​​#Бу_қизиқ

🌏 ДУНЁ БОҒЧАЛАРИ: ҚАБУЛ ЁШИ ВА МАШҒУЛОТЛАР

➖🇫🇮  Финляндия

🌱 1 ёшдан 6 ёшгача бўлган болалар вақтини ўйинчоқлар, иқтидорни аниқловчи ўйинлар ва ўсимликлар парвариши билан ўтказади. Уларга уй вазифаси ёки мажбурий тестлар берилмайди.

➖🇨🇳 Хитой

📚 3 ёшдан 6 ёшгача бўлган тарбияланувчилар учун турли тиллар, санъат, математика, мусиқа ва бошқа фанларни ўз ичига олган миллий ўқув дастури ишлаб чиқилган.

➖🇺🇸 АҚШ

🧮 2 ёшдан 6 ёшгача бўлган ўғил-қизлар одатда ёзиш ва математик кўникмаларни, ўқиш, танқидий фикрлашни ўрганади.

➖🇮🇹 Италия

⚽️ Бу ерда 3 ойлик чақалоқдан 6 ёшли болагача боғчада бўлади. Улар эрталабдан қўшиқ айтишади, нарсалар ясайди ва эртак тинглайди. Тушликдан кейин эса гимнастика, инглиз тили каби машғулотлар билан вақт ўтказади.

Yoshlar kundaligi

#Кун_иқтибоси

📌 Ҳамма ишлар бир текис кетишини кутманг. Ҳеч нарса мукаммал бўлмайди. Қийинчиликлар йўлингиздан чиқаверади.

⏰ Тўсиқлар ва камчиликларни енгиб ўтишни ҳозирдан бошланг.

✍ Марк Виктор Хансен

Yoshlar kundaligi

#Машҳур_аёллар

🌳 ДИЛБАНД БЎЛИНГ МЕНГА, ДАРАХТЛАР!

🌱 Ҳиндистонлик 111 ёшли аёл Салумарада Тхиммакка турмуш ўртоғи билан 45 километрлик магистрал йўлнинг икки четига 385 та баньян кўчатини экиб, парваришлаган. Шунингдек, аёлнинг ўзи 8000 туп кўчат эккан.

👩‍❤️‍👨 У ҳеч қаерда ўқимаган ва карьерда оддий ишчи бўлиб ишлаган. Эри иккаласи фарзанд кўришни орзу қиларди. Аммо вақт ўтгач дардига дармон истаб дарахт эка бошлайди. Эр-хотин кўчатларни суғориш учун тўрт километр масофадан челакда сув ташишган.

❌ Дарахтлар 2019 йилда йўл кенгайтириш мақсадида кесиш хавфи остида қолди. Тхиммакка бунга қарши чиқди ҳамда бош вазирдан лойиҳани қайта кўриб чиқишни сўради. Натижада, ҳукумат 70 ёшли дарахтларни сақлаб қолиш учун муқобил усулларни излашга қарор қилди.

🎖 Бугунги кунда Салумарада хоним турли халқаро мукофотлар соҳибаси, экологик лойиҳалар аъзоси.

Yoshlar kundaligi

#Кайфият

🤣 Якшанба куни тушгача ухлаб, эртага нима дарс бор эди деб, курсдошлар гуруҳига кирган талабаларнинг аҳволи.

😉 Кимга жўнатишни биласиз-а?

Yoshlar kundaligi

#Бир_севги_афсонаси

🌹 ШАТУНОВ ВА СВЕТЛАНА: ШАҲЗОДАНИНГ АТИРГУЛИ

🔥 Артистлар шахсий ҳаётда доим ҳам бахт топмаган. Уларни хиёнат, ёлғон, ёлғизлик ва миш-мишлар қувиб юради. Лекин доим ҳам шундай бўлган эмас. Ижодда ҳам, ҳаётда ҳам омади чопганлар санъаткор ҳам учраб туради.

❤️ Бугун улардан бири Юрий Шатуновнинг севги тарихига назар соламиз.

