#Rasmiy

Bugun Xalq deputatlari Toshkent viloyati Kengashining yettinchi chaqiriq birinchi sessiyasi oʻtkazildi

Unda viloyat Hududiy saylov komissiyasi raisi Ulugʻbek Toʻxtayevning joriy yil 27-oktyabrda boʻlib oʻtgan saylov yakunlari toʻgʻrisidagi axboroti tinglandi.

Sessiyada deputat Fayziyeva Sayyora Mavlonovna Xalq deputatlari Toshkent viloyati Kengashi raisi etib saylandi.

Shuningdek, sessiyada xalq deputatlari Toshkent viloyati Kengashiga saylangan deputatlarning partiya guruhlari roʻyxatdan oʻtkazilib, viloyat Kengashining reglamenti va doimiy komissiyalar toʻgʻrisidagi Nizom tasdiqlandi.

Maslahatlashuvda Prezident tomonidan Toshkent viloyati hokimi lavozimiga Zoyir Mirzayev nomzodi koʻrsatilganligi bildirildi.

Xalq deputatlari Toshkent viloyati Kengashining qarori bilan Mirzayev Zoyir Toirovich Toshkent viloyati hokimi lavozimiga tasdiqlandi.

✅ Telegram 🌐Website 📹YouTube 📸 Instagram✅Facebook 🕊Twitter

#Rasmiy

Navbatdagi "Hokimlik soati”da muhim masalalar muhokama qilindi

👉 Batafsil

✅ Telegram 🌐Website 📹YouTube 📸 Instagram✅Facebook 🕊Twitter

#LIVE
#Rasmiy

Ayni paytda Xalq deputatlari Yangiyo`l shahar kengashining navbatdan tashqari sessiyasi bo‘lib o‘tmoqda. Unda hududdan saylangan deputatlar, shahar huquq-tartibot organlari, hududdagi korxona va tashkilot rahbarlari, faollar qatnashmoqda.

Sessiya kun tartibiga tashkiliy masala kiritilgan.

Sessiya ishida Toshkent viloyati hokimi Zoyir Mirzayev ishtirok etmoqda. Kun tartibidagi masala yuzasidan viloyat hokimi tanqidiy-tahliliy nutq so‘zlamoqda.

Xususan, viloyat hokimining Sultanov Dilshod Shuxratovichni shahar hokimi lavozimidan ozod etish to‘g‘risidagi qarori tasdiqlandi. So`zga chiqqanlar bu borada o`z fikr-mulohazalarini bildirib o`tmoqda.

Sessiya ishi davom etmoqda

✅ Telegram 🌐Website 📹YouTube 📸 Instagram✅Facebook 🕊Twitter

#Rasmiy

Ijtimoiy himoya tizimida erishilgan natijalar tanqidiy tahlil qilindi

Bugun Toshkent viloyati hokimi Zoyir Mirzayev raisligida viloyatimizda ijtimoiy himoya borasida qilinayotgan ishlar sarhisobiga bagʻishlangan kengaytirilgan yigʻilish boʻlib oʻtdi.

Unda kambagʻallikka qarshi kurashish, kambagʻal oilalarni aniqlash va ularga xizmatlar koʻrsatish, kambagʻallikdan chiqarish boʻyicha qilingan ishlar tanqidiy tahlil qilindi. Bu borada respublika ishchi guruhi tomonidan olib borilgan oʻrganish yakunlari boʻyicha xulosa oʻqib eshittirildi.

Qayd etilganidek, joylarda kambagʻal oilalarni aniqlash, ularni reyestrga kiritib, faol ish olib borish boʻyicha amaldagi tartib ishga alohida masʼuliyat bilan yondashishni taqozo qiladi. Xususan, xatlov natijalariga koʻra, kambagʻal deb hisoblanayotgan oilalarni oʻrganib, elektron platformaga kiritish, oilaning shart-sharoitiga baho berishda tezkorlik yetishmayapti.

– Davlatimiz rahbarining bu boradagi yuksak insonparvarlik siyosatini tatbiq etishda bir daqiqa ham sustkashlikka yoʻl qoʻymaslik, yordamga muhtoj oilani tezlik bilan reyestrga kiritib, amaliy yordam berishni boshlash zarur. Bu masalada sustkashlikka yoʻl qoʻyganlarning sohada ishlashga haqi yoʻq, – dedi viloyat hokimi Zoyir Mirzayev.

Yigʻilishda, shuningdek, faol hayotga qaytish istagida boʻlgan nogironligi boʻlgan fuqarolar bilan ishlash, ularning orzu-maqsadlaridan kelib chiqib, sharoit yaratish borasidagi ustuvor vazifalar koʻrib chiqildi. Jumladan, 2025-yilda viloyatda ularning 530 nafari adaptiv sport turlariga jalb qilinadi, 765 nafari kasb-hunarga oʻqitiladi, mehnatga layoqatli 2 412 nafar fuqaro esa jismoniy imkoniyati cheklangan shaxslarga moslashtirilgan ish bilan taʼminlanadi.

Majlisda kun tartibidagi masala yuzasidan masʼullarning axboroti eshitildi va 2025-yilda amalga oshiriladigan ustuvor vazifalar belgilab olindi.

Yigʻilishda Ijtimoiy himoya milliy agentligi direktorining oʻrinbosari Usmon Sharifxoʻjayev ishtirok etdi va nutq soʻzladi.

✅ Telegram 🌐Website 📹YouTube 📸 Instagram✅Facebook 🕊Twitter

#Rasmiy

Ijro intizomi boʻyicha tanqidiy yigʻilish oʻtkazildi

Viloyat hokimligida ijro intizomiga bagʻishlangan tanqidiy yigʻilishi oʻtkazildi. Yigʻilishda viloyat hokimligi ijro nazorati guruhi rahbari Farrux Rahmatullayevning axboroti eshitildi.

Ijro intizomini buzgan yoki kechiktirib bajargan masʼul mutasaddilar, xususan, viloyat hokimligi kotibiyat mudirlari, boshqarma va tashkilotlar rahbarlari, shahar va tumanlardan masʼul xodimlarning holatga izohi eshitildi.

Xususan, ijrosi kechikkan topshiriqlarning asosiy qismi iqtisod va qurilish sohasiga toʻgʻri kelishi qayd etildi, tegishli masʼul xodimlarga intizomiy jazo berildi.

Yigʻilishda viloyat hokimi Zoyir Mirzayev ishtirok etdi.

✅ Telegram 🌐Website 📹YouTube 📸 Instagram✅Facebook 🕊Twitter