#Update

የፖሊስ መልስ !

በአዲስ አበባ እና በተለያዩ የሀገራችን ከተሞች የሚገኙ የትግራይ ተወላጆች እንግልት እየደረሰባቸው እንደሆነ ያለህግ አግባብ ቤታቸው እንደሚበረበር፣ ማንነትን መሰረት በማድረግ ብቻ ለእስር እየተዳረጉ መሆኑ በተደጋጋሚ ሪፖርት አድርገዋል።

አምነስቲ ኢንተርናሽናል ስለዚህ ጉዳይ ትላንት ሪፖርት ማውጣቱ ይታወቃል።

ኢሰመኮ ከቀናት በፊት ባወጣው መግለጫ በትግራይ ከቀጠለው ግጭት ጋር በተያያዘ በሲቨል ዜጎች ላይ እንግልትና እስር፣ እንዲሁም የንግድ ቤት መዝጋት የሚገልፁ መረጃው እንደሚያሳስበው ገልጾ ነበር።

ከትግራይ ተወላጆች ጋር በተያያዘ ከዚህ ቀደም በይፋ ስለወጡት መረጃዎች የአ/አ ፖሊስ እንዲሁም ፌዴራል ፖሊስ በኮሚኒኬሽናቸው ክፍል ምላሽ መስጠታቸው አይዘነጋም።

ዛሬ የአዲስ አበባ ፖሊስ ኮሚሽን ኮሚሽነር የሆኑት ጌቱ አርጋው ከኢ.ቲ.ቪ. ጋር ቃለምምልስ አድርገው ነበር ፤ በዚሁ ወቅት ከሰሞኑ ሲነሱ ስለነበሩት አቤቱታዎች፣ ክሶች እና ቅሬታ ምላሽ ሰጠተዋል።

• ሽብረተኛ ነው ተብሎ የተፈረጀውን #የህወሃት_ቡድን_በመደገፍ በተለያዩ የተግባር እንቅስቃሴዎች ተሰማርተዋል በሚል ወንጀል የተጠረጠሩ 323 ግለሰቦች በቁጥጥር ስር ውለው ምርመራ እየተደረገባቸው ነው ብለዋል።

• ተጠርጣሪዎቹ በብሔራቸው ምክንያት በህግ ቁጥጥር ስር አልዋሉም ብለዋል ፤ የትግራይ ተወላጆች በብሄራቸው ምክንያት እየታሰሩ ነው የሚሉ ሪፖርቶችንም ውድቅ አድርገዋል። ከተጠርጣሪዎች መካከል ከትግራይ ብሔር ውጪ የሆኑ የሌላ ብሔረሰብ አባላት ይገኙበታል ሲሉ ተናግረዋል።

• ግለሰቦቹ የተጠረጠሩባቸው ወንጀሎች ብለው ኮሚሽነሩ የዘረዘሩት፦
- ሽብርተኛ ተብሎ የተፈረጀውን የህወሀት ድርጅትን መደገፍ፣
- የጦር መሳሪያ ይዞ መገኘት፣
- ሕገመንግስቱን ማንቋሸሽ፣
- ሰንደቅ ዓላማን ማዋረድ፣
- ሃሺሽ ማጨስ እና ቁማር መጫወት ይገኙበታል።

• በወንጀሎች ተጠርጥረው በቁጥጥር ስር ከዋሉት ግለሰቦች መኖሪያ ቤት በፍርድ ቤት ፍቃድ በተደረገ ፍተሻ የህወሀት ልዩ ኃይል አልባሳት፣ ሽጉጦች፣ ክላሾች እና ጥይቶችን ጨምሮ የተለያዩ የጦር መሳሪያዎች ተገኝቷል ብለዋል።

• ከወንጀሎች ነፃ የሆኑት በርካታ የትግራይ ተወላጆች በነፃነት በአዲስ አበባ ውስጥ እየተንቀሳቀሱ ነው ሲሉ ተናግረዋል።

• የአ/አ የጥፋት ቀጠና ለማድረግ ሽብርተኛ ተብሎ ያተፈረጀውን የህወሓት ቡድን በመደገፍ የአገርን ሰላም ለማናጋት የሚያስቡ ካሉ ከድርጊታቸው እንዲቆጠቡ አስጠንቅቀዋል።

