#Туйғу

Мен бахтни кўрганман. Кўрганман. Аниқ.
Ҳатто кўзларимиз учрашган бир зум.
Ўртада бўлмаган салому алик,
Фақат лабларига қўнган табассум.

✍️ Шеър: Усмон Азим

📸 Фото: Саҳобиддин Рустамов
🖼 Образда: Зилола Ҳакимжонова

Yoshlar kundaligi

Сўнгги соатларда

🇷🇺 "Стоп" патент: Нижний Новгородда 2024 йил 1 октябрдан мигрантларга меҳнат патентларини бериш тўхтатилди.

🇰🇬 65 гектарли гольф майдони: Қирғизистон Президентининг ўғли Рустам Жапаров Иссиқкўлда Марказий Осиёдаги энг катта гольф майдончасини қуряпти.

🇮🇷 Парвоз тўхтатилади: Эрондаги барча рейслар парвозлар хавфсизлиги учун 3 октябр тонгига қадар бекор қилинди.

🇰🇿 Фирибгарлар, огоҳ бўлинг: Депутат Магеррам Магеррамов кибержиноятларнинг олдини олиш мақсадида Қозоғистонда онлайн кредитларни тақиқлашни таклиф қилди.

Yoshlar kundaligi

#Назар

🔥 ОЛОВ ҚЎЙНИДАГИ ОЛИЙГОҲЛАР. ДУНЁГА БИР НАЗАР

Октябрь иккита йирик ёнғин билан бошланди. Бири Тошкент давлат аграр университетида, бири Самарқанд архитектура-қурилиш университетида содир бўлди. Биз дунё университетларида содир бўлган ёнғинлар хронологиясига назар солдик.

➖🇰🇪 Капсус давлат университети, Кения

2021 йил. Олийгоҳдаги ёнғин талабаларнинг норозилик намойиши вақтида юзага келган. Натижада ўқув бинолари ва талабаларнинг ётоқхоналари ёниб кетган.

➖🇮🇳 Деҳли университети, Ҳиндистон

2019 йил. Университетнинг маъмурий биносида ёнғин келиб чиқди. Ушбу ёнғин қимматли ҳужжатлар ва олийгоҳнинг архив материалларининг ёниб кетишига сабаб бўлди.

➖🇨🇳 Хитой фан ва технология университети

2017 йил. Университет лабораториясида ёнғин содир бўлди. Оқбатда Илмий-тадқиқот ишлари бўйича қимматли маълумотлар ва жиҳозлар ёниб, кулга айланган.

➖🇹🇷 Анқара университети, Туркия,

2015 йил. Ёнғин ҳам кутубхонада юзага келиб, катта ҳажмдаги қадимий китобларнинг ёниб кетишига сабаб бўлган. Бу ҳолат илмий ҳамжамиятда катта йўқотиш сифатида қабул қилинди.

➖🇷🇺 Москва Давлат университети, Россия

2005 йил. Талабалар турар жойини қамраб олган ёнғин оқибатида юзлаб одам эвакуация қилинган. Бинога катта зарар етган, аммо ҳеч ким жиддий жароҳат олмаган.

➖🇫🇷 Бернард Университети, Франция

1999 йил. Ёнғин кампусдаги илмий лабораторияларнинг катта қисмини вайрон қилди, қимматбаҳо илмий жиҳозлар ва тадқиқот материаллари аланга ичида қолди. Бу ёнғин давлат тарихидаги энг катта йўқотишлардан бири бўлиб қолди.

✍️ Анора Абдурашидова тайёрлади.

Yoshlar kundaligi

#Диққат

6 октябрда мавсумдаги биринчи қор ёғади

🌐 Синоптиклар баланд тоғли ҳудудларда истиқомат қилувчи аҳоли жорий мавсумдаги илк қор ёғиши ҳодисаларига гувоҳ бўлиши мумкинлигини айтмоқда.

🌨 6 октябрь куни Жиззах, Сирдарё ва Тошкент вилоятларида ҳамда тоғли ҳудудларда кўпроқ ёғингарчилик кузатилади.

💠 Об-ҳаво ҳақида тоғлик дўстларингизни огоҳлантиринг.

Yoshlar kundaligi

🍻 РУХСАТНОМАНГИЗ БЎЛМАСА, СПИРТЛИ ИЧИМЛИК ИЧОЛМАЙСИЗ

🚫 Бугун дунё бўйлаб алкоголизмга қарши кураш куни ўтказилади. Давлатларда спиртли ичимлик истеъмолига оид қандай қонунлар амал қилади?

➖🇩🇪 Германия

Спиртли ичимликларни истеъмол қилиш ва сотишни тартибга солувчи қонунлар асосан ёшларни ҳимоя қилишга қаратилган. Бу ерда тақиқлаш ўрнига, спиртли ичимликларни истеъмол қилишга тўғри ёндашув ўргатилади.

