💫Ахсынньы 22 күнэ

♈️Хой

Эн түргэн туттуугун-хаптыыгын эрэйэр соһуччу түгэн үүнүөн сөп. Хабыр, кытаанах соҕус буоларыҥ ордук.

♉️Оҕус

Бу күн үп-харчы дьыалатын быһаарарга табыгастаах. Табыллыы эн диэки хайыһар. Ол эрээри, болҕомтолоох буол.

♊️Игирэ

Идеялар уонна кэпсэтинньэҥин – ситиһиигэ күлүүс буолуоҕа. Өйдөммөт түгэн тахсан ылыан сөп эрээри, ол холкутук быһаарыллар дьыала.

♋️Рак

Эмоцияҥ эйигин толору баһылыҕа, ону хонтуруоллууруҥ ирдэнэр. Дьиэтээҕи түбүккэ аралдьыйа сатаа.

♌️Хахай

Эн абылыыр күүһүҥ ханнык да аан арылларыгар көмө буолуоҕа. Итиэннэ туһалаах дьону кытта билсиэххин сөп.

♍️Кыыс

Былааннаргын сааһылаан биэрэриҥ ирдэнэр. Соһуччу уларыйыы тахсыан сөп. Сэрэхтээх буолууҥ мэһэйдиэ суоҕа.

♎️Ыйааһын

Бу күн саҥа билсиһиилэри, айымньылаах бырайыактары эрэннэрэр. Күүскүн элбэх дьыалаҕа бараабакка, манна туһаайарыҥ ордук.

♏️Скорпион

Эйигин соччото суох быһыыга кигэ, уган биэрэ сатыахтара – бэйэҕэр эрэллээх буол. Бэйэҥ өйгөр-санааҕар итэҕэй.

♐️Охчут

Күүһүҥ-уоҕуҥ дэлэй, үчүгэйгэ дьулууруҥ күүстээх – ол ситиһиигэ тиэрдэрин курдук туһана сатаа. Саҥа суоллар арыллыахтара.

♑️Чубуку

Үрдүк ситиһиигэ дьулуһууҥ бэргиэҕэ, ол эрээри, сынньалаҥы умнума, дьүөрэлии сатаа.

♒️Күрүлгэн

Бу күн элбэх түгэни тосхойуо. Көхтөөх, быһаарыныылаах буолуу бары соруктары быһаараргар көмөлөһүөҕэ.

♓️Балыктар

Ыралаан көрөрүҥ күҥҥүн киэргэтиэҕэ, ол эрээри саҕалаабыккын ситэрэр ордук. Барытын хонтуруоллаа.

✅ @uamurusahargata @ulusmedia

📆Ахсынньы 22 күнэ. Өрөбүл күн

🤌Кыһыммыт саамай кылгас күннэрэ тураллар. Бытарҕан да буолбатар, тымныы баар. Өрөбүллэргэ тымныы буолуо диэн билгэ баара.

☀️Бүгүн сарсыарда 6 чааска Бороҕоҥҥо 37 кыраадыс тымныы буолбут. Күнүс 33-35 кыраадыс тымныы буолара күүтүллэр. Арҕааттан сөкүүндэҕэ 1 м түргэннээхтик үрэр тыаллаах ыраас күн.

🤔Тымныы сымныы быһыытыйыах курдук. Сылбыт түмүктэнэрэ чугаһаатар-чугаһаан иһэр. Ол аайы маннык сымнаһыар күннэр төһө уһуннук туруохтарай диэн таайа сатыыбыт.

✍️Афанасий Сектяев

📸 Дария Ордахова

✅@uamurusahargata @ulusmedia

#бэлиэкүн

💡Бүгүн - Энергетик күнэ. Дьыл биир саамай кылгас күнүгэр олохпут сүрүн, тыын өрүтүн - сырдыгы, сылааһы - хааччыйар эйгэ үлэһиттэрин күнүн бэлиэтиибит.

