#Investitsiya
#Bunyodkorlik
🟢Gʻijduvondagi 5 ta ta’lim muassasasida qurilish-ta’mirlash ishlari jadal sur’atlarda olib borilmoqda

🫥Ayni paytda Gʻijduvon tumanida Investisiya dasturi doirasida 4 ta umumta’lim maktabi va 1 ta maktabgacha ta’lim tashkilotida qurilish-ta’mirlash ishlari amalga oshirilmoqda.

Jumladan,

✅15-umumta’lim maktabi hududida 660 o‘rinli qo‘shimcha bino qurilmoqda. Bu maqsadda 9 mlrd 920 mln so‘m mablag‘ ajratilgan bo‘lib, bunyodkorlik ishlari qizg‘in olib borilmoqda.

✅19-umumta’lim maktabi hududida 540 o‘rinli yangi bino barpo etilmoqda. Loyiha uchun 6 mlrd 480 mln so‘m ajratilgan.

✅39-umumta’lim maktabi hududida 300 o‘rinli bino qurilishi amalga oshirilmoqda. Bunyodkorlik uchun 3 mlrd 600 mln so‘m yo‘naltirilgan.

✅46-umumta’lim maktabida esa mukammal ta’mirlash ishlari olib borilmoqda. Sinf xonalari, koridorlar va infratuzilmalar yangilanmoqda. Ushbu ishlar uchun 11 mlrd 743 mln so‘m mablag‘ ajratilgan.

✅63-sonli davlat maktabgacha ta’lim tashkiloti uchun 90 o‘rinli yangi bino barpo etilmoqda. 2 mlrd 700 mln so‘m mablag‘ hisobidan amalga oshirilayotgan bu loyiha tufayli bog‘chaga qabul imkoniyatlari yanada kengayadi.

🔄Ushbu qurilish va ta’mirlash ishlari tufayli yangi o‘quv yilida tumandagi ta’lim muassasalarida shart-sharoitlar yanada yaxshilanib, o‘quvchilar va tarbiyalanuvchilarga zamonaviy va qulay muhit yaratiladi.

✅Buxoro viloyati maktabgacha va maktab ta’limi boshqarmasi kanallariga a’zo bo‘ling👇
Telegram | Facebook

#Bunyodkorlik
🟢BUXORODAGI 271 TA TA’LIM MUASSASASIDA QURILISH-TA’MIRLASH ISHLARI OLIB BORILMOQDA

🫥2025-2026-o‘quv yilida umumta’lim maktablari va maktabgacha ta’lim tashkilotlarida o‘quvchilar hamda tarbiyalanuvchilar uchun qulay shart-sharoitlar yaratish maqsadida viloyatimizda qizg‘in tayyorgarlik ishlari olib borilmoqda.

✅Ayni paytda Investisiya dasturi asosida viloyatdagi 20 ta umumta’lim maktablari, 1 ta ixtisoslashtirilgan maktab-internati va 7 ta maktabgacha ta’lim tashkilotlarida qurilish-ta’mirlash ishlari amalga oshirilmoqda.

🟡Bu jarayonda 1 ta yangi ta’lim muassasasi qurilib, 15 tasida rekonstruksiya, 5 tasida kapital ta’mirlanadi.

✅Shuningdek, PQ-404-qaror (2024 yil investisiya dastur)ga qo‘shimcha rayosat yig‘lishi bayoni asosida 4 ta umumta’lim va 1 ta maktabgacha ta’lim tashkilotida qurilish-ta’mirlash ishlari amalga oshirilmoqda.

✅”Islom” taraqqiyot banki va “Opek” xalqaro taraqqiyot jamg‘armasi ishtirokida 33 ta maktabgacha ta’lim tashkilotida, 40 ta umumta’lim maktablarida qurilish-ta’mirlash ishlari olib borilmoqda.

🔄Bunda 12 ta yangi ta’lim muassasalari barpo etilib, 43 tasi rekonstruksiya,18 tasi mukammal ta’mirlanadi.

✅Mahalliy byudjet mablag‘lari hisobidan 39 ta umumta’lim maktabi va maktabgacha ta’lim tashkilotlari quvvatini oshirish, mavjud muassasalarni mukammal ta’mirlash, rekonstruksiya qilish va jihozlash ishlari olib borilishi ko‘zda tutilgan bo‘lib, buning uchun 82. 14 milliard so‘m mablag‘ yo‘naltirilgan.

✅Vazirlar Mahkamasining “Energiya samaradorligini oshirishga qaratilgan loyihalarni jadallashtirish chora-tadbirlari to‘g‘risida”gi qarori asosida viloyatdagi 42 ta umumta’lim maktabi hamda 24 ta maktabgacha ta’lim tashkilotida rekonstruksiya va mukammal ta’mirlash ishlari amalga oshirilmoqda.

✅”Tashabbusli byudjet” loyihasi doirasida 54 ta umumta’lim maktabi hamda 5 ta maktabgacha ta’lim tashkilotlarida qurilish-ta’mirlash va jihozlash ishlari boshlab yuborildi.

📌Ushbu loyihalar asosida jami 271 ta ta’lim muassasasida 1. 178. 2 milliard so‘mlik qurilish-ta’mirlash ishlari amalga oshiriladi.

📍Natijada umumta’lim maktablarida 22 600 o‘quvchi o‘rni, maktabgacha ta’lim tashkilotlarida 7 900 tarbiyalanuvchi o‘rni, yangidan barpo etilgan ixtisoslashtirilgan 2 ta maktabda 840 o‘quvchi o‘rni yaratiladi.

🔠 Buxoro viloyati maktabgacha va maktab ta’limi boshqarmasi kanallariga a’zo bo‘ling👇
Telegram | Facebook