#Президент_қарори_амалда
#Ромитан_тумани

⚡️АҲОЛИНИНГ КЎП ЙИЛЛИК ОРЗУЛАРИГА ПРЕЗИДЕНТ ҚАРОРИ ЕЧИМ БЎЛМОҚДА

Маълумки, давлат раҳбарининг “2022 - 2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги қарори халқнинг чинакам қувончига айланиб, Ромитан туманида кенг кўламдаги бунёдкорлик ишлари амалга оширилишига туртки бўлмоқда.

Хусусан, қарор ижросини таъминлаш мақсадида Ромитан туманининг “Ифтихор” маҳалла фуқаролар йиғинидаги ички кўчаларга асфальт ётқизиш ишлари олиб борилмоқда.

Ушбу маҳалладаги ички йўлларга 3 километр 200 метрдан ортиқ масофада асфальт қопламасини ётқизиш ишлари бугун бошланди. Бу ишлар “Ромитан йўллардан мунтазам фойдаланиш” унитар корхонасининг 20 нафарга яқин ходимлари ҳамда 15 дан ортиқ махсус техникалар ёрдамида амалга оширилмоқда.

Маълумот ўрнида, “Бунёдкор” қишлоғига 500 метр, “Абдураҳимбой” қишлоғига 600 метр, “Зарбдор” қишлоғига 900 метр узунликдаги ички йўлларга асфальт қопламаси ётқизилган бўлса, “Работалак” қишлоғида бу кўрсаткич 1 километр узунликгача бориб етди.

Янги асфальтланган йўллардан фойдаланаётган аҳоли бу ишлардан хурсанд бўлиб, силлиқ юзада автомобилни ҳайдаш ва пиёда юриш анча хавфсизроқ ва қулайроқ бўлганини эътироф этишди.

Аҳоли қулайлиги учун хизмат қиладиган бу каби ишлар, туманнинг бошқа маҳалларида ҳам давом этмоқда.

Buxoro.uz | Facebook | Instagram | YouTube

#ҳудудлар_ҳаёти
#Ромитан_тумани

Мамлакатимизни ривожлантиришнинг янги босқичида аҳолини ижтимоий муҳофаза қилишни янада кучайтириш, айниқса, ижтимоий ҳимояга муҳтож эҳтиёжманд ногиронларга ҳаётда кенг имконият ва шароитлар яратиб бериш масаласига алоҳида аҳамият берилмоқда.

Бу борада хотин-қизларнинг ижтимоий-сиёсий фаоллигини ошириш, манфаатларини ҳимоя қилиш, бандлигини таъминлаш, тадбиркорлик ва касбий маҳоратини ошириш, кам таъминланган ва ижтимоий ҳимояга муҳтож, айниқса ногиронлиги бўлган аёлларга алоҳида эътибор қаратиш, миллий ва маънавий қадриятларимизга асосланган ҳолда оила муносабатларини мустаҳкамлаш борасидаги ишлар амалга оширилаётганлигини таъкидлаш лозим.

“Аёлга эҳтиром кўрсатиш – халқимизга хос олижаноб қадрият” деган ғоя остида туман ҳокимлиги ҳамда Оила ва хотин-қизлар бўлими томонидан маҳаллаларда оғир турмушда яшаётган, ижтимоий ёрдамга муҳтож, ногиронлиги бор бўлган хотин-қизларнинг бир гуруҳига , Оила ва хотин-қизларни қўллаб-қувватлаш давлат мақсадли жамғармасидан 12 нафар ногиронлиги бўлган хотин-қизларга ногиронлик аравачаси, 11 нафар аёлларга эшитиш мосламали қулоқчин, 41 та ҳасса, 4 та қўлтиқ таёқ каби реабилитация воситалари тарқатилди.

Бу каби амалий ишлар вилоятимиз бўйлаб ногиронлиги бор муҳтож фуқаролар эҳтиёжига қараб рўйхат асосида реаблитация техник воситалари манзилли етказиб берилиши давом этмоқда.