💡 1966 с. ыам ыйын 23 күнүгэр ССРС Үрдүкү Сэбиэтин Президиумун Ыйааҕынан Арассыыйа электрификациятын судаарыстыбаннай былаанын ылынар күн Энергетик күнүн аныырга быһаарыллыбыта. Онтон ахсынньы үһүс өрөбүлүгэр бэлиэтэнэр буолбута уонна кэлиҥҥи кэмҥэ ахсынньы 22 күнүгэр бигэргэтиллибитэ.

💡 Энергетик күнүн Арменияҕа, Беларуссияҕа, Кыргызстаҥҥа уонна Украинаҕа эмиэ бэлиэтииллэр.

💡 Күн ахсын дьиэҕэ сырдыгы, итиини хааччыйар эйгэ үлэһиттэригэр идэлээх күннэринэн итии эҕэрдэ буоллун!

✅ @uamurusahargata @ulusmedia

⚡️ Билигин тыа сиригэр ыччат хаалбат, үлэлиэн баҕарбат буолла диэн кэпсэтиини үгүстүк истэр буоллубут. Ол эрээри, итини барытын ыраас мууска уурар табыллыбат. Төрөөбүт нэһилиэктэрэ, улуустара сайдарын туһугар бэриниилээх ыччат бааллар эбээт.

Сугуннааҕынан сураҕырар Суотту ыччата Николай Заровняев сааһа 25-һэ, билиҥҥи кэм киһитэ. Онон чахчы нэһилиэк, улуус инники эрэлэ. Кини үһүс сылын Бороҕоннооҕу РЭС Суоттутааҕы учаастагар электромонтерунан үлэлии сылдьар. Үһүс разрядтаах, сотору төрдүс разрядка тиийэн үрдээн иһиэҕэ.

Сиһилии👉БАТТАА↩️

✅@uamurusahargata @ulusmedia

💫Ахсынньы 23 күнэ

♈️Хой

Үлэҕэр соһуччу үөскүүр кыһалҕалары быһаарарга тулуурдаах буоларыҥ ирдэнэр. Ыксыыр наадата суох, кэллиэгэлэриҥ сүбэлэрин иһит.

♉️Оҕус

Булгуруйбат кытаанах санааҥ идэҕэр ситиһиилэргэ тиэрдиэҕэ. Соһуччу барыс эбэтэр эн үтүөлэргин билинии кэлиэ.

♊️Игирэ

Үпкүн-харчыгын туттарга сэрэхтээх буол: аһара ороскуотурар куттал баар. Дьону кытта кэпсэтии үчүгэй эмоциялары бэлэхтиэ.

♋️Рак

Бү күн эйиэхэ толкуйдуурга, урукку ситиһиилэргин ырытарга барсар күн. Тус олоххор кыһамньыҥ үтүө түмүктэрин көрүөҥ.

♌️Хахай

Бүгүн элбэҕи оҥоруоҥ, ситиһиэҥ, ол эрээри этиһииттэн, өйдөспөт буолууттан тэйиччи тутта сырыт. Абылыыр күүһүҥ саҥа кэрдиискэ тахсыаҕа.

♍️Кыыс

Үлэҕэр элбэҕи ыйытартан куттаныма – элбэҕи оҥоруоҥ. Дьиэҕэр-уоккар уу-нуурал чуумпу, сынньалаҥ эйгэ үөскээбит кэмэ.

♎️Ыйааһын

Саҥа дьону кытта үлэлэһэргэ этии киириэн сөп. Онуоха эн саҥа саҕалааһыннарна аһаҕас буол.

♏️Скорпион

Өрө күүркэйии эмоцияларын билиэҥ. Интуицияҥ уонна бвһаарыныылаах майгыҥ ситиһиигэ тиэрдиэхтэрэ.

♐️Охчут

Бүгүн олус элбэх саҥа санаа киириэ, ол эрээри аһара ыгылыйартан сэрэхтээх буол. Доруобуйаҕар болҕомтоҕун уур.