😍 Кимнингдир болалиги, кимнингдир ёшлигини эслатувчи қўшиқлар ижрочисининг кўнгил оламига марҳамат!

🔰 КИРИЛЛ ЁЗУВИДА ЎҚИШ

🔰 LOTIN YOZUVIDA O'QISH

⚡️ Шатуновнинг мухлисларига юбориб қўйинг. Сиздан миннатдор бўлишади.

Yoshlar kundaligi

#Футбол #Мулоҳаза

⚽️ ЭРТАКНИНГ БОШЛАНИШИ: РОНАЛДУ КИМДАН ҚАРЗДОР БЎЛИБ ҚОЛГАН?

✊ Криштиану айтади: "Муваффақиятим учун эски дўстим Альберт Фантраудан қарздорман. Бу қандай бўлганди?

‼️ Ўсмирлар лигасида тўп тепардик. Бир куни олдимизга раҳбарлардан бири келиб, эртанги баҳсда ким кўп гол урса, академияга қабул қилинишини айтди.

⚽️ Ўша ўйинда 3:0 ҳисобида ғалаба қозондик. Голларнинг биринчисини мен, иккинчисини Альберт урди. Учинчи гол эса барчамиз учун кутилмаган бўлди.

😱 Альберт дарвозабон билан яккама-якка чиқиб келиб уни алдаб ўтди. Мен унинг орқасида эдим. У гол уриши керак эди. Шу пайт менга узатма берди ва мен учинчи голни урдим. Натижада, академияга бориш имкониятини қўлга киритдим.

🔥 Ўйиндан кейин "Нега бундай қилдинг Альберт?" деб сўрадим. "Чунки сен мендан кучлироқсан, академия сенинг жойинг", деди у самимий оҳангда".

🤔 ...Анча йиллар ўтиб, журналистлар Альбертнинг уйига бориб, бу ҳақиқатми ёки тўқима эканлигини сўрайди. "Ҳа, бу ҳақиқат" деб, жавоб қайтарди у.

🏘 Шунингдек, футболдаги фаолияти якунлангани ва ишсиз эканини билдиради. Шунда йиғилганлар ундан қандай қилиб бундай ажойиб уй ва машинага эга бўлганини сўрайди: "Сиз бой одамга ўхшайсиз. Буларнинг барчасига қандай эришдингиз?".

🎁 Альберт ғурур билан жавоб берди: "Барчаси Роналдунинг совғалари".

⁉️ Альбертнинг иши тўғрими? Голни ўзи урганда бугун Роналдунинг ўрнида у бўлармиди? Дўстисиз Роналдунинг эртаги қандай давом этарди?

Yoshlar kundaligi

#Кайфият

ПИСКЕНТГА ОҚШОМ ЧЎКМОҚДА

Ҳаётнинг ҳар лаҳзаси гўзал,
Умрнинг ҳар дами ғанимат.

✍️ Шеър: Анвар Обиджон
🎞 Видео: Отабек Турсунқулов

Yoshlar kundaligi

#Бу_қизиқ

📆 ЭРТАГА ДУШАНБА ➖ ҲАФТАНИ ҚАНДАЙ БОШЛАШ КЕРАК?

‼️ Айримлар душанбани оғир кун деб ҳисоблайди. Аслида ундай эмас. Кунни қандай бошлаш ўзимизга боғлиқ.

➖ ЭРТА БУГУНДАН БОШЛАНАДИ

😴 Агар кунни соғлом ва ғайратли ҳолда бошлашни истасангиз, битта нарса керак: етарли уйқу. Камуйқулик сизда чарчоқ ва дангасаликни кучайтиради. Имкон қадар 6-7 соат дам олишга ҳаракат қилинг.

