Toshkent viloyati prokurori A.Mirzayev tomonidan Prezidentimizning 03.01.2025-yildagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-son qarori ijrosi O‘rtachirchiq tumanida o‘rganildi.

Qarorda ko‘rsatib o‘tilganidek, hududlarda ishlamaydigan, mehnat migratsiyasidan qaytib kelgan va bandligi ta’minlanmaganlar tomonidan sodir etilishi mumkin bo‘lgan jinoyatlar va huquqbuzarliklar kriminogen vaziyatga ta’sir qilayotgan asl omillardan biri hisoblanadi.

Misol uchun, o‘tgan yilda tumanda ishlamaydigan va o‘qimaydiganlar tomonidan 44 ta jinoyatlarning sodir etilganligi ham mazkur toifadagi shaxslar bilan tizimli ishlashni talab qiladi.

Bunda asosiy e’tibor yangi ish o‘rinlarini yaratish, ishbilarmon va tadbirkorlarning ishchi xodimlarga bo‘lgan talabini o‘rganish hamda ushbu yo‘nalishdagi muammolarini zudlik bilan hal etishga qaratilishi lozim.

Shu maqsadda viloyat prokurori tumandagi barcha turdagi mebel jihozlari ishlab chiqaruvchi “Qorasuv mebel savdo” OK, yarim tayyor makkajo‘xori mahsulotlarini eksport qiluvchi “Fresh food pact” MCHJ va qo‘ziqorin yetishtirishga mo‘ljallangan “Maneyev agro klaster” MCHJlarda bo‘lib, korxona rahbarlari bilan yuqoridagi masalalar yuzasidan suhbatlashdi.

Bu boradagi nazorat tadbirlar davom ettirilmoqda.

✅ Telegram 🌐Website 📹YouTube 📸 Instagram✅Facebook 🕊Twitter