#сво #своихнебросаем #дойдумтыына

⭐️ "Дойдум тыына" иистэнэр сыах байыастарга алгыстарын ыыта турар

Сулууспалыы тиийбит уолаттар сир-уот, дойду иччилэриттэн көрдөһөн арчыланар маллаах мөһөөччүктэри бэлэмнээн тикпит таҥастарын быыһыгар холбуу тутан ыыталлар. Манна испиискэ, туос, кытыан, кыа (үөрэ) от, үрүҥ сиэл, дэйбиир харысхал, туой харысхал, руна бэлиэлэринэн суруллубут алгыстаах мас киирэр. Бу мас харысхаллары технопарк үлэһитэ Иван Иванович Борисов оҥорон туттарар. Барыта маҥан мөһөөччүккэ угуллан, уолаттарга алгыстаах мөһөөччүккэ тиксэриллэр. Номнуо хас да уолга тиийбит.

Алгыстаах мөһөөччүгү туппут байыастартан "Сахабыт сириттэн кэлбит кытыан, сиэл, туос абыраата. Эргэ избаҕа хонорбутугар абааһылара утуталаабата, илэ сылдьаллар. Нуктаары гынныҥ да хабарҕалаан бараллар. Олорон хоннубут. Сарсыныгар, хата, интибитин булан буруолатан, дьиэни ыраастаан, абааһылары кыйдаан, дьэ, киһилии хоммуппут" - диэн харда тыл кэлбитэ.

"Дойду тыына" иистэнэр сыах илиилэрин сылааһын кытта байыаннай дьайыы хонуутугар тиийэр алгыстаах мөһөөччүктэр уолаттарбыт тыыннарын харыстыы турдуннар.

"Үөһээ Бүлүү" хаһыат