⏺ Социальные контракты в Якутии: как господдержка меняет жизни людей

⚡️ На сегодняшний день в Якутии заключено порядка 3 тысяч социальных контрактов на общую сумму более 430 миллионов рублей. Как сообщили в Минтруде Якутии, наибольшее количество господдержки заключено в городе Якутске – 1 291, Нюрбинском улусе – 76, Оленёкском улусе – 32 и Анабарском улусе – 20.

🔹 В статье Улус.Медиа читайте истории жителей республики, которые благодаря заключенным соцконтрактам успешно ведут дело.

↪️ https://ulus.media/2024/11/02/soczialnye-kontrakty-v-yakutii-kak-gospodderzhka-menyaet-zhizni-lyudej/

📲 Подпишись на @ulusmedia

#муҥха #БарыБииргэ #сво #СвоихНеБросаем

⭐️ Харбалаахтар байыаннай дьайыы кыттыылаахтарын дьиэ кэргэттэрин муҥха балыгынан күндүлээтилэр

Үөһээ Бүлүү Харбалааҕын Таай Күөлүгэр сэтинньи 1 күнүгэр 80-тан тахса киһи кыттыылаах дьоһуннаах муҥха буолан ааста.

Нэһилиэк баһылыга Константин Платонов: "Кэлбит дьон инчэҕэйдии иккилии куул собону үллэһиннилэр, уолаттар муҥханы халлаан хараҥарыар диэри таһаардылар. Инньэ гынан кэнники таһаарыыттан ким төһө кууллааҕынан, иһиттээҕинэн үллэстии буолла. Павлов Олимпий бураанынан кэлэн көмө буолан абыраата, анньыыһыттарга салайан, суоллаан биэрэн, хоппо таһан, дьоҥҥо тиэйсэн, маладьыастаата. Бураан суоҕа буоллар эстиэ эбиппит. Күөх Боллох Тойон күндүлээтэ, Таай Күөл Эбэбит балык бөдөҥүн, минньигэһин бэристэ. Дьон-сэргэ махтанан, үөрэн-көтөн тарҕаста. Муҥхалаах дьоммутугар Виктор Новиковка, Данил Платоновка махталбыт улахан. Бу курдук муҥхаҕа түмсэн, көхтөөхтүк сылдьар буолуохха, сахалар кыстыыр аспытын булунар төрүт үгэспитин умнубакка тута сылдьыахха. Барыгытыгар чэгиэн доруобуйаны баҕарабын."

Күөх Боллох бэлэҕиттэн нэһилиэктэн анал байыаннай дьайыыга дойду туруктаах буоларын туруулаһа сылдьар буойун уолаттар дьиэ кэргэттэригэр, төрөппүттэригэр өлүүлээн бэристилэр. Итиэннэ нэһилиэк ытык кырдьаҕастарыгар, оҕолорун соҕотохтуу иитэр ийэлэргэ эмиэ ирээт балык тиксэн үөрүүлэрэ үгүс буолла.

Ороһу нэһилиэгэр Ольга Тумусова көҕүлээһининэн байыаннай дьайыыга сылдьар байыастарга, госпитальга эмтэниини ааһар буойуттарга балык арааһын астаан баһылыкка бэлэмнээн тиксэрэр үгэстээх. Кини дьаныардаах көмөтүгэр көмө буоллун диэн, Харбалаах нэһилиэгин дьаһалтатын аатыттан бу сырыыга айанныахтаах баһыылкатыгар балык үчүгэйиттэн талан ирээттээн тиксэрдилэр.

Ону тэҥэ харбалаахтар сэтинньи 8 күнүгэр бэлиэтээри олорор Николай Золотарев - Якутскай аатынан оскуола тэриллибитэ 105 сыллаах үбүлүөйдээх тэрээһиннэригэр, сыл бүтэһигэр үлэҕэ киириэхтээх биллиилээх политическай деятель, улуу киһи Исидор Барахов аатынан култуура киинин арыллыытыгар ыалдьыттары айах тутар балыктарын ирээттээн хаһааннылар.

"Үөһээ Бүлүү" хаһыат @ulusmedia_admin

#кыһа

⭐️ М.А.Алексеев аатынан өрөспүүбүлүкэтээҕи лиссиэй-интэринээт үлэһиттэрэ атын улууска олорор үөрэнээччилэр дьиэ кэргэттэрин кытта ситими туталлар

Ол курдук, лиссиэй дэлэгээссийэтэ сэтинньи бастакы күнүгэр Бүлүү улууһун Чочу нэһилиэгэр баран кэллилэр. Бу туһунан лиссиэй- интэринээт сэбиэдиссэйэ Галина Захарова маннык кэпсээтэ:

- Сыалбыт диэн бу ыаллыы улууспут саамай чугас сытар Кыаданда уонна Сыдыбыл нэһилиэктэриттэн биһиги лиссиэй-интэринээппитигэр үөрэнэр, уопсайга олорор оҕолор дьоннорун-сэргэлэрин, дьиэлэрин-уоттарын билсиһии.

Бу икки нэһилиэги холбоон 900-чэкэ киһилээх нэһилиэнньэни иккис болдьоҕун баһылыгынан талыллан, биһиги оскуолабытын 2004 сыллаахха ситиһиилээхтик үөрэнэн бүтэрбит Петр Догоюсов бэрт сэргэхтик үлэлии-хамсыы олорор. Урут да, билигин да элбэх оҕо биһиэхэ үөрэнэн бүтэрэн, онтон өссө бэйэлэрин оҕолорун ыытан үөрэттэрэ сылдьалларыттан астынабыт, махтанабыт.

Ыаллыы улуустар быстыспат ситимнээхпитин норуодунай суруйааччы Иван Гоголев- Кындыл түмэлигэр сылдьан биллибит-көрдүбүт. Ол курдук, Иван Гоголев Кындыл аҕа ууһун төрүччүтүгэр биһиги киэн туттар дьоммут Исидор Барахов, Николай Якутскай, Федот Тумусов баалларын биллибит.

Түмэл пуондатын харайааччы Мария Лыткина уонна баһылык Петр Александрович сиһилии кэпсээтилэр. Саха норуотун биир чаҕылхай политическай деятелэ Чиряев Гаврил Иосифович 100 сааһын көрсө ыытыллар тэрээһиннэри кэпсээтилэр.

Биһиги оскуолабытыгар үөрэммит оҕолору ханна, туох үлэһит буолбуттарын ирэ-хоро кэпсэттибит. Үөрэнээччилэрбит дьиэлэрин көрөн, дьоннорун чугастык билсэн, бэккэ астынан кэллибит.

Петр Александровичка махтанан, үлэтигэр ситиһиилэри баҕаран, үлэтин-хамнаһын истэн, көрөн астынныбыт.

"Үөһээ Бүлүү" хаһыат