#савол_жавоб

❓Ўзини ўзи банд қлиган шахс сифатида "Soliq" мобил иловаси орқали рўйхатдан ўтдим, лекин ижтимоий солиқ тўламадим. Энди менга иш стажи ёзиладими?

🔹Ўзини ўзи банд қилган шахслар 2020 йил учун:

👉 ижтимоий солиқни ўзини ўзи банд қилган шахс сифатида ҳақиқатда ишлаган вақтидан қатъи назар базавий ҳисоблаш миқдорининг камида 50 % (111 500 сўм) ҳажмида тўлайди;

👉 Ушбу сумма тўлиқлигича бюджетдан ташқари Пенсия жамғармасига йўналтирилади ҳамда ўша шахснинг келгусида ҳисобланадиган пенсия миқдорига таъсир этади.

👉 Пенсия 💵⚙️ якка тартибдаги тадбиркорлар учун ўрнатилган тартибда ҳисобланади.

👉Демак, ижтимоий солиқ тўловини амалга оширмаган жисмоний шахсга иш стажи ва пенсия 🧓🏻👵🏻❌ҳисобланмайди.

#савол_жавоб

❓Тадбиркорлик билан шугулланмоқчиман. Буни бошлашим учун ер участкаси керак бўлмоқда. Айтингчи, ҳозирги кунда қандай қилиб ер участкаси сотиб олишим мумкин?

✅ Ўзбекистон Республикаси Президентининг 2020 йил 3 апрелдаги ПФ–5780-сон Фармонига асосан 2019 йил 1 октябрдан бошлаб тадбиркорлик ва шаҳарсозлик фаолияти учун қишлоқ хўжалигига мўлжалланмаган бўш ер участкалари республиканинг барча ҳудудларида фақат “E-IJRO AUKSION” савдо майдончасида 💻электрон онлайн-аукцион орқали тақдим этилиши белгиланган.

Шунингдек, ижара асосида ёки давлат мулкларини имтиёзли шартлар билан сотиб олишингиз мумкин.

☝Қисқа қилиб айтганда, тадбиркорлик мақсадида ер участкасини белгиланган тартибда аукционда иштирок этиш орқали (e-auksion.uz) олишингиз мумкин.

#савол_жавоб

❓Касаллик варақасида бўлган даврим учун ҳисобланадиган пулдан солиқ ушлаб қолинадими?

✅ Меҳнат лаёқатини вақтинча йўқотганлик учун ходимга тўланадиган тўловлар (касаллик варақаси асосида) жисмоний шахсларнинг бошқа даромадлари ҳисобланади (Солиқ кодексининг 377-моддаси).

❗Ушбу даромадлар ўз навбатида жами даромадлар таркибига киради ҳамда белгиланган тартибда 12 % ставкада жисмоний шахслардан олинадиган даромад солиғига тортилади.

#савол_жавоб

❓Арзон кўп квартирали уйларни қуриш ва реконструкция қилиш дастури асосида қурилган уйлардан ипотека кредити асосида сотиб олинган квартиралар мол-мулк солиғидан озодми?

✅ 2017-2020 йилларда шаҳарларда арзон 🏢кўп квартирали уйларни қуриш ва реконструкция қилиш 📄дастурига асосан қурилган кўп квартирали уйлардан 2020 йил 1 июлга қадар «Ипотека банк» АТИБ, «Ўзсаноатқурилишбанк» АТБ ва «Асака банк» АТБ томонидан берилган ипотека кредити асосида квартира сотиб олинган бўлса, ушбу квартиралар бўйича ⌛ жисмоний шахслар (қарздорлар) ✅ипотека кредитини тўлаб бўлгунга қадар ❌мол-мулк солиғидан озод қилинади.

#савол_жавоб #солиқчи_кўмакчи

🔴 Сартарошлик билан шуғулланаман. 2-гуруҳ ногирони бўлганлигим сабабли имтиёз билан солиқ тўлар эдим, аммо солиқ инспектори октябрдан ўзгартириш киритилди деди. Энди қанча солиқ тўлайман ❓

🔵 I ва II гуруҳ ногиронлиги бўлган якка тартибдаги тадбиркорлар ойига фаолият тури ва уни амалга ошириш жойидан қатъий назар, қатъий белгиланган сумманинг 50 фоизини, бироқ базавий ҳисоблаш миқдорининг 50 фоизидан кўп бўлмаган миқдорда, яъни 2020 йил учун 111,5 минг сўм қатъий белгиланган миқдордаги солиқ тўлайди (ЎРҚ-589-сон Қонуни).

