"...በትግራይ የምግብና የሸቀጦች ዋጋ በከፍተኛ ሁኔታ ጨምሯል" - ICRC

ዓለም አቀፉ የቀይ መስቀል ማኅበር /ICRC/ በትግራይ የመሠረታዊ ሸቀጦች እና የምግብ ዋጋ በከፍተኛ ሁኔታ መጨመሩን አስታውቋል።

ICRC ዛሬ ባወጣው መግለጫ በተለይ ባለፉት 2 ሳምንታት የምግብ ዋጋ በከፍተኛ መጠን መጨመሩን አስታውቋል።

በመላው ትግራይ ክልል ባንኮች ዝግ በመሆናቸው ምክንያት ሰዎች መሠረታዊ ግብይቶችን ለመፈጸም የጥሬ ገንዘብ እጥረት አጋጥሟቸዋል ብሏል።

ICRC ፥ "ፋብሪካዎች ተጎድተው ቀርተዋል / እንዲወድሙ ተደርገዋል። በርካታ የንግድ ተቋማት ተዘግተዋል። በዚህም ምክንያት በርካቶች ከሥራ ውጪ ሆነዋል። ይህም የጤና አገልግሎት ጨምሮ መሠረታዊ ቁሶች እና አገልግሎቶች እንዳይገኙ አድርጓል" ሲል ገልጿል።

አብዛኛው የጤናና የመጠጥ ውሃ ማጣሪያ ተቋማት ኃይል የሚያገኙት ከጄነሬተር በሚመነጭ የኤሌክትሪክ ኃይል መሆኑን በመጥቀስ፤ በአሁኑ ወቅት በክልሉ ቋሚ የኤሌክትሪክ ኃይል እና የነዳጅ አቅርቦት አለመኖሩን ቀይ መስቀል ገልጿል።

መረጃው የተገኘው ከ #ICRC መግለጫ ሲሆን የፅሁፍ ዝግጅት ቢቢሲ ድረገፅ ነው።

@tikvahethiopia

#Tokyo2020

በዓለም ህዝብ ዘንድ በእጅጉ የሚናፈቀው እና በጉጉት የሚጠበቀው የቶክዮ ኦሎምፒክ ሊጀምር ተቃርቧል።

ሀገራትም ወደ ስፍራው መጓዝ ጀምረዋል።

የደቡብ አፍሪካው የአትሌቲክስ ቡድን ደግሞ ወደስፍራው ለመጓዝ የኢትዮጵያ ኩራት የሆነውን የኢትዮጵያ አየር መንገድን ምርጫው አድርጓል።

የደቡብ አፍሪካ የመጀመሪያው ዙር የአትሌቲክስ ቡድን ዛሬ ከሰዓት በቶኪዮ ኦሎምፒክ ላይ ለመሳተፍ ወደ ስፍራው የኢትዮጵያ አየር መንገድን ምርጫው አድርጎ ተጉዟል።

በዚህም አየር መንገዱ ኩራት እንደተሰማው ገልጿል።

Photo Credit : የኢትዮጵያ አየር መንገድ

@tikvahethiopia

#ኢሰመኮ

EHRC / ኢሰመኮ #በትግራይ_ክልል ከቀጠለው ግጭት ጋር ተያይዞ በሲቪል ሰዎች ላይ እንግልት እና እስር ፣ የንግድ ቤት መዘጋት ፣ ብሎም በሲቪል ሰዎች ላይ ያነጣጠረ ጥቃት መከሰቱንና ሕይወት መጥፋቱን፣ እንዲሁም በታሳሪዎችና በምርኮኞች ላይ የሚደርስ ኢሰብአዊ አያያዝ፣ በስደተኞች ላይ የሚደርሱ ጥቃቶችና ሕጻናትን ለውትድርና መጠቀም የሚያመላክቱ መረጃዎች እጅግ የሚያሳስበው መሆኑን ገልጿል።

* ዝርዝር መግለጫው ከላይ ተያይዟል።

@tikvahethiopia

አዲስ ስታንዳርድ በጊዜያዊነት ታግዷል፤ ለምን ?