Buxoro.uz | Facebook | Instagram | YouTube

#ҳудудлар_ҳаёти
#Ромитан_тумани

Автомобиль йўлларининг қатнов қисмини яхшилаш, автотранспортлар ҳаракатини хавфсиз ва тўхтовсиз ташкил этишни таъминлаш мақсадида “Ромитан туман йўллардан фойдаланиш унитар” корхонаси томонидан туман марказида жойлашган “Бобур” маҳалла фуқаролар йиғинининг “Нурафшон” кўчасида асфальт ётқизиш ишлари амалга оширилди.
Йўл қурилишида 10 дан ортиқ махсус техникалар ва 25 га яқин ишчи-мутахассислар тун-у кун меҳнат қилиб, вазифани қисқа вақт ичида уддалашди.
Шунингдек, маҳалла ҳудудида 20 га яқин тунги ёритиш чироқлари, 500 метр масофадан ортиқ пиёдалар йўлаги ҳамда йўл қирғоғига латоклар ўрнатилди.
Натижада катта йўл бўйлаб мактабга қатновчи ўқувчилар, шифокорлик пункти ёки бошқа муассасага қатновчи аҳоли вакиллари ҳамда ишчи-ходимлар учун қулайлик яратилди. Бу орқали автомобиль ва пиёдалар қатновини тартибга солиниши ва йўл транспорт ҳолатларини олдини олишга эришилади.

Buxoro.uz | Facebook | Instagram | YouTube

#ҳудудлар_ҳаёти
#Ромитан_тумани

Ўзбекистон Республикаси Президентининг 2022 йил 6 июлдаги “2022-2026 йилларда Ўзбекистон Республикасининг инновацион ривожланиш стратегиясини амалга ошириш бўйича ташкилий чора-тадбирлар тўғрисида”ги қарорига асосан, Ўзбекистон Республикаси Инновацион ривожланиш агентлиги ёрдамида Ромитан инновацион ҳудудида “Ревмо Гловес” МЧЖ томонидан “Артрит билан касалланган беморларни ультратовуш орқали даволаш учун нейлон матоли қўлқоп ишлаб чиқариш” лойиҳаси амалга оширилди.

Йилига 3 минг жуфт қўлқоп ишлаб чиқариш қувватига эга лойиҳа доирасида 6 та янги иш ўрни яратилди.
Маълумот учун: “Физиотерапевтик ревмо-қўлқоп” лойиҳаси ревматология соҳасида қўл – панжа бўғимида оғриқлар билан кечувчи ревматоидли артрит, остеоартрит ва кичик томирлар спазми билан кечувчи рейно касалликлари учун мўлжалланган бўлиб, бўғимларни иситувчи, яллиғланишга қарши, микроциркуляцияни яхшиловчи, шишларни камайтирувчи, оғриқ қолдирувчи инновацион ишланма бўлиб ҳисобланади.

Қўлқоп учун танланган мато нейлон – ҳаво ўтказувчи, иссиқликни сақловчи эластик хусусиятга эга бўлиб, проксимал ва панжа бўғимларига мос равижда ультратовуш электродлар жойлаштирилади.

Натижада ультратовуш тебраниш таъсири орқали қон айланишини яхшиловчи, шиш, қизариш, оғриқ каби патологик жараёнларни даволашга ва уларни олдини олишга қаратилган.

Buxoro.uz | Facebook | Instagram | YouTube

#пахта_2023
#назорат_ўрганиш
#Ромитан_тумани

Жорий йил ҳосили учун Ромитан туманида пахтачиликка ихтисослашган 256 та фермер хўжалиги тасарруфидаги 4 минг 950 гектарга ҳамда BСТ “Сluster Agrokompleks” МЧЖ шаклидаги пахта-тўқимачилик кластери томонидан 5 минг 700 гектар майдонда ғўза парваришланди.

Режага кўра 42 минг 280 тонна саноат учун қимматбаҳо пахта хомашёсини йиғиб олиб, қабул пунктларига топшириш кўзда тутилган.

Ботир Зарипов бошчилигидаги мутасаддилар айнан BСТ “Сluster Agrokompleks” МЧЖга қарашли хўжаликларда кечаётган пахта йиғим-теримининг боришини кўздан кечиришди.

Кластер масъул ходими Рустам Норовнинг билдиришича, биринчи теримда терилган ҳар бир килограмм пахта учун тарози бошида 1700 сўмдан тўланаётгани, терим илғорларига озиқ-овқат маҳсулотлари ва мукофотларнинг топширилиши ҳашарчилар сонининг ошишига, уларни янада баракали меҳнат қилишга ундамоқда.

