ሶሻል ሚዲያን በተመለከተ‼️

ጠቅላይ ሚኒስትር ዶ/ር ዐብይ አህመድ ሚድያዎችና ማህበራዊ ድረገጾች በተያያዘ ለቀረበላቸው ጥያቄ ከሰጡት ምላሽ የተነሱ አንኳር ነጥቦች፡-

•አንዳንድ ጋዜጠኞች ስራቸውን ሀላፊነታቸውን ለመወጣት ግለሰቦች እንዳሉ ማወቅ አስፈላጊ ነው፡፡ ሁሉንም በአንድ መጨፍለቅ ተገቢ አይደለም፡፡

•የሚድያዎች አሁን የመጣውን ለውጥ ሀላፊነት ወስደው እንዳይቀለበስ ሊሰሩ ይገባል፡፡

•የሚድያ ነጻነት ተጠናቅሮ ሊቀጥል ይገባል፡፡ ሚድያው የሚያጠፋውን ጥፋት ብቻ እያያን ከምንሄድ።

•ሚድያዎች ሃብት ዕጥረት እንዳይገጠማቸው ዕጥረት ማህበረሰቡ ሊያግዛቸው ይገባል፡፡ በተለይም ፍትሃዊ የሆነ የማስታወቂያ ስርጭት ያስፈልጋል፡፡ ከልሆነ ግን ገንዘብ ያላቸው አካላት መጠቀሚያ ሊሆኑ ይችላሉ።

•አክቲቪስት እና ጋዜጠኝነትን መለየት ያስፈልጋል፡፡ አክቲቪስቶች ቢተቹም ችግር ያለባቸው፡፡ ጋዜጠኝነት ግን በመርህ የሚመራ በመሆኑ ያንን ተከትሎ መስራት ይገበዋል፡፡

•የማህበራዊ ሚድያዎች የአለም አቀፍ ስጋቶች ናቸው፡፡ በኛ አገር ያለው ሁኔታ የተደራጁ የጥላቻ ንግግር ስራዎች የሚደረጉበት ነው።

•አንዱ መፍትሄው ትክክለኛ መረጃ ወዲያው መስጠት ነው፡፡

•በኢትዮጵያ ጥላቻ ስራዎች የሚያራሚዱ የማህበራዊ ድረ ገጾ ተካታይ አላቸው፡፡ በኛ አገር የፖለተካ ፓርቲዎች በማህራዊ ድረገጾች ዋነኛ መጠቀሚያ ያደርጋሉ፡፡

•በኛ አገር ማህበራዊ ድረገጾች ለበጎ አለማ የማዋል አዝማሚያው ዝቅተኛ ነው፡፡ አብዛኛው #ለጥፋት አላማ ነው የሚውለው ፡፡

•ጥላቻን የሚያስፋፉ የማህበራዊ ድረ ገጾች የአንዳንዶች የገቢ ምንጭ በመሆኑ መተባበር አይገባንም

ምንጭ፦ etv
@tsegabwolde @tikvahethiopia

ወታደሮቹን በተመለከተ‼️

በቅርቡ የደመወዝ ጭማሬ ለመጠየቅ ወደ ቤተ መንግስት ስለመጡት ወታደሮች ጠቅላይ ሚኒስትር ዐቢይ አህመድ ለፓርላማው የተናገሩት ፡-

• የታጠቀ ወታደር ወደ ቤተ መንግስት የመጣው አገራዊ ለውጡን #ለማደናቀፍ ታስቦ የተደረገ ነበር፡፡

• ይሁን እንጂ ሁሉም የመጡት ይህን እሳቤ ይዘው ነው የመጡት ለማለት ያስቸግራል፡፡ በአንዳንድ #ተንኮለኞች ሴራ ተጠንስሶ የተፈፀመ ድርጊት ነው፡፡

• በዕለቱ የተወሰደው እርምጃ በጥንቃቄ ባይሆን ኖሮ አገርን ወደቀውስ የሚከት ክስተት ነበር ፡፡

• አሁን ላይ ራሱ ወታደሩ በሴራው ውስጥ የነበሩትን የድርጊቱን መሪ እየለየ አሳልፎ እየሰጠ ነው፡፡

• በወቅቱ የወታደሮቹን አመጣጥ ወታደራዊ ጥበብ በሚጠይቀው መልኩ አረጋግቶ መመለስ መቻሉ አገርን የማትረፍ ወሳኝ እርምጃ አድርጌ ነው የምወስደው፡፡