ያንብቡ👇
https://telegra.ph/Addis-Ababa-Police-07-17

#Ethiopia

ኢትዮጵያ ባለፉት 24 ሰዓት 4,645 የኮቪድ-19 ላብራቶሪ ምርመራ ያከናወነች ሲሆን 79 ሰዎች ለቫይረሱ ተጋላጭ ሆነው ተግኝተዋል፤ ሁለት ሰው ህይወቱ ያለፈ ሲሆን 28 ሰዎች ከበሽታው አገግመዋል።

@tikvahethiopia

#Update

ደቡብ አፍሪካ ለምትገኙ የቲክቫህ አባላት :

በደ/አፍሪካ ሰሞኑን አመፅ የነበረባቸው ቦታዎች በአንፃራዊ ሁኔታ መረጋጋት እየታየ ይገኛል።

የኩዋዙሉ - ናታል አስተዳደር (Town of KwaNongoma) በተፈፀመዉ ጥፋት ምክንያት የንግድ ተቋማት አለመከፈታቸዉን አስታዉቋል።

የህግ አካላቶች በማንኛዉንም የትራንስፖርት መንገዶች በፒተርማርስበርግ ፍተሻ እያደረጉ ሲሆን በበርገር መንገድ ዘራፊዎችን ከነ መረጃ ማሠራቸዉን ገልፀዋል።

ከመንገድ ትራንስፖርት ባገኘነዉ መረጃ በፑማላንጋ R40 የማርሼ (R40 to Marite area.) መንገድ ላይ በሚያልፋ መኪናዎች ላይ ድንጋይ እየተወረወረ ስለሚገኝ ባትጠቀሙ ይከመራል።

በዚያዉ አካባቢ ሀዚቪዉ አቀጣጫም ቡሽባክ እሪጅ ተመሳሳይ ችግር እንዳለ ከስፍራዉ የሚወጡ መረጃዎች ያሳያሉ።

ከቅዳሜ ጠዋት ጀምሮ በዘረፋዉ በብርቱ ተሳትፈዋል ከሚባሉት በጆርጅ ጎሽ ሆስፒታል ጆሐንስበርግ (George Goch Hostel) አካባቢ የህግ አካላቶች ተደራጅተዉ የቤት ለቤት አሰሳ አድርገዉ የነበረ ቢሆንም አንድም ሰዉ እንኳን አለማግኘታዉ አግርሞትን የፈጠረ ሲሆን ማምሻዉን በድጋሚ በተከናወነ ፍተሻ ፖሊስ 20 ተጠርጣሪዎችን ማሠሩን ከኤስ.ኤ.ቢ.ሲ ያገኘነው መረጃ ያሳያል።

Faya (Tikvah-Family)
Limpopo
South Africa

@tikvahethiopia

"...ሰዎቹን በህይወት የማግኘት እድሉ ጠባብ ነው" - ፖሊስ

በማዕከላዊ ጎንደር ዞን ምስራቅ ደንቢያ ወረዳ 13 የሚደርሱ ሰዎችን አሳፍራ በጣና ሃይቅ ጉዞ የጀመረች አነስተኛ ጀልባ ተሰወረች።

የወረዳው ፖሊስ ጽህፈት ቤት ሃላፊ ምክትል ኮማንደር ቸርነት አስማረ ጀልባዋ የተሰወረችው በወረዳው አዲሰጌ ድንጌ ተብሎ ከሚጠራ ቀበሌ አባን ላይ ጎጥ መነሻቸውን በማድረግ ወደ ጎርጎራ ወደብ ጉዞ ከጀመረች በኋላ ነው ብለዋል።

ተጓዥቹ ሐምሌ 9 ቀን 2013 ዓም ለሊት ድንች ጭነው ጉዞ መጀመራቸውን ከቤተሰቦቻቸው መረጃው ለፖሊስ መድረሱን ገልፀዋል።

ተሳፋሪዎቹ ከ10 እስከ 13 እንደሚደርሱና አብዛኞቹም በስም ዝርዝር መለየታቸውን የገለፁት ምክትል ኮማንደሩ ተሳፋሪዎቹ ከመዳረሻው ጎርጎራ ወደብ እንዳልደረሱ መረጋገጡን ተናግረዋል።

ከትናንት እኩለ ቀን ጀምሮ በሁለት ቡድን የተዋቀረ የፖሊስና የባለሙያዎች ቡድን ፍለጋ እያካሄደ መሆኑን አመልክተው እስካሁን ምንም አይነት ፍንጭ ማግኘት እንዳልተቻለ አስታውቀዋል።

