#Долзарб

⚡️⚡️⚡️ Фавқулодда вазиятлар оқибатларини бартараф этиш юзасидан махсус-тактик ўқув машқлари ўтказилди

Ҳозирги кунда сув-сел тошқини туманимиздаги “Паркентсой” сойининг Кумушкон ва Бойқозон маҳаллаларидан ўтувчи қисмининг оқим бўйлаб чап қирғоғи аҳоли яшаш уйлари ҳамда қишлоқ хўжалиги ерларига хавф туғдириши мумкин.

Тошқин сувлари ва сел оқимларини хавф хатарсиз ўтказиб юборишни таъминлаш, қор кўчкилари ва ер кўчкилари ҳодисалари хавфини камайтириш мақсадида махсус ўқув тактик машғулот ўтказилмоқда.

Бугун ана шундай махсус ўқув тактик машғулотларнинг навбатдагиниси туман Йўллардан фойдаланиш унитар корхонасида бўлиб ўтди.

Унда туман ҳокими – Фуқаро муҳофазаси бошлиғи Сардор Исақулов, тегишли идора ва ташкилотлардан жалб этилган махсус техника ва мутахассислар иштирок этди.

Ўқув машқи бошланишидан олдин барча хизматлар ўзларининг куч воситалари билан саф тортиб, махсус техника воситалари шай ҳолга келтирилиб, уларнинг тайёргарлиги юзасидан савол-жавоблар, суҳбатлар ўтказилди.

Махсус-тактик ўқув машқлари мобайнида масъул хизматлар тузилмалари шахсий таркибининг ҳаракатлари, бириктирилган махсус асбоб-анжом ва ҳимоя воситаларидан фойдаланиш кўникмалари ҳамда тузилмаларни фавқулодда вазиятларда ҳамкорликдаги ҳаракати кузатиб борилди.

Шунингдек, йўл қўйилган камчиликлар ва хатолар бартараф этиш бўйича фикр алмашилиб, келгусида амалга оширилиши лозим бўлган вазифалар белгилаб олинди.

👉 @PARKENT_TONGI

#Сессия

⚡️⚡️⚡️ Депутатларимиз Паркентда “Сайхунобод тажрибаси”ни самарали татбиқ этиш масалаларини муҳокама қилишди

Халқ депутатлари туман Кенгашининг олтинчи чақириқ, тўқсон учинчи  сессияси  бўлиб ўтди.

Унда Тошкент вилоят прокурори Сирожиддин Эшқувватов, туманимиз ҳокими Сардор Исоқулов, сектор раҳбарлари, депутатлар, ҳоким ўринбосарлари, тегишли ташкилот бошлиқлари ҳамда ОАВ вакиллари иштирок этишди.

Сессияда туманимиз ҳаётига оид муҳим масалалар кўриб чиқилди.

Жумладан, Президентимизнинг жорий йил 14 март куни Сайхунобод туманига ташрифи давомида ҳамда ўтказилган йиғилишида берилган топшириқлар бўйича 20-сонли баён ижроси юзасидан туманимизда амалга оширилган ишлар тўғрисида сектор раҳбарлари ахборот берди.

Бундан ташқари, сессияда туман маҳаллий бюджетининг қўшимча манбалари маблағлари ҳамда “Маҳалла” хайрия жамоат фонди туман бўлими қошидаги “Саховат ва кўмак” жамғармасига келиб тушган маблағлардан фойдаланиш тўғрисида депутатларга ахборот берилди.

Жорий йилнинг 1-чорак давомида маҳаллий бюджет харажатлари ёйилмаси ва даромадлар режасига киритилган ўзгартиришлар ҳамда туман маҳаллий бюджетининг 2024 йил 1-чорак якуни ҳақидаги ахборот ҳам тақдим этилди.

Сессия якунида Тошкент вилояти прокурори сўзга чиқиб, ердан янада самарали фойдаланиш, деҳқонлар учун бозор топишга кўмаклашиш, тадбиркорларни сифатли уруғ ва дори воситалари билан таъминлаш, тадбиркорларнинг экспортига амалий ёрдам бериш, ер муносабатларини шакллантириш каби муҳим ислоҳотларни ўз ичига олган “Сайхунобод тажрибаси” бўйича туманимизда амалга оширилаётган ишларни янада жадаллаштириш зарурлигини таъкидлади.

Шунингдек, бу борада йўл қўйилган айрим хато ва камчиликларни айтиб ўтди.

Сессияда депутатларимиз туманимизда “Сайхунобод тажрибаси"ни самарали татбиқ этиш юзасидан ўзларини қизиқтирган саволларига жавоб олишди.

Савол-жавобларга бой ўтган сессия якунида туманимиз ҳаётида муҳим бўлган масалалар атрофлича муҳокама этилиб, тегишли қарорлар қабул қилинди.

👉 @PARKENT_TONGI