎን አስለቅቀው ሙሉ በሙሉ መቆጣጠራቸውን ገልፀዋል።

ህወሓት ተቆጣጥሯቸው በነበሩት ቦታዎች ውድመት ደርሷል ያሉት አቶ ጋአስ በጎሊና በሚገኘው የጤና ተቋም፦
- ሙሉ በሙሉ ዝርፊያ ተፈፅሟል።
- ቢሮዎች ፣ የሰራተኞች ዶክመንቶች ተዘርፈዋል፣ ተመዝብረዋል፤ ግማሹን አቃጥለዋል ሲሉ አስረድተዋል።

በሌላ በኩል አቶ ገአስ አህመድ ተጎጂዎችን ለማቋቋም ስለሚሰራው ስራም ያስረዱ ሲሆን የክልሉ መንግስት በተወሰነ ደረጃ በነፍስ ወከፍ እርዳታ ሲያደርግ ነበር ፤ ያ ግን አጥጋቢ ስላልነበር ብዙ ሮሮዎች ይሰሙ ነበር ብለዋል።

አቶ ገአስ በእነሱ በኩል በቅርቡ ጎፈንድሚ አካውንት በመክፈት ለተፈናቃዮች እርዳታ ለማሰባሰብ ጥረት እያደረጉ መሆኑን በማንሳት የተፈናቀሉትን ወገኖችን ፣ ተጎጂዎችን መልሶ የማቋቋሙ ስራ የሁሉም ኢትዮጵያዊ ዜጎች ስራ ነው ፤ ይህንን ኃላፊነትም ሁሉም ይወጣዋል ብዬ አምናለሁ ሲሉ ገልፀዋል።

ከዚህ ቀደም በግለሰብ እንዲሁም በክልሎችም ደረጃ ተፈናቃዮችን ለመርዳት በተወሰነ ደረጃ እንቅስቃሴ እንደነበር ያስታወሱት አቶ ጋአስ አሁን ትልቁ ስራ የተፈናቀሉ ሰዎችን ወደቦታቸው መልሶ ማቋቋሙ ነው ፤ ይህንንም የኢትዮጵያ ህዝብ በጋራ ሆኖ ያደርገዋል ብዬ አምናለሁ ብለዋል።

@tikvahethiopia

በዙሪክ ዳይመንድ ሊግ በሪሁ አረጋዊ አሸነፈ።

ዛሬ ምሽት በስዊዘርላንድ፣ ዙሪክ በተካሄደ የዳይመንድ ሊግ ውድድር በ5000 ሜትር ወንዶች ውድድር አትሌት በሪሁ አረጋዊ በ12:58.65 በሆነ ሰዓት 1ኛ በመውጣት ሲያሸንፍ አትሌት ዮሚፍ ቀጄልቻ በ13:04.29 በሆነ ሰዓት 5ኛ በመውጣት አጠናቋል።

በሴቶች 5000 ሜትር አትሌት እጅጋየሁ ታዬ በ14:30.30 በሆነ ሰዓት 3ኛ ስትወጣ አትሌት ፋንቱ ወርቁ በ14:43.60 ስድስተኛ ደረጃ በመያዝ ውድድሯን ፈፅማለች።

Credit : EAF

@tikvahethiopia

#Update

የኢትዮጵያ ጠ/ሚ ዶ/ር ዐቢይ አህመድ ወደሀገራቸው ተመልሰዋል።

ጠቅላይ ሚኒስትር ዶ/ር ዐቢይ አሕመድ እና የልዑካን ቡድናቸው #በሴኔጋል እና #በጋና ያደረጉትን የስራ ጉብኝት አጠናቀው ዛሬ ወደኢትዮጵያ መመለሳቸው የጠ/ሚ ፅ/ቤት አሳውቋል።

የሥራ ጉብኝቱ የተሳካ እንደነበር ፅ/ቤቱ ጨምሮ ገልጿል።

ፎቶ ፦ ፋይል

@tikvahethiopia

#MIND_ETHIOPIA

'ሀገራዊ የምክክር ሂደት በኢትዮጵያ'

ነገ ጳጉሜ 4 ቀን 2013 ዓ/ም ጥዋት ማይንድ ኢትዮጵያ "ሀገራዊ የምክክር ሂደት በኢትዮጵያ" በሚል ርዕስ ከተለያዩ ባለድርሻ አካላት ጋር በስካይ ላይት ሆቴል ምክክር እንደሚያካሂድ ለማወቅ ችለናል።

በዚህም መድረክ ላይ አለም አቀፍ እና ሀገራዊ ልምዶች እንዲሁም የማይንድ ኢትዮጵያ አመሰራረት ፣ እንቅስቃሴና ቀጣይ ስራዎች ላይ ጥልቅ ውይይት ይካሄዳል ተብሎ ይጠበቃል።

በውይይት መድረኩ በጉዳዮቹ ላይ የጋራ መግባባት ለመፍጠር መታሰቡንም ለማወቅ ችለናል።

እነማን ይሳተፉበታል ?
- የፖለቲካ ፓርቲ አመራሮች
- የሲቪክ ማህበራት አመራሮች
- የግሉ ዘርፍ አመራሮች
- የሚዲያ ተቋማት አመራሮች
- የመንግስት አካላት
- የማይንድ ምክር ቤት አባላት
- የሀይማኖት መሪዎች
- የሀገር ሽማግሌዎችና የሰላም እናቶች ተወካዮች ይገኛሉ ተብሎ ይጠበቃል።