Вилоят раҳбари минг машаққатлар эвазига етиштирилган ҳосилни тез йиғиштириб олиш учун қандай имконият бор бўлса, барчасини ишга солиш, терим суръати кун сайин кучайтириш зарурлиги таъкидлади. Шу ерда илғор теримчилар ва отряд раҳбарлари рағбатлантирилди.

Buxoro.uz | Facebook | Instagram | YouTube

#тадбиркор_аёл
#Ромитан_тумани

Латофат Олимова "Истиқлол" маҳалла фуқаролар йиғинида истиқомат қилади. У ўз хонадонида қўзиқорин етиштиришни йўлга қўйган.

Латофат Олимованинг фаолияти билан танишар эканмиз, жамиятда у сингари ишсиз аёллар ҳам ўз даромад манбаларига эга бўлиб, рўзғор тебратаётганидан хурсанд бўлдик.

Бироз қоронғи ва салқин хонада етиштирилаётган, полиэтилен қопчаларни ёриб чиқиб бўй кўрсатаётган қўзиқоринчаларни кўриб уни етиштиришнинг оғир-енгили ҳақида сўрадик.

Батафсил видеода👆

Buxoro.uz | Facebook | Instagram | YouTube

#ҳоким_ҳудудларда
#Ромитан_тумани

Президентимиз томонидан илгари сурилган “Обод хонадон, обод кўча, обод маҳалла” ташаббуси юртимиз ободончилигининг янги босқичини бошлаб берди.

Юртимизни ҳар томонлама тараққий эттиришни ўз олдига мақсад қилиб қўйган бу ташаббус халқимиз томонидан катта хурсандчилик билан кутиб олинди ва қўллаб-қувватланди.

Шу кунларда Ромитан тумани "Шўрча" маҳалла фуқаролар йиғинида ҳам “Обод хонадон, обод кўча, обод маҳалла” мезонлари доирасида кенг кўламли қурилиш-таъмирлаш ишлари қизғин давом этмоқда.

Жумладан, ҳозирга келиб маҳалла тўлиқ хатловдан ўтказилди. Бунда, ижтимоий кўмакка муҳтож хонадонлар алоҳида ўрганилиб, уларга амалий ёрдам кўрсатиш масаласи кўриб чиқилди.

Ўрганиш якуни билан аниқланган муаммолар маҳалланинг «Йўл харита»сига киритилиб, аниқ вазифалар белгиланди.

Шунингдек, маҳалладаги ижтимоий соҳа объектлари қиёфасини янгилаш, инфратузилмани яхшилаш, умуман, одамлар учун муносиб турмуш шароитларини яратиш ҳаракатига жадал киришилган.

Ҳудудда бораётган ишлар билан яқиндан танишиш, мавжуд муаммоларни ҳал қилиш мақсадида вилоят ҳокими Ботир Зарипов маҳаллада бўлди.

Ўрганишлар жараёнида 18-умумтаълим мактабининг яроқсиз ҳолга келиб келиб қолган 450 ўринли биносини демонтаж қилиш, маҳалла маъмурий биносини қуриш, 40-оилавий поликлиника биносини реконструкция қилиш, ички йўлларни шағаллаштириш ва асфальтлаштириш, ичимлик суви тармоқлари тортиш каби масалалар муҳокама қилинди. Масъуллар иштирокида муҳокамада белгиланган ишларни жадаллаштириш билан боғлиқ вазифалар белгиланди.

Бу борада мутасаддиларга қатъий топшириқлар берилди.

Buxoro.uz | Facebook | Instagram | YouTube

#ҳоким_ҳудудларда
#Ромитан_тумани

Халқимизда “Техника–деҳқон қаноти” ёки “Иш қуролинг соз бўлса–машаққатинг оз бўлар” деган пурмаъно ҳикматлар бежиз айтилмаган. Бугун қиш фаслининг ҳар бир илиқ куни баҳорги дала-деҳқончилик ишларига пухта ҳозирлик кўришни тақозо этмоқда. Фермер хўжаликларида эса экин ерини чуқур шудгорлашдан сўнгги “шўр ювиш”, чилла сувига қондириб суғориш, қолаверса, ғалла парваришланаётган контурларда долзарб агротехник тадбирлар жадал олиб борилмоқда. Жорий йил баракали ҳосилига “пойдевор” яратиш, экин майдонларини тайёрлаш, экиш ишларини ўз вақтида ва сифатли амалга оширишда техника ва механизмларнинг аҳамияти беқиёс эканлигини ортиқча изоҳлашга ҳожат йўқ.

