Вебинар буола турар. Билигиҥҥи туругунан 74 киһи кыттар. Манна улуустардааҕы тыа хаһаайыстыбатын управлениетын исписэлиистэрэ бааллар курдук көрөбүн.

Онон баҕар ким эмэ, үлэҕитинэн кыайан кыттыбакка хааллаххытына, кинилэртэн туоһулаһыаххытын сөп.

Ресурснай киин өҥөнү оҥорууга отделын салайааччыта Майя Степановна Гуляева модератордыыр.

Билигин Агростартап 2023 сыллааҕы Бэрээдэк тахса илигэ этилиннэ, ити эрээри икки ыйынан, барыллаан, куонкурус биллэриллиэн сөбө этилиннэ.

Онон докумуоннаргытын бэлэмнээҥ диэтэ Майя Гуляева.

#агростартап #семейнаяферма

Мария Иванова - 2021 сыллааҕы Агростартап кыайыылааҕа, 2022 сыллааҕы Универсальная ферма программа кыттыылааҕа, Бүлүү улууһун олохтооҕо.

Оҕо эрдэҕиттэн көтөрү иитэр ыра санаалаах идэтинэн суруналыыс кыыс билигин птицевод буолан, кулун тутар 3 күнүгэр Кыадаҥдаҕа олус суолталаах, хас да хайысхалаах ферма арынна.

Баҕа санааҥ туолан истин, Мария. Киэн туттабыт!!! Тыа сирэ сайдыытыгар оҥорор үлэҥ түбүгэ түмүктээх буоллун!!!

#агростартап #птичьяферма #вилюйскийулус

Бу видеоҕа Агростартап 2021 сыллааҕы кыайыылааҕа Мария Иванова көтөрүн ферматын көрөҕүт. Бизнес-былаанын олоххо киллэрэ сылдьар туруу үлэһит кыыс оччолорго куонкуруска кыттарыгар эмиэ наһаа долгуйара, ити эрээри тыа сиригэр дохуоту киллэрэр салааны тэрийэр ыра санаатын хамыыһыйа сэҥээрбитэ🙌🏻✅

Бу күннэргэ минсельхоз "Семейная ферма" граҥҥа кыттыыга баҕалаахтартан докумуон хомуйар, кулун тутар 16 күнүгэр диэри. Бүгүҥҥү туругунан 12 сайаапка киирбит.

Салгыы Агростартап гранын куонкурсугар кыттыыга докумуон хомуллуута саҕаланыаҕа. Былырыын саас буолбута. Быйыл да наһаа уһаппакка ыытыллара былааннанар дииллэр минсельхозка.

Ресурснай кииҥҥэ бизнес-былаан суруйууга көмөлөһүүгэ сайаапка ахсаана 100-тэн таҕыста. Онон быйыл да балачча киһи киирсээри сылдьар.

Санаттахха, былырыын куонкуруска 120-тэн тахса сайаапка киирбититтэн, 18 киһи агрогрант ылбыта. Билигин ол дьон бары ситиһиилээхтик үлэлии сылдьаллар✅✅✅

#агростартап #семейнаяферма #нацпроектпутина

РФ минсельхоһа иһитиннэрбитинэн, 2023 сылга Агростартап программанан Россияҕа 850-тан тахса бырайыагы өйүөхтэрэ.

Онно анаан дойду үрдүнэн 3 млрд солк тыырылынна.

Быйылгыттан эт-үүт оҥорон таһааран, тыа сиригэр дохуот аахсар, саҥа үлэ миэстэтин таһаарар туһунан бырайыактаахтарга муҥутуур суума 7 мөл солк быһылынна. Эрдэ бу суума 5 мөл солк этэ.

#агростартап #село #агробизнес #нацпроектпутина

"Семейная ферма" кыайыылаахтара билиннилэр. 10 бааһынай хаһаайыстыба ылла. Хаҥаластар бэлэмнээхтэрин көрдөрдүлэр, үс дьиэ кэргэнинэн пермер хаһаайыстыбаларын салгыы сайыннаралларыгар субсидияҕа тигистэ.

"Агростартап" программаҕа 2023 сылга грант сууматын чааһыгар уларытыылар киирбиттэрэ. Муҥутуур суума - 7 мөл солк буолар диэн. Онон билигин федеральнай уларытыыга сөп түбэһиннэрэн, Саха сиригэр бэрээдэги уларытыыга үлэ барар. Онон күүтэбит.

