#барыбииргэ

«Оҕону оскуолаҕа тэрий» аахсыйа көмөтүн туттарыы саҕаланна 👍

😍 Россиятааҕы «Биир ньыгыл Россия» баартыйата ыытар «Оҕону оскуолаҕа тэрий» аахсыйатынан улууспутугар байыаннай дьайыы кыттыылаахтарын оҕолоругар бэлэх туттарыы бүгүҥҥүттэн саҕаланна.

📒 🖍 🎒 Улуус баһылыга Василий Аммосов уонна «Биир ньыгыл Россия» Уус Алданнааҕы салаатын сэкирэтээрэ Күннэй Рощина ыалларга ыалдьыттаан, оҕолорго үөрэх тээбириннэрин туттардылар, Василий Иванович оҕолору кытта кэпсэттэ, ситиһиилээх үөрэҕи баҕарда.

Бу аахсыйаҕа политическай баартыйа чилиэннэрэ, байыаннай дьайыыга кыттааччылаах улууспут нэһилиэктэрин дьаһалталара, Мүрү нэһилиэгин түөлбэлэрэ уонна тэрилтэлэртэн ветеринарнай управление кытынна.
Маннык көмө бэлэҕи улууспутугар барыта 110 ыал оҕото тутуоҕа.

✍️ Мария АРГУНОВА

✅ @uamurusahargata @ulusmedia

#барыбииргэ

Көмөбүт – уопсай сорукпут

Уус Алдан улууһун ытыктабыллаах олохтоохторо!

Билэргит курдук, билигин аан дойду үрдүнэн буола турар быһыы-майгы олус кытаатта, байыаннай дьайыыга биһиги улууспутуттан элбэх ыччат кытаанах туруулаһыыга сылдьар, оҕолорбут олохторун толук ууран туран дойдубут көҥүл, нус-хас, эйэлээх олох туһугар хорсуннук киирсэ сылдьаллар.

Байыаннай дьайыы саҕаланыаҕыттан биһиги, уус алданнар, инники күөҥҥэ сылдьар уолаттарбыт кыһалҕаларын быһаарарга көмөлөһүөхтээхпит диэн биир сүбэнэн быһаарыныы ылыммыппыт. Ол чэрчитинэн улууска «Эрэл» анал аһымал пуонда тэриллибитэ. Улуустан делегация хаста да баран биир дойдулаахтарбытын көрсөн, ирэ-хоро кэпсэтэн, бар дьоммут сүрэхтэрин тапталын иҥэрэн ыыппыт көмөлөрүн, кэргэттэрэ-аймахтара суруйбут истиҥ-иһирэх тыллаах суруктарын, илиилэрин сылааһын иҥэрэн астаабыт минньигэс астарын тириэрдибитэ. Ол уолаттар куттарын бөҕөргөтөн, күүстэригэр күүс уган, ханнык баҕарар кыргыһыыттан кыайыылаах тахсалларыгар тулхадыйбат тирэх буолбута саарбаҕа суох.

Бу кыһарҕаннаах кэмҥэ үлэни өссө күүһүрдэр, хас биирдии улуус олохтооҕо көхтөөх кыттыыны ылара ирдэнэр. Билигин инники кирбиигэ сылдьар байыастарбыт хорсун- хоодуот уолаттарбыт санаалара бөҕөх, бары ахтылҕаннаах дойдуларыгар кыайыы-хотуу кынаттаах, үөрүү-көтүү көтөллөөх, өрөгөй ырыа аргыстаах эргиллэн кэлэллэригэр халбаҥнаабат бигэ эрэллээхтэр.

Кыайыыны чугаһатар туһугар биһигиттэн өйөбүл, таптал уонна кыһамньы ирдэнэр. Кыайыы хайаан да биһиэнэ буолуоҕа! Ол туһугар бары бииргэбит! Норуот күүһэ – түмсүүгэ! Түмсүү түмүгэ – кыайыыга!

Бу маннык санаанан салайтаран, улуус Ытык сүбэтэ, бары биир киһи курдук, күннээҕи хамнаспытын «Эрэл» анал аһымал пуондаҕа түмүөххэ диэн биир дойдулаахтарбытын ыҥырабыт!

Ону таһынан бэйэтин сайаҕас баҕа санаатынан күүс-көмө оҥоруон баҕалаах дьону, улууспут тэрилтэлэрин, урбаанньыттарын эмиэ бу үтүө дьыалаҕа кыттыһарга ыҥырабыт!

Туора турумаҥ, холбоһуктаах күүһүнэн дойдубутун кыайыыга тиэрдиэххэ!

