Қўшниларда нима гап?

➖🇰🇿Концепция ўзгарди: Собиқ президент Нурсултон Назарбоевнинг ҳайкали Қозоғистон Миллий музейи атриумидан олиб ташланди — Baq.kz.

➖🇰🇬Барчаси назоратда: Бишкекдаги ягона иссиқлик ва энергия станциясида юз берган портлашда террорчилик ёки қўпорувчилик ҳаракати белгилари йўқлиги маълум қилинди —Kg.24.

➖🇹🇲Чорва хавф остида: Туркманистоннинг Марям вилоятида чорва моллари озуқа етишмаслигидан нобуд бўлмоқда — Хроника Туркменистана.

➖🇹🇯Ўқитувчиларга муҳтожлик: Тожикистон ўқув даргоҳларида ўқитувчилар танқислиги кузатилмоқда. Давлат талабалардан умид қилмоқда —Avesta.tj.

➖🏫Илтимос, мактабга борайлик: Афғонистонлик қизлар мамлакатдаги мактабларни қайта очишни сўрашмоқда —ToloNews.

Yoshlar kundaligi

#челленж

🇺🇿Ҳеч кимга бермаймиз сени, Ўзбекистон!🇺🇿

Вилоят Божхона бошқармаси челленжни давом эттириш учун Тошкент вилояти Оила ва хотин-қизлар бошқармасига чақириқ ташлади.

Yoshlar kundaligi

​#Бу_қизиқ

ХОРИЖ ТАЖРИБАСИ: АГАР ТАЛАБА ДАРС ҚОЛДИРСА ...

➖🇷🇺Россия

Олийгоҳлар ўқув дастурини тўлиқ бажармаган талабаларни ўқишдан четлаштиришга ҳақли. Бундан ташқари, маърузаларни ўтказиб юбориш орқали сиз имтиҳондан ўтмаслик ёки кредит модуль хавфини туғдирасиз ва талаба қарзи ўқишдан четлатиш учун асос бўла олади.

➖🇩🇪Германия

Агар талаба иккитадан ортиқ дарс қолдирса, ўқитувчи имтиҳон топширишга рухсат бермаслик ҳуқуқига эга. Ҳатто узрли сабаблар ҳам ёрдам бермайди. Ўқитувчи учун талабанинг дарсда бўлиши муҳим. Хуллас, бу ерда давомат биринчи ўринда.

➖🇰🇿Қозоғистон

Талабаларнинг барча дарсларга қатнашиши мажбурийдир. Узрли сабаби бўлганлар бундан мустасно. Сабабсиз дарс қолдирганлар ҳар бир ҳафта учун якуний баҳонинг 5 фоизини чегириб ташлаш орқали жазоланади.

➖🇺🇸АҚШ

Агар талаба мунтазам равишда дарсларни ўтказиб юборса, кредит модуль тизими ишга тушади. Сиз қолдирган дарсларингиз учун пул тўлайсиз. Қолдирилган дарс соатлари меъёридан ошса, ўқишдан четлатиласиз.

➖🇨🇳Хитой

Касал бўлсангиз, шифокорга мурожаат қилинг ва "справка" олинг. Яқин қариндош вафот этдими? Муайян кунларда дарсларни ўтказиб юбориш учун деканатга батафсил ариза ёзинг, аризага ўқитувчиларингиз ҳам имзо чекиши керак. Талаба ўқиш билан параллел равишда ҳеч қаерда ишлай олмайди. Бу расман тақиқланган.

Анора Абдурашидова тайёрлади.

Yoshlar kundaligi

#Мухлис

Фанатлар бугунги ўйинга қаттиқ тайёргарлик кўрмоқда. Ўйин вақтида безовта қилинмасин))

Yoshlar kundaligi

​“ЯШАСИН ҒАНИМЛАРИМ!”

