#update በቢሾፍቱ አቅራቢያ የዛሬ አንድ ወር በተከሰሰው የኢትዮጵያ አየር መንገድ አውሮፕላን አደጋ ህይወታቸውን ላጡ የተባበሩት መንግስታት ድርጅት እና መንግስታዊ ያልሆኑ ድርጅቶች ሰራተኞች ዛሬ የመታሰቢያ ስነ ስርዓት በአዲስ አበባ ተካሂዷል። የመታሰቢያ ስነ ስርዓቱ የተከናወነው በአፍሪካ ኢኮኖሚክ ኮሚሽን አዳራሽ ውስጥ ነው።

Via DW
@tsegabwolde @tikvahethiopia

#update ከባቲ- ከሚሴ በአንድ ግለሰብ ሲዘዋወር የነበረ 880 የክላሽ ጥይት ኮምቦልቻ ከተማ ላይ በቁጥጥር ስር መዋሉን የኮምቦልቻ ከተማ አስተዳደር ፖሊስ ጽሕፈት ቤት አስታወቀ፡፡

የኮምቦልቻ ከተማ አስተዳደር ፖሊስ ጽሕፈት ቤት ኃላፊ ኮማንደር ያለለት ዘገዬ ለአብመድ እንደተናሩት ዛሬ ሚያዚያ 2 ቀን 2011 ዓ.ም ረፋድ ላይ 880 የክላሽ ጥይቶችንና 400 ሺህ ብር የያዘ የባንክ ደብተር ይዞ ሲጓዝ የነበረ ግለሰብ መናኸሪያ ባሉ ተራ አስከባሪዎች እና የትራንስፖርት ባለሙያዎች ተይዞ ለፖሊስ መሰጠቱን አስታውቀዋል፡፡

አንዳንድ የመረጃ ምንጮች ደግሞ ግለሰቡ 8 ሺ 150 ብር በካሽ፣ የሞባይል ካርድና ፓስፖርት ይዞ መገኘቱን ተናግረዋል::

በአካባቢው ሰላም የሚያውኩ ድርጊቶች እንዳይፈጠሩ የክልሉ ልዩ ኃይል፣ ፀረ ሽምቅ፣ ሚሊሻ እና የአካባቢው ፖሊስ ተሰማርቶ እየጠበቀ እንደሆነም ኮማንደር ያለለት ተናግረዋል፡፡ ወደ አካባቢው የሀገር መካለከያ ሠራዊት እንደገባም ለአብመድ አስታውቀዋል፡፡

አካባቢው #ትልልቅ ድርጅቶች የሚገኙበት በመሆኑም ጥቃት እንዳይደርስባቸው ከወጣቱ እና ከአካባቢው ማኅረሰብ ጋር በመተባበር ጥብቅ ጥበቃ እየተደረገላቸው እንደሆነ ነግረውናል፡፡

በጉዳዩ ዙሪያ ተጨማሪ ምርመራ እየተደረገ እንደሆነ ኮማንደሩ አስታውቀዋል፤ ኮምቦልቻ እና አካባቢዋ ምንም ዓይነት የፀጥታ ችግር ባይኖርም #ስጋት ለመቅረፍ #መከላከያ በአካባቢው መኖሩን ኮማንደሩ አመልክተዋል፡፡

Via AMMA
@tsegabwolde @tikvahethiopia

#update በሰሜን ተራሮች ብሔራዊ ፓርክ ዳግም ያገረሸውን የእሳት ቃጠሎ በማስነሳት የተጠረጠሩ ግለሰቦች በቁጥጥር ስር መዋላቸውን አንድ የአካባቢው ባለስልጣን ተናገሩ። ካለፈው ሰኞ አመሻሽ ጀምሮ እንደገና የተነሳው እሳት በፓርኩ ላይ ከፍተኛ ጉዳት እያደረሰ ነው ተብሏል።

