🙏 Баара-суоҕа алта эрэ саастаах кырачаан кыыс Нелли Макарова ыарахан ыарыыны кытта хорсуннук охсуһан этэҥҥэ үтүөрэрин туһугар бүгүн Олоҥхо дьиэтигэр аһымал аахсыйа тэрилиннэ.

Манна улууспут тэрилтэлэрэ, биирдиилээн үтүө санаалаах дьон, Нелли аймахтара, төрөппүттэрин доҕотторо кэлэн кырачаан кыыска, кини төрөппүттэригэр, аймахтарыгар өйөбүл, алгыс тылын этэн туран харчынан көмөлөрүн ууннулар.

Тэрээһини Уус Алдан донордарын ассоциацията, дьахтар улуустааҕы сэбиэтэ уонна Дьокуускайдааҕы медицинскэй колледж улуустааҕы филиалын устудьуоннара тэрийэн ыыттылар. Оттон тэрээһини Екатерина Свинобоева иилээн-саҕалаан ыытта.

Аахсыйа түмүгүнэн барыта 141 тыһыынча 800 солкуобай көмө үп киирдэ.

✍️Мария Аргунова

✅ @uamurusahargata @ulusmedia

🎄🤩Лөгөй лицей-интернатын 75 үөрэнээччитэ олорор интернатыгар Саҥа дьылы көрсөр бырааһынньык күн олус көхтөөхтүк, сэргэхтик ыытылынна👏👍

Ырыа, үҥкүү аргыстаах оҕо аймах тэрээһинин үгэс быһыытынан интернат оҕолорун бэйэни салайыныытын түмсүүтэ — 10 кылаас үөрэнээччилэрэ ыыттылар (иитээччи Лариса Карпова).

Оҕолор Саҥа дьыл кэтэһиилээх ыалдьытын Тымныы оҕонньору долгуйа, үөрэ көрүстүлэр. Сылын ахсын Тымныы оҕонньор минньигэс бэлэхтэри оҕолорго туттарар үгэстээх.

Тымныы оҕонньор оруолун Мындаабаттан Тимур Шепелев, Хаарчаананы Хомустаахтан Ариана Попова, Саҥа дьыл уолчааны Бороҕонтон Дима Нафанаилов толордулар.

Хосторунан эмиэ куонкурус биллэриллэн, уолаттар – үс, кыргыттар сэттэ хос аанын киэргэтиигэ олус көхтөөхтүк кыттан, үс бириистээх миэстэ таҕыста.

1 м. "Гарри Поттер" тиэмэлээх 5-с хос.
2 м. Пряничнай 3-с хос.
3 м. Саҥа дьыллааҕы киэргэтиилээх 9-с хос.

Истиэнэ хаһыата:
1 м. 1 хос
2 м. 5 хос
3 м.10 хос

Итиэннэ эмиэ хоһунан эҕэрдэ нүөмэрдэр туруоруллан, бэртээхэй кэнсиэри көрдөрдүлэр. Кэнсиэри лицейгэ Өспөхтөн үөрэнэ кэлбит Камила Маглысова уонна Илья Иванов иилээн-саҕалаан ыыттылар.

Ийэлэр эмиэ куонкуруска кытыннылар. Кэлэр сыл бэлиэтин - Моҕой харыйа оонньуурдарын оҥорон тэрээһини киэргэттилэр.

Эмиэ биир аптаах, алыптаах түгэнинэн интернат үлэһиттэрэ уонна Кэптэни эрэллээх суоппардара түмсэн, хас биирдии оҕо, үлэһит, ыалдьыт илии тутуурдаах, өттүк харалаах барарын хааччыйан лотерея оонньооттулар. Оттон суоппардар Дьокуускайга, Бороҕоҥҥо барар оҕолорго бырааһынньыктааҕы үөрүүлээх түгэни бэлэхтээн, кэлэ-бара сырыыларын буор-босхо таһыаҕа. Оскуола салалтата интернаакка 15 тыһыынча солкуобайдаах сертификаты туттарда.

Онон интернат сэргэх олоҕо өссө үгүс үөрүүнэн туолла, ыалдьыттар, үлэһиттэр, оҕолор дуоһуйа сынньанан, бэртээхэй бырааһынньык ааста.

✍️Ольга Шепелева

✅@uamurusahargata @ulusmedia