Кыттыан баҕалаахтар кытаатыҥ, сиргитин-уоккутун, производственнай эбийиэктэргитин докумуоннатыҥ. Бэйэҕит бас билиигитигэр баар буоллаҕына - 10 баал эбиллэр. Докумуон ЕГРН выписката буолуохтаах.

Куонкурус баал систиэмэтинэн сыаналанарын өссө биирдэ иһитиннэрэбин.

Чэ, кытаатыҥ, бэлэмнэниҥ🧑🏼‍🌾👩🏻‍🌾

Ким бэлэмнээх - ол куонкурсу кыайар💪🏼

#агростартап #нацпроектпутина #тыасирэ

Быйыл Дьокуускай куорат пиэрмэрдэригэр аан бастакытын «Агростартап» ыытыллыаҕа

«Федеральнай бырагыраама ирдэбилинэн, 100 тыһ. элбэх нэһилиэнньэлээх куоракка  «Агростартап» грант көрүллүбэт. Ол иһин биһиги пиэрмэрдэрбит бу куонкуруска кыттар быраабы ылаары хас да сылы быһа туруорустулар. Быйыл тыа хаһаайыстыбатын министиэристибэтэ утары баран, бу бырайыагы олоххо киллэрэргэ Дьокуускай куорат уокуругар 30 мөл. солкуобай үбү көрдө. Бу үп бырагыраамаҕа киирдэ эрээри, куонкурус критерийдэрин, барылын бэс ыйыттан саҕалаан оҥоруохпут, күһүөрү балаһыанньаны таһааран бу сылга дьон көрүллүбүт үбүнэн туһаныаҕа. Биллэн турар, «Агростартап» грант критерийдэригэр майгынныыр буолара буолуо, баҕар туох эмэ уларыйыы буолуон сөп, чопчу Дьокуускай уокурук олохтоохторугар сөп түбэһиннэрэн «,  — диэн «Дьокуускай куорат» уокуругун тыа хаһаайыстыбатын управлениетын салайааччытын солбуйааччы Лидия Петровна Мухоплева чопчулаата.

#агростартап

Бу сарсыардааҥы туругунан, Агростартапка кыттыыга 26 киһи сайаапка биэрбит.

Быйыл критерийдэр эбиллэн, дьон сайаапка туттарыыта арыый бытаарбыт буолуон сөп диэн минсельхозка эттилэр. Бэрээдэккэ уларыйыылар киирбиттэринэн, быйылгы куонкуруска 20 критерийынан сыаналааһын буолар. Былырыын - 6 критерий баара.

Сайаапканы тутуу бэс ыйын 15 күнүгэр диэри салҕанар, ол кэнниттэн куонкурус хаһан буолара биллиэҕэ диэн эттилэр.

#агростартап #нацпроектыпутина #сельскоехозяйство

Агростартап-2023 федеральнай программанан ыытыллар куонкуруска сайаапка тутуута түмүктэннэ.

Барыта 117 сайаапка киирдэ. Ол туһунан сүөһүнү иитиигэ департамент исписэлииһэ Петр Татаринов эттэ.

Билигин бастакы түһүмэх - сайаапканан киирбит докумуоннары бэрэбиэркэлээһин ыытыллар. Салгыы куонкурус иккис түһүмэҕэ - бизнес-былааннары көмүскээһин буолуоҕа.

Санатан эттэххэ, быйыл бэрээдэк уларыйбыта, онно олоҕуран 20 пууннаах критерий оҥоһуллубута.

#агростартап #нацпроектпутина

"Агростартап-2023" программанан грант биэриитигэр сайаапкалары минсельхоз баҕалаахтартан биир ый болдьохтоох туппута. Федеральнайдааҕы уонна өрөспүүбүлүкэтээҕи бюджеттартан көрүллэр субсидияны бизнес-былаан көмүскээн, кыайдаххына ылаҕын. Улахан куонкурус.

Быйыл барыта 117 сайаапка киирбитэ. Билигин сайаапкаҕа холбуу ирдэнэр докумуоннары бэрэбиэркэлээһин ыытыллар. "Быйылгы бэрээдэккэ эбиилэр киирэн, элбэх докумуон бэрэбиэркэлэнэр. Тэрилтэлэргэ быһаччы запростары оҥоробут, онно сорохторго эппиэт кэлэ илик. Эппиэттэри туттубут да, бизнес-былааны көмүскээһин күнүн биллэриэхпит. От ыйын саҥатыгар былаанныыбыт", - диэн эттилэр минсельхозка.

#агростартап #тыасирэ #нацпроектыпутина