♑️Козерог

Уопутуҥ ханнык баҕарар уустук соругу быһаарарга көмөлөһүөҕэ. Дьиэлээхтэриҥ эмиэ көмө-тирэх буолан үөрдүөхтэрэ.

♒️Күрүлгэн

Күнүҥ былааны ырытыһарга табыгастаах. Доҕотторуҥ бэртээхэй сынньалаҥы атаарарга этии киллэриэхтэрэ.

♓️Балыктар

Сэрэйэр дьоҕуруҥ сытыырхайыа. Үлэҕэр үүнэр-сайдар туһугар тус бэйэҕин иһит уонна эрэнэр киһигин кытта кэпсэт.

✅ @uamurusahargata @ulusmedia

📆Ахсынньы 23 күнэ. Аан күн

🤔Сыл бүтэһик нэдиэлэтэ саҕаланна. Оттон тымныыбыт чугас быһыылаах эрээри, тоҕо эрэ кэлбэт. Бэҕэһээ да олус сымнаһыар буолбатах этэ.

🌥Бүгүн сарсыарда 6 чааска Бороҕоҥҥо 37 кыраадыс тымныы буолбут. Күнүс 33-35 кыраадыс тымныы буолара күүтүллэр. Илинтэн сөкүүндэҕэ 2 м түргэннээхтик үрэр тыаллаах былыттаах күн. Эбиэт кэнниттэн кыратык хаардыан сөп диэн билгэлэнэр.

Күнү-дьылы кэтээн көрөр сулууспа иһитиннэрэринэн, нэдиэлэ бүтүүтэ күүскэ тымныйар күүтүллэр. Онон кэнники сыллардааҕы курдук саҥа сыл үүнэр түүнэ тымныы буолуон сөп. Оччотугар тохсунньу да тымныы буолар дуо?

✍️Афанасий Сектяев

📸Дария Ордахова. Мүрү

✅ @uamurusahargata @ulusmedia

⏺Уус Алдан улуустааҕы ИДьО-гар нэдиэлэ устатыгар (16.12. – 23.12.2024) араас хайысхалаах барыта 49 араас көрүҥнээх иһитиннэрии-биллэрии, сайабылыанньа киирэн бэрэбиэркэлэммит.

🔹 Ол иһигэр эт-хаан эчэйиитин ылан "Суһал көмөҕө" көрдөрүү – 14, дьиэҕэ-уокка айдаарыы – 9, уоруу, сүтэрии, түөкүннээһин туһунан – 5, сотрудник рапордара – 5, өлүк көстүүтүн туһунан – 1, дьон түүҥҥү чуумпутун уйгуурдан – 1, атын улуустан, куораттан кэлии иһитиннэриилэр, араас үҥсүүлэр – 10.

🔹 Нэдиэлэ устата саалаах 49 киһи бэрэбиэркэлэммит, 4 сааны харайыыга, илдьэ сылдьыыга сокуону кэһии булулунна.

🔹 Нэдиэлэ устата барыта 78 араас хайысхалаах административнай боротокуол толоруллубут, ол иһиттэн уопсастыбаннай сиргэ итирик туруктаах сылдьан – 8, киһиэхэ эт-хаан эчэйиитин таһааран – 1, дьон түүҥҥү чуумпутун уйгуурдан – 1 уонна да атыттар.

🔹 Паспортнай линиянан административнай боротокуол толоруллубатах, омук сириттэн кэлэн үлэлии сылдьар 7 киһи олорор, үлэлиир сирдэригэр бэрэбиэркэлэммиттэр.

🔹 ГАИ хайысхатынан 479 массыына бэрэбиэркэлэммит, онтон 61 суоппарга араас хабааннаах административнай боротокуол толоруллубут, 2 суоппар арыгы испит туруктаах массыына ыыта сылдьан тутуллубут, 3 автотранспорт штрафстоянкаҕа угуллубут.

🔹 Нэдиэлэ устата 1 холуобунай дьыала тэриллибит.

✅ @uamurusahargata @ulusmedia