• እየተዝናነሁ፣ እየሳቅኩ ቃለ መጠይቅ የሰጣሁት መንግስታችን ተነከ ብለው ከተለያዩ አቅጣጫዎች ህዝቡ ለመዋጋት እየመጠ ስለነበረ እነሱን ለማረጋጋት ነበር፡፡

ምንጭ፦ etv
@tsegabwolde @tikvahethiopia

#update ወጣቶቹ ከጦላይ ተለቀቁ⬇️

በአዲስ አበባ ከፀጥታ ችግር ጋር ተያይዞ በቁጥጥር ስር ውለው በጦላይ ስልጠና ሲከታተሉ የቆዩ 1 ሺህ 174 ወጣቶች ዛሬ ከእስር ተለቀዋል።

ስልጠና ሲከታተሉ የቆዩት 1 ሺህ 174 ወጣቶች ዛሬ ረፋድ ላይ ከእስር መለቀቃቸውን የአዲስ አበባ ፖሊስ ኮሚሽን የህዝብ ግንኙነት ሃላፊ ኮማንደር #ፋሲካ_ፋንታ ለfbc ተናግረዋል።

የህዝብ ግንኙነት ሃላፊው፥ ዛሬ ማለዳ ላይ የጋራ ውይይት ከተደረገ በኋላ ተጠርጠጣሪዎቹን ወደ አዲስ አበባ የሚመልሱ ተሽከርካሪዎችን በማቀረብ እንዲለቀቁ ተደርጓል ብለዋል።

ወጣቶቹ ከመስከረም 2 እስከ መስከረም 8 ቀን 2011 ዓ.ም በአዲስ አበባ ከተማ ከነበረው የፀጥታ ችግር ጋር ተያይዞ በቁጥጥር ስር የዋሉ ሲሆኑ፥ በቆይታቸውም የተለያዩዩ ስልጠናዎችን ሲወስዱ መቆየታቸው ተመልክቷል።

በዚህም መሰረት ወጣቶቹ በጦላይ ለአንድ ወር እራስን ከወንጀል ስለማራቅ እና ተያያዠ ስልጠናዎችን ለመስጠት የተያዘውን የጊዜ ሰሌዳ በማጠናቀቃቸው ወደ ቤተሰቦቻቸው እንዲቀላቀሉ የማጓጓዝ ስራ ተጀምሯል ብለዋል።

ምንጭ፦ ፋና ብሮድካስቲንግ
@tsegabwolde @tikvahethiopia

#Update ቡኖ በደሌ⬆️

ከኦሮሚያ የተፈናቀሉ ዜጎች ሽኝት ተደረገላቸው። ባለፈው ዓመት ከኦሮሚያ ክልል ቡኖ በደሌ ዞን ቦረቻ ወረዳ ተፈናቅለው የነበሩ ዜጎች አካባቢው ሰላም በመሆኑ ወደ መጡበት እንዲመለሱ #ሽኝት ተደርጎላቸዋል።

የአማራ ክልል አደጋ መከላከልና ምግብ ዋስትና ማስተባበሪያ ጽሕፈት ቤት ምክትል ኃላፊ አቶ #አማረ_ክንዴ አንደተናገሩት ተፈናቃዮች እንዲመለሱ ከዞኑ አስተዳደር ጋር ስምምነት ላይ ተደርሷል።

በጉዞ ላይ እና ከደረሱም በኋላ የሚጠቀሙባቸው አልሚ ምግብ እና ዱቄት መዘጋጀቱንም ኃላፊው ተናግረዋል።

አቶ አህመድ ኑር ከተፈናቃዮች መካከል አንዱ ሲሆኑ የክልሉ መንግሥት ላደረገው ድጋፍ ምስጋና አቅርበዋል።

መንግሥት የዜጎችን ተዘዋውሮ የመሥራት ሕገ-መንግሥታዊ መብት ማስጠበቅ አንዳለበትም አቶ #አህመድ አሳስበዋል።

ምንጭ ፦ አ.ብ.መ.ድ.
@tsegabwolde @tikvahethiopia

#update ጠቅላይ ሚኒስትር ዶክተር ዐቢይ አህመድ የመጀመሪያውን የአውሮፓ ጉብኝት በመጪው ሳምንት #በፈረንሳይ እና #በጀርመን ያደርጋሉ፡፡