👉 Шу билан бирга, Солиқ кодексининг 408-моддасида I ва II гуруҳ ногиронлиги бўлган якка тартибдаги тадбиркорлар ойига базавий ҳисоблаш миқдорининг 50 фоизи, яъни 2020 йил учун 111,5 минг сўм миқдорида ижтимоий солиқ ҳам тўлаши белгиланган.

❗️Пандемия даврида якка тартибдаги тадбиркорлар учун ижтимоий солиқнинг ойлик энг кам суммаси базавий ҳисоблаш миқдорининг 50 фоизига қадар камайтирилганлиги (ПФ-5969) сабабли, 2020 йил 1 апрелдан 1 октябргача ижтимоий солиқни 111,5 минг ўрнига 55,7 минг сўм тўлаб, имтиёздан фойдаланилган.

Тelegram | Facebook | Youtube| Instagram

#савол_жавоб

❓Агар ўзини ўзи банд қилган шахс ўз меҳнат фаолиятини тўхтатса, бу ҳақида солиқ идораларини хабардор қилиши керакми?

✅Агар ўзини ўзи банд қилган шахс ўз меҳнат фаолиятини тўхтатса, у ўз фаолиятини тўхтатгунига қадар давлат солиқ хизмати органига фаолиятни тўхтатиш❌ тўғрисидаги билдиришномани махсус мобил илова ёки шахсий кабинет орқали юборади.

Давлат солиқ хизмати органлари томонидан олинган ўзини ўзи банд қилган шахснинг фаолияти вақтинчалик тўхтатилганлиги тўғрисидаги билдиришнома ўзини ўзи банд қилган шахс меҳнат фаолиятини амалга оширмайдиган даврда ижтимоий солиқни тўлашни тўхтатиб туриш учун асос бўлади.

#савол_жавоб

❓Қандай маълумотлар солиқ сири ҳисобланмайди?

✅ Солиқ кодексининг 29-моддасига кўра, ваколатли органлар томонидан олинган солиқ тўловчи тўғрисидаги маълумотлар солиқ сирини ташкил этади, қуйидагилар бундан мустасно❌:

👉 ҳамма фойдаланиши мумкин бўлган, шу жумладан эгасининг розилиги билан шундай фойдаланиш имкони яратилган маълумотлар;

👉 солиқ тўловчининг идентификация рақами тўғрисидаги маълумотлар;

👉 солиқ тўғрисидаги қонун ҳужжатларининг бузилишлари ва бу қоидабузарликлар учун жавобгарлик чоралари тўғрисидаги маълумотлар;

👉 солиқ тўловчилар томонидан қўлланиладиган солиқ режимлари ва қўшилган қиймат солиғини тўловчилар сифатида ҳисобга қўйилганлик тўғрисидаги маълумотлар;

👉 тўланган солиқларнинг ва солиқ қарзининг суммалари ҳақидаги маълумотлар;

👉 юридик шахснинг иштирокчилари тўғрисидаги маълумотлар;

👉 ходимларнинг рўйхатдаги ўртача сони тўғрисидаги маълумотлар;

👉 молиявий ҳисобот маълумотлари бўйича даромадлар ва харажатлар суммалари тўғрисидаги маълумотлар.

#савол_жавоб #вопрос_ответ

🔴Нега солиқ органлари қалбаки (кўзбўямачилик учун тузилган) битимлар бўйича солиқларни ундириш учун судга мурожаат қилишмади❓