በዛሬው እለት ፍለጋው መቀጠሉን ጠቁመው ተጓዦቹ ክረምት ከመሆኑ ጋር ተያይዞ ወይ በማዕበል ተወስደዋል፤ አለበለዚያም ከአቅም በላይ በሆነ ጭነት ጀልባዋ ሰምጣለች የሚል ድምዳሜ ላይ መደረሱን አብራርተዋል።

ተጓዦቹ የተነሱበት ሰዓት ለሊት ከመሆኑ ጋር ተያይዞ ፍለጋውን አስቸጋሪ እንዳደረገው ጠቅሰው ከዚህ በኋላ ሰዎችን በህይወት የማግኘት እድሉ ጠባብ እንደሆነም አመልክተዋል።

ከመነሻው እስከ መዳረሻው ድረስ ያለው የውሀ ላይ ጉዞ የ15 ኪሎ ሜትር ርቀት እንዳለው አመልክትው በፍለጋው የሚገኘውን ዝርዝር ውጤት በቀጣይ ህዝቡ እንዲያውቀው እንደሚደረግ አስታውቀዋል። #ኢዜአ

@tikvahethiopia

#EMA

የኢትዮጵያ መገናኛ ብዙሃን ባለስልጣን (ኢመብባ) በኢትዮጵያ ውስጥ የሚሰሩ ሁሉም መገናኛ ብዙሃን የሀገሪቱን ሉዓላዊ ግዛት ጥያቄ ውስጥ የሚከቱ ስያሜዎችን ከመጠቀም እንዲቆጠቡ አሳሰበ።

ባለስልጣን መስሪያ ቤቱ በሰሜን የኢትዮጵያ ክፍል የሚደረገውን ኦፕሬሽን ጋር ተያይዞ በመደበኛም ሆነ በበየነመረብ የሚሰሩ ዜናዎች እና ፕሮግራሞች ላይ ክትትል ማድረጉን የገለፀ ሲሆን በክትትሉ ወቅት ህግን ያላከበሩ አዘጋገቦችን ተመልክቻለሁ ብሏል።

በዋነኝነት በኢፌዴሪ ህዝብ ተወካዮች ም/ቤት ሽብርተኛ ተብሎ የተፈረጀውን ህወሓትን የትግራይ መከላከያ ሰራዊት / ኃይል / የሚል ስያሜ መጠቀም መሆኑን አንስቷል።

በክልል ደረጃ "የመከለከያ ሰራዊት" የሚባል ኃይል አለመኖሩን የገለፀው ባለስልጣን መስሪያ ቤቱ እንዲህ አይነት ስያሜ የኢትዮጵያን ሉዓላዊ ግዛት ጥያቄ ውስጥ የሚያስገባ የሀገር ደህንነትን እና የኢትዮጵያን ህዝብ ጥቅም የሚጎዳ ነው ብሏል።

የህዝብ ተወካዮች ም/ ቤት ጥቅምት 2013 ዓ/ም የቀድሞው የትግራይ ክልል መንግስት በህገ - መንግስት ሽሮ አዲሱን ግዚያዊ አስተዳደር አቋቁሟል ሲል ያስታወሰው ኢመብባ ምርጫ ቦርድ በክልሉ ምርጫ አካሂዱ ክልሉን የሚያስተዳድረው አካል እስኪመረጥ ድረስ በአንዳንድ ሚዲያዎች ዘገባ ውስጥ እምደሚታየው "የትግራይ ክልል መንግስት" የሚባል አካል የለም ብሏል።

በክልሉ ምርጫ እስኪካሄደ ድረስ ትግራይን እንዲመራ ስልጣን የተሰጠው ጊዜያዊ አስተዳደሩ ነው ሲልም አክሏል።

የኢመብባ ፥ መደበኛ ሆኑ የበየነ መረብ ሚዲያዎች "የትግራይ መከላከያ ሰራዊት/ኃይል/" እንዲሁም "የትግራይ ክልል መንግስት" የሚል ስያሜ ከመጠቀም ተቆጠቡ ሲል አሳስቧል።