➖🇵🇰 Покистон

Спиртли ичимликлар мутлақо тақиқланган. Бироқ, Буюк Британиядан келган сифатли ичимлик сотиладиган 60 га яқин дўкон бор. Иккита мажбурий шарт бажарилса, сотилади – мусулмон бўлмаслик ва ҳукумат томонидан бериладиган махсус рухсатнома олиш.

➖🇺🇸 АҚШ

ХХ асрнинг 20-30-йиллари оралиғида АҚШда ҳамма учун ичиш тақиқланганди. Бугунги кунда эса фақат бир қатор штатлардагина чекловлар мавжуд. Техасда фақат ўтирган ҳолда ичиш мумкин бўлган туманлар бор. Агар тик турган ҳолда кетма-кет уч қултумдан ортиқ ичсангиз, сиз ҳуқуқбузар ҳисобланасиз.

➖🇮🇳 Ҳиндистон

Мазкур давлатда қонуний ичиш ёши, спиртли ичимликларни сотиш ва истеъмол қилишни тартибга солувчи қонунлар штатларга нисбатан сезиларли даражада фарқ қилади. Мисол учун, Нагаленд, Бихар, Мадхя, Прадешеда спиртли ичимлик бутунлай тақиқланган, сотиш ҳам, истеъмол қилиш ҳам. Бошқа штатларда эса тақиқ йўқ.

➖🇰🇿 Қозоғистон

Мамлакатда ёқилғи қуйиш шохобчалари, таълим ва соғлиқни сақлаш муассасаларида спиртли ичимликлар сотишни бутунлай тақиқлаган. 2009 йилда эса қонуний ичиш ёши 18 ёшдан 21 ёшга кўтарилди.

📌 Мамлакатимизда эса спиртли ичимликларни 21 ёшгача бўлган ёшларга сотиш қатъиян таъқиқланган ва уни жамоат жойларида истеъмол қилиш мумкин эмас.

✍️ Зилола Ҳакимжонова тайёрлади

Yoshlar kundaligi

#Танқид

Чирчиқда 20 яшар йигит ўзини осди

🌐 Воқеа 27 сентябрь куни шаҳарнинг "Ҳумо" маҳалласида бўлган.

❗️ Бунга қандай ҳолат сабаб бўлгани ҳақида аниқ факт йўқ. Ҳолат юзасидан жиноий иш қўзғатилган.

📌 Эслатиб ўтамиз, ўз жонига қасд ва суиқасд қилиш бўйича очиқ статистика юритилмайди.

Yoshlar kundaligi

#Янгилик

Дубай амирининг китоби ўзбекчада чоп этилди

📖 "Фан" нашриётида Дубай амири Муҳаммад Рашид ол Мактумнинг "Менинг қарашларим" номли китоби ўзбек тилида чоп этилди. Таржимон — Бунёд Абдуллаев.

✅ Яқин йилларда бир қатор дунё етакчиларининг китоблари ўзбек тилида чоп этилди. Хусусан, Хитой раҳбари Си Цзиньпин (Камбағалликка қарши кураш бўйича Хитой тажрибаси), Эрон собиқ президенти Маҳмуд Аҳмадинажот (Ислом тафаккури тарихидан), Франция президенти Эммануэл Макрон (Революция), Жанубий Корея собиқ президенти Ли Мён Бак (Мўъжиза содир бўлмайди)нинг китоблари шулар жумласидан.

💠 Сиёсий адабиётларнинг фаол таржима қилиниши аҳолининг, хусусан, зиёлиларнинг ижтимоий-фалсафий тафаккури ривожига кучли туртки беради, сиёсат майдонида босиб ўтилган ёки босиб ўтилаётган йўлимизнинг мазмунини қиёсий таҳлил қилиш имконини оширади, кенгроқ фикрлашга ундайди.

Yoshlar kundaligi

#Мулоҳаза

🪓⚠️ ЎЗ ОНАСИНИ БОЛТА БИЛАН ЧОПИБ ЎЛДИРГАН "ҚОТИЛ ФАРЗАНД"

🌐 Ижтимоий тармоқларда Сурхондарёда ўз онасини болта билан ўлдирган ўғил мавзуси кенг муҳокамаларга сабаб бўлмоқда. Бу ҳодиса жамиятимизда зўравонлик ва руҳий носоғломликка қарши курашнинг етарли эмаслигига урғу беради. Ўз онасини болта билан ўлдиришдек мудҳиш жиноят бир оиланинг фожиаси эмас, балки бутун жамиятнинг муаммоларини акс эттиради.