🔵Агар битим “ниқоблаш” учун тузилган бўлиб, лекин товар (хизматлар) шартнома тузилган шахсдан олинмаган бўлса, бунда етказиб берувчига ўтказиб берилган маблағларни харажат сифатида тан олмасликка асос бўлади.
Ўз навбатида, етказиб берувчи томонидан расмийлаштирилган хисобварақ фактура сохта хужжат бўлиб ҳисобланади ва ҚҚС суммаси ҳисобга олинмайди.
Ушбу ҳолатда битимни қалбаки (кўзбўямачилик учун тузилган) битим деб тан олиш учун судга мурожаат қилиш талаб этилмайди.
Юқорида қайд этилганлардан келиб чиқиб, солиқ солиш мақсадида солиқ органлари солиқ тўловчининг ҳақиқатда амалга оширган харкатларидан келиб чиқиб битимнинг юридик тавсифланишини ўзгартиришга ҳуқуқига эга. Шу муносабат билан, солиқ қонунчилиги солиқ тўловчидан контрагентларни танлаш чоғида лозим даражада эҳтиёткорлик қилишини талаб этади.
Нафақат контрагенти солиқ тўловчи сифатида рўйхатдан ўтганлигини (26.12.2018 йилда ПҚ-4086-сонли Қарорнинг 10-банди талаблари) текшириш билан лозим даражада эҳтиёткорлик қилиш чорасини кўрганлигини англатмайди. Балки:
- етказиб берувчиларни қидириш ва танлаш бўйича хужжатлар, веб-сайтларга ва босма материалларга ҳаволалар;
- ишбилармонлик обрўсини;
- контрагент шартнома мажбуриятини бажариш учун ресурслар (ишлаб чиқариш базаси, технологик жиҳозларга, малакали ходимлар ва транспортларга) билан таъминланганлигини текшириш лозим.

Тelegram | Facebook | Youtube| Instagram

#матбуот_анжумани
#савол_жавоб

🔴“Шубҳали” корхоналар рўйхати нима сабабдан 2021 йил 1 февралдан бошлаб эълон қилинди❓

🔵Давлат солиқ қўмитаси томонидан Вазирлар Маҳкамасининг 2021 йил 7 февралдаги 1-сон қарорига асосан солиқ хавфини аниқлаш, таҳлил қилиш ва баҳолаш автоматлаштирилган дастур ишлаб чиқилди. Ушбу дастур орқали инсон омилисиз шубҳали корхоналарни аниқланди ва улар юқори хавф даражада солиқ тўламайдиган корхоналар деб топилди.
Солиқ қўмитаси томонидан солиқ тўловчилар ушбу корхоналар билан шартнома тузмаслигини эълон қилди.
Лозим даражада эхтиёкорлик чорасини кўриш учун контрагентини текшириш ва хужжатларга эга бўлиш мажбурияти 2020 йил 1 январда амалда бўлган Солиқ кодексида белгиланган.

Тelegram | Facebook | Youtube| Instagram

#матбуот_анжумани #савол_жавоб

🔴 Нима учун бошқа корхона томонидан тўланмаган ҚҚСни мен тўлашим керак❓

🔵 Агар солиқ тўловчи ҚҚС суммасини ўрганилмаган (эҳтиёткорлик чораси кўрилмаган) контрагент ҳисобига камайтирган бўлса, ўз навбатида контрагент “бир кунлик” фирма бўлиб, шартнома бўйича мажбуриятини бажариш учун ресурсларга эга бўлмаса, ушбу ҳолатда ҚҚС суммаси ҳисобга олинмайди.

Тelegram | Facebook | Youtube| Instagram

#матбуот_анжумани #савол_жавоб

🔴 Нима учун корхона ўз контрагентининг ҚҚС тўловчиси эканлигини текширганда рўйхатдан ўтганлиги тўғрисида гувоҳномаси мавжуд бўла туриб, солиқ органлари ушбу гувоҳномани ўз вақтида бекор қилмаган❓

🔵Солиқ органлари томонидан ҚҚС тўловчиси сифатида гувоҳнома уларни давлат рўйхатидан ўтказиш пайтида текширувларсиз автоматик тарзда берилади.

“Шубҳали” корхоналар улар томонидан операциялар амалга оширилгандан сўнг тақдим этилган солиқ ҳисоботларини таққослаш орқали аниқланади.

Ҳаммага маълумки, 2020 йилда пандемия даврида солиқ тўловчиларни қўллаб-қувватлаш мақсадида чоракда бир маротаба солиқ ҳисоботини тақдим этиш ҳуқуқи берилди.

Ўз навбатида ушбу енгилликдан “шубҳали” корхоналар фойдаланди.

Тelegram | Facebook | Youtube| Instagram

#савол_жавоб #ер_солиғи

❓Ўзбошимчалик билан эгалланган ер майдонига ер солиғи қандай ҳисобланади?

