#Qurilish #bunyodkorlik #nazorat
#Buxoro_shahri #Bukhara_City

Xabar berib borayotganimizdek, ko‘hna kentning me’moriy qiyofasini yanada yaxshilash va obodonlashtirish, uning xorijiy va mahalliy investorlar uchun jozibadorligini oshirish maqsadida bugunga kelib  “Bukhara City” zamonaviy ishbilarmonlik va turar joylar markazidagi ishlar jonlantirilib, dastlabki inshootlar turkumida qurilish ishlari yakuniy bosqichga kirgan.

Albatta, majmuada kechayotgan qurilish-ta’mirlash ishlari viloyat hokimi Botir Zaripovning shaxsan nazoratida.

Bugun ham viloyat rahbari majmuada borayotgan ishlarni ko‘zdan kechirdi. O‘rganishlar jarayonida hududda borayotgan qurilish–bunyodkorlik ishlarini tezlashtirish, bino–inshootlar tiklanishida sun’iy to‘sqinlikni keltirib chiqarayotgan jihatlar va obyektlarni bartaraf etish masalalari, ta’minot va boshqa masalada quruvchi-binokorlar duch kelayotgan muammolar tanqidiy muhokama qilindi. Jumladan, viloyat rahbari 540 o‘rinli ixtisoslashtirilgan maktab internati, muzey qurilishi jarayonlarini batafsil o‘rgandi va ishlarning borishiga tanqidiy munosabat bildirdi.

Shuningdek, hududning muhandislik-kommunikatsiya tarmoqlariga ulanishi bilan bog‘liq masalalarni va yangi loyihalarning amalga oshirilishi bilan bog‘liq vazifalar xususida fikr almashildi. Mas’ul mutasaddilarga qurilish-bunyodkorlik ishlarini jadallashtirish, pudratchi korxonalar muammolarini zudlik bilan hal qilish, bino inshootlarda ishlayotgan quruvchi-xodimlar sonini ko‘paytirish hamda hudud infratuzilmasini yaxshilashga doir topshiriqlar berdi.

Buxoro.uz | Facebook | Instagram | YouTube

#hokim_hududlarda
#qurilish_bunyodkorlik_nazorat
#Buxoro_Vobkent

Xalqaro ahamiyatdagi M37 “Samarqand - Buxoro - Turkmanboshi” avtomobil yo‘lining Buxoro tuman hududidan o‘tuvchi 255,6 km qismidagi ko‘prikning o‘ng tomoni to‘g‘ri yo‘nalishida temirbeton plitasi singan va yig‘ma temirbeton balkalar orasidagi shoflari yemirilishi natijasida yaroqsiz holga kelib qolgan. Mazkur ko‘prik 1974-yilda qurilgan bo‘lib, 2016-2017-yillarda ta’mirlash ishlari jarayonida PN-18 m.li yig‘ma temirbeton plitalardan 1 oraliqda 12 metrga kengaytirilgan. Ko‘prikning yuk ko‘tarish qobiliyati hozirgi og‘ir vaznli transport vositalarini o‘tkazish talablarini qanoatlantira olmaydi.

Shuningdek, mazkur avtomobil yo‘lining Vobkent tuman hududidan o‘tuvchi 239,65 km qismidagi ko‘prik ham yaroqsiz holga kelib qolgan.

Ko‘priklarda harakat xavfsizligini ta’minlash maqsadida yo‘lning "Gʻijduvon-Buxoro" yo‘nalishida transport vositalari harakati cheklanib, “Buxoro-Gʻijduvon" yo‘nalishida ikki tomonlama harakat tashkil etilgan va ko‘priklarda ta’mirlash ishlari boshlangan.

Bugun viloyat hokimi Botir Zaripov sektorlar rahbarlari hamrohligida mazkur ko‘priklar holati va u yerda borayotgan ish jarayonlari bilan tanishdi. Avtomobil yo‘llari hududiy bosh boshqarmasidan olingan ma’lumotga ko‘ra, og‘ir yuk avtotransport vositalari tomonidan me’yoridan ortiqcha yuk bilan harakatlanishi natijasida ko‘priklarga shikast yetkazilgan va yaroqsiz holga kelib qolgan. Ularni ta’mirlash esa uzoq muddat talab etadi. Biroq viloyat rahbari tomonidan ta’mirlash ishlarini smena asosida jadallashtirish orqali belgilangan muddattni qisqartirish imkoni mavjudligi alohida ta’kidlanib, bu borada muhim vaziflar belgilandi.

Buxoro.uz | Facebook | Instagram | YouTube

#hokim_hududlarda
#qurilish_bunyodkorlik_nazorat
#Gijduvon_tumani

Bugun shuningdek, Botir Zaripov tumanning “Baraka” massivida barpo etilgan “Yangi O‘zbekiston” aholi maskanida ham bo‘lib, hududdagi o‘zgarish yangilanishlar bilan yaqindan tanishdi, mavjud muammolarni o‘rgandi.

