#Rasmiy

“Eltuz” telegram kanalida Ohangaron tumanida 20 gektar giloszordagi daraxtlar kesib tashlangani haqida tanqidiy material chop etildi. Ushbu holat yuzasidan quyidagilarni maʼlum qilamiz.

Postda yozilganidek, Ohangaron tumanidagi 20 gektar giloszor deyilayotgan bogʻ, aslida, “Buviniso Olima” fermer xoʻjaligiga tegishli boʻlgan bodomzor boʻlib, ushbu bodomzor 2020-yilda tashkil etilgan. Yangi ekilgan bodomlar erta gullaydigan navidan boʻlganligi sababli, oʻtgan yili qishda koʻchatlarni sovuq urgan. Fermer xoʻjaligi rahbari Iskandar Sarimsaqov 2024-yilning 16-fevral kuni oʻz fermer xoʻjaligiga qarashli 592, 593, 594, 595, 596 va 597-konturdagi jami 16 gektar yer maydonidagi bodomzorning hosildorligi va rentabelligi yoʻqligi sababli, ushbu bogʻni buzib, oʻrniga boshqa daraxt koʻchatlarni oʻtqazishni soʻrab, tuman hokimiga murojaat etgan. 

Uning ushbu murojaati yuzasidan tuman Fermer, dehqon xoʻjaligi va tomorqa yer egalari Kengashi rahbari Abdumannob Xoʻjayorov boshchiligida ishchi guruh tuzilib, fermerning arizasida koʻrsatilgan holat oʻrganildi. Oʻrganishlar davomida mazkur yer maydoniga 2019-2020-yil bahor-kuz oylarida bodomning “Qilich”, “Бумажный” navlari ekilgan va ushbu bogʻga tomchilatib sugʻorish texnologiyalari joriy qilingan. Biroq jami 16 gektar yer maydonidagi bodomzor 2023-yil qish oylaridagi anomal sovuq tufayli hamda tuproq iqlim sharoitining sovuqligi, shuningdek, bodomlar erta gullaganligi bois, uning gullari, kurtaklari va tana qismini sovuq urganligi aniqlangan. Koʻchatlar yaroqsiz holga kelganligi uchun, ushbu bodomzor iqtisodiy jihatdan samarasiz, deb topilgan. Fermerga esa ushbu bogʻni buzib, iqlim sharoitidan kelib chiqib, eksportbop, intensiv, serhosil va iqtisodiy samarador boʻlgan mevali daraxt koʻchatlarini ekish tavsiya etilgan.

Shundan kelib chiqib, “Buviniso Olima” fermer xoʻjaligi rahbari oʻz xohishi bilan ushbu bogʻni 2024-yilning dekabr oyida buzgan. Ushbu yerga fermer xoʻjaligi tomonidan shu yilning bahor oylarida boshqa turdagi mevali daraxt koʻchatlarini ekish rejalashtirilgan.

Bu joy kommunikatsiya tarmoqlari va aholi yashash manzilidan uzoqligi bois, koʻp qavatli uylar qurilishi toʻgʻrisidagi gaplar mutlaqo asossizligini bildiramiz.

Toshkent viloyati hokimligi Axborot xizmati.

✅ Telegram 🌐Website 📹YouTube 📸 Instagram✅Facebook 🕊Twitter

#Rasmiy

Bosh prokurorning buyrug‘iga asosan adliya katta maslahatchisi Mirzayev Azamat Egamberdiyevich Toshkent viloyati prokurori lavozimiga tayinlandi.

A.Mirzayev tayinlovga qadar Navoiy viloyati prokurori lavozimida ishlagan.

═══════════

В соответствии с приказом Генерального прокурора старший советник юстиции Мирзаев Азамат Эгамбердиевич назначен прокурором Ташкентской области.

А.Мирзаев ранее занимал должность прокурора Навоийской области.

✅ Telegram 🌐Website 📹YouTube 📸 Instagram✅Facebook 🕊Twitter

#Rasmiy_bayonot

Bugun, 6 - iyul kuni soat 16:38 da Toshkent viloyati, Bo‘stonliq tumani, “Qoranko‘l” MFY qir-adirligida quruq o‘t (shox-shabba) yonayotganligi to‘g‘risida FVBga xabar tushgan.

Yong‘in joyiga 4 ta yong‘in-qutqaruv ekipaji soat 17:00 da yetib borgan va soat 18:50 da qurshab olingan.

Shuningdek, yong‘in hududi kengayishiga yo‘l qo‘ymaslik uchun “Burchmulla” o‘rmon xo‘jaligidan ham yong‘in o‘chirish ishlariga xodimlar jalb qilingan.

Hodisa oqibatida aholi punktlariga xavf yetmagan va tan jarohati olish holatlari yo‘q, yong‘in soat 19:16 da o‘chirilganini ma’lum qilamiz.

✅Telegram 🌐Website 📹YouTube 🌐 Instagram✅Facebook 🕊Twitter

#Rasmiy_bayonot

Bugun, 23-iyul soat 10:50 da Toshkent viloyati Favqulodda vaziyatlar boshqarmasiga Qibray tumani, "G‘.G‘ulom" MFY,  A.Navoiy ko‘chasida joylashgan yashash uyi va qurilish mollari do‘konida yong‘in sodir bo‘layotganligi to‘g‘risida xabar kelib tushgan.

Yong‘inni o‘chirish uchun 5 ta yong‘in-qutqaruv ekipaji soat 10:57 da voqea joyiga yetib borib, 11:17 da maydon o‘rab olingan va yong‘in soat 11:50 da to‘liq o‘chirilgan.

Tan jarohati olganlar toʻgʻrisida murojaat kelib tushmagan. Hozirda yong‘in sababi va zarari aniqlanmoqda.

✅Telegram 🌐Website 📹YouTube 🌐 Instagram✅Facebook 🕊Twitter

#Rasmiy_bayonot

Bo‘stonliq tumani Xo‘jakent o‘rmon xo‘jaligida sodir bo‘lgan yong‘in boʻyicha bayonot

Bugun, 24-iyul kuni soat 11:16 da Toshkent viloyati Favqulodda vaziyatlar boshqarmasiga Boʻstonliq tumani "Xo'jakent" MFY tog‘li hududida taxminan 2 gektar maydonda quruq o‘t va shox-shabbalar yonayotganligi to‘g‘risida xabar kelib tushgan.

FVVning yong‘in-qutqaruv ekipaji qutqaruvchilari hamda tegishli tashkilotlar xodimlari voqea joyiga 11:30 da yetib borgan va hudud qurshab olingan.

Ayni vaqtda yong‘in bartaraf qilinmoqda. Ushbu yong‘inni bartaraf etish uchun yetarli kuch va vositalar jalb qilingan.

Yong‘inni keltirib chiqargan sabablar va boshqa tafsilotlar haqida qo‘shimcha axborot beriladi.

Behzod Kabulov,
Toshkent viloyati hokimining
matbuot kotibi

✅Telegram 🌐Website 📹YouTube 🌐 Instagram✅Facebook 🕊Twitter