📣O‘zbekiston Respublikasi Bosh vaziri o‘rinbosari Zulayho Maxkamova Olot tumanidagi "Zebiniso kids" MCHJning tikuv korxonasida bo‘ldi

📍"Jayxunobod" mahallasidagi 9-son umumta’lim maktabida bo‘sh turgan binoni ijaraga olgan "Zebiniso kids" MCHJ rahbari Dilnoza Sayliyeva 30 ga yaqin zamonaviy rusumdagi “Jack” rusumli tikuv mashinasi va matoga bezak beruvchi “overlo” va boshqa uskunalar bilan jihozlab, 40 ta ish o‘rni yaratib, tikuvchi, bichuvchi, dazmol bosuvchi, qadoqlovchi qilib shu atrofda ishsiz yurgan xotin-qizlarni ishga oldi.

✅Ayni kunda bolalar uchun trikotaj mahsulotlarini tikib tayyorlamoqda. Kunlik ishlab chiqarish hajmi 1000 tani tashkil etadi. Ichki bozorda o‘z mijozlariga ega bo‘lgan korxona, Qirg‘iziston va Qozog‘iston davlatlariga ham eksportni yo‘lga qo‘ydi.

💬Bosh vazir o‘rinbosari syex chevarlari bilan suhbatlashdi.

Buxoro.uz | Facebook | Instagram | YouTube

💬Shuningdek, Bosh vazir o‘rinbosari Zulayho Maxkamova Sayxunobod tajribasi asosida Olot tumani “Yoshlar markazi”da tashkil etilgan tikuvchilik va asalarichilik o‘quv kurslari bilan tanishdi.

✅“O‘zbekiston – 2030” strategiyasining 25-maqsadida xotin-qizlarni qo‘llab-quvvatlash tizimini kuchaytirish, ularning huquq va qonuniy manfaatlarini ta’minlash, ijtimoiy, iqtisodiy, siyosiy faolligini oshirish, tadbirkorlik ko‘nikmalarini shakllantirish, ayollarni kichik biznes, oilaviy tadbirkorlik, hunarmandlik, kasanachilik sohalariga keng jalb etish bo‘yicha qator vazifalar belgilangan. Ana shu vazifalar ijrosi doirasida yaqindagina tashkil etilgan ushbu o‘quv kurslarida 30 nafardan, jami 60 nafar xotin-qizlar tahsil olishmoqda.

❗️Bosh vazir o‘rinbosari tinglovchilar bilan suhbatlashar ekan, mamlakatimizda xotin-qizlarning zamonaviy kasb-hunarlarni o‘rganishi uchun keng imkoniyatlar yaratib berilayotganligi, oila mustahkamligi, iqtisodiy barqarorligida ayolning o‘rnini ta’kidlab, yaratilayotgan sharoitlar va imkoniyatlar foydalanish borasida tavsiyalar berdi.

Buxoro.uz | Facebook | Instagram | YouTube