አዲስ ስታንዳርድ ትላንት በፌስቡክ ገፁ ላይ የኢትዮጵያ መገናኛ ብዙኃን ባለሥልጣን ለጃከን አሳታሚ የተሰጠውን ፈቃድ በጊዜያዊነት ማገዱን ገልጿል።

ባለሥልጣን መ/ቤቱ ፈቃዱን ያገደበት ምክንያት አላብራራም ብሏል ፤ የሚዲያ ሥራዎቹንም ከሐምሌ 8/2013 ጀምሮ በጊዜያዊነት ማቆሙን የጃከን አሳታሚ አሳውቋል።

ኩባንያው በኢትዮጵያ ሕገ መንግሥት ላይ በሰፈረው መሰረት የፕሬስ ነፃነት መከበሩን ለማረጋገጥ ያሉትን መንገዶች ሁሉ እንደሚጠቀም አስታውቋል።

AS ይህን ካለ ከሰዓታት በኃላ የኢትዮጵያ መገናኛ ብዙኃን ባለሥልጣን ባወጣው መግለጫ በኢንተርኔት ላይ ሚድያነት የተመዘገበውን አዲስ ስታንዳርድን ማገዱን አረጋግጧል።

ግንቦት 20/2013 የተመዘገበውን አዲስ ስታንዳርድን በጊዜያዊነት ያገደበትን ምክንያት ሲናገር “በደረሱት ቅሬታዎችና እራሱም ባደረገው ክትትል አሳሳቢ አካሄድ በማስተዋሉ” መሆኑን ገልጿል።

“ሚድያው በህዝብ ተወካዮች ም/ቤት የተላለፈ ውሣኔን ባለማክበር አንድን የሽብር ቡድን “የመከላከያ ኃይል” ብሎ እውቅና እስከመስጠት በደረሰ ሁኔታ የሽብር ቡድኑ አጀንዳ ማራመጃ መድረክ መሆኑን አውቀናል” ብሏል።

አክሎም “እነዚህ እና ሌሎች ተያያዥ የሥነ ምግባር ግድፈቶች ጥልቅ ምርመራ ይደረግባቸዋል፤ ሌሎች እርምጃዎችም ይወሰዳሉ” ብሏል።

ባለሥልጣን መስሪያ ቤቱ ለፕሬስ ነፃነት እና ሙያዊና በሥነ ምግባር የሚገዛ ጋዜጠኛነትን ለማበረታታት ያለውን ቁርጠኛነት በድጋሚ እንደሚያረጋግጥ የገለፀ ሲሆን "ነፃነት የሚመጣው ከኃላፊነትና ከተጠያቂነት ጋር መሆኑንም በተቆጣጣሪ አካልነቱ አጉልቶ ማስገንዘብ እንደሚፈልግ" አመክልቷል።

ሁሉም መገናኛ ብዙኃን የህግ የበላይነትን እንዲያከብሩና በኃላፊነት ስሜት እንዲሠሩ አሳስቧል።

@tikvahethiopia

5 ዓመት የቱርክ መፈንቅለ መንግስት ከከሸፈ ...

እአአ ጁላይ 15/2016 ተሞክሮ የከሸፈው የቱርክ መፈንቅለ መንግስት ትላንት 5 ዓመት ደፍኗል። በወቅቱ የቱርክ ህዝብ ታንክን ጨምሮ ከባባድ መሳሪያዎችን በባዶ እጁ ፊት ለፊት በመጋፈጥ እጅግ በተጠና ሁኔታ የተደራጀውን ሙከራ ያከሸፈው።

ተሞክሮ በከሸፈው መፈንቅለ መንግስት ወቅት ለሀገራቸው ዘብ ቆመው ህወታቸውን ያጡ የቱርክ ዜጎች ትላንት በመላው ቱርክ ታስበዋል።

ከቱርክ ውጭ በሚገኙም የቱርክ ኤምባሲዎችም ዕለቱ ታስቦ ውሏል።

#በኢትዮጵያ የቱርክ ኤምባሲ አባላት ዕለቱን (ጁላይ 15) እና በዕለቱ ህይወታቸው ያለፈውን 251 ዜጎች በማስታወስ 15 ችግኞችን በአዲስ አበባ ተክለዋል።

የሬሲፕ ጣይብ ኤርዶጋን መንግስት ላይ በ2016 በተሞከረው መፈንቅለ መንግስት ሙከራ ወቅት 251 ዜጎች ሲሞቱ 2,200 ሰዎች መጎዳታቸው አይዘነጋም።

@tikvahethiopia