@tikvahethiopia

" ... ሱዳን እየሄደችበት ያለው መንገድ የተሳሳተ እና የማይጠቅማት በመሆኑ ከድርጊቷ ብትቆጠብ መልካም ነው" - አምባሳደር ዲና ሙፍቲ

የውጭ ጉዳይ ሚኒስቴር ቃል አቀባይ የሆኑት አምባሳደር ዲና ሙፍቲ ፤ ሱዳን ከተሳሳተው መንገዷ እንድትመለስ አሁንም ኢትዮጵያ ትጠይቃለች አሉ።

ሱዳን በተጠናቀቀው አመት የኢትዮጵያን ድንበር አልፋ የተለያዩ ትንኮሳዎችን ማድረጓን ያስታወሱት አምባሳደር ዲና " አሁንም ሱዳን ከተሳሳተው መንገዷ እንድትመለስ ኢትዮጵያ ትጠይቃለች " ብለዋል።

አምባሳደር ዲና ፥ የኢትዮጵያ መንግስት ከሱዳን ጋር ያለውን የድንበር ውዝግብ በትዕግስት መከታተሉን ያነሱ ሲሆን በተጠናቀቀው 2013 ዓ / ም ኢትዮጵያ ከገጠሟት ችግሮች የሱዳን ድንበር ውጥረት አንዱ መሆኑን አስታውቀዋል።

ቃል አቀባዩ ፥ " ችግሩ ባይፈታም ኢትዮጵያ 🇪🇹 ግን ጉዳዩን በበሳል ዲፕሎማሲ እይታ ተከታተለዋለች " ብለዋል። ሱዳን እየሄደችበት ያለው መንገድ የተሳሳተና የማይጠቅማት በመሆኑ ከድርጊቷ ብትቆጠብ መልካም እንደሆነ ተናግዋል፡፡

ከእንደዚህ አይነት ድርጊት በዘለለ ደግሞ #የአፍካውያን_ኩራት በሆነው አየር መንገዳችን ስም ለማጠልሸት የሚደረገውንም ድርጊት ኮንነዋል፡፡

Credit : Ethio FM 107.8

@tikvahethiopia

በቤኒሻንጉል ጉሙዝ ክልል መንግስት ዛሬ ባወጣው መግለጫ መተከልና ካማሺ ዞኖች ሚንቀሳቀሰው በሽብርተኛ ድርጅትነት የተፈረጀው የህወሃት ቡድን ተላላኪ ነው ያለው " ጸረ-ሠላም ኃይል" ሽፍትነትን የኑሮ አካል በማድረጉ በክልሉ በምንም ሁኔታ ሠላም እንዲኖር አለመፈለጉን በተግባር እያሳየ ይገኛል ብሏል።

ክልሉ ከፌዴራል መንግስት ጋር በመሆን ባለፉት ጊዜያት በዞኖቹ የተፈጠረውን የፀጥታ ችግር ለመፍታት የተለያዩ እርምጃዎችን ከመውሰድ ባሻገር የተለያዩ አማራጫጮችን አስቀምጦ ሲሰራ እንደነበር አስታውሷል።

ችግሩን በሠላማዊ መንገድና በውይይት ለመፍታት ከፍተኛ የሆነ የበጀት፣ጊዜ፣ሰው ኃይል በመመደብ ለወራት የዘለቀ ከፍተኛ ጥረት ማድረጉን ገልጿል።

በሁለቱ ዞኖች ከሚንቀሳቀሰው የጥፋት ቡድኑ አባላት መካከል የተወሰኑት የቀረበውን 'ሠላማዊ ድርድር' በመቀበላቸው የተሃድሶ ስልጠና እንዲወስዱ መደረጉን አስታውሷል።

ነገር ግን መንግስት ያስቀመጠውን የሠላማዊ ድርድር ዕድል እንደ ፍርሃትና ሽንፈት በመቁጠር የህወሓትን ተልውኮ ለማስፈጸም የተሃድሶ ስልጠና የወሰዱት የጥፋት ቡድኑ አባላት ሳይቀር ወደ ጫካ በመግባት አሁንም በንጹኃን ዜጎች ላይ ጥቃት እያደረሱ ዜጎች ደክመው ያፈሩትን ሃብትና ንብረት መዝረፍ ቀጥለውበታል ብሏል።

የክልሉ መንግስት እና የመተከል ዞን የተቀናጀ ኮማንድ ፖስት የችግሩን አሳሳቢነት በመረዳት፦
-ከሃገር መከላከያ ሠራዊት
-ከፌዴራል ፖሊስ
-ከየክልሎች የልዩ ኃይል አባላት
-ከሚሊሺያ አባላትና ከግል ታጣቂዎች ጋር በመሆን በጥፋት ቡድኑ ላይ ለአንዴና ለመጨረሻ ጊዜ የሚወሰደውን እርምጃ በአጭር ጊዜ ውስጥ ለማጠናቀቅ ዝግጅት ማድረጉን ክልሉ አሳውቋል።

በዚህም በመተከልና ካማሺ ዞኖች የሚኖሩ የህብረተሰብ ክፍሎች እራሳቸውን ከጥፋት ቡድኑ እንዲለዩ ጥብቅ ማሳሰቢያ ተላልፏል።

@tikvahethiopia