@tsegabwolde @tikvahethiopia

‹‹በማህበራዊ ሚዲያ #የጥላቻ ንግግሮችን ለሚያወጡ ሰዎች #ህግ እያወጣን ነው፡፡››

◾️▪️ጠ/ሚ ዶክተር ዐብይ አህመድ▪️◾️
@tsegabwolde @tikvahethiopia

ፖለቲካ አይደለም-ጥቅምት 15 16 17 እና 18 በተመረጡ ሲኒማ ቤቶች መታየት ይጀምራል።

ለተጨማሪ መረጃ፦
0984 73 99 56
0910 21 92 99
0938 04 23 05

#update ባህር ዳር ዩኒቨርሲቲ⬇️

ባሕር ዳር ዩኒቨርሲቲ በያዝነው የትምህርት ዘመን ወደ ዩኒቨርሲቲው የሚመጡ ተማሪዎችን #ለመቀበል ዝግጅቱን ማጠናቀቁን አስታወቀ፡፡

ባሕር ዳር ዩኒቨርሲቲ ከፊታችን ጥቅምት 10 እስከ 12 ወደ ዩኒቨርሲቲው የሚገቡ ተማሪዎችን ይቀበላል፡፡ ለዚህም ዝግጅቱን ማጠናቀቁን ዛሬ በሰጠው ጋዜጣዊ መግለጫ አረጋግጧል፡፡

የዩኒቨርሲቲው ፕሬዝዳንት ዶር. #ፍሬው_ተገኘ እንደተናገሩት ተማሪዎችን ለመቀበል ሙሉ ዝግጅት ተደርጓል፡፡ ‹‹ተማሪዎች ዩኒቨርሲቲውን ልክ እንደ ወላጆቻቸው ቤት እንዲቆጥሩት እና በቆይታቸውም እንዲደሰቱ ለማድረግ የበኩላችንን እንወጣለን፤ ወላጆችም ልጆቻቸውን ወደ ዩኒቨርሲቲው ሲልኩ በአስተማማኝ ሰላም ላይ እንዳሉ ሊሰማቸው ይገባል›› ነው ያሉት፡፡ ‹‹ቃላችን ጠብቀን ተማሪዎችን አስተምረን ወደ ወላጆቻቸው እንመልሳለን›› ብለዋል ዶክተር ፍሬው፡፡

የሀገር ሽማግሌዎች ፣የሀይማኖት አባቶች እና ከማህበረሰቡ የተውጣጡ ግለሰቦች ተማሪዎችን እንደሚቀበሉም በመግለጫው ተመላክቷል፡፡

የባሕር ዳር ከተማ ከንቲባ ሙሉቀን አየሁ ህብረተሰቡ ተማሪዎችን ለመቀበል መዘጋጀቱንና የከተማ አስተዳደሩ ጸጥታውን አስተማማኝ አድርጎ እንደሚያስቀጥል ነው የተናገሩት፡፡

የከተማው ማህበረሰብም ተማሪዎቹን በእንግዳ ተቀባይነት እንዲያስተናግዳቸው ጥሪ አቅርበዋል፡፡

ምንጭ፦ አ.ብ.መ.ድ.
@tsegabwolde @tikvahethiopia

"ወይኔ አመለጠን ሳንገለው.."‼️

ጠቅላይ ሚኒስትር #ዐብይ_አሕመድ ባለፈው መስከረም 30 ቀን ከነ ትጥቃቸው ወደ ፅሕፈት ቤታቸው የተጓዙ ባለ ቀይ ቆብ ወታደሮች ጋር ተወያይተው ከተለያዩ በኋላ «ወይኔ አመለጠን ሳንገለው የሚሉ ኃይሎች» እንደነበሩ ተናገሩ። ጠቅላይ ሚኒስትሩ ወታደሮቹ ወደ ፅሕፈት ቤታቸው የሔዱበት አላማ «ማሻሻያውን #ለማስተጓጎል ነው» ሲሉ ተናግረዋል። ጠቅላይ ምኒስትሩ ይኸን ያሉት በዛሬው ዕለት በሕዝብ ተወካዮች ምክር ቤት ተገኝተው በመንግሥታቸው ሥራዎች እና አንገብጋቢ ባሏቸው ጉዳዮች ላይ በሰጡት ማብራሪያ ነው።

