#Бу_қизиқ

❤️ ДУНЁ ЕТАКЧИЛАРИ ВА УЛАРНИНГ СЕВГИ ТАРИХИ

Дунё лидерлари ўз рафиқаларини қандай ва қаерда учратишган? Бугун биз айрим давлат раҳбарларининг муҳаббат тарихига назар соламиз. Ажабланманг, улар ҳам севишади, уларда ҳам юрак бор.😉

➖🇦🇿 Озарбайжон: Илҳом Алиев & Меҳрибон Алиева

Илҳом Алиев ва унинг рафиқасининг севги ҳикояси 1980 йилда Бокуда бошланган. Улар концертда танишиб қолишган. Ўша пайт улар ҳали талаба эди. Биринчи учрашувдан бир неча ой ўтгач турмуш қуриб ажралмас жуфтликларга айланишди.

➖🇦🇲 Арманистон: Никол Пашинян & Анна Акопян

Бош вазирнинг рафиқаси Анна Акопян 1978 йил 1 февралда туғилган. 2000 йилда Ереван давлат университетининг журналистика факултетини тамомлаган. Университетда ўқиб юрган чоғида у бўлажак турмуш ўртоғи билан танишган. Никол ҳам журналистика факультетида бешинчи курсда ўқирди,

➖🇧🇾 Беларусь: Александр Лукашенко & Галина Лукашенко

Мамлакатнинг биринчи хоними Галина Желнерович 1955 йилда оддий оилада туғилган. У бўлажак турмуш ўртоғи Александр Лукашенко билан мактабда, Рижковичи қишлоғида танишган. Улар Могилев институтининг тарих факултетига бирга ўқишга киришди ва 1975 йилда институтни тугатгандан сўнг, Александр Днепр бўйида Галинага турмуш қуришни таклиф қилди.

➖🇰🇬 Қирғизистон: Садир Жапаров & Ойгул Жапарова

Президентнинг рафиқаси Ойгул Асанбоева 50 ёшда, Иссиқкўл вилоятидан экани маълум. Келажакдаги турмуш ўртоқлар қўшни қишлоқларда яшаб, дўстлари билан табиатга саёҳат пайтида учрашишди. Ойгул ўша пайтда 18, Садир эса 23 ёшда эди. Уч йиллик дўстликдан кейин улар турмуш қуришди.

➖🇺🇿 Ўзбекистон: Шавкат Мирзиёев & Зироатхон Мирзиёева

Ўзбекистоннинг биринчи хоними Қўқон шаҳрида туғилган. Мирзиёев бўлажак рафиқаси билан Тошкент ирригация ва қишлоқ хўжалигини механизациялаш муҳандислари иститутида танишган. Унда Мирзиёев комсомол қўмитаси котиби, аёли эса талаба эди. Дастлаб қизнинг қариндошлари уларнинг муносабатларига қарши бўлишади. Бироқ бу қаршилик ёшларнинг қарорига ўз таъсирини ўтказолмайди ва улар турмуш қуришади.

✍️ Анора Абдурашидова тайёрлади.

Yoshlar kundaligi

#Бу_қизиқ

Дунёдаги энг чуқур бассейн

🤿 Дунёдаги энг чуқур бассейн Дубайда жойлашган бўлиб, унинг чуқурлиги 60 метрдан иборат. Бассейн умумий 14 млн литр сув сиғимига эга ва унинг ост қисмида ташландиқ шаҳарни кўришингиз мумкин.

✅ Маълумот ўрнида, Дубайдаги "Deep Dive Dubai" ҳовузи 2021 йилнинг июлида очилгунига қадар дунё рекорди Польшанинг Варшава шаҳридаги "Deepspot" бассейнига тегишли эди. Унинг чуқурлиги 45 метрдан иборат. Муассаса дам олиш ва касбий тайёргарлик учун мўлжалланган.

Yoshlar kundaligi

#Бу_қизиқ

😁 Виктор Гюго “Париж ибодатхонаси” (Notre-Dame de Paris) асарини ёзиш чоғида чалғимаслик учун ажойиб усул қўллайди: у соч ва соқолининг ярмини олиб ташлаб, қайчини деразадан улоқтириб юборади.

✅ Адиб шу йўл билан соч-соқоли ўсгунча уйда ўтиради ва романни мўлжалланган вақтда ёзиб тугатади.

