#Update

የድሬደዋ ከተማ አስተዳደር የፀጥታ ኃይሉን ወደሰሜን ኢትዮጵያ ክፍል እንደሚያሰማራ አስታወቀ።

ከተማ አስተደሩ የልዩ ሀይል አባላቱ ዛሬ ሽኝት ይደረግላቸዋል ብሏል።

እስካሁን ድረስ የደቡብ እና ሲዳማ ክልል የፀጥታ ኃይሎች ወደ ሰሜኑ የኢትዮጵያ ክፍል የተንቀሳቀሱ ሲሆን ኦሮሚያ እንዲሁም ሱማሌ ክልል የፀጥታ ኃይላቸውን እንደሚያሰማሩ መግለፃቸው ይታወቃል።

Photo Credit : Dire Police

@tikvahethiopia

"ፎቶው ለምርጫ 2013 ያነሳሁት ነው" - አማኑኤል ስለሺ

ከሰሞኑን በተለያዩ ከተሞች የሚኖሩ #የትግራይ_ተወላጆች ያለ ምንም አግባብ ለእንግልትና ማንነትን መሰረት ላደረገ እስር እየተዳረጉ መሆኑን ለቲክቫህ ቤተሰቦች ሪፖርት ማድረጋቸው ይታወሳል።

ፖሊስ ስለጉዳዩ የሰጠውን ምላሽንም ሰምተናል።

ከዚሁ ጉዳይ ጋር በተያያዘ አምነስቲ ኢንተርናሽናል አንድሪፖርት ዛሬ ይፋ አድርጎ ነበር።

አምነስቲ በሪፖርቱ የአዲስ አበባ ከተማ ፖሊስ የትግራይ ተወላጆችን ከሕግ አግባብ ውጪ በሆነ መልኩ አስሯል ብሏል።

የትግራይ ተወላጆች ለእስር የተዳረጉት የትግራይ ኃይሎች መቐለ ከገቡ በኋላ ነው ያለ ሲሆን እስሩም ማንነትን መሠረት ያደረገ ይመስላል ሲልም ይገልጻል።

የፌደራሉ መንግስት በሰብዓዊነት ላይ ያተኮረ የተናጠል የተኩስ አቁም አውጆ ከትግራይ መውጣቱን ተከትሎ ባለፉት ሁለት ሳምንታት ከፍተኛ ቁጥር ያላቸው የትግራይ ተወላጆች መታሰራቸውን ድርጅቱ በሪፖርቱ አምልክቷል።

በመቶዎች የሚቆጠሩ ሰዎች አሁንም በእስር ላይ ይገኛሉ ያለ ሲሆን የኢትዮጵያ መንግሥት ከሕግ አግባብ ውጪ የሆነ እስርን እንዲያቆም እንዲሁም ከሕግ አግባብ ውጪ የታሰሩ በአፋጣኝ ከእስር እንዲለቅ ጠይቋል።

አምነስቲ በዚህ ሪፖርቱ አንድ ፎቶ ያያዘ ሲሆን ፎቶው ግን ከሪፖርቱ ጋር ምንም አይነት ግንኙነት እንደሌለው ለማረጋገጥ ችለናል።

የዚህ ፎቶ ባለቤት ፎቶግራፈር አማኑኤል ስለሺ ሲሆን ፤ የፎቶ ባለሞያው ለAFP ነው የሚሰራው ፤ አምነስቲ የተጠቀመው ፎቶግራፍ ለምርጫ 2013 የተነሳ እንጂ ከእስሩ ጋር የተያያዘ አይደለም።

አማኑኤል ስለሺ ፥ "አምነስቲ ኢንተርናሽናል የተጠቀመው ፎቶ ለምርጫ ያነሳሁትን ነው፤ ድርጊቱ ስህተት ነው" ሲል የቲክቫህ ቤተሰቦች እወቁልኝ ብሏል። አምነስቲ በአስቸኳይ ፎቶውን እንዲያወርድም ጠይቋል።

@tikvahethiopia

ዩኒቨርሲቲዎች ተማሪዎቻቸውን እያስመረቁ ነው ..

- ባህርዳር ዩኒቨርሲቲ፣
- የኢትዮጵያ ሲቪል ሰርቪስ ዩኒቨርስቲ
- የአሶሳ ዩኒቨርሲቲ
- ወልዲያ
- ሪፍትቫሊ ዩኒቨርሲቲ በተለያዩ የትምህርት መስኮች ያሰለጠኗቸውን ተማሪዎች በዛሬው እለት እያስመረቁ ነው።

#ባህርዳር_ዩኒቨርሲቲ

የባህርዳር ዩኒቨርሲቲ በተለያዩ የትምህርት መስኮች ያሰለጠናቸውን 2 ሺህ 363 ተማሪዎችን ነው እያስመረቀ የሚገኘው።

ተማሪዎቹ በመደበኛ፣ በተከታታይ እና በክረምት መርሐ-ግብሮች፤ በመጀመሪያ ዲግሪ፣ በሁለተኛ ዲግሪ፣ በሶስተኛ ዲግሪ እና የስፔሻሊቲ ህክምና የሰለጠኑ ናቸው።