ጠቅላይ ሚኒስትሩ ወታደሮቹ ወደ ቤተ-መንግሥት እንዲያቀኑ ትዕዛዝ ያስተላለፉ አሊያም የሸረቡ አካላት ስለመኖራቸው በግልፅ ባይናገሩም «ያን ያደረጉ በቁጥራቸው ያነሱ ሰዎች ቢሆኑም አብዛኛው ወጣት ስለሆነ ደሞዝ ጭማሪ የሚያገኝ መስሎት ተንጋግቶ የመጣ ነው» ሲሉም ተናግረዋል። ጄኔራል #ሰዓረ_መኮንን ባለፈው ቅዳሜ በጉዳዩ ላይ በሰጡት ጋዜጣዊ መግለጫ «ግለሰቦች የገፋፉት እና ያርገበገቡት ነው። እነዚህን ግለሰቦች ማን ነው የገፋቸው? የሚለውን አጣርተን #እርምጃ እንወስዳለን።» ብለው ነበር። «የመጡት ሰዎች ሁሉም ክፉ ሐሳብ ነበራቸው ወይ የሚለው የተሟላ ማስረጃ የለም። ቀድሞ ይኸ ችግር እንደሚያጋጥም የሚያውቅ የለም» ሲሉ የተደመጡት ጠቅላይ ምኒስትሩ እርሳቸው «በሳል እና ጠንቃቃ» ያሉትን የአመራር ሥልት ባይከተሉ ኖሮ ጉዳዩ አደገኛ እንደነበር ገልጸዋል። ጉዳዩን ሰፋ አድርገው ሊያብራሩ እንደሚሹ የገለጹት ጠቅላይ ምኒስትሩ «ሁሉ እንኳን ችግር አለባቸው ብለን ብናስብ እና በአየር ወይም በተለየ ኃይል ብንመታ ብንታኮስ እና የተወሰነ ሰው ብንገድል ማሻሻያው ተስተጓጉሏል እንኳ ባንል በራሱ የመከላከያ ኃይል ተቃውሞ የሚገጥመው ማሻሻያ ተብሎ በዓለም ደረጃ ቅቡልነታችንን ገደል ይከተዋል» ብለዋል። ወታደሮቹ ወደ ቤተ-መንግሥት ለመሄድ የወሰኑት «በተበተነ አኳኋን» እንደሆነ የገለጹት ጄኔራል ሰዓረ የተፈጸመው ጥፋት ተራ የዲሲፕሊን ግድፈት እንዳልሆነ ጠቅሰዋል።

ጠቅላይ ሚኒስትር ዐብይ በብዙ ቅሬታ እና በተሳሳተ መረጃ ወደ ቢሯቸው አምርተዋል ያሏቸውን ወታደሮች #ማረጋጋት ቀዳሚው ሥራ እንደነበር ገልጸዋል። «ሰዎች ፑሽ አፕ ተሰራ ሲባል እንደ ዋዛ አይተውታል» ያሉት ዐብይ በስፖርት ወታደሮቹን ለማስከን መሞከራቸውን አስረድተዋል። በምትኩ ሌላ እርምጃ መንግሥታቸው ቢወስድ መዘዙ የከፋ ሊሆን ይችል እንደነበርም ለሕዝብ ተወካዮች ምክር ቤት አባላት ተናግረዋል። በብሔራዊው የቴሌቭዥን ጣቢያ በቀጥታ በተላለፈው ንግግራቸው «ብዙዎች ውጭ ሆነው የሚተርቱትን ተረት ብናደርግ የሚፈጠረው አደገኛ ነው» ያሉት ጠቅላይ ምኒስትሩ «መጀመሪያ ስሜትን አርግበን ከቀዘቀዘ በኋላ ውይይት አካሔድን 'ራሱ እከሌ ቀሰቀሰኝ፤ እከሌ አደራጀኝ' ብሎ አውርቶ ለሕግ እያቀረበ ነው አሁን» ሲሉ የተከተሉትን ሥልት አብራርተዋል።

ጄኔራል ሰዓረ መኮንንም ከወታደሮቹ ድርጊት በኋላ በቁጥጥር ሥር የዋሉ ሰዎች መኖራቸውን ባለፈው ቅዳሜ ገልጸው ነበር። ጄኔራል ሰዓረ «እስካሁን በቁጥጥር ስር ያስገባናቸው ከፍተኛ አመራሮች አሉ። በቀጣይ ደግሞ በየደረጃው የማጥራት ሥራውን እንቀጥልበታለን» ቢሉም በቁጥጥር ሥር የዋሉ ሰዎች ብዛትንም ሆነ ያላቸውን ወታደራዊ ሥልጣን ግን አልገለጹም።