❕ Сиз-чи, бирор ишингизни битиргунингизча чалғимаслик учун қандай усул қўллайсиз?

Yoshlar kundaligi

#Бу_қизиқ

🏗 Миср эҳромлари қандай қурилган? Бунга оид яна бир тахминни сунъий интеллект бизга тақдим этди.

❕ Нима деб ўйлайсиз, Миср пирамидалари қандай қурилган?

Yoshlar kundaligi

#Бу_қизиқ

ДУНЁНИНГ ПАҲЛАВОН ЧАҚАЛОҚЛАРИ

🤱❤️Кеча Нурафшон шаҳрида сал кам 7 килограммлик чақалоқ (6,85 кг) дунёга келгани ҳақида хабар берган эдик. Хўш, бундай оғир вазнда туғилган чақалоқ фақат биздами?

➖🇨🇦10,7 кг — чақалоқ Канадада дунёга келган. Бола атиги 11 соат яшади ва энг катта туғилган чақалоқ сифатида тарихга қолди.

➖🇮🇩8,7 кг — Индонезияда яшовчи Акбар Ҳасануддин. 2009 йилда туғилган. Ҳозирда у Индонезия тарихидаги энг оғир вазнда туғилган гўдак саналади.

➖🇷🇺7,75 кг — Россияда яшовчи Надежда Халина. У 2009 йилда туғилган ва оиладаги ўн биринчи фарзанд. Ҳозирда Россия тарихида туғилган энг вазни оғир чақалоқ ҳисобланади.

➖🇺🇸7,7 кг — 2004 йилда АҚШда туғилган. Айни пайтда қизнинг аҳволи яхши, шифокорлар назоратига муҳтож эмас.

➖🇿🇦7,6 кг — Жанубий Африка фуқароси Чеснер Абелс. У оилада тўртинчи эди ва ундан кейин онаси фарзанд кўриш ғоясидан қатъиян воз кечди.

Бундай ҳолат Ўзбекистон тарихида илк бор қайд этилгани айтилмоқда. Нима ҳам дердик, паҳлавон чақалоқлар кўпаяверсин.☺️

Yoshlar kundaligi

​#Бу_қизиқ

😳СИЗ БИЛГАН ВА БИЛМАГАН КОНСТИТУЦИЯ

🤩 Конституция илк бор қаердан келиб чиққанини биласизми? Бошқа давлатларга тегишли бу муҳим ҳужжат ҳақидаги қизиқарли фактларни билмоқчимисиз? Унда ушбу пост айнан сиз учун.

➖👀 Дунёнинг илк Қобусномаси

1600 йили АҚШ да яратилган Сан-Марино Конституцияси дунёдаги илк қомусдир. У лотин тилида ёзилган ва 6 та китобдан иборат. Муаллифи Камилло Бонелли. Унга охирги марта 2002 йилда ўзгартириш киритилган.

➖🇺🇸 АҚШ

7 моддадан иборат АҚШ Конституцияси дунёдаги энг кичик ва энг ўзгармасдир. Фавқулодда қонунчиликка бирор бир ўзгартириш киритиш керак бўлган вақтда ҳужжатнинг асосий матнига ҳеч қандай ўзгартириш киритилмайди, балки маълум матн охирига алоҳида илова сифатида қўшимча киритилади. Аммо конституцияда “демократия” сўзи умуман учрамайди.

➖🇯🇵 Япония

Япония Конституцияси дунёдаги энг тинчликпарвар деб эътироф этилган. Унинг 9-моддасида Япония келажакда бирор уруш олиб бориш ҳуқуқидан бутунлай воз кечгани алоҳида қайд қилинган.

➖🇫🇷 Франция

Французларнинг ҳозирги конституцияси бешинчи "авлод" бўлиб, 1958 йил 4 октябрда қабул қилинган. Одатда у Бешинчи Республика Конституцияси деб ҳам аталади. Мамлакатнинг илк Конституцияси 1791 йилда ишлаб чиқилган. Аммо содир бўлган инқилоблар натижасида Конституция алмашиб тураверган.

➖🇦🇺 Австралия

Бошқа давлатлар Конституциясидан фарқли Австралия генерал губернатори (Президент) нинг давлатдан оладиган маош миқдори мамлакатнинг асосий қомусида ёзиб қўйилган. Ушбу Конституция Австралиянинг мустамлака даврида, яъни 1900 йилда Британия парламенти томонидан қабул қилинган. Ҳужжатга ўзгартириш киритиш эса тақиқланган.

