​​#экспорт
#муаммо_ва_ечим

Онлайн мулоқотда тадбиркорнинг мурожаати ижрога йўналтирилди

❇️Ўзбекистон Республикаси Бош вазирининг ўринбосари – Инвестициялар ва ташқи савдо вазири Сардор Умурзаков бошчилигида экспортёр корхоналар муаммоларига бағишланган видеконференц алоқа шаклида давра суҳбати ташкил этилди.

✳️Мулоқотда Сардор Умурзаков томонидан ҳудудларда экспортёр корхоналарни қўллаб-қувватлаш, уларга ҚҚС ни кечиктирмасдан қоплаб бериш, экспортга йўналтирилган маҳсулотларга муносиб харидор топиш ва хорижга жўнатишда ўз вақтида амалий ёрдам бериш ҳамда шу каби муҳим масалалар хусусида сўз борди.

🔷Zoom платформаси орқали ташкил этилган онлайн мулоқотда Тошкент вилояти студиясидан Инвестициялар ва ташқи савдо бошқармаси мутасаддилари, экспортёр корхоналарда фаолият олиб бораётган тадбиркорлар иштирок этишди.

📌Тадбир давомида экспортёрларнинг талаб ва таклифлари, мурожаатлари эшитилди. Шунингдек, бугунги кунда юртимизда давлатимиз раҳбари томонидан экспорт фаолияти билан шуғулланиб келаётган тадбиркорлик субъектларига яратиб берилаётган имтиёз ва преференциялар хусусида сўз юритилиб, экспортёрларга тушунчалар берилди.

🔰Тошкент вилояти студиясидан “Naril Textile invest” текстиль корхонаси вакили бўлган чирчиқлик тадбиркорнинг кредит масаласи бўйича онлайн мурожаати тингланди. Масала тадбирда Инвестициялар ва ташқи савдо вазирлиги раҳбарияти томонидан тегишли мутасаддиларга йўналтирилди. Шу билан бирга, тадбиркорга бу борада зарурий маслаҳатлар берилди.

💠Вилоят Инвестициялар ва ташқи савдо бошқармаси Ахборот хизмати.

👉 Каналга аъзо бўлиш👈

Web-site| Facebook| Instagram|YouTube