#ИлТүмэҥҥэ

💢 Клавдия Васильева үс кинигэтэ Ил Түмэҥҥэ сүрэхтэннэ

Уус Алдан улууһун настаабынньык-педагога, үрдүк категориялаах иитээччи, РСФСР үөрэхтээһинин туйгуна, учууталлар Учууталлара, РФ уопсай үөрэхтээһинин бочуоттаах үлэһитэ, Уус Алдан улууһун бочуоттаах олохтооҕо, Арассыыйа суруналыыстарын Сойуустарын чилиэнэ Клавдия Васильева уонна кини уһуйбут иитээччилэрэ Наталья Сивцева уонна Саргылаана Готовцева кыра саастаах оҕолорго анаммыт кинигэлэрин сүрэхтэниитэ Ил Түмэн сэбиэтин мунньаҕын саалатыгар Педагог уонна уһуйааччы сылыгар ананан ыытылынна.

Клавдия Васильева суруналыыс быһыытынан оҕо сахалыы сөпкө суруйар, саҥарар уонна сиэр-майгы өттүнэн сайдарыгар аналлаах бэчээккэ таһаарыы сэдэҕин, иитии-үөрэтии эйгэтигэр аналлаах литература хайаан да наадалааҕын этэр.

Кини ити кыһалҕаны туоратыыга айымньылаахтык ылсан үлэлээтэ. Кини уопсайа 13 кинигэ ааптара. Оттон быйыл бэчээттэнэн тахсыбыт “Айылҕа азбуката” диэн сиэдэрэй ойуулаах-бичиктээх, тэттик кэпсээннэрдээх кинигэтин тыла-өһө оҕоҕо тиийимтиэтинэн умсугутуулаах. “Толкуйдуу үөрэнэбит” кинигэтэ төрөппүт, иитээччи оҕолордуун бииргэ үлэлииллэригэр анаммыт. Кинигэ 6-7 саастаах оҕо тарбаҕын былчыҥын, тылын, толкуйдуур дьоҕурун сайыннарарга анаммыт. Үһүс “Толкуйдатар таайбараҥнар” кинигэтигэр таайбараҥ арааһа төрөөбүт тыл баайын, араас тыл суолтатын билэргэ туһуламмыт.

✍️ Наталья Попова

☑️ Сиһилии: https://мюрюгазета.рф/article/93470

✅ t.iss.one/murusahargata @ulusmedia

💢 Кэскиллээх худуоһунньук Ангелина Осипова айар быыстапкатын тэрийдэ

Мүрү 2-с №-дээх орто оскуолатын 10 “а” кылаас үөрэнээччитэ, Бороҕоннооҕу оҕо искусствотын оскуолатын выпускницата Ангелина Осипова бэйэтин уруһуйдарын быыстапкатын улуустааҕы оҕо бибилэтиэкэтигэр туруорда.

Ангелина кыра сааһыттан уруһуйдуурун сөбүлүүр, кини бу сатабылыгар үөрэтэн, быыстапкатыгар кэлбит оҕолорго маастар кылаастары көрдөрдө. Талааннаах кыыска ситиһиилэри баҕарабыт!

✅ t.iss.one/murusahargata @ulusmedia

#БАРЫБИИРГЭ

⏺ Василий Даниловка "Арассыыйа Дьоруойа" ааты иҥэрэргэ көрдөһүү сурукка 48,5 тыһыынча киһи илии баттаата

Украинаҕа буола турар байыаннай дьайыыларга хорсуннук өлбүт гвардия старшай сержана, разведчик Василий Даниловка “Арассыыйа Дьоруойа” ааты иҥэрэр туһунан көрдөһүү сурукка илии баттааһыны хомуйарга уус алданнар саҕалаабыт аахсыйабытын өрөспүүбүлүкэ олохтоохторо, Василий Данилов Хабаровскайга бииргэ сулууспалаабыт доҕотторо, кинилэр дьиэ кэргэттэрэ, байыаннай дьайыылар кыттыылаахтара уонна Москва, Санкт-Петербург куораттарга олорор биир дойдулаахтарбыт өйөөтүлэр.

Онон 48,5 тыһыынча киһи илии баттааһыннаах суругу дойду бэрэсидьиэнэ Владимир Путиҥҥа уонна оборона миниистирэ Сергей Шойгуга ыыппыттарын туһунан актыбыыстар иһитиннэрдилэр.

Итини таһынан сурук өрөспүүбүлүкэ Ил Дархана Айсен Николаевка, Федерация Сэбиэтин чилиэннэригэр Вячеслав Штыровка, Егор Борисовка, Судаарыстыбаннай Дуума депутаттарыгар Галина Данчиковаҕа уонна Федот Тумусовка уопсастыбаннай көҕүлээһини өйүүргүтүгэр диэн көрдөһүүлээх тиксэрилиннэ.

✅ t.iss.one/murusahargata @ulusmedia

#УусАлдаҥҥаСахатыйаатырынкүннэрэ

💢 Тапталлаах Саха тыйаатырбыт артыыстара ыалдьыттыыллар🎭

Кулун тутар 27 күнэ –
Тыйаатыр аан дойдутааҕы күнэ. Бу күнтэн саҕалаан кулун тутар 29 күнүгэр диэри улууспутугар Былатыан Ойуунускай аатынан Саха академическай тыйаатырын күннэрэ ыытылла тураллар.

Гастроллуур бөлөххө 50-ча артыыс, тыйаатыр үлэһиттэрэ, СӨ үтүөлээх артыыһа Иннокентий Луковцев салайыытынан үс күн испиктээкиллэри көрдөрүөхтэрэ.

Бастакы күн, бэҕэһээ Иван Алексеев айымньытынан Руслан Тараховскай туруоруутугар “Суоһалдьыйа Толбонноох” трагедияны Күлүмнүүр аатынан култуура дыбарыаһын саалатыгар толору көрөөччү кэлэн, улаханнык биһирээтэ, астынна.

Салгыыта комментарийга
⏬️⏬️⏬️

✍️ Екатерина Захарова

✅ t.iss.one/murusahargata @ulusmedia