የልዩ ኃይል አባላቱ «ቤተ-መንግሥት ሲገቡ ትጥቃችሁን ከፈታችሁ በኋላ የሆነ ሰው ሊያነጋግራችሁ ይፈልጋል ሲባሉ ትጥቃችንን አንፈታም» ብለው እንደነበር ያስታወሱት ጄኔራል ሰዓረ ስናይፐር እና ብሬልን ጨምሮ የተለያዩ ዘመናዊ የጦር መሳሪያዎች ታጥቀው እንደነበር ዘርዝረዋል። «ቀስ አርገን ትጥቃቸውን እንዲፈቱ አደረግናቸው» ያሉት ጄኔራል ሰዓረ በምኒስትሮች ምክር ቤት ስብሰባ ላይ የነበሩት ጠቅላይ ምኒስትር ዐብይ አሕመድ እንዳገኟቸውም ገልጸዋል። ኩነቱ «ጥይት ሳይተኮስ፤ ሰው ሳይሞት» እልባት ማግኘቱን የገለጹት ጠቅላይ ምኒስትር ዐብይ አሕመድ ግን የከፋ ኹኔታ ሊፈጥር ይችል እንደነበር በዛሬው ዕለት በይፋ ተናግረዋል። በዕለቱ ጉዳዩን ለጋዜጠኞች ሲያብራሩ «በከፍተኛ መዝናናት እና መሳቅ» እንደነበር ያስታወሱት ዐብይ «ውስጤ እርር ድብን እያለ» ሲሉ ትክክለኛ ስሜታቸው የተለየ እንደነበር አመልክተዋል።

ጠቅላይ ሚኒስትሩ «ከቡራዩ፣ ከሰበታ፣ ከለገጣፎ አርሶ አደር ወጣት መንግሥታችን ተነካ ብሎ ሊዋጋ ተደራጅቶ እየመጣ ነው» ሲሉ ሕዝቡን ለማረጋጋት መሞከራቸውንም አስረድተዋል። የዕለቱን ኩነት «አቃለን አንመልከተው» ያሉት ዐብይ «በነገራችን ላይ ወይኔ አመለጠን ሳንገለው የሚሉ ኃይሎች ነበሩ» ሲሉ ተናግረዋል።
ጠቅላይ ምኒስትሩ «ሳንገለው አመለጠን» ብለዋል ያሏቸው ኃይሎችን ማንነት ግን በግልፅ አልጠቀሱም። የተባሉት «ኃይሎች» #በመከላከያ_ሠራዊቱ ውስጥ የሚገኙ ስለመሆናቸውም ለጊዜው የታወቀ ነገር የለም።

ምንጭ፦ ዶቼ ቨለ
@tsegabwolde @tikvahethiopia

#update የእንግሊዝ የልማት ተራድኦ ድርጅት (DFID) የኢትዮጵያ ተወካይ ክርስቲያን ሮግ የሶማሌ ክልልን ጎብኝተዋል። መንግስትቸው ለክልሉ ልዩ ፖሊስ #ድጋፍ አድርጓል መባሉንም #አስተባብለዋል። ከክልሉ ፕሬዝዳንት #ሙስጠፋ_ዑመር ጋርም መልካም ውይይት ማድረጋቸውን ሀላፊው ተናግረዋል።

ምንጭ፦ ዋዜማ ራድዮ
@tsegabwolde @tikvahethiopia

ማርያም ተስፋዬ‼️ የታዳጊዋ የህክምና ተማሪ #ማርያም_ተስፋዬ ሰርጀሪ በዛሬው ዕለት #በተሳካ ሁኔታ ተከናውኗል።

ሁላችሁም ወደ ሙሉ ጤንነቷ እንድትመለስ በየእምነታችሁ ፀልዩላት!
@tsegabwolde @tikvahethiopia

#Update በአዲስ አበባ ከተማ ሁከት እና ብጥብጥ ለመፍጠር ወጣቶችን በማደራጀት #ጠርጥሪያቸዋለሁ ሲል ፖሊስ ሦስት ሰዎችን ዛሬ ፍርድ ቤት አቅርቧል።

ምንጭ፦ የአሜሪካ ድምፅ ራድዮ
@tsegabwolde @tikvahethiopia

የመረጃ መደራረብ እና መሰልቸት እንዳይኖር ቻናላችን ለዩኒቨርሲቲ ተማሪዎች ብቻ ይህን ገፅ አዘጋጅቷል! ገፁ ለቀጣይ 1 ወር ብቻ የሚቆይ ነው!

https://telegram.me/TIKVAHUNIVERSITY

ይህ የተስተካከለ የመግቢያ ቀን የሚመለተው የባህር ዳር ቴክኖሎጂ ኢኒስቲትዩት ተማሪዎችን ብቻ ነው። ሪፖርት የምታደርጉበት ቀን ከላይ ተቀምጧል።

@tsegabwolde @tikvahuniversity

#update በሀገሪቱ በተፈጠረው ግጭት ምክንያት ከተፈናቀሉ ዜጎች መካከል እስካሁን 930 ሺህ 150 ገደማ ሰዎች ወደ ቄያቸው #መመለስ መቻሉን ብሔራዊ የአደጋ ስጋት አመራር ኮሚሽን አስታወቀ፡፡