Шу боис, жойлардаги машина-трактор паркларининг мавсумга тайёрлиги алоҳида назоратга олинган. Шу кеча-кундузда барча агрокластерлар ва уларга қарашли трактор паркларида таъмирлаш-бутлаш ишлари ниҳоясига етказилиб, тўлиғича шайликни таъминлашга катта эътибор қаратилмоқда.

Шу маънода Ботир Зарипов Ромитан туманида жойлашган “BCT Cluster Agrokompleks” масъулияти чекланган жамиятига қарашли “Машина трактор парки”да бўлиб,
2024 йил ҳосили учун баҳорги дала ишларида қатнашадиган қишлоқ хўжалиги техникалари мутахассислар кўригидан ўтиб, шай ҳолатга келтирилган чопиқ тракторлари, культиваторлар, чигит экиш сеялкалари ва бошқа қишлоқ хўжалиги техникаларининг қай даражада сифатли таъмирдан чиқарилганлигини кўздан кечирди.

Таъкидлаш жоиз, айни пайтда “BCT Cluster Agrokompleks” масъулияти чекланган жамиятида 2024 йил баҳорги дала ишларини ўз вақтида ва сифатли ўтказилишини таъминлаш учун 122 та чопиқ трактори, 35 та пуркагич (ОВХ), 24 та чигит экиш сеялкаси, 6 та лазерли ер текислагич ҳамда бошқа турдаги техника ва агрегатлар мавжуд бўлиб, уларни таъмирлаш ишлари якунига етказилган.

Buxoro.uz | Facebook | Instagram | YouTube

#ҳоким_ҳудудларда
#Ромитан_тумани

Қишлоқ хўжалигида экин ерлари мелиоратив ҳолати аввало сув йўли ва гидроиншоотлар ҳолати ҳамда фаолиятига чамбарчас боғлиқ. Шу нуқтаи назардан, Ромитан туманидаги Чавкар, Кўли Палос, “Северний”, Муғонча, Қўрғон каби канал ва коллекторларда доимий реконструкция, мавсумий тозалаш ишлари олиб борилади. Жумладан, 2023 йилда республика бюджет маблағи ҳисобидан 9 миллиард 376 миллион сўм ажратилгани ҳолда 9,3 км узунликдаги Чавкар каналининг 6,2 км қисмида бетонлаштириш ишлари олиб борилди.

Бу хўжаликлараро канал Ромитан туманнинг экин майдонларини суғоришда ўзининг катта таъсирини кўрсатади. Каналнинг лойиҳавий сув ўтказиш қобилияти секундига 9 метр кубни ташкил қилади. Каналга боғланган майдон, яъни, мазкур иншоотдан суғориладиган экин ери 9 минг гектардан зиёд
Канал аҳоли томорқа ерларини ва ўнга яқин фермер хўжалиги экин майдонларини “оби ҳаёт” билан таъминлашда катта аҳамиятга эга.

Таъкидлаш жоизки, кейинги йилларда тубида лойқа ўтириб кўмилиши ва канал бетонлари тўлиқ яроқсиз ҳолатга келиб қолганлиги сабабли “Чавкар” хўжаликлараро канали ўзининг нишаблиги ва ўтказувчанлигини йўқотган. Дала-деҳқончилик ишлари мавсумида, парвариш даврида мазкур хўжаликлараро каналидан талаб даражасида фойдаланиш учун техника ва механизм ёрдамида 3 марта, қўл кучи, ҳашар йўли билан эса икки маротаба қазиб тозаланган. Аммо шу кунгача каналда мукаммал реконструкция ишлари амалга оширилмаган.

Худди шундай, 1,2 км узунликдаги "Индамас" канали ҳам тўлиқ бетонлаштирилди. Ҳозирда эса 860 метр узунликдаги "Пески 1" тармоғида бетонлаштириш тадбири жадал олиб борилмоқда.

Вилоят ҳокими Ботир Зарипов ҳудудда бораётган ишлар билан танишди. Албатта, бу лойиҳа туфайли экин ерларига сув таъминотини яхшилаш, аҳоли томорқа майдондари билан биргаликда фермер хўжаликларининг ҳосилдорлиги ва даромадини ошириш имконияти яратилишини инобатга олиб, бошланган ишларни жадаллаштириш юзасидан масъулларга топшириқ ва кўрсатмалар берди.