✅ Бу ҳалокатли оқибатларга олиб келувчи омиллардан бири — руҳий носоғломлик. Аксарият ҳолларда, одамлар ўз муаммолари билан ёлғиз қолади, ёрдам сўрашдан уялишади ёки қўрқишади. Ўз ўйлари ва ички жангларида йўқолиб қолган инсонлар охир-оқибат шундай ваҳшийликларга қўл уришади.

🟡 Қолаверса, ҳар бир киши жамиятдан, оиласидан ва тарбиясидан таъсирланади. Инсон қалби нима билан тўлса, унинг ҳаракатлари ҳам шунга яраша шаклланади. Шахснинг руҳий ҳолати ва онги тўғри йўналтирилмаса, фожиали оқибатлар келиб чиқишда давом этаверади. Шундай экан, ёшларни тўғри тарбиялаш ҳар бир жамиятнинг энг муҳим вазифасидир.

📎 Сурхондарёда содир бўлган ушбу ҳодиса ҳар биримиз учун бир сабоқ бўлиши керак. Чунки биз биргина фарзандага берилган тўғри тарбия ортидан келажак авлод учун барқарор ва соғлом жамият яратган бўламиз!

Yoshlar kundaligi

#Туйғу

Ҳар нечук, бир гапни айтмоғим керак:
Осон бўлмаган ҳеч Абдуллаларга.

✍️ Абдулла Орипов

🖼Суратда: ОКМК Бошқарув раиси Абдулла Хурсанов.

Yoshlar kundaligi

#Кун_сурати

🍋 Ҳосил боғлаган лимон дарахти

‼️ Цемент заводларининг таъсири қишлоқ хўжалигида жуда тез билинмоқда. Айниқса, боғдорчилик барбод бўлаяпти, ҳосил истеъмолга яроқсиз ҳолатга келмоқда.

📍 Оҳангарон тумани. Қорахитой. Наримон Юнусов хонадони.

Yoshlar kundaligi

#Ёшлар_ва_раҳбар_учрашуви

ДХХ раҳбари Янгийўл туманида

🌐 Янгийўл туманида ДХХ Тошкент вилояти бошқармаси бошлиғи Абдугапур Ахмедовнинг ёшлар билан навбатдаги учрашуви бўлиб ўтди.

📎 Мулоқотда ҳудуд ёшларининг кундалик ҳаёти, турмуш тарзи, янги лойиҳа ва таклифлари эшитилди.

✅ Учрашув якунида ДХХ Тошкент вилояти бошқармаси раҳбари ёшларни келажакда ҳам ўз фикрларини эркин ифода этиб, жамият ҳаётида фаол бўлишга чақирди.

Yoshlar kundaligi

#Тайинлов

🌐 Бош вазир Арипов Абдулла Нигматович Ўзбекистон шахмат федерацияси раиси лавозимига сайланди

✅ Ҳозиргача федерация раиси сифатида фаолият олиб борган Саъдуллаев Алишер Зафар ўғли лавозимидан озод қилиниб, федерация раисининг биринчи ўринбосари этиб сайланди.

Yoshlar kundaligi

#Сайлов2024

БИЗ КУТГАН ВА КУТМАГАН НОМЗОДЛАР

📎 Тошкент вилоятидан Олий Мажлис депутатлигига номзодини қўйганлар орасида, муболаға билан айтганда, туғилганидан бери депутат бўлиб келаётганлар ва янги номлар бор.

Yoshlar kundaligi

#Эксперт_минбари

Мамлакатимиз йўлларидаги ўлим ҳолатларини камайтириш мумкинми?

💸Ўзбекистон Либерал-демократик партияси ўз сайловолди дастурида йўл-транспорт ҳодисаларини кескин камайтириш чораларини кўриш, жиноий жавобгарликни кучайтириш, юқори тезликда ҳаракатланадиган ҳайдовчиларни транспорт воситасини бошқариш ҳуқуқидан маҳрум қилиш таклифини илгари сурмоқда.

📌Ушбу таклифнинг мазмун-моҳияти юзасидан эксперт Адҳамжон Аҳроров ўз муносабатини билдиради.

◀️Батафсил

@olimlar_minbari

#Ана_холос

🇺🇬 Угандалик сиёсатчи Патрик Окуму Ринга сўнгги парламент сайловларида мағлуб бўлганидан кейин ўз сайловчилари учун қурдирган 10 та қудуқни вайрон қилди.

🫧 Қудуқлар аҳолини йиллар давомида сув билан таъминлаган. Унинг сўзларига кўра, одамлар унга овоз бермай, унинг меҳрибонлигини қадрига етишмаган.