Уус Алдан улууһун Ытык сүбэтэ

✅ @uamurusahargata @ulusmedia

#БАРЫБИИРГЭ

⏺Дойдубутугар уустук кэмҥэ билигин барыбытыгар эппиэттээх, хас биирдии киһи Ийэ дойдубутун көмүскээччилэргэ тугунан эмит көмөлөстөрбүт диир кэм кэлэн турар.

Алтынньыга улуус дьаһалтата ыытар «Барыта Кыайыы туһугар» көмө аахсыйатыгар И.С. Портнягин аатынан Сыырдаах орто оскуолатын кэлэктиибэ кыттыста: оскуола үлэһиттэрэ өрбүт маскировочнай сиэккэбитин, буорту буолбат аһы, үлэһиттэртэн биир күннээх хамнас (77 000 солк.) хомуйан туттардыбыт.

Байыаннай дьайыыттан уолаттарбыт этэҥҥэ эргиллэн кэлэллэригэр, ил-эйэ олохсуйарыгар баҕарабыт.

✍️ Ньургуйаана Хорунова, иитэр үлэҕэ дириэктэри солбуйааччы

✅ @uamurusahargata @ulusmedia

#БАРЫБИИРГЭ

✊ Уус Алдан улууһун Дүпсүннээҕи "Сардаҥа" оҕо уһуйаанын бэлэмнэнии уонна улахан бөлөх оҕолоро "ДЕТИ-ВОЛОНТЁРЫ" хамсааһыҥҥа кыттан, иитээччилэрин кытта СВО-ҕа байыастар уот оттоллоругар аналлаах "розжиг" оҥордулар уонна анал уруһуйу кырааскалаатылар.

Кырачааннар эйэлээх олох туһугар кыргыһа сылдьар биир дойдулаахтара кыайан-хотон дьиэлэригэр кэлэллэрин күүтэллэр уонна бэйэлэрин кыахтарынан көмө оҥороллоруттан үөрэллэр.

✅ @uamurusahargata @ulusmedia

#БАРЫБИИРГЭ

⏺ Уус Алдан улууһуттан СВО кытта сылдьар биир дойдулаахтарбытыгар гуманитарнай көмөбүтүн тиксэрэ айаннаабыт "Эрэл" фонда учредителэ Иван Захаров уонна Лөгөй нэһилиэгин депутата Дмитрий Шарков Новоазовскайга тиийээт тарҕатарга бэлэмнии сылдьаллар.

Иван Иванович иһитиннэрбитинэн, барыта 60 кэмпилиэк наадалаах малы, таҥаһы хомуйаллар, ону таһынан улуус олохтоохторо ыыппыт араас көрүҥ көмөлөрүн, тус аадырыстаах баһыылкалары наардыыллар.

✅ @uamurusahargata @ulusmedia

#БАРЫБИИРГЭ

✊ Уус Алдан улууһуттан Иннокентий Троев, Михаил Домотов, Иван Захаров, Дмитрий Шарков састааптаах делегация СВО-ҕа сылдьар уолаттарбытыгар гуманитарнай көмөнү тиксэрэр сырыыта салҕанар.

Бэҕэһээ, ахсынньы 4 күнүгэр, Донецкай народнай республикаҕа Мариуполь, Красная Поляна, Запорожскай уобаласка Мирское, Сладководное нэһилиэнньэлээх пууннар хайысхаларынан сылдьан 14 биир дойдулаах уолаттарбытын көрүстүлэр.

✅ @uamurusahargata @ulusmedia

#БАРЫБИИРГЭ

✊ Уус Алдан улууһун олохтоохторун гуманитарнай көмөлөрүн тиэрдэр делегация бэҕэһээ, ахсынньы 6 күнүгэр, ДНР Бабах Тарама, Восточнай полигон хайысхаларынан сылдьан, 6 биир дойдулаахпытын көрсүбүттэрин "Эрэл" фонда учредителэ Иван Захаров иһитиннэрдэ.

✅ @uamurusahargata @ulusmedia

#БАРЫБИИРГЭ

✊ Уус Алдан улууһуттан СВО-ҕа кытта сылдьар биир дойдулаахтарбытыгар улуус олохтоохторун гуманитарнай көмөлөрүн тиксэрэр делегация ДНР, ЛНР, Запорожскай, Белгородскай, Курскай уобаластарга байыастары көрсөн, барыта 54 кэмпилиэк таҥаһы-сабы, наадалаах малы, онтон да атын тэрили туттарбыттарын, 6 кэмпилиэги Новоазовскайга тирэх пууҥҥа хаалларбыттарын иһитиннэрдилэр.

✅ @uamurusahargata @ulusmedia