#አሶሳ_ዩኒቨርሲቲ

የአሶሳ ዩኒቨርሲቲ በተለያዩ የትምህርት ዘርፎች ያሰለጠናቸውን 2 ሺህ 237 ተማሪዎችን ነው በማስመረቅ ላይ የሚገኘው።

ዩኒቨርሲቲው ዛሬ ተማሪዎችን ሲያስመርቅ ለ8ተኛ ጊዜ ሲሆን የዛሬዎቹ ተመራቂዎች በመጀመሪያ እና በሁለተኛ ዲግሪ የሰለጠኑ ናቸው።

#የኢትዮጵያ_ሲቪል_ሰርቪስ_ዩኒቨርሲቲ

የኢትዮጵያ ሲቪል ሰርቪስ ዩኒቨርስቲም በተለያየ የትምህርት መስኮች በመደበኛ እና በተከታታይ የትምህርት መርሐ-ግብሮች ያሰለጠናቸውን ከ2 ሺህ 500 በላይ ተማሪዎችን ነው እያስመረቀ የሚገኘው።

ተመራቂዎቹ በመጀመሪያ፣ ሁለተኛ ዲግሪ እና በፒ.ኤች.ዲ የተማሩ ናቸው።

ከእለቱ ተመራቂዎች ውስጥ 153 የሚሆኑት ከውጭ ጉዳይ ሚኒስቴር ጋር በመሆን በውጭ ግንኙነት ማሰልጠኛ ኢንስቲትዩት የሰለጠኑ እጩ ዲፕሎማቶች ናቸው።

#ወልዲያ_ዩኒቨርሲቲ

ወልዲያ ዩኒቨርሲቲ በተለያዩ ትምህርት መስኮች ያሰለጠናቸውን 2,537 ተማሪዎችን አስመርቋል።

#ሪፍትቫሊ_ዩኒቨርስቲ

የሪፍትቫሊ ዩኒቨርስቲ በተለያዩ ትምህርት መስክ ያሰለጠናቸውን 16, 967 ተማሪዎች በአዲስ አበባ ስታዲየም አስመርቋል።

መረጃው የetv ነው።

@tikvahethiopia

የሰላም ዋጋ በሞቃዲሾ !

የሱማሊያ ዋና ከተማ ሞቃዲሾ ስታዲየም ለዓመታት ስፖርታዊ/የእግር ኳስ ጨዋታዎችን አያስተናግድም ነበር።

በሀገሪቱ በነበረው የእርስ በእርስ ጦርነት ፣ የሽብር ጥቃት የሱማሊያ የስፖርት እንቅስቃሴ ተደክሞ ነበር ፤ ታድክሞ ብቻ ሳይሆን ሞቶም ጭምር ነበር።

ከቅርብ አመታት ወዲህ ግን ሀገሪቱ በአንፃራዊነት እየተረጋጋች ፣ ሰላሟም እየተመለሰ ፤ ከእርስ በእስር ጦርነቱ እያገገመች ስትመጣ የስፖርት እንቅስቃሴው መነቃቃት ጀምሯል።

የአሚሶም ወታደሮች መቀመጫ የነበረው የሞቃዲሾ ስታዲየም አሁን ላይ እድሳት ተደርጎለት ጨዋታዎችን በማስተናገድ ላይ ይገኛል።

ትላንት 65 ሺህ ህዝብ የታደመበት ታሪካዊ ጨዋታ ሞቃዲሾ ስታዲየም አስተናግዳል።

ጨዋታው በሶማሊያ ፕሪሚየር ሪግ የሆርሴድ ክለብ እና የሞቃዲሾ ከተማ ክለብ መካከል የተደረገ ሲሆን ያለ ግብ በአቻ ውጤት ነው የተጠናቀቀው።

በሀገሪቱ ፕሪምየር ሊግ ግርጌ ላይ የሚገኙ ሁለቱ ክለቦች በሶማሊያ በርካታ ደጋፊዎች ያላቸው ናቸው።

በሀገሪቱ ታሪክ ለመጀመሪያ ጊዜ ነው በርካታ ቁጥር ያለው ህዝብ ወደ ሞቃዲሾ ስታድዮም በመግባት ጨዋታውን የታደመው እንደአስታን ስፖርት መረጃ።

ለጦርነት እና ለሽብር ጥቃት ከማንም ቀድመው የሚደርሱ፣ የሚዘግቡ ዓለም አቀፍ ሚዲያዎች ይህን በጎ ዜና ለዓለም ህዝብ አልማድረሳቸው እንዳሳዘናቸው አንዳንድ የሱማሊያ ዜጎች በማህበራዊ ሚዲያ ሲፅፉ ተመልክተናል።

@tikvahethiopia