Yoshlar kundaligi

#Туйғу

Қуриган, ҳиди йўқ, унутилган гул —
Китобни очаркан кўриб қолдим мен.
Ғалати хаёлга тўлди-да кўнгил,
Паришон термулиб, туриб қолдим мен.

✍️ Пушкин

📸 Фото: Суҳроб Боймирзаев

Yoshlar kundaligi

#Иқтибос

📌 ЯХШИЛАРНИ МУКОФОТЛАШ ОРҚАЛИ ЁМОНЛАРНИ ЖАЗОЛАЙМИЗ

📖 Энг бахтли одам — бу бошқаларга бахт келтирадиган одам.

📖 Самимият ҳақиқатнинг онаси ва ҳалол одамнинг белгисидир.

📖 Ёлғон қисқа муддат фойда келтирса ҳам, вақт ўтиши билан муқаррар зарарга ишлайди. Ҳақиқат эса вақт ўтиши билан фойдали бўлиб чиқади, гарчи ҳозир зарар келтираётгандай кўринса ҳам.

📖 Аёллар ёлғонни бир кўтаришда, аччиқ ҳақиқатни эса томчилаб ичади.

📖 Инсоният донолигининг энг юқори даражаси ҳар қандай шароитга мослашиш қобилиятидир.

📖 Занглагандан кўра эскирган яхшироқ.

📖 Нима қилишни хоҳлаётганингизни олдиндан билиш сизга жасорат ва енгиллик беради.

✍️ Дени ДИДРО

🎉 Бугун таниқли француз ёзувчиси, файласуф Дени Дидро (1713-1784) туғилган кун.

Yoshlar kundaligi

#Тавсия

🍁‼️БУ КУЗДА КЎРИШИНГИЗ КЕРАК БЎЛГАН ФИЛЬМЛАР РЎЙХАТИ

Қуйида кўрпага ўранган ҳолда, иссиқ лимонли чой ичиб, томоша қилинадиган бетакрор куз атмосферасини берувчи фильмларни тўпладик.☕️

➖♾ "Куз сонатаси"

Шопеннинг дурдона асарини эсламасдан қандай қилиб кузги фильмлар ҳақида гапириш мумкин? Фильмда муваффақиятга эришган пианиночи она ва қиз ўртасидаги муносабатлар акс эттирилган. Филмда сиз кузги бастакор Фредерик Шопиннинг мусиқасини эшитасиз

➖🎞 "Амели"

Амели — кафеда официант бўлиб ишлайди ва унинг севимли машғулоти одамларни ва умуман шаҳарни кузатишдир. Бир куни у вокзалда бир эркакнинг фотоальбомни унутиб қўйганини пайқайди. Амели альбомни эгасига қайтаришга қарор қилади ва бу жараён ҳақиқий саргузаштга айланади.

➖💞 Гарри Салли билан учрашганда

Тақдирдан қочиб қутула олмаслигингиз ҳақидаги илиқ куз фильм. Гарри ва Салли бир-бирларидан қочишга қанчалик уринмасин, тақдир уларни йиллар давомида қайта-қайта бирлаштираверади. Бу фильмни, албатта, кўришингиз керак.

➖👩🏻‍🏫 Ўлик шоирлар жамияти

Фильм Жон Кеатинг бошқалардан сезиларли даражада фарқ қиладиган ўқитувчи ҳақида. У шеър орқали ўқувчиларни ўз “мен”ини топишга, дунёга кенгроқ қарашга ундайди. Ишонинг, бу фильмдан кейин сиз бошқа одамга айланасиз.

➖🍂 Нью-Йоркдаги куз

Куз ҳақида яна бир фильм. Нью-Йоркдаги ресторанининг эгаси ёш Шарлотта билан учрашади. Унинг ҳаёти ва қизиқишларини ўргана бошлайди. Бу энг ёрқин куз фильмларидан бири.

➖🇺🇿 Ўзбек фильмлариданчи?

"Темирхотин", "Югурганники эмас, буюрганнники", "Ҳай-ҳай қизалоқ", "Замонавий совчилар" каби фильмлар кузги манзараларда суратга олинганлиги учун қайта-қайта кўришга арзийди.

Yoshlar kundaligi

#Бу_қизиқ

😁 Виктор Гюго “Париж ибодатхонаси” (Notre-Dame de Paris) асарини ёзиш чоғида чалғимаслик учун ажойиб усул қўллайди: у соч ва соқолининг ярмини олиб ташлаб, қайчини деразадан улоқтириб юборади.

✅ Адиб шу йўл билан соч-соқоли ўсгунча уйда ўтиради ва романни мўлжалланган вақтда ёзиб тугатади.

❕ Сиз-чи, бирор ишингизни битиргунингизча чалғимаслик учун қандай усул қўллайсиз?

Yoshlar kundaligi