➖🌐 Буюк Британия ва Шимолий Ирландия Бирлашган Қироллиги, Исроил ва Янги Зеландия каби давлатларда ягона Конституция мавжуд эмас. Бирлашган Қиролликнинг Конституцияси 300 га яқин ҳужжатлардан иборат. Ҳа айтганча, жаҳондаги энг катта ва мураккаб Конституция Ҳиндистон Конституциясидир. У 395 модда, 12 та илова, 500 та тузатишдан иборат.

Yoshlar kundaligi

#Бу_қизиқ

🎄Марказий Осиёдаги энг баланд арча Ўзбекистонда(ми?)

🎄 Янги йилга ҳам саноқли кунлар қолди. Байрам арчалари эса аллақачон ўз жойида. Қуйида Марказий Осиё давлатларидаги энг диққатга сазовор арчалар ҳақида маълумотлар келтирилган.

➖🇺🇿Ўзбекистон

2024 йилда энг баланд арча Намангандаги “Афсоналар водийси” боғида. Унинг бўйи 43,4 метр. У ноодатий дизайни билан кўпчиликни ҳайратда қолдирмоқда. Ва бу Марказий Осиёдаги энг баланд арча ҳисобланади.

➖🇰🇿Қозоғистон

Янги йил арчаси Нур-Султонда, Баитерек ёдгорлиги яқинида жойлашган. Унинг бўйи 30 метрга тенг. Шаҳарнинг бошқа ҳудудларида ҳам кичикроқ арчалар ўрнатилиб, турли маданий тадбирлар ўтказилади.

➖🇰🇬Қирғизистон

Қирғизистон пойтахти Бишкекда 27 метрли арча Ала-Тоо майдонининг асосий безагидир. Бу арча ҳар йили миллий нақшлар ва ранг-баранг лампалар билан безатилади.

➖🇹🇯Тожикистон

Тожикистоннинг пойтахти Душанбеда 25 метрли арча Миллий кутубхона ва Исмоил Сомоний майдонида ўрнатилади. Бу арча тожикча миллий нақшлар ва ёрқин ранглар билан ўзига хос тарзда безатилган.

➖🇹🇲Туркманистон

Янги йил шукуҳи Туркманистонда ҳам давом этмоқда. Мамлакатга ўрнатилган янги йил арчасининг баландлиги 30 метрга тенг. Байрам арчаси Алем маданий-кўнгилочар маркази ёнида.

🎄Сиз томонларда ҳам Янги йил арчаси ўрнатилдими?

✍️Анора Абдурашидова тайёрлади.

Yoshlar kundaligi

#бу_қизиқ

Дунё мамлакатларининг Янги йил таомлари

🍱 Янги йилга ҳам саноқли кун қолди. Ҳар бир давлат ўзининг янги йил таомига эга. Бу уларнинг маданияти ва анъаналари билан боғлиқ. Биз эса сизларга дунёнинг турли мамлакатларининг янги йил таомлари тўғрисида маълумотларни бериб ўтамиз.

➖Америка

🍖Миллий рождество байрамининг таоми бу пиширилган курка гўштидир ва унга газак сифатида дуккакли ўсимликлар ёки яшил нўхат тортишади. Улар бундай маҳсулотлар бойлик ва омад олиб келишига ишонишади.

➖Италия

🥮 Мамлакатда рождество таомлари ҳар қаерида турлича бўлиб, қуйидаги уч хил овқатлар эса ҳамма учун баробардир. Булар: котекино, ясмиқ ва паннетонедир. Паннетоне – бу хушбўй зираворлар, майиз ва ёнғоқлардан пишириладиган мазали рождество пироги.

➖Япония

🫚Бу мамлакатда каштан омад олиб келишига ишонадилар. Шунинг учун ҳамма таомларига ушбу маҳсулотни қўшадилар. Шунингдек, янги йил дастурхонига денгиз карами, донли маҳсулотлар ва сел балиғи икраси каби егуликларни тортиқ этадилар.

