#планерка

✅ Россия Геройун Алексей Петрову чиэстиир тэрээһиннэр туһунан Култуура уонна духуобунай сайдыы департаменын методиһа Айталина Иванова иһитиннэрдэ.

Саха сиригэр 12-с Герой буолбут Үөһээ Бүлүү улууһун бастакы Геройун - Алексей Петрову дойдутугар үктэнэр күнүгэр кыраныыссаҕа - Чыбыыда үрэҕэр чугастыы олорор 5 нэһилиэк дьоно, ол иһигэр Бүлүү улууһун Кыатана олохтоохторо буолан уруйдуу-айхаллыы көрсүбүттэрэ.

Кииннэммит бибилэтиэкэнэн, Оҕо искусствотын оскуолатынан уонна Үс Хоһуун стадиоҥҥа үөрүүлээх тэрээһиннэр өрө көтөҕүллүүлээхтик аастылар.

Бары тэрээһиннэргэ көхтөөх кыттыыны ылбыт тэрилтэлэр салайааччыларыгар, үлэһиттэригэр уонна улуус бары олохтоохторугар Култуура департаменын аатыттан истиҥ махтал тылларын тиэрдэллэр.

@uoheebuluu

#планерка

✅ Улууска ойуур баһаарын туругун туһунан Үөһээ Бүлүүтээҕи "Лесавиа" тэрилтэтин салайааччыта Сергей Федоров иһитиннэрдэ.

Ааспыт нэдиэлэҕэ улуус территориятыгар 1 ойуур баһаара бэлиэтэммитэ. Манна 2 күннээх күүстээх үлэ түмүгүнэн уот утары умуруоруллубута.

@uoheebuluu

#планерка

✅ Улуустааҕы тыа хаһаайыстыбатын управлениетын үлэтин туһунан салайааччы солбуйааччыта Василий Андреев билиһиннэрдэ.

Улууска оттооһуҥҥа быйылгы былаан быһыытынан бэриллибит 24343 туоннаттан от ыйын 24 күнүнээҕи туругунан 1926 т. от бэлэмнэммит.

От үлэтигэр 1436 киһи сылдьар.

От ыйын 25 күнүнээҕи туругунан, улуус үрдүнэн 752,53 т үүт туттарыллыбыт. Бу үөһэттэн бэриллибит былаантан 32,42% тэҥнэһэр.

Бэс ыйынааҕы үүт харчытын барытын ыытан олороллор.

@uoheebuluu

#планерка

✅ Улууска сокуону, бэрээдэги кэһии туругун туһунан Ис дьыала отделын бэрээдэги бөҕөргөтөр салаатын салайааччыта, полиция подполковнига Владислав Поскачин иһитиннэрдэ.

Ааспыт нэдиэлэ устата Ис дьыала дьуһуурунай чааһыгар уопсайа 37 араас ис хоһоонноох иһитиннэрии киирбит.

Ол иһигэр эт-хаан эчэйиитэ - 2, түөкүннээһин - 15.

1 суол саахала, 2 баһаар бэлиэтэммит.

Нэдиэлэ иһигэр 14 административнай боротокуол толоруллубут, ол иһигэр сокуоннай сааһын ситэ туола илик оҕо буруйу оҥоруута 5 түгэнэ бэлиэтэммит.

Убаастабыллаах төрөппүттэр, сокуоннай саастарын ситэ туола илик оҕолор киэһэ 22:00 чаастан түүҥҥү өттүгэр улахан киһитэ суох уулуссаҕа, уопсастыбаннай миэстэлэргэ сылдьыбаттарын курдук хонтуруоллаһаргытыгар Ис дьыала уорганын үлэһиттэрэ ыҥыраллар.

Дьуһуурунай чааска 4 киһи тутуллан киирэн таҕыста.

ГАИ үлэһиттэринэн 85 административнай боротокуол толоруллубут, ол иһигэр 3 арыгы испит туруктаах суоппар тутуллубут.

@uoheebuluu