Buxoro.uz | Facebook | Instagram | YouTube

#ҳоким_ҳудудларда
#Ромитан_тумани

Новфач, Арабо, Ҳазортут қишлоқларини ўз тасарруфига олган “Ҳазортут” маҳалла фуқаролар йиғинида айни кунга келиб 711 та хонадон, ундаги 945 та оилада қарийб 4 минг аҳоли истиқомат қилади. Маҳалланинг “драйвери”, яъни ихтисослашув йўналиши хизмат кўрсатиш ва чорвачилик ҳисобланади. Маҳаллада умумий ҳисобда аҳоли хонадонларига тегишли бўлган 119,9 гектар томорқа ерлари мавжуд. Шунингдек, 22,2 гектар ер майдони 140 нафар фуқарога деҳқончилик қилиш учун узоқ муддатга ажратиб берилган.

Албатта, аҳолини кундалик эҳтиёж учун зарур озиқ-овқат билан таъминлашда томорқа хўжаликларининг ўрни катта. Шу маънода баҳорнинг ҳар бир кунини ғанимат билиб, фурсатни қўлдан бой бермай, кафтдек ерни ҳам бўш қолдирмасдан, экин экиш, ниҳол қадаш, умуман, ердан унумли фойдаланаётганлар кўп. Қурбоной ая Жумаева оиласи ана шундайлардан бири.

– 12 сотих еримиз бор. Унинг 6 сотихига Қўрғон анори ва анжир дарахтларини экканмиз. Анорнинг рўзғордан ортганини сотамиз. Анжир эса ўзимиздан ортмайди, тўғриси, Неваралар кўп. Ҳавас қилиб ейишади. Қолган еримизга ҳар йили помидор, бодринг, булғор қалампири етиштирамиз. Улар ҳам рўзғорнинг қора қозони учун асқотади. Сигир-бузоғимиз, қўй-эчкиларимиз бор. Томорқаданинг ўт-хашаги уларнинг емиши, – дейди онахон.

Лекин шундай оилалар ҳам борки, қишлоқда яшаса-да, ер шўрлаган, томорқа қумлоқ ёки сув тақчил деган баҳонаю важлар билан рўзғорига бодринг, помидорни ҳам, сабзи-пиёзу картошкани ҳам бозордан ташишга ўрганиб қолган. Шу боис ҳайҳотдай томорқага турли озиқ-овқат экинлари ўрнига чорва учун бошоқли дон ёки беда етиштиришни афзал билади. Ёки ҳеч нарса экмайди.

Вилоят ҳокими Ботир Зариповнинг Новфач қишлоғидаги ўрганишлари давомида ана шундай хонадонлар эътибор марказида бўлди.

– Бугун кўпчилик томорқасидан уч, ҳатто, тўрт маротаба ҳосил олаётган бир пайтда катта-катта томорқа ерлари қаровсиз ётганини ҳеч нарса билан оқлаб бўлмайди. Қани, бунда “маҳалла еттилиги”нинг ёки бошқа масъулларнинг роли? Улар қачон ғафлат уйқусидан уйғонади? Одамларни қачон уйғотади? Ернинг умри шундай увол ўтиб кетаверадими? Томорқа эгалари ўз ерига озгина меҳр берганда, масъуллар уларни шунга керак бўлса, мажбур қилганда бу ерларда ҳозир картошками, пиёзми экилиб, гуркираб турарди, – деди вилоят раҳбари.

Ботир Зарипов ҳудуднинг сектор раҳбарлари, тегишли соҳа мутасаддилари, “маҳалла еттилиги” фаолиятига танқидий баҳо бериб, вазиятни ўнглаш юзасидан зарур топшириқ ва кўрсатмалар берди.

Buxoro.uz | Facebook | Instagram | YouTube

#ҳоким_ҳудудларда
#Ромитан_тумани

Челонғи ҳудудида фаолият кўрсатаётган "Саодат Омон замини" фермер хўжалиги раҳбари Искандар Сиддиқов уч йил бурун Фарғона тажрибаси асосида 3 гектар майдонда войиш ҳамда 5 гектар ерда валибоғ усулида узум етиштиришни йўлга қўйган. Ҳозирги вақтда узумлар ҳосилга кирган бўлиб, кўрган одамнинг кўзини қувнатади.