У умр бўйи ғанимларидан миннатдор бўлиб ўтди. Душманларидан хафа бўлиб, асабийлашиб, уларнинг ёмонликларини оламга достон қилиб юрмади. Бирон жойда исмларини зикр қилмади. Токи уларнинг номи тарихда қолмасин. Вақт ўтди ‒ улар унутилди. У ва унинг асарлари эса халқ юрагида қолди.

Эсини таниганидан буён курашлар ичида яшади. Аввал Сурхоннинг Денов тумани давраларида кураш тушди. Кейин бу курашлар илм ва иш йўлига кўчди. Курашлар уни ўжар, асов, чўрткесар, ҳақиқатпарвар, ҳалол ва пок шахсга айлантирди.

Сўз ортидан Сурхоннинг иссиқ далаларидан то Рус ўлкасининг совуқ шаҳарларигача кезиб чиқди. Аввал Ватанини ўрганди, кейин дунёни ва... яна Ватанга қайтди. Йўллар уни аксар вақт Паркентнинг сўлим Кумушконига чорларди. Балки бу жойлар унга Хўжасоат қишлоғини эслатгани учундир.

У адабиёт майдонига кирар экан бирон сўз полвони қодир бўлмаган усулни қўллади. Шунинг учун бу майдонда ғолиб юрди.

У бу дунёда ўлиб бўлмаслигини ёшлигидан тушунди ва вақтнинг қадрига ета бошлади. Отасидан қолган далаларда Момо Ернинг қўшиқларига қулоқ тутди. От кишнаган оқшомда ойдинда юрган одамларни уйғоқликка, ёруғ тонгга чорлаб ўтди.

Ўзбекнинг ор қўшиғини яратган бу адиб...

Тоғай Мурод эди... Тоғаймурод Менгноров эди...

Yoshlar kundaligi

#футбол

Эҳ, Ўткир Юсупов! У зарбани қайтараман деб тўпни ўз дарвозасига киритиб қўйди. Мана ўша машъум лаҳзалар!

Кайфиятни туширмаймиз, ўртоқлар, ҳаммаси ҳали олдинда!

🇶🇦Қатар – 🇺🇿Ўзбекистон - 1:0

Yoshlar kundaligi

#Кайфият

Ўйиндан кейин қандайдир аралаш туйғулар тинчлик бермаяпти.

Машарипов ўйинни сотдими? Нимага пенальтини шубҳали тарзда тепди?

Мен ёмон одамман. Бадгумон бўлиш яхшимас. Лекин, наҳотки Машарипов?

Футбол мухлиси.

Yoshlar kundaligi

#Туйғу

Хайр, хайр сенга қалбим қораси,
Хайр сенга, эй кибрли кўшк.
О, жаноби муҳаббат, салом,
Салом сенга эй ҳазрати Ишқ!

✍ Шеър: Гулжамол Асқарова

📸 Фото: Отабек Турсунқулов
🖼 Образларда: Зилола Ҳакимжонова, Суҳроб Боймирзаев

Yoshlar kundaligi

Расман: мактаб ўқувчиларига иккинчи хорижий тил ўқитилади

📄Бу ҳақида Президент қарори эълон қилинди. Энди ўқувчилар корейс, хитой, япон тилларини ҳам ўрганиши мумкин.

2024-2025 ўқув йилидан бошлаб:

➖5–9-синфларда хорижий тилга ўқитиш интенсивлигини ошириш орқали ўқувчиларда базавий билим ва нутқий кўникмалар шакллантирилади;

➖10–11-синфларда хорижий тилни ўқитишда асосий эътибор ўқувчиларнинг академик ёзув ва сўзлашиш кўникмаларини ривожлантиришга қаратилади;

➖“Фанларни чуқурлаштириб ўқитиш” йўналиши доирасида хорижий тил фанини танлаган ўқувчилар 10–11-синфларда иккинчи хорижий тилга ўқитилади.