በተለያዮ ጊዜያት በኢትዮጵያ በተፈጠረው ግጭት አያሌ ዜጎች ህይወታቸው አልፏል፡፡ በሚሊዮኖች የሚቆጠሩ ዜጎች ከቄያቸው ተፈናቅለው ለእንግልት #መዳረጋቸው ይታወቃል፡፡

ግጭቶቹም በዋናነት በኦሮሚያና ሶማሌ ክልል፣ በምዕራብ ጉጂና ጌዲዮ፣ በኦሮሚያና ቤንሻንጉል ጉሙዝ ባሉ አዋሳኝ አካባቢዎች እንዲሁም በሶማሊያ ክልልና በቡራዮ ከተማ የተከሰቱ ናቸው፡፡

በእነዚህም ግጭቶች ከተፈናቀሉ ዜጎች መካከል እስካሁን 930 ሺህ 150 ገደማ ሰዎች ወደ ነበሩበት አካባቢ መመለስ መቻሉን በብሔራዊ የአደጋ ስጋት አመራር ኮሚሽን የህዝብ ግንኙነት ዳይሬክተር አቶ ደበበ ዘውዴ ተናግረዋል።

ምንጭ፦ የኢትዮጵያ ቴሌቪዥን
@tsegabwolde @tikvahethiopia

#update አይ ኤስ አይ ኤስ 700 የሚደርሱ #የአሜሪካ እና #የአውሮፓ ሀገራት ዜግነት ያላቸውን ሰዎች በሶሪያ አግቷል፡፡ ከታጋቾቹ ውስጥም 10 የሚደርሱትን እንደገደላቸው ታውቋል፡፡ የሩሲያው ፕሬዝዳንት ቭላድሚር ፑቲን በአካባቢው ያለውን የአሜሪካ ጦር ‹‹አስፈሪ ውድቀት›› ሲሉ ተችተውታል፡፡

ምንጭ፦ አር ቲ ኒውስ
@tsegabwolde @tikvahethiopia

#update ህወሓት⬇️

የህዝባዊ ወያነ ሃርነት ትግራይ /ህወሃት/ ማዕከላዊ ኮሚቴ የድርጅቱን የስራ አስፈፃሚ ኮሚቴ አባላት ቁጥር ከ11 ወደ ዘጠኝ #ዝቅ አደረገ።

ማዕከላዊ ኮሚቴው ትናንት ባካሄደው መደበኛ ስብሰባው ነው የስራ አስፈፃሚ ኮሚቴ አባላት ቁጥሩን ቀደም ሲል ወደነበረበት የቀነሰው።

በድርጅቱ ህገደንብ መሰረት የስራ አስፈፃሚ ኮሚቴ አባላት ቁጥርን የመጨመርም ሆነ የመቀነስ የድርጅታዊ ጉባኤ ስልጣን ነው።

ቀደም ሲል ማዕከላዊ ኮሚቴው ከዘጠኝ ወደ 11 ቁጥሩን ከፍ ሲያደርግ በድርጅታዊ ጉባኤ ውሳኔ አለመሆኑም የማስተካከያ ውሳኔው መነሻ እንደሆነ ተመልክቷል።

ድርጅቱ በቅርቡ ባካሄደው ድርጅታዊ ጉባኤ የስራ አስፈፃሚ ኮሚቴ አባላትን መምረጡ ይታወሳል።

በምርጫው መሰረትም፦

1. ዶክተር ደብረፅዮን ገብረሚካኤል
2. ወይዘሮ ፈትለወርቅ ገብረእግዚአብሄር
3. አቶ ጌታቸው ረዳ
4. አቶ አስመላሽ ወልደስላሴ
5. ዶክተር አብረሃም ተከስተ
6. ወይዘሮ ኬሪያ ኢብራሂም
7. አቶ ጌታቸው አሰፋ
8. ዶክተር አምባሳደር አዲስዓለም ባሌማ
9. አቶ ዓለም ገብረዋህድ የኢህአዴግ ስራ አስፈፃሚ ኮሚቴ አባል ሆነው የኢህአዴግ ስራ አስፈፃሚ ኮሚቴ አባል ሆነው መመረጣቸው የሚታወስ ሲሆን፥ እነዚህን ጨምሮ አቶ በየነ መክሩ እና ዶክተር አክሊሉ ሀይለሚካኤል የተካተቱበት የህወሃት ስራ አስፈፃሚ ኮሚቴ አባላትንም መርጦ ነበር።