➖Австрия

🥓Бу мамлакатда рождество кечаси парранда гўшти истеъмол қилинмайди, акс ҳолда бахтсизликка дучор бўлишингиз мумкин. Асосий овқат сифатида австрияликлар нордон карам билан тортиладиган ҳар хил колбасаларни қайноқ бульонлар билан истеъмол қилишни ёқтиришади.

➖Польша

🐟Анъанага кўра дастурхонда 12 хил таом бўлиши керак. Асосий таом эса балиқ. Балиқ бу давлатда оила мустаҳкамлиги рамзи ҳисобланади. Соат миллари 12 га бонг урганда ҳамма сельд балиғидан истеъмол қилиши керак. Сельд балиғи қанчалик аччиқ бўлса, йил шунчалик бахтли келади.

👩🏻‍🍳Хўш ,сизларда-чи? Янги йил арафасида оилангизда қандай таомлар тайёрланилади ?

Yoshlar kundaligi

​​#Бу_қизиқ

🎉 ЯНГИ ЙИЛ: ҚАЕРДА, ҚАНДАЙ, НИМА УЧУН?

➖🇧🇷 Бразилия

Янги йил байрами куни аҳоли уммон қирғоғига совғалар билан боради. Улар рамзий маънода денгизга туҳфа қилинади. Совғалар қайиқларга жойлаштирилиб сувга қўйиб юборилади. Шу орқали ортда қолган йилга миннатдорлик ва кириб келаётган йилда эҳтиром кўрсатилади.

➖🇬🇷 Греция

Яқин одамлар бир-бирига йирик ўлчамли, аммо кўтарса бўладиган тошлар туҳфа қилади. Шу йўл билан оиласи ва дўстларига моддий фаровонлик тилайди. Анъанага кўра, оғир тош пул тўла ҳамённи англатади. Бу тошлар асосан уйнинг кираверишига қўйилади.

➖🇪🇸 Испания

Испанияликлар тунги 12 га бонг урганда 12 дона  узум ейди. Маросим омад келтиради деб ишонилади. Яна бир қизиқ жиҳат: Келгуси йилда молиявий муаммоларни четлаб ўтиш учун байрам қизил кийимда нишонланади.

➖🇮🇹 Италия

Янги йил арафасида италияликлар эски нарсаларни деразадан улоқтиради. Байрам ўтгач синган мебелларга ўхшаш йирик жиҳозларни ҳам кўчаларда учратиш мумкин.

➖🇹🇭 Таиланд

Таиландликлар бахт тилаш учун кўчага чиқиб бир-бирига сув сепади. Қанчалик тез ва кўп ҳўл бўлсангиз янги йилда шунчалик кўп бахт келади, деб ишонилади.

➖🇿🇦 Жанубий Африка

Худди Италиядаги каби, Жанубий Африкада ҳам эски нарсаларни деразадан тўғри улоқтириш орқали қутилишади. Бироқ, сўнгги йилларда расмийлар хавфсизлик нуқтаи назаридан бу анъанани тақиқлашга ҳаракат қилмоқда.

➖🇻🇳 Вьетнам

Вьетнамликлар Янги йилни кексалар билан кутиб олади. Агар етмиш ёшдан ошган одам байрам дастурхонида ўтирса, унинг донолиги барча иштирокчиларга тарқалади, деб ҳисоблашади. Меҳмон қанчалик катта бўлса, унга шунчалик кўп ҳурмат кўрсатилади.

➖🇳🇵Непал

Непалликлар нарсаларни ташламайди, балки гулханда ёқиб юборади. Тонг отгач, Непал халқи ўзларини нақшлар билан безашади ва ранглар байрамини нишонлаб, рақсга тушиш ва қўшиқ айтишни бошлайдилар.

➖🇯🇵 Япония

Янги йил учун уйларни бамбуклар билан безаш одат тусига кирган. Янги йилнинг биринчи сонияларида японлар йилни қувноқ қилиш учун баланд овозда кулишади.

✍️ Янги йилни кутишга оид яна қандай одатларни биласиз? Изоҳларда ёзиб кетинг ва кайфият учун дўстларингизга мақолани юбориб қўйинг.

Yoshlar kundaligi

#Бу_қизиқ

🤔Бўстонлиқ, Чорвоқ, "Қамчиқ" довонида сотиладиган қурутлар аслида Навоийнинг Хатирчи туманида тайёрланишини билармидингиз!

🌐Web 💬Telegram  🌐Facebook 🌐Instagram 🌐YouTube