✅Жисмоний шахслар томонидан ер участкаларидан ҳужжатларсиз ёхуд ер участкасига бўлган ҳуқуқни тасдиқловчи ҳужжатларда кўрсатилганидан каттароқ ҳажмда фойдаланилганда солиқ ставкаси белгиланган солиқ ставкаларининг уч баравари миқдорида белгиланади (Солиқ кодекси, 437-модда).

#солиқчи_кўмакчи #савол_жавоб

🔴 Жорий йилнинг 29 май куни Soliq.uz сайтида профилактика ишлари амалга оширилганлиги сабабли ЭҲФ расмийлаштиришнинг имкони бўлмади. 2021 йил 29 май куни билан бажарилган иш ва кўрсатилган хизматлар учун ЭҲФни 2021 йил 31 май куни шакллантириш мумкинми❓

🔵 Электрон ҳисобварақ-фактуралар ахборот тизимида техник носозликлар юзага келганда ҳисобварақ-фактура қоғоз шаклида расмийлаштирилади.

Бунда, техник носозлик хизмат кўрсатувчи электрон ҳисобварақ-фактура айланиш тизими оператори томонидан расман тасдиқланган бўлиши лозим ва ҳисобварақ-фактуралар кейинчалик электрон ҳисобварақ-фактураларнинг ахборот тизимидаги носозликлар бартараф этилгандан сўнг беш кун ичида электрон шаклда ҳисобварақ-фактуранинг қоғоз шаклида кўрсатилган сана билан киритилиши шарт (14.08.2020 йил ВМ - 489-қарори, 2-илова, 11-банд).

Тelegram | Facebook | Youtube| Instagram

#савол_жавоб

❓Ўзини ўзи банд қилган шахслар қандай фаолият турлари билан шуғулланиши мумкин?

✅Ўзини ўзи банд қилган шахслар сартарошлик, дурадгорлик, чилангарлик, велосипедларни таъмирлаш, миллий нон ва патирларни тайёрлаш ва сотиш, репититорлик қилиш, ижтимоий тармоқларда фаолият олиб бориш, видео ва фотосуратга олиш хизматлари, ҳамширалик иши каби 70 га яқин фаолият турлари билан шуғулланиши мумкин. Батафсил танишиш учун.

☝️Эслатиб ўтамиз, ўзини ўзи банд этганлар даромад солиғидан озод этилган❌. Улар фақатгина йилига бир марта ижтимоий солиқ тўлайди. Бу миқдор 2021 йил учун 245 минг сўмга тенг бўлиб, ушбу сумма тўлиқлигича бюджетдан ташқари Пенсия жамғармасига йўналтирилади ва пенсия миқдорига таъсир кўрсатади.

#савол_жавоб

❓Касаллик варақасида бўлган даврим учун ҳисобланадиган пулдан солиқ ушлаб қолинадими?

✅ Меҳнат лаёқатини вақтинча йўқотганлик учун ходимга тўланадиган тўловлар (касаллик варақаси асосида) жисмоний шахсларнинг бошқа даромадлари ҳисобланади (Солиқ кодексининг 377-моддаси).

❗️Ушбу даромадлар ўз навбатида жами даромадлар таркибига киради ҳамда белгиланган тартибда 12 % ставкада жисмоний шахслардан олинадиган даромад солиғига тортилади.

#савол_жавоб

⭕️Касаллик варақасида бўлган даврим учун ҳисобланадиган пулдан солиқ ушлаб қолинадими❓

✅ Меҳнат лаёқатини вақтинча йўқотганлик учун ходимга тўланадиган тўловлар (касаллик варақаси асосида) жисмоний шахсларнинг бошқа даромадлари ҳисобланади (Солиқ кодекси, 377-моддаси).

✔️Ушбу даромадлар ўз навбатида жами даромадлар таркибига киради ҳамда белгиланган тартибда 12 % ставкада жисмоний шахслардан олинадиган даромад солиғига тортилади.

Telegram I Facebook I Veb-sayt

#савол_жавоб #ЯТТ

🔹Якка тартибдаги тадбиркор фаолиятини тўхтатса ёки тугатса, унинг ёлланма ишчилари ўз фаолиятини давом эттирса бўладими❓

✅Якка тартибдаги тадбиркор ўзини фаолиятини вақтинча (бутунлай) тўхтатган вақтда ҳар бир ёлланган ходим учун берилган ҳисобга олиш карточкаларини солиқ органларига топшириши шарт.