➖ УЙДАН ЧИҚИБ КЕТИШГА ШОШИЛМАНГ

❌ Ўриндан тура солиб, ювиниб, кийиниб ишга ё ўқишга кетиш асабларни зўриқтиради. Шунинг учун эрта туринг ва қуйидагиларга улгуринг:

🚴‍♂ Бадантарбия, эрталабки юриш ёки велосипедда сайр;

🧼 Ёқимли ифор таратувчи совун, шампунь, мойлар ва атирдан фойдаланиш;

🥗 Енгил ва мазали нонушта;

☕️ Янги пиёла ё финжонда чой, қаҳва ёки сут ичиш;

📚 Ҳар куни эрталаб мотивацион подкаст тинглаш ёки илҳомлантирувчи матн ўқиш.

➖ ВАЗИФАЛАР РЎЙХАТИНИ ТУЗИНГ

📌 Агар душанбада ҳафталик ишлар режасини тузиб олсангиз вақтингиз ва кучингизни тўғри тақсимлайсиз. Шунда чарчоқ ва асабийлик камаяди.

Yoshlar kundaligi

#Туйғу

Гулга гул берган ошиқ қайда жазога лойиқ...

✍ Шеър: Муғанний

📸 Фото: Отабек Турсунқулов
🖼 Образда: Зилола Ҳакимжонова.

💐 Яхши кўрган инсонингизга охирги марта қачон гул бердингиз?

Yoshlar kundaligi

Сўнгги соатларда

➖🇺🇿 Шахмат сизга нима беради: Италияда ўтказилган шахмат чемпионати ғолибаси Афруза Ҳамдамовага 100 миллион сўм берилди — ЎзА.

➖🇷🇴 Руминияда мактаблар ёпилди: бунга кучли қор бўрони сабаб бўлган, таълим масофадан олиб борилмоқда — Romania Insider.

➖🇸🇦 Роналду қадри учун: Саудия Арабистонида Криштиану Роналду шарафига музей очилди — Arab News.

➖🇬🇷 Кема ғарқ бўлди: Грециянинг Лесвос ороли яқинида бортида 14 киши бўлган юк кемаси чўкиб кетди — BBC News.

➖🇦🇶 Қутбда бодринг сайли: Антарктиданинг “Восток” станциясида россиялик олимлар илк бор бодринг етиштириб, мўл ҳосил олди — The Independet.

Yoshlar kundaligi

#Кун_иқтибоси

🔥 БРЮС ЛИДАН ЁШЛАР УЧУН ҚИСҚА ВА ФОЙДАЛИ МОТИВАЦИЯ

🗓 Бугун таниқли хитой жанг санъати устаси ва актёр Брюс Ли (1940-1973) туғилган кун.

➖ Агар хатоларни тан олишга журъат қилсангиз, улар ҳар доим кечирилади.

➖ Мен 10 000 хил зарбани ўрганувчи одамдан қўрқмайман. Лекин бир зарбани 10 000 марта ўрганган одамдан қўрқаман.

➖ Осон ҳаёт сўраманг. Қийинчиликларни енгиш учун куч сўранг.

➖ Унутма, дўстим, ҳаёт салбий энергия тўплаш учун жуда қисқалик қилади.

➖ Интизом эркинликни чеклаш эмас. Бу кераксиз ҳамма нарсадан воз кечишдир.

➖ Бўш бошларнинг узун тиллари бор.

➖ Билим етарли эмас, амал қилиш керак. Истак етарли эмас, ҳаракат зарур.

Yoshlar kundaligi

#Мулоҳаза_учун_мавзу

⭕️ ТЎЙ "СПЕКТАКЛ"ЛАРИ СИЗГА МАНЗУРМИ?

💍 Тўй мавсуми ширин ташвишлар даври. Бироқ охирги пайтлар ижтимоий тармоқларда ёшларнинг хурмача қилиқлари авжига чиққан.

🤵🏻‍♂️👰‍♀️Бир-бирини қувиб ўтаётган машиналар кортежи, "куёв тепти", "қўчқорвой зиёрати" ёки метродаги фотосессия. Етмагандай пулни ер билан битта қилиб сочиш ва вертолётда тўйга келиш каби ҳолатлар занжирдек бир-бирига уланмоқда.

