Афæдз йæ фæдджитæ 'рбатымбыл кодта,
Ивгъуыдмæ махæй цæуы.
Ахæссæд йемæ фыдниз мæ фыдбонтæ,
Хæрзбон ын мæнгдуне зæгъы.
Ногаз та барджынæй 'рлæууыд йæ рады,
Амæндтæ хæссæг фæуæд.
Адæмы сомбон уæд фарнæфсæст царды,
Хур нæм цъæх арвæй кæсæд.
Хорз уац æрбахæссæнт ногазы бонтæ,
Уæлахизы аз нын фæуæд.
Хæсты хъæр банцайæд, сабыр уæд бæстæ,
Цардæфсæст алчидæр уæд.
Дунейы паддзæхтæм хорз зонд æрцæуæд,
Адæмы мауал цæгъдæнт.
Зыд æмæ кæрæф удтæй фæсурæнт,
Знæт цæстæй мауал кæсæнт.
Ногаз йæ хордзены ног хæрзтæ ‘рхæссæд,
Афæдз нæм худгæ кæсæд.
Дзагармæй æфсинтæ фынгтæ æвæрæнт,
Уарзонæй дзыллæ цæрæнт.

Гæцойты Анета
#рухс_ссудз
#рс_поэзи

Ног азы хорзæх уæ уæд! 🎄🥂

Готовлю небольшую беседу по Нартам. Кому интересно было бы такое мероприятие? ?Рабочее название беседы: Нарт æцæг сты? или Нарты и их подвиги.