#natija

Qarshi davlat universiteti kurash zalida oliy ta’lim muassasalari talabalari o‘rtasida “Universiada-2024” respublika sport musobaqasining belbog‘li kurash sport turi bo‘yicha viloyat birinchiligi bo‘lib o‘tdi.

Unda o‘g‘il bolalar 7 ta vazn toifasida g‘oliblik uchun kurash olib bordil. Quvonarlisi, barcha vazn toifalarida Qarshi davlat universiteti talabalari g‘alaba qozonishdi.

Musobaqa g'oliblari bilan tanishing:

🥇55 kg Shaxboz Fayzullayev (Qarshi davlat universiteti)
🥇60 kg Quvonchbek Ro'zimurodov (Qarshi davlat universiteti)
🥇66 kg Erali O'tkirov (Qarshi davlat universiteti)
🥇73 kg Bobur Tuxliyev (Qarshi davlat universiteti)
🥇81 kg Abror Qulmuhammatov (Qarshi davlat universiteti)
🥇90 kg Otajon Jalilov (Qarshi davlat universiteti)
🥇+ 90 kg Komronbek Hamidov (Qarshi davlat universiteti)

Musobaqaning respublika bosqichida ham murabbiy Odiljon Suyunov boshchiligida talabalarimizga omad tilaymiz.

🌐 Ijtimoiy tarmoqlardagi sahifalarimiz

✅ Telegram             🌍 Veb-sayt
💬 Facebook            📸  Instagram

#natija

Qarshi davlat universiteti sharafini himoya qiladigan "Lochin" futbol klubi O‘zbekiston Professional futbol ligasi tomonidan o‘tkaziladigan Birinchi liga musobaqalari doirasida oʻzining dastlabki uchrashuvini oʻtkazdi.

Beshkent "Markaziy" oʻyingohida kechgan bellashuvda jamoamiz Nasaf Farm klubi bilan toʻqnash keldi. Shiddatli kurashlar ostida oʻtgan bahsda Lochin raqibini 2-0 hisobida magʻlub etdi.

Ushbu natija bilan jamoamizni tabriklaymiz va keyingi uchrashuvlarda ham omad tilaymiz!

#1liga #dastlabki_uchrashuv #gʻalaba

🌐 Ijtimoiy tarmoqlardagi sahifalarimiz

✅ Telegram             🌍 Veb-sayt
💬 Facebook            📸  Instagram

#1_liga #3_tur
#natija

25-aprel kuni Qarshi davlat universitetining “Lochin” futbol klubi navbatdagi tur uchrashuvini oʻtkazdi. Bellashuv Beshkentdagi "Markaziy" oʻyingohida boʻlib oʻtdi va unda mezbonlar Buxoro davlat universiteti jamoasini qabul qildilar.

Oʻyin davomida har ikki jamoa ham gʻalaba uchun bor kuchini safarbar etdi. Maydonda shiddatli hujumlar, mahoratli o‘yinlar va keskin kurashlar kuzatildi.

Tomoshabinlar koʻplab hayajonli lahzalarga guvoh boʻldilar. Natijada murosasiz kechgan bellashuv jangovar durang bilan yakunlandi - 2:2. Har ikki jamoa bir ochkodan bo‘lishib olishdi.

🌐 Ijtimoiy tarmoqlardagi sahifalarimiz

✅ Telegram             🌍 Veb-sayt
💬 Facebook            📸  Instagram

#natija

⚡️Yosh jamoaning muvaffaqiyatli parvozi: “Lochin” finalga yo‘l oldi!

Joriy yilning 22-30-aprel kunlari Farg‘ona viloyati Farg‘ona shahrida joylashgan “Samo” sport majmuasida voleybol bo‘yicha O‘zbekiston chempionatining ikkinchi tur uchrashuvlari bo‘lib o‘tdi. Mazkur chempionatda Qarshi davlat universitetining “Lochin” voleybol jamoasi muvaffaqiyatli ishtirok etib, yakuniy — uchinchi tur final bosqichiga yo‘llanma qo‘lga kiritdi.

Jamoamiz umumiy hisobda 7 ta uchrashuv o‘tkazib, shularning 5 tasida g‘alaba qozondi va 2 bor mag‘lubiyatga uchradi. Natijada, 16 ochko jamg‘argan “Lochin” jamoasi final bosqichiga yo‘l oldi.

O‘zbekiston chempionatining yakuniy bosqichida mamlakatning 8 ta kuchli jamoasi g‘oliblik uchun kurash olib boradi. E’tiborlisi shundaki, Qarshi davlat universiteti jamoasi ushbu chempionatda ilk bor ishtirok etayotganiga qaramasdan, yosh va iqtidorli tarkibi bilan tajribali jamoalarning e’tirofiga sazovor bo‘lmoqda.

Eslatib o‘tamiz, chempionatning birinchi turi joriy yilning fevral oyida Toshkent shahrida bo‘lib o‘tgan edi. O‘sha bosqichda ham “Lochin” jamoasi munosib ishtirok etib, ikkinchi turga yo‘l olgandi.

Bizni kuzating

Telegram|Instagram|Facebook|Veb-sayt

#natija

⚡️“Kitobxon yoshlar ligasi” onlayn tanlovi yakunlandi

Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi tomonidan tashkil etilgan “Kitobxon yoshlar ligasi” onlayn tanlovining navbatdagi mavsumi muvaffaqiyatli yakunlandi.

Mazkur nufuzli bellashuvda O‘zbekiston bo‘ylab barcha oliy ta’lim muassasalari talabalari ixtiyoriy asosda ishtirok etdilar. Tanlov Zoom platformasi orqali onlayn formatda o‘tkazilib, unda Qarshi davlat universiteti talabalari ham faol va munosib ishtirok etdilar.

Faxr bilan ta’kidlash joizki, Qarshi davlat universiteti Filologiya fakulteti 3-bosqich talabasi Baxtiniso Salimova tanlov g‘olibligini qo‘lga kiritib, birinchi o‘rinni egalladi. Shuningdek, shu fakultetning 3-bosqich talabasi Dinora Ulashova ham yuqori natijaga erishib, ikkinchi o‘ringa loyiq topildi.

Tanlovda yuqori o‘rinlarni egallagan ishtirokchilar Oliy ta’lim, fan va innovatsiyalar vazirligi tomonidan noutbuk, smart televizor, planshet, smartfon kabi qimmatbaho sovg‘alar, shuningdek, I, II, III darajali diplomlar va faxriy yorliqlar bilan taqdirlanadi. “Eng faol targ‘ibotchi” nominatsiyasi bo‘yicha g‘oliblarga ham planshet va smartfonlar bilan birga diplomlar topshiriladi.

Bizni kuzating

Telegram|Instagram|Facebook|Veb-sayt