🤔 Хўш, бундай тўй сценарийларини ёзаётган шоввозлар кимлар ўзи? Ёки ҳаммаси 👍“ЛАЙК” учунми?

Yoshlar kundaligi

#расман

✅Шавкат Мирзиёев Тошкент вилоятида “яшил водород” ишлаб чиқариш қувватларини барпо этишга старт берди.

♻️ Саудиянинг етакчи компанияси билан амалга оширилаётган бу лойиҳалар 2030 йилга бориб 25 гигаватт қайта тикланувчи энергия қувватлари яратилиши, 4,5 миллиард куб метр газни иқтисод қилиш ва атмосферага зарарли моддалар ташланмаларини 3 миллион тоннагача қисқартиради.

Yoshlar kundaligi

#Лайфхак

⭕️ ВАЗИРДАН ИННОВАЦИОН МАСЛАҲАТ

✅ Рақамли технологиялар вазири Шерзод Шерматов инглиз тилини ўрганишда сўзлашиш (Speaking) кўникмасини яхшилаш учун ChatGPT иловасининг бепул версиясидан фойдаланишни маслаҳат берди.

💬 Бу тилни ўрганишда аксарият ёшлар қанча кўп сўз билса ҳам мулоқот пайтида қийналади. Бу тавсияни бир қўллаб кўринг. Балки сизга фойдаси тегар.

👉 ChatGPT Google Play'да:
👉 ChatGPT AppStore'да:

Yoshlar kundaligi

#таълим

⭕️ Талабалар учун қишки таътил муддати белгиланди

✅ Барча олий, ўрта махсус ва профессионал таълим (давлат, нодавлат, хорижий) муассасаларида қишки таътил 2023 йилнинг 25 декабридан бошланиб, 2024 йилнинг 7 январига қадар давом этади.

🗓 Дарслар 8 январь, душанбадан бошланади.

Yoshlar kundaligi

#танлов

"Ёш китобхон"нинг бу йилги ғолиблари кимлар?

"Ёш китобхон" танловининг вилоят босқичи бўлиб ўтди. Якуний натижаларга кўра:

10-14-ёш тоифасида:

📚1-ўрин: Сайриддинова Хадича Сирожиддин қизи
(Паркент тумани "Яшнобод" МФЙ);
📚2-ўрин: Сулаймонов Ҳасан Азимжон ўғли
(Олмалиқ шаҳри Ибн Сино МФЙ);
📚3-ўрин: Абдураимова Каромат Эрпўлат қизи
(Бўка тумани "Ачамайли" МФЙ).

15-19-ёш тоифасида:

📚1-ўрин: Хусанов Жамолиддин Шаҳобиддин ўғли
(Чирчиқ шаҳар "Шодлик" МФЙ);
📚2-ўрин: Илёсова Зуҳра Мираваз қизи
(Тошкент тумани "Истиқбол" МФЙ);
📚3-ўрин: Комилжонова Бону Олимжон қизи
(Бўстонлиқ тумани Хўжа МФЙ)

20-30 ёш тоифасида:

📚1-ўрин: Қўзиев Бахтиёр Мурот ўғли (Юқори Чирчиқ тумани Султонравот МФЙ);
📚2-ўрин: Жўрабеков Жалолиддин Акромович (Оққўрғон тумани "Тортувли" МФЙ);
📚3-ўрин: Юнусова Озода Улуғбек қизи (Олмалиқ шаҳри Коинот МФЙ)

Эслатиб ўтамиз, 1-ўрин соҳиблари танловнинг Республика босқичида иштирок этади.

Yoshlar kundaligi

Биринчи тайм тугади. Сизнингча, бугунги ўйинда натижа қандай бўлади?

Yoshlar kundaligi

⚡️⚡️⚡️

Айни дамда ўз майдонида ғалабани бой берган ОКМК мухлислариникида шунақа ҳолат!

Тошойнага эҳтиёт бўламиз, одамлар!🙈

Yoshlar kundaligi