-Ўтган йили ҳар гектаридан 40 тоннагача ҳосил олдик. Даромадимиз 200 млн сўмдан ошади. Асосан вилоятимиз бозорлари, шунингдек, қўшни вилоятларга ҳамда Россия давлатига ўз маҳсулотимизни етказиб бермоқдамиз-дейди Искандар ака

Хўжалик ҳисобидаги 25 гектар ер боғдорчиликка ихтисослаштирилган бўлиб, 10 гектарида эртапишар ўрик ҳамда шафтоли ҳам етиштирилади.  Ҳозир 50 нафар мавсумий, 10 нафар доимий ишчи меҳнат қилмоқда.

Вилоят ҳокими Ботир Зарипов мазкур манзилда бўлиб, войиш усусида парвариш қилинаётган узумзорни кўздан кечирди. Хўжалик вакиллари томонидан бажарилган ишларни алоҳида эътироф этиб, бу усулда узум етиштиришни оммалаштириш, кераклигини таъкидлади. Боғдорчиликка ихтисослашган фермер хўжаликлари учун кўргазмали вилоят семинарини ташкил қилиш бўйича масъулларга кўрсатмалар берди.

Buxoro.uz | Facebook | Instagram | YouTube

#ҳудудлар_ҳаёти
#Ромитан_тумани
#йўллар_обод_кўнгиллар_шод

Мамлакатимиз мустақиллигининг 33 йиллиги олдидан Ромитан туманида ҳам аҳоли талаб ва мурожаатлари асосида йўл таъмири, асфальтлаштириш, ободонлаштириш, кўчаларни тартибга солиш ишлари жадал бормоқда.

Ҳудудда амалга оширилаётган ишларга тўхталадиган бўлсак, маҳаллаларда аҳоли кайфияти ва инфратузилма билан боғлиқ энг долзарб масалаларни ҳал этишга қаратилган лойиҳалар доирасида тумандаги 6 та, жумладан, "Қумработ" маҳалласидаги "Чортуқ", "Саройча", "Ҳазортут" маҳалласидаги "Новфач", "Чилонғу" маҳалласидаги "Чандир", "Боғитуркон" маҳалласидаги "Урганжиён", "Навбаҳор" маҳалласидаги "Ёмғир", "Обод", "Ўтабек" маҳалласидаги "Питмон" қишлоқларининг 4,750 км ички автомобиль йўллари Ромитан туман йўллардан фойдаланиш давлат муассасаси йўлсозлари томонидан тўлиқ асфальтлаштирилди.

Бундан ташқари, "Пойжўй" маҳалласининг "Пойжўй", "Марзия" маҳалласининг "Марзия", "Ифтихор" маҳалласининг "Работак", "Ҳофизработ" маҳалласининг "Тайлоқ" қишлоқларининг 5 кмдан ортиқ ички йўлларини шағаллаштириш ишлари амалга оширилди.

Шунингдек, "Шўрча" маҳалласидан ўтувчи йўлнинг 4н-158 а/й нинг 1,47 кмдаги мавжуд кўприк ўрнига темирбетон қувур ўрнатилди. Қолаверса, ҳозирги вақтда "Истиқлол" маҳалласидаги 4к-166 а/й нинг 6,13 кмдаги кўприкни мукаммал таъмирлаш ишлари давом этмоқда.

Маълумот ўрнида, вилоятда 2024 йилда маҳаллаларда аҳоли кайфияти ва инфратузилма билан боғлиқ энг долзарб масалаларни ҳал этишга қаратилган лойиҳалар доирасида жами 166 та объектда ишлар амалга оширилиши белгиланган. Ҳозирда 138,7 км ички йўллар, шундан 65,7 км қисми асфальтлаштирилган, қолган 73 км қисмида эса шағал ётқизиш ишлари бажарилган. Ромитан туманидан танлаб олинган 10 та объектда ишлар тўлиқ якунланиш арафасида.

Buxoro.uz | Facebook | Instagram | YouTube

#ҳудудлар_ҳаёти
#Ромитан_тумани

⚡️Ромитан туманида "Ибн Сино" маҳалла фуқаролар йиғини биноси фойдаланишга топширилди

Халқимизда муҳим саналар олдидан янги объектларни фойдаланишга топшириш яхши анъана тусига кирган. Шу муносабат билан Мустақиллигимизнинг қутлуғ 33 йиллик шодиёналари арафасида ҳудудларда бир қанча ижтимоий соҳа объектлари қуриб фойдаланишга топширилмоқда. Маҳалла фуқаролар йиғинлари ходимларига янада қулайликлар яратиш мақсадида куни кеча Ромитан тумани "Ибн Сино" маҳалла фуқаролар йиғинининг янги биноси фойдаланишга топширилгани ҳам ана шундай эзгу анъаналар сирасига киради.