በአማራ ክልል የደባርቅ ወረዳ ዋና አስተዳዳሪ አቶ ምርኩዝ ዋሴ ለዶይቼ ቬለ እንደተናገሩት በፓርኩ ላይ “ሆን ብለው እሳቱን ለኩሰዋል” የተባሉ ተጠርጣሪዎች በቁጥጥር ስር ውለዋል። ስለ ተጠርጣሪዎቹ ብዛትም ሆነ እንዴት ቃጠሎው እንደተነሳ ዝርዝር መረጃ ከመስጠት የተቆጠቡት የወረዳው አስተዳዳሪ በአሁኑ ወቅት በፓርኩ ውስጥ “እሳቱ በከፍተኛ ሁኔታ እየተቀጣጠለ” እንዳለ አስረድተዋል።

የሰሜን ተራሮች ብሔራዊ ፓርክ የህብረተሰብ እና ቱሪዝም ሀብት ኃላፊ አቶ ታደሰ ይግዛው ቃጠሎው እንዴት ተነሳ የሚለውን ለማወቅ “አሁን ጊዜው ገና ነው” ብለዋል፡፡ ቃጠሎው በንፋስ ታግዞ ከፍተኛ ውድመት እያደረሰ እንዳለ እና እሳቱን ለማጥፋት በመረባረብ ላይ እንደሆኑም ገልጸዋል።

ባለፈው መጋቢት 19 ቀን 2011 ዓ.ም በፓርኩ የተነሳው እሳት ለሳምንት ያህል ቆይቶ መጥፋቱ አይዘነጋም። በወቅቱም ከ342 ሄክታር በላይ የፓርኩ ክፍል ተቃጥሏል፡፡ ባለፈው ሰኞ መጋቢት 30 አመሻሽ ላይ እንደገና ያገረሸው የእሳት ቃጠሎ ምን ያህል ውድመት እንዳደረሰ እስካሁን እንደማይታወቅ ኃላፊው አመልክተዋል፡፡

Via #ዶቼ_ቨለ
@tsegabwolde @tikvahethiopia

Alert‼️

የስሜን ተራሮች ብሔራዊ ፓርክ ቀጠሎ ወደ #ገደላማው የፓርኩ ክፍል በመግባት ከቁጥጥር ውጭ ሆኗል፡፡ ከፓርኩ ግጭ አካባቢ የተነሳው እሳት በርካታ አካባቢዎችን እያዳረሰ ወደ ፓርኩ ሰሜን ምዕራባዊ አቅጣጫ ገደላማ ክፍል ወርዷል፡፡ አሁንም በሰው ኃይል ለመቆጣጠር ጥረት እየተደረገ ነው፡፡

Via አብመድ
@tsegabwolde @tikvahethiopia

#update የኢትዮጵያ መንግስት ከኔዘርላንድ መንግስት ጋር በመተባበር በ877 ሚሊየን ብር በላይ በሆነ ወጭ በአለርቲ ሆስፒታል ግቢ ውስጥ በአይነቱ ልዩ እና የመጀመሪያ የሆነ አዲስ የህፃናት አጠቃላይ ሆስፒታል ለመገንባት የሚያስችል የመግባቢያ ሰነድ ተፈራርመዋል፡፡

@tsegabwolde @tikvahethiopia

የሩዋንዳ አስከፊ ታሪክ በኢትዮጵያ እንዳይደገም!

https://telegra.ph/የሩዋንዳ-አስከፊ-ታሪክ-በኢትዮጵያ-እንዳይደገም-04-10

"በሀገሪቱ በሚከሰተው የጸጥታና ተያያዥ ችግር ሣምንትን ያለ #ክፉ ዜና ማለፍ እየከበደ መጥቷል..." የኢፌዴሪ ጠቅላይ ሚኒስትር ዶክተር አብይ

@tsegabwolde @tikvahethiopia

የፅዳት ዘመቻ...