Ayni kunda massivda 468 ta xonadonga mo‘ljallangan jami 24 ta, har biri 5 qavatdan iborat zamonaviy turar joy inshootlari qad rostlagan. Bu turar joylarning har biri 20 ta yosh oilani o‘z bag‘riga olishi barobarida tabiiy gaz, toza ichimlik suvi, elektr energiyasi, oqava suv tarmog‘iga ulangan bo‘lib, atrofi moʻjaz shaharchani eslatadigan obod manzilga aylantirilmoqda. Shuningdek, yana 6 ta ko‘p qavatli uylarning qurilishi davom etmoqda.

Nazorat tartibidagi o‘rganish asnosida mas’ullarga foydalanishga topshirilmagan ko‘p qavatli uylardagi ishlarni qisqa muddatda yakuniga yetkazish, yo‘l, elektr energiyasi, tabiiy gaz va ichimlik suvi tarmoqlarini tortish bo‘yicha tegishli topshiriqlar berildi hamda ijrosi nazoratga olindi.

Qayd etish joizki, Buxoro viloyati ichki ishlar boshqarmasi tashabbusi bilan massiv hududida 2 gektar maydonda bog‘ barpo etilgan. Shuningdek, viloyat ekologiya, atrof-muhitni muhofaza qilish va iqlim o‘zgarishi boshqarmasi tomonidan 3,5 gektar maydonda bog‘ barpo etish ko‘zda tutilgan.

Botir Zaripov joriy mavsumgi “Yashil makon” dasturi doirasida bog‘lar hududiga ko‘p yillik daraxtlarni ekish, bunda bog‘lar atrofini o‘rash, hududni sug‘orish tizimlarini qurish, bu yerda bolalar va katta dam olishi, hordiq chiqarishi uchun zarurp shart-sharoitlarni yaratish yuzasidan ko‘rsatmalar berdi.

Buxoro.uz | Facebook | Instagram | YouTube

#qurilish
#byunyodkorlik
#nazorat
#Buxoro_shahri

Buxoro shahri aholisi bilan o‘tkazilayotgan uchrashuv va muloqotlarda ko‘tarilayotgan masalalarning aksariyati hududdu renovatsiya dasturida asosida qurib foydalanishga topshirilishi ko‘zda tutilgan ko‘p qavatli uy-joylar bilan bog‘liq. O‘tgan davr mobaynida bu borada viloyat hokimligi tomonidan katta ishlar amalga oshirildi va yillar davomida yangi turar-joy umida yurgan viloyatdoshlarimizning og‘iri yengil bo‘lib, dardi aridi. Ko‘rinadiki, ayni masala viloyat mutaddilari, xususan, viloyat hokimi Botir Zaripovning shaxsan nazoratida.

Bugun, 29-oktyabr kuni ham viloyat rahbari kun tartibini sektor rahbarlari, viloyat hokimining o‘rinbosari Jalol Arashov, Buxoro shahar hokimi Qurbon Tursunov, tegishli tashkilot va idoralar mutasaddilari ishtirokida Buxoro shahrida o‘tgan yillar davomida renovatsiya dasturi asosida qurib, foydalanishga topshirilishi lozim bo‘lgan uy-joylar qurilishini yakunlashga doir avvalgi o‘rganishlarda berilgan topshiriqlar ijrosini muhokama qilishdan boshladi.

Ta’kidlash lozimki, Buxoro shahrida 2018-2021-yillar davomida renovatsiya davlat dasturi doirasida 59 ta 2-3 qavatli uy-joylar (788 ta xonadon va 136 ta noturar obektlar) buzilib, o‘rniga zamonaviy loyihalar asosida 3640 xonadondan iborat 69 ta uy-joy qurilishi rejalashtirilgan.

Bugungi kunda 61 ta uy-joy qurib foydalanishga topshirilgan. Hozirda 8 ta obektda qurilish-montaj ishlari davom etmoqda.

Botir Zaripov qurilishi yakunlanmagan har bir ko‘p qavatli uy-joyda amalga oshirilishi belgilangan ishlarni jadallashtirish lozimligini alohida ta’kidladi va bu borada mas’ullarni qat’iy ogohlantirdi. Qurilish ishlarini yakunlash va uy-joylarni kam-ko‘ssiz foydalanishga topshirish bo‘yicha qo‘shimcha muddat belgilandi. Shuningdek, uylar oldini obodonlashtirish, chiqindilarni o‘z vaqtida olib ketishni tashkil etish, yerto‘la qismlari va boshqa infratuzilma sohalarini tartibga keltirish, yomg‘irdan keyin to‘planib qolgan suvlarni qochirish choralarini ko‘rish, ichki yo‘llarni ta’mirlash bo‘yicha topshiriqlar berildi.

Shuningdek, qurilish me’yorlari va sifat talablarining buzilishiga, uylarning foydalanishga qabul qilish dalolatnomalarini rasmiylashtirishda sansolarlikka yo‘l qo‘ymaslik zarurligi aytib o‘tildi.

Buxoro.uz | Facebook | Instagram | YouTube