Маҳалла биносининг тантанали очилиш маросимида туман ҳокимлиги мутасаддилари, секторлар раҳбарлари, нуронийлар, маҳалла фаоллари ва ёшлар иштирок этди. Унда сўзга чиққанлар кейинги йилларда юртимизда маҳалла тизимига алоҳида эътибор қаратилаётганлигини, яратилаётган шарт-шароитлар маҳалла "еттилиги"ни янада самарали фаолият олиб боришида катта аҳамиятга эга эканлигини таъкидлашди.

Шу вақтгача 2-сон умумтаълим мактабида фаолият олиб бораётган маҳалла ходимлари эндиликда қулай, шинам замонавий хоналарда фаолиятларини давом эттиришади. "Ифтихор таъмир" МЧЖ томонидан ҳомийлик йўли билан қурилган мазкур бино моддий-техника воситалари ва мебель жиҳозлари билан тўлиқ таъминланган. Тадбир иштирокчилари янги бинодаги шароитлар билан яқиндан танишишди.

“Байрам арафасида маҳалламиз учун кичик бир тарих бўлди, сабаби барча қулайликларга эга бўлган бинода иш бошлаяпмиз,-деди "Ибн Сино" маҳалла фуқаролар йиғини раиси Бобур Беҳбудов. - Президентимиз томонларидан белгилаб берилган тамойил асосида иш олиб боришга, маҳаллада жиноятчилик ва ажримга йўл қўймаслик, аҳолини иш билан таъминлаш ва оилавий даромадларини оширишга, миллий қадриятларимиз асосида турли тадбирларни ташкил қилиш масъулиятини юкламоқда.

Маълумот учун, "Ибн Сино" маҳалласида 3253 нафар аҳоли, 750 та хонадон ва 812 та оила истиқомат қилади. Маҳалла ҳудудида 3 та умумутаълим мактаби, 1 та спорт ва 1 та мусиқа мактаби ҳамда 2 та давлат мактабгача таълим ташкилоти бор. Шунингдек, 6 та маъмурий бинолар ҳам мавжуд.

Buxoro.uz | Facebook | Instagram | YouTube

#ҳоким_ҳудудларда
#Ромитан_тумани

Ҳозирда аҳоли бандлиги ва даромадини оширишнинг муҳим манбаи бўлган томорқачиликни ривожлантириш барча масъул раҳбарлардан тортиб, томорқа эгасининг ҳам муҳим вазифалардан бирига айланди. Мавжуд аҳоли томорқалари ер майдонларидан самарали фойдаланиш мақсадида вилоятимизда ҳам кенг қамровли ишлар олиб борилмоқда. Айниқса, турмуш тарзи оғир кечаётган, камбағал ва даромадсиз қолган оилаларга ўзларини тиклаб олишлари учун иссиқхона қуриб бериш, бу борада дунё давлатларининг ёқилғисиз иситиладиган, ихчам иссиқхоналарни барпо қилиш тажрибасини қўллаш оммалашмоқда.

Масалан, ҳозирда Хитойнинг “Jing Peng Guo Ji” масъулиятли чекланган жамияти шаклидаги хорижий корхонаси ҳар бирининг баҳоланган нархи 9 миллион сўм миқдорида бўлган икки сотихли ихчам иссиқхоналар қуриб бериш ташаббуси билан чиққан.

Хорижий корхона томонидан айни пайтда Ромитан касб-ҳунарга ўқитиш марказида тайёр ҳолда топшириш шарти билан намунавий шаклда 250 та ихчам иссиқхона қуриш ишларига жадал киришилган.