🔹2024 йил 1 майга қадар 11-синфда иккинчи хорижий тилнинг камида А2 даражада ўзлаштирилишини назарда тутувчи хорижий тил фани бўйича ўқув режа ва дастурлар такомиллаштирилади.

Yoshlar kundaligi

#челленж

🇺🇿Ҳеч кимга бермаймиз сени, Ўзбекистон!🇺🇿

Тошкент вилояти Оила ва хотин-қизлар бошқармаси жамоаси челленжни давом эттириш учун вилоят Соғлиқни сақлаш бошқармаси жамоасига чақириқ ташлади.

Yoshlar kundaligi

Сўнгги соатларда

➖🇨🇱Ўрмон ёнғинлари авжида: Чилидаги ёнғинлардан ҳозиргача 51 киши ҳалок бўлди. Ички ишлар вазири ёнғинларга қасддан ўт қўйиш сабаб бўлган, деб ҳисобламоқда — The Guardian.

➖🇰🇬Президент топшириғи билан: Қирғизистон президенти самолётида тўрт нафар бемор Туркияга даволанишга жўнатилди — Kg.24.

➖🇬🇧Ноёб лимон: Буюк Британиядаги аукционда 285 ёшли лимон 1800 долларга сотилди — CNN.

➖📱Nokia энди тарихда: эндиликда Nokia бренди остида телефонлар чиқарилмайди. Компания бренддан фойдаланиш ҳуқуқини тугатмоқчи — Al Jazeera.

➖⚽️Якуний қарор: Мбаппе жорий мавсум якунланганидан сўнг ПСЖдан "Реал"га ўтишга қарор қилди — Le Parisien.

➖🇮🇶Марҳумларни ёд этиб: тунда АҚШ ҳарбий-ҳаво кучларининг чегара ҳудудларига уюштирган ҳужумларида ҳалок бўлганлар хотирасига Ироқда мотам эълон қилинди — Iraqi News.

Yoshlar kundaligi

#Хабардормисиз

Таълим, соғлиқни сақлаш, рақамлаштириш, маданият ва спорт соҳаларида амалга оширилиши лозим бўлган устувор масалаларга бағишланган видеоселектордан

➖ Боғчаларда овқат, давомат, бадал пули каби барча жараёнлар тўлиқ рақамлаштирилади;

➖ мактабларда математика, физика, кимё, биология ва хорижий тиллар бўйича ўқув режа ва дастурлари халқаро стандартлар асосида янгиланади;

➖ўқувчи ва муаллимлар билимини баҳолашда халқаро тажрибалар (PISA, TIMSS, PIRLS) босқичма-босқич жорий этилади;

➖ мактабларда устахоналар ташкил этилади ва “Касбий таълим устаси” лавозими жорий этилади;

➖ мактабдаги бўш жойлар тадбиркорларга ўқувчиларни касб-ҳунарга ўқитиш учун текин фойдаланишга берилади. Ўқув курсини тамомлаб, имтиҳондан ўтган ўқувчиларга малака сертификати берилади;

➖ мактаблардаги инспектор-психологлар штати Ички ишлар вазирлигидан Миллий гвардия тизимига ўтказилади;

➖ ҳар бир олийгоҳ, техникум
ва коллежда технопарк, лаборатория ва амалий мономарказлар ташкил этилади;

➖техникумларда ҳам “кредит тизими” жорий қилиниб, фанни ўзлаштириш бўйича тўпланган “кредитлар” олийгоҳларда тан олинадиган тизим бўлади;

➖ коллеж-техникумда “ишчи касб” йўналишида ўқиганлар икки ёки уч йил ишлаб, тажриба орттирганидан кейин, имтиҳон топшириб, “бакалавр”га тенг малака даражасини олиши мумкин бўлади;

➖ янги ўқув йилидан тиббиёт олийгоҳлари битирувчи курс талабалари учун кўп тармоқли шифохоналарда иш ҳақи тўланадиган интернатура йўлга қўйилади.

Yoshlar kundaligi