በኢትዮጵያ የፊታችን እሁድ በሁሉም ከተሞች፣ መንገዶች እና ሰፈሮች የፅዳት ዘመቻ ይካሄዳል፡፡

የኢፌዴሪ ጠቅላይ ሚኒስትር ዶክተር አብይ በትናትናው እለት ባቀረቡት ጥሪ መሰረት ሚያዚያ 6 ቀን 2011 በሁሉም የሀገሪቱ ክፍል የፅዳት ዘመቻ ይካሄዳል፡፡

ይህ የፅዳት ዘመቻ በመላ ሀገሪቱ እሁድ ጠዋት 1፡ 30 ጀምሮ እስከ ሶስት እንደሚካሄደ የወጣው መርሃ ግብ ያመለክታል፡፡

የጠቅላይ ሚኒስቴር ፅህፈት ቤት ባስተላለፈው ጥሪ የምናጸዳው በክብርና በንጹሕ አከባቢ መኖር መብታችን እንደሆነ ስለምናምን ነው ብሏል፡፡

ፅህፈት ቤት የምናጸዳው ለጤናችን ነው፤ማጽዳትም ኃላፊነታችን ስለሆነ ሲል ጥሪ አቀርቧል፡፡

ለኢትዮጵያ ጽዳት በአንድነት እንነሳ በማለት ጥሪ ይስተላለፈው ፅህፈት ቤቱ ሁሉም ኢትዮጵያዊያን ለአካባቢ ፅዳት በአንድነት መነሳት እንዳለባቸው ጠቁሟል፡፡

በትናትናው ዕለት መልካም አስተሳሰብን ለመስበክ የሚያግዝ የጽዳት ዘመቻ በሁሉም የሀገሪቱ ክፍሎች እንደሚካሄድ ጠቅላይ ሚኒስትር ዶክተር አብይ አህመድ ማስታወቃቸው የሚታወስ ነው፡፡

ጠቅላይ ሚኒስትር አብይ በሀገሪቱ በሚከሰተው የጸጥታና ተያያዥ ችግር ሣምንትን ያለ ክፉ ዜና ማለፍ እየከበደ መጥቷል ብለዋል፡፡

በመሆኑም ችግሮችን ባሉበት ለማቆምና እንዳይዛመቱ ለማስቻል ቀና ማሰብ ስለሚያስፈልግ በመጪው እሁድ በሁሉም የሀገሪቱ ክፍሎች የጽዳት ዘመቻ እንደሚደረግ አስታውቀዋል፡፡

Via #fbc
@tsegabwolde @tikvahethiopia

መላው #ኢትዮጵያን_ለማፅዳት_በአንድነት እንነሳ!

ዝግጁ ነዎት?

የፊታችን እሑድ ሚያዝያ 6 ቀን 2011 ከጠዋቱ ከ1:30 ጀምሮ እስከ 3:00 ሰዓት መላ ኢትዮጵያውያን በነቂስ ወጥተን መንገዶችንና ሰፈሮቻችንን እናጸዳለን። የምናጸዳው በክብርና በንጹሕ ከባቢ መኖር መብታችን እንደሆነ ስለምናምን ነው። የምናጸዳው ለጤናችን ነው፤ ማጽዳትም ኃላፊነታችን ስለሆነ ነው።

ጊዜ ሰጥተን #ከክፋትና #ክፋ ወሬ ራሳችንን በማራቅ መንፈሳችንንና ሀገራችንን እናፅዳ::

#PMOEthiopia
@tsegabwolde @tikvahethiopia

ጅማ ዩኒቨርሲቲ🔝የህክምና ተማሪዎች መብታቸው እና ደህንነታቸው እንዲጠበቅ በሰላማዊ ሰልፍ እየጠየቁ ናቸው::

ዘርዝር መረጃዎች ይኖሩኛል!!
@tsegabwolde @tikvahethiopia