#Bilasizmi #FHDY

💠Fuqarolik holati dalolatnomalarini yozish (FHDY) organlari haqida ma'lumotlar

📌FHDY organlari tegishli yozuvlar orqali quyidagi fuqarolik holatlari dalolatnomalarini qayd etadi:
➖tug‘ilganlik haqida;
➖nikoh tuzish haqida;
➖nikohdan ajralish haqida;
➖o‘lim haqida.

🔹Fuqarolik holati dalolatnoma yozuvlari davlat ahamiyatiga molik hujjatlar hisoblanadi, bir nusxada tuziladi va FHDY organlarida qayd etilgan vaqtdan boshlab 75 yil mobaynida saqlanadi.

📎Dalolatnoma yozuvlarini qayd etish quyidagi holatlarda rad qilinishi mumkin:
➖agar dalolatnoma yozuvini qayd etish qonunchilikka zid bo‘lsa;
➖agar taqdim etilgan hujjatlar ularga nisbatan qonun hujjatlarida qo‘yiladigan talablarga muvofiq bo‘lmasa;
➖agar dalolatnoma yozuvini qayd ettirish uchun murojaat qilgan shaxs bunga huquqli bo‘lmasa yoki sud tomonidan muomalaga layoqatsiz deb topilgan bo‘lsa.

❕Fuqarolik holati dalolatnoma yozuvlarini qayd etish rad qilingan shaxsning talabiga ko‘ra FHDY organi 15 kun muddatda ushbu shaxsga yozma yoki elektron shaklda rad etish sababini ma’lum qilishi lozim.

❗️FHDY organlari xodimlari, shuningdek konsul o‘zi, eri yoki xotini o‘zining va uning qarindoshlari (ota-onalari, bolalari, nevaralari, bobolari, buvilari, tug‘ishgan aka-uka, opa-singillari) to‘g‘risida dalolatnoma yozuvlarini qayd etishga yoki ularga tegishli o‘zgartirish, tuzatish va qo‘shimchalar kiritishga haqli emaslar.

🔹Bunday holatlarda dalolatnoma yozuvlarini qayd etish yoki ularga o‘zgartirishlar, tuzatishlar va qo‘shimchalar kiritish bo‘ysunish tartibida yuqori organning yozma ko‘rsatmasi asosida boshqa xodim tomonidan yoki boshqa FHDY organida amalga oshiriladi. Dalolatnoma yozuvlarining “Belgilar uchun” ustuniga bu to‘g‘rida tegishli yozuv kiritiladi.

📝Asos: O‘zbekiston Respublikasi Vazirlar Mahkamasining 20.10.2023 yildagi 550-son qarori

😄Kanalga ulanish👇👇👇
https://t.iss.one/davxizmat

#Bilasizmi #FHDY #Arxiv

📃Fuqarolik holati dalolatnomalari arxiv ma’lumotnomalari (tug‘ilish, nikoh, nikohdan ajralish, o‘lim, yolg‘iz ona, otalikni belgilash, familiya, ism va otasining ismi o‘zgartirilganligi, ma’lumotlar mavjud yoki mavjud emasligi haqida va boshqa ma’lumotlar)

👫Ariza beruvchilar davlat xizmatidan foydalanish uchun Davlat xizmatlari markaziga shaxsan kelib yoki Yagona interaktiv davlat xizmatlari portali (YIDXP) orqali murojaat qiladi.

👫Davlat xizmatidan foydalanuvchilar toifasi:
Jismoniy shaxslar

🏛Vakolatli organ:
Qoraqalpog‘iston Respublikasi Adliya vazirligi, viloyatlar va Toshkent shahar hududiy adliya boshqarmalari fuqarolik holati dalolatnomalarini yozish arxivlari

🗂Davlat xizmatidan foydalanish uchun talab etiladigan ma’lumotlar:
📎So‘rovnomada shaxsga oid quyidagi ma’lumotlar ko‘rsatiladi:
➖familiyasi, ismi va otasining ismi (o‘zgargan bo‘lsa, bu haqda ma’lumotlar ko‘rsatiladi);
➖pasport yoki identifikatsiyalovchi ID-kartasi ma’lumotlari (JShShIR ma’lumotlari);
➖ma’lumotnoma tili (o‘zbek/rus);
➖yashash manzili;
➖elektron manzili (mavjud bo‘lsa) va telefon raqami.

👫Hujjat so‘ralayotgan shaxsning ma’lumotlari:
➖familiyasi, ismi, otasining ismi;
➖ma’lumotnoma turi (tug‘ilish, nikoh, nikohdan ajralish, o‘lim, yolg‘iz ona, otalikni belgilash, ma’lumotlar mavjud yoki mavjud emasligi haqida va boshqa ma’lumotlar);
➖dalolatnoma yozuvi qayd etilgan yil va sana:
➖talab etilayotgan ma’lumotlar qayd etilishi mumkin bo‘lgan davr;
➖dalolatnoma yozuvi qayd etilgan hudud (hudud nomi yoki respublika miqyosida).

📌So‘rovnomaga ilova qilinadigan hujjatlar:
➖uchinchi shaxslar manfaatida harakat qilinayotganda — notarial tasdiqlangan ishonchnoma (chet elda yashovchi fuqaro tomonidan berilgan hamda chet tilida tuzilgan ishonchnoma belgilangan tartibda legalizatsiya qilingan yoki apostil qo‘yilgan bo‘lishi lozim);
➖tegishli holatlarda marhumga qarindoshligini tasdiqlovchi hujjatlar;
➖qonuniy vakil bo‘lsa, buni tasdiqlovchi hujjat nusxasi.

❗️Pasport yoki shaxsini tasdiqlovchi boshqa hujjat nusxasi “Elektron hukumat” tizimi idoralararo integratsiyalashuv platformasi orqali so‘rab olinadi.

💰Davlat xizmatini ko‘rsatganlik uchun undiriladigan yig‘im miqdori:
Bazaviy hisoblash miqdorining 5 foizi miqdori.

📆Davlat xizmatini ko‘rsatish muddati:
2 ish kuni

Asos: O‘zbekiston Respublikasi Vazirlar Mahkamasining 20.11.2023 yildagi 612-son qarori

😄Kanalga ulanish👇👇👇
https://t.iss.one/davxizmat