ምንጭ፦ ፋና ብሮድካስቲንግ
@tsegabwolde @tikvahethiopia

"የታጠቁ ወታደሮች ወደ ቤተመንግስት የመጡበት ሁኔታ ኢ-ህገመንግስታዊ ብቻ ሳይሆን ፍላጎቱ የተጀመረውን ሀገራዊ ለውጥ #ማጨናገፍ
ነበር"

▪️ጠ/ሚ ዶ/ር አብይ አህመድ▪️
@tsegabwolde @tikvahethiopia

ለወላይታ ሶዶ ዩኒቨርሲቲ ተማሪዎች‼️

"የፀጥታ እና የደህንነት ስጋት እንዳይኖር ከባለድርሻ አካላት ጋር በቅንጅት እየተሰራ ይገኛል።"
*
*
*
ነባርና አዲስ ተማሪዎች ተቀብሎ ለማስተናገድ የሚያስችል በቂ ቅድመ ዝግጅት ማድረጉንና የተማሪ ቤተሰቦችና ተማሪዎች #ከጸጥታና #ደህንነት ሥጋት ነጻ ለማድረግ #ከባለድርሻ አካላት ጋር ተቀናጅቶ እየሰራ መሆኑን የወላይታ ሶዶ ዩኒቨርሲቲ አስታወቀ፡፡

የተማሪችን አቀባበል አስመልክቶ በዩኒቨርሲቲው በተካሄደ የምክክር መድረክ ሰላማዊ የመማር ማስተማር ሂደት እንዲጎለብት የድርሻቸውን
ሚና እንደሚወጡ ባለድርሻ አካላት ጠቁመዋል፡፡
*
*
*
የወላይታ ሶዶ ዩኒቨርሲቲ ባለፉት አስራ አንድ አመታት ሰላም የሰፈነበት የመማር ማስተማር ሂደት እንዲኖር ከባለድርሻ አካላት ጋር ተቀናጅቶ በመስራቱ በሃገር አቀፍ ደረጃ ሠላማዊ ዩኒቨርሲቲ መባሉ ይታወሳል፡፡ በዚህም በበርካታ ተማሪዎችና የተማሪ ወላጆች ዘንድ ተመራጭ ዩኒቨርሲቲ እየሆነ መጥቷል፡፡

ዩኒቨርሲቲው በ2020 ከሃገሪቱ ምርጥ አምስት እንዲሁም በምስራቅ አፍሪካ ተመራጭ ዩኒቨርሲቲ ለመሆን የሚያስችለውን ተግባር በማከናወንና የተማሪዎች ቅበላ አቅሙን በማሳደግ የትምህርት መርሃግብሮቹን መጠን ከጊዜ ወደ ጊዜ በማሻሻል ፍላጎትን መሰረት አድርጎ እየሰራም ይገኛል፡፡

ዩኒቨርሲቲው የ2011 ዓ.ም የተማሪዎች ቅበላን አስመልክቶ የአካባቢውን ማህበረሰብ ተወካዮች፣ የሃይማኖት አባቶች፣ የመንግስት ተጠሪዎች፣ የዩኒቨርሲቲው ማህበረሰብና የሚመለከታቸው አካላትን በማሳተፍ ምክክር በማድረግ ጋዜጣዊ መግለጫ ሰጥቷል፡፡

በምክክር መድረኩ ተገኝተው መግለጫ የሰጡት የዩኒቨርቲው አካዳሚክ ጉዳዩች ም/ፕሬዝዳንት ዶ/ር ወንድሙ ወልዴ እንደገለጹት ዩኒቨርሲቲው ሰላማዊ የመማር ማስተማር ሂደትን በማስፈንና የተማሪ ቅበላ አቅሙን 29ሺህ በማድረስ በትጋት እየሰራ መቆየቱን ነው የተናገሩት፡፡

ሠላማዊ የመማር ማስተማር ሂደት ለማስፈን እንዲቻል ከአካባቢው ማህበረሰብ ጋር በቅርበት ሲሰራ መቆየቱን የተናገሩት ም/ፕሬዝዳንቱ፣ ከወቅታዊ ሃገራዊ ሁኔታዎች ጋር ተያይዞ የተፈጠረውን ስጋት ለመቆጣጠር የሚያስችል ዘርፈ ብዙ ስራ ከሚመለከታቸው ባለከድርሻ አካላት ጋር በቅንጅት ሲሰራ መቆየቱንም አውስተዋል፡፡

ሠላማዊ የመማር ማስተማር ሂደት እንዲሰፍን ከአካባቢው ማህበረሰብ፣ ከሃይማኖት አባቶች፣ መንግስትና ተቋሙ ልዩ ክትትል የሚያደርግና የተማሪ ቤተሰቦችና ተማሪዎች ከጸጥታና ከደህንነት ስጋት ነጻ ለማድረግ የሚያስችል ስራ መሰራቱንም ም/ፕሬዝዳንቱ ተናግረዋል፡፡