Вилоят ҳокими Ботир Зарипов бугун ўқув маркази жойлашган “Навбаҳор” маҳалла фуқаролар йиғинида бўлиб, иссиқхоналар қурилиши билан яқиндан танишди. Хорижий корхона раҳбари Лиу Кенгху ва хитойлик мутахассислар билан мулоқотда мазкур иссиқхоналарни қуриб бериш тартиби, уларнинг аҳолини камбағалликдан чиқаришдаги аҳамияти ҳақида сўз борди. Аниқроқ айтганда, бу иссиқхоналардан қандай фойдаланилади, унда қачон ва нима етиштирилса, фойда олинади, сарф-харажатлар қопланади, деган масалалар муҳокамалар марказида бўлди.

Шундан келиб чиқиб, вилоят раҳбари масъулларга шаҳар-туманлар бўйича, секторлар кесимида барча хонадонларни, оилаларни яна бир бор ўрганиб чиқиб, манзилли рўйхат шакллантириш, бундай оилаларни камбағалликдан чиқариш, уларни ўз томорқасидан унумли фойдаланишга кўмаклашиш мақсадида “Бухоро марказий таъминот томорқа хизмати” МЧЖ, деҳқон, фермер хўжаликлари ва томорқа ер эгалари Кенгаши, маҳаллалар уюшмаси билан ҳамкорликда зарур чораларни кўриш лозимлигини таъкидлади. Бу борада муҳим вазифалар белгиланди.

Дарҳақиқат, бугун томорқадан унумли фойдаланиш ҳар қачонгидан ҳам муҳимлигини барча ер эгалари тўғри англай билиши лозим.

Томорқа иши–жисмоний фаоллик, томорқанинг обод бўлиши эса - қўшимча даромад, камбағаллик деган сўзга ўрин йўқ, деган оддий ва ўринли тушунчаларни ҳаётга тўлиқ тадбиқ эта олсак, кўзланган мақсадларга эришилади.

Buxoro.uz | Facebook | Instagram | YouTube

#ҳоким_ҳудудларда
#Ромитан_тумани

Бу йилги деҳқончилик мавсумида Ромитан туманида бевосита пахтачиликда банд бўлган 230 дан ортиқ фермер хўжалиги тасарруфидаги 10 минг 635 гектар майдонда маҳаллий иқлимга мос истиқболли пахта навлари экиб, парваришланди. Шартномага кўра, туманда бу йилги хирмон салмоғини 41 минг 423 тоннага етказиш кўзда тутилган. Йиғим-терим олдидан фермер хўжаликларига яқиндан кўмаклашадиган 280 та отряд сафида 18 минг дан ортиқ кўнгилли теримчи сафарбар этилган.

Ботир Зарипов “BCT Cluster Agrokompleks” масъулияти чекланган жамиятида давом этаётган йиғим-терим жараёнларини кўздан кечирди. Кластер вакиллари жорий йилги пахта мавсумида 5 минг 856 гектар майдонга серҳосил "Бухоро-10" ва "Бухоро-6" навларини экишган. Кўзланган хирмон 24 минг 300 тоннани ташкил қилади. 

Терим ишларини жадаллаштириш мақсадида Хитойнинг “Boshiran” компаниясида ишлаб чиқарилган, кунига 10-15 тоннагача пахта териш қувватига эга "Boshiran 4 МЗ-2А" русумли пахта териш машинаси иш олиб бормоқда. Мазкур юқори унумдор пахта териш машиналарини 60 схемада экилган пахта майдонлари учун мўлжалланган.  Ўтказилган тажрибалар ушбу комбайнда терилган пахта далаларида ҳосилдорлик қўлга терилганга нисбатан 5-6 центнергача юқорилигини кўрсатди. Шунингдек, 1 кунда 150 нафар одамнинг ўрнини боса олиши фермерларга қулайлик яратмоқда.

Ботир Зарипов терим машинаси оператори билан мулоқот қилиб, техниканинг қуввати, уни яна ошириш учун қандай имкониятлари мавжудлиги билан қизиқди. Операторнинг маълум қилишича, шу кунларда 8 тоннагача ҳосил йиғиб олмоқда. Кунлик ҳажмни ошириш бўйича қатор таклифларни билдирди.

Ботир Зарипов унинг ишчанлигини эътироф этди. Оператор муносиб рағбатлантирилди.

Шунингдек, Ботир Зарипов вилоятимизнинг ҳар бир ҳудудида терим машиналари ёрдамида теримни ташкил қилиш ишларини жадаллаштириш зарурлигини таъкиддади.

Бу борада мутасаддиларга топшириқ ва кўрсатмалар берди.

Buxoro.uz | Facebook | Instagram | YouTube