🟢Gʻijduvon: “Soktari”dagi maktab sport zaliga ega bo‘ldi

💎Navqiron avlodga ko‘rsatilayotgan ta’lim-tarbiya sifatini yaxshilash maqsadida so‘nggi yillarda Gʻijduvon tumanida 27 ta yangi umumta’lim maktabi qurildi, 18 ta maktab binosi rekonstruksiya qilindi va ikkita maktab mukammal ta’mirdan chiqarildi, yana uchta maktabga esa sport zali qurib berilgan.

🔴Shu yilning o‘zida davlat dasturlari doirasida hududdagi 4 ta umumta’lim maktabi, 2 ta maktabgacha ta’lim tashkiloti va 1 ta ixtisoslashtirilgan ta’lim dargohida shartnoma qiymati 35 milliard 755 million so‘mga teng qurilish-ta’mirlash ishlari bajarilgan.

💎Shuningdek, “Tashabbusli budjet” loyihasi doirasida tumandagi 7 ta ta’lim muassasasida 9,5 milliard so‘mlik qurilish, jihozlash ishlari amalga oshirildi. Farzandlarimizning sifatli bilim olishlari, dars jarayonida zamonaviy texnika vositalaridan samarali foydalanishlari uchun tumandagi 65 ta umumta’lim maktabiga 1 246 ta kompyuter jamlanmasi yetkazib berilgani ayni muddao. Qolaversa, hududdagi 65 ta umumta’lim maktabi doimiy internet tarmog‘i bilan ta’minlangani o‘quvchilar uchun ko‘pdan kutilgan yangilikdir.

🔴“Soktari” mahalla fuqarolar yig‘inida faoliyat yuritayotgan 63-sonli umumta’lim maktabining nafaqat tuman, balki viloyat ta’lim tizimida o‘z o‘rni bor. Shunisi quvonarliki, maktab bitiruvchilarining oliy ta’limga kirish ko‘rsatkichi joriy yilda 96% ni tashkil etgani bu fikrimiz dalili. Kuni kecha mazkur ta’lim dargohi o‘quvchilari uchun yana bir inshoot foydalanishga topshirildi. Soktarilik yoshlarga zamonaviy sport zali qurib berildi. Bu sport zali standart o‘lchamida, 12×24 metr kattalikda bo‘lib, atigi 3 oyda qurib bitkazilgani yosh sportsevarlar uchun yana bir qulaylikdir.

💎Sport zali ochilishida tuman mutasaddilari, ta’lim faxriylari, maktab jamoasi ishtirok etdilar. E’tirof etilganidek, yangi sport maskani – yoshlarimizning sog‘lom turmush tarzi, sportdagi yutuqlari va barkamol avlod sifatida kamol topishida muhim ahamiyat kasb etadi.

Viloyat hokimligi matbuot xizmati

Buxoro.uz | Facebook | Instagram | YouTube