ተማሪዎችን ተቀብሎ ለማስተናገድ እንዲቻል አስፈላጊው ዝግጅት ሁሉ በበቂ ሁኔታ መደረጉን የተናገሩት ዶ/ር ወንድሙ፣ የአካባቢው ማህበረሰብ በተለይም የጸጥታ አስከባሪዎች፣በጎ አድራጎት ማህበራት፣የዩኒቨርሲቲው ማህበረሰብ በሙላት ተማሪዎችን ተቀብሎ በማስተናገዱ ሂደት በንቃት እንዲሳተፉ ጥሪያቸውን አስተላልፈዋል፡፡

በመድረኩ በመሳተፍ መግለጫ ከሰጡት መካከል የሃገር ሽማግሌዎችን በመወከል አቶ ሚልኪያስ ኦሎሎ እና የሃይማኖት ተቋማትን በመወከል አቶ ሰይፉ ለታ እንደገለጹት ሠላም የሁሉም ነገር መሰረት በመሆኑ ተማሪዎችን ተቀብሎ በማስተናገዱ ሂደት ሁሉም ባለድርሻ በባለቤትነት ሊሳተፍ ይገባል ብለዋል፡፡

ወላይታና አካባቢው እንግዳ ተቀባይ መሆኑንና አሁን ላይ ከተማሪ ቅበላ ጋር በተያያዘ አንዳች የሚያሰጋ የጸጥታና የደህንነት ስጋት እንደሌለ ጭምር ተሳታፊቹ አውስተዋል፡፡

የወላይታ ሶዶ ከተማ ፍትህና ጸጥታ ጽ/ቤት ሃላፊ አቶ አንዱዓለም አዳነ አካባቢውን ከደህንነትና ከጸጥታ ስጋት ነጻ በማድረግ የመማር ማስተማር ሂደቱን ለማጠናከር ከአቀባበል ጀምሮ በዘላቂነት ሰላምን ለማረጋገጥ የሚያስችል ተግባር ዘርፉ ከሚመለከታቸው አካላት ጋር በቅንጅት ሲሰራ መቆየቱን ገልጸዋል፡፡

በዩቨርሲቲው የሰላም ፎረም ጽ/ቤት ፕሬዝዳንት ተማሪ በረከት አፈወርቅ ከዚህ ቀደም ከነበረው የተሻለ አቀባበል እንዲኖር ለማስቻል በተማሪዎች አደረጃጀት ዘርፍ የተሟላ አገልግሎት ለመስጠት ዝግጅት መደረጉንና አዳዲስ ተማሪዎችን ከዩኒቨርሲቲውና ከአካባቢው ማህበረሰብ ጋር ለማላመድ መዘጋጀታቸውን ተናግሯል፡፡

በወላይታ ሶዶ ዩኒቨርሲቲ የህግ ት/ቤት ዲን እና የወላይታ በጎፈቃደኞች ማህበር አባል መምህር ተከተል ለቤና አዲስና ነባር ተማሪዎችን የመቀበሉን ተግባር ከማሳካት ረገድ ማህበሩና የማህበሩ አባላት ጉልህ ተሳትፎ እንደሚኖራቸው ጠቁሟል፡፡

ተማሪዎችን በበጎ ፈቃድ ለማገልገል የማህበሩ አባላት ከምንጊዜውም በበለጠ ዝግጅት ማድረጋቸውንና አቀባበሉንም ደማቅ ለማድረግ
ከባለድርሻ አካላት ጋር ተቀራርበው እየሰሩ መሆናቸውን መምህር ተከተል አውስቷል፡፡

የወላይታ ሶዶ ዩኒቨርሲቲ በ2011 የትምህርት ዘመን ከ 15 ሺህ የሚበልጡ ተማሪዎችን ተቀብሎ የሚያስተናግድ ሲሆን ከነዚህ ውስጥ 3 ሺህ 4 መቶ ያህሉ አዲስ ገቢ ተማሪዎች መሆናቸው ታውቋል፡፡

የመደበኛ ተማሪዎች የምዝገባ ጊዜ ከጥቅምት 10 እስከ 14 ባሉት ጊዜያት ውስጥ እንደሚካሄድ የዩኒቨርሲቲው ሬጅስተራርና አልሙናይ ዳይሬክቶሬት መግለጹም ይታወቃል፡፡

ምንጭ፦ የወላይታ ሶዶ ዩኒቨርሲቲ
@tsegabwolde @tikvahethiopia