መ/ ቤቱ ስያሜዎቹን ሲጠቀም በተገኘ የመገናኛ ብዙሃን ተቋም ላይ ጠንካራ እርምጃ እንደሚወስድ አስጠንቅቋል።

@tikvahethiopia

#Update

ደ/አፍሪካ ነዋሪ ለሆናችሁ የቲክቫህ አባላት :

በፕሪቶሪያ #ሞሬሌታ_ፖርክ የሚገኘዉ ፕላስቲክ ቪዉ ድርጅት ለሊቱን በተነሳ እሳት ዉድመት ደርሶበታል።

ፓርክ ቪው ሰሞኑን በደ/አፍሪካ በነበረው አመፅ እና ዘረፋ ጉዳት ያልደረሰበት አካባቢ ነበር። ሆኖም በአሳዛኝ ሁኔታ ምክንያቱ ባልታወቀ መነሻ ትላንት ለሊቱን በእሳት አደጋ ጉዳት ደርሶበታል።

በቃጠሎዉ የተነሳ ሰዎች ላይም ጉዳት መድረሱን ከአካባቢዉ የሚወጡ መረጃዎች ይጠቁማሉ ።

በአካባቢው የምትገኙ የቲክቫህ ኢትዮጵያ ቤተሰቦች ጥንቃቄ አይለያቹ።

በሌላ በኩል በደ/አፍሪካ ፍትህ ሚኒስቴር ዘረፋዉ ላይ የተሳተፉ ግለሠቦችን ለመዳኘት የሚያስችል ከመደበኛዉ የሕግ ስርዓት በተለየ የሚሰራ ፍርድ ቤት እና የፍርድ አሠጣጥ ህግ በኩዋዙሉ ናታል ተግባራዊ አድርጓል።

Video credit : Ek media

Faya (Tikvah-Family)
Limpopo
South Africa

@tikvahethiopia

#TokyoOlympics2020

የቶኪዮ ኦሊምፒክስ ከመጀመሩ ከ5 ቀናት በፊት በአትሌቶች መንደር ውስጥ 2 ስፖርተኞቸ ኮሮና ቫይረስ ተገኘባቸው።

ስፖርተኞቹ ለቫይረሱ ታጋላጭ የሆኑ የመጀመሪያዎቹ ተወዳዳሪዎች ሆነዋል፡፡

2ቱ ስፖርተኞች ቅዳሜ ዕለት ተመርምረው ቫይረሱ ከተገኘባቸው ባለሥልጣን ጋር በተመሳሳይ ቡድንና ስፖርት ዘርፍ የሚገኙ ናቸው ሲሉ አዘጋጆቹ አሳውቀዋል።

ሌሎች የቡድኑ አባላት በክፍላቸው ተለይተው እንዲቀመጡ ተደርጓል።

በመንደሩ ቫይረሱ የተገኘባቸው #የመጀመሪያዎቹ ስፖርተኞቹ ሲሆኑ ሌላ ቦታ አንድ ተጨማሪ ስፖርተኛ እሑድ ዕለት በተመሳሳይ ቫይረሱ ተገኝቶበታል፡፡

በአጠቃላይ እሁድ ዕለት ጋዜጠኞች፣ ተባባሪ አካላትን እና ሌሎች ሠራተኞችን ጨምሮ ከኦሎምፒክ ጋር የተገናኙ 10 አዳዲስ ቫይረሱ የተገኘባቸው ሰዎች አዘጋጆቹ ሪፖርት አድርገዋል፡፡

በቶኪዮ የቫይረሱ ስርጭት መጠን እየጨመረ ሲሆን ለአራት ተከታታይ ቀናት ከ 1 ሺህ በላይ አዳዲስ ቫይረሱ የተገኘባቸው ሰዎች ተመዝግበዋል፡፡

ብዙ ጃፓናዊያን በዚህ ወቅት ይህ ውድድር መካሄዱን እንደሚቃወሙ የተደረጉ ጥናቶች እንደሚያሳዩ ቢቢሲ በድረገፁ አስነብቧል።

@tikvahethiopia

#Ethiopia

ኢትዮጵያ ባለፉት 24 ሰዓት 4,102 የኮቪድ-19 ላብራቶሪ ምርመራ ያከናወነች ሲሆን 81 ሰዎች ለቫይረሱ ተጋላጭ ሆነው ተግኝተዋል፤ ሶስት ሰው ህይወቱ ያለፈ ሲሆን 49 ሰዎች ከበሽታው አገግመዋል።

@tikvahethiopia