Агар фаолиятини тўхтатиб турган якка тартибдаги тадбиркор ҳар бир ходими учун ҳисобга олиш карточкасини солиқ органига белгиланган муддатларда топширмаса❌, якка тартибдаги тадбиркорнинг мажбуриятлари бўйича солиқни ҳисоблаш тўхтатилмайди (СК 392 ва 408-моддалари).

Telegram I Facebook I Instagram I Veb-sayt

#савол_жавоб #ҚҚС

🔹Корхона балансидаги баланс қиймати 255 млн. сўм бўлган квартира 100 млн. сўмга сотилса, ҚҚС қайси суммадан тўланади❓

✅Бу ҳолатда, солиқ базаси 100 млн.сўм ҳисобланади. Бунда, агар 100 млн.сўм бозор қийматидан паст бўлса, солиқ органлари солиқ базасига тузатиш киритишга ҳақли (СК 248-модда).

Мисол учун: Корхона баланс қиймати 255 млн.сўм бўлган квартирасини 100 млн.сўмга шартнома асосида сотди. Бунда агар ушбу квартиранинг бозор нархи 200 млн.сўмни ташкил этса, солиқ солиш мақсадида солиқ базаси 200 млн.сўм ҳисобланади.

Telegram I Facebook I Instagram I Veb-sayt

#савол_жавоб #ипотека #имтиёз

⭕️Ўзбекистон Республикаси Президентининг 2016 йил 22 ноябрдаги ПҚ-2660-сонли қарорига асосан 🏢ипотека кредитларини қоплаш учун 2021 йилда йўналтирилган сумма жисмоний шахслардан олинадиган даромад солиғидан озод этиладими?

🟢Йўқ, озод этилмайди. Бунда уй-жой сотиб олиш учун олинган ипотека кредитлари ва улар бўйича ҳисобланган фоизларни қоплаш учун йўналтирилган суммани жисмоний шахслардан олинадиган даромад солиғидан озод қилиш тарзидаги имтиёзлар 2021 йил 1 январдан бекор қилинди❌ (ПФ-6011-сон Фармон, 19.06.2020 йил).

Олинган ипотека кредитларини ва улар бўйича ҳисобланган фоизларни солиқ даври давомида жами ўн беш миллион сўмгача бўлган миқдорда қоплашга, башарти якка тартибдаги уй-жойнинг ёки кўп қаватли уйдаги хонадоннинг қиймати уч юз миллион сўмдан ошмаса ҳамда у дастлабки бадалнинг ва (ёки) ипотека кредити бўйича фоизларнинг бир қисмини қоплаш учун бюджетдан ажратилган субсидияларни ҳисобга олган ҳолда олинган бўлса, ушбу кредитни қоплаш учун йўналтирилган суммасига солиқ солинмайди. Мазкур имтиёз қарз олувчига ва бирга қарз олувчиларга, имтиёз олиш ҳуқуқига эга бўлган барча солиқ тўловчиларга берилган, солиқ солиниши лозим бўлган даромадларни камайтириш суммаси солиқ даври давомида жами ўн беш миллион сўмдан ошмаган тақдирда татбиқ этилади (СК 378-моддаси ўн олтинчи банд).

#савол_жавоб

🔴Тузатилган ҳисобварақ-фактуралар қандай ҳолларда расмийлаштирилади❓

🟢Тузатилган ҳисобварақ-фактура қуйидаги ҳолларда расмийлаштирилади:

✅хатоларни тузатиш натижасида солиқ базаси ўзгарган тақдирда;

✅ўзгартиш ёки қўшимчалар киритиш зарур бўлганда.

Тузатилган ҳисобварақ-фактурада солиқ базаси ва ҚҚС суммаси ўзгарса, етказиб берувчи ва сотиб олувчи ўтган ҳисобот даври учун аниқлаштирилган солиқ ҳисоботларини топшириш шарт
(ВМ 489-сон қарори 2-иловаси, 40 ва 44-бандлар, 14.08.2020 йил).

Telegram I Facebook I Instagram I Veb-sayt