#yashirin_iqtisodiyot

Tadbirkorlik subyekti xarid cheki bermasdan savdo qilsa yoki xizmat koʻrsatib tushum pulini kirim qilmadimi, demak, u soliq toʻlashdan boʻyin tovlayapti.

Soliq kodeksining 22-moddasida tovar va xizmatlar realizatsiya qilinganida unga chek berish soliq toʻlovchining majburiyati etib belgilangan.

Aks holda soliq huquqbuzarligi sodir etilgan boʻladi va SK 221-moddasiga asosan, nazorat-kassa texnikasining yoki hisob-kitob terminallarining qoʻllanilishi majburiy boʻlgani holda, ularni qoʻllamasdan savdoni amalga oshirganlik va xizmatlar koʻrsatganlik, shuningdek, hisob-kitob terminallari orqali toʻlovlarni qabul qilishni rad etganlik, deb baholanadi.

Bunday holatda tadbirkorlik subyektiga 5 million soʻm, huquqbuzarlik yil davomida qayta takrorlanganida esa 10 million soʻm miqdorida jarima solinishiga sabab boʻladi.

Maʼlumot uchun, joriy yilda xuddi shunday holat boʻyicha soliq organi xodimlari tomonidan 3 mingdan ziyod sayyor soliq tekshiruvlari oʻtkazilgan.


Тelegram |Facebook |Youtube| Instagram |X| Threads

#E_ijara #yashirin_iqtisodiyot

Joriy yilning 9 oyida soliq organlarida 529 628 ta ko‘chmas mulk ijara shartnomasi hisobga qo‘yildi.

🖇Foydali havolalar

👉Ijara shartnomalarini hisobga qo‘yishda talabalardan elektron raqamli imzo talab etilmaydi
👉Uy-joylarni talabalarga ijaraga berishdan olingan daromadlarga soliq solinmaydi
👉Ijara.soliq.uz saytidagi ijara shartnomasi qanday bekor qilinadi?

❗️2024-yil uchun ijara to‘lovining eng kam stavkalari haqida boshqarma boshlig‘i D.Xashimova batafsil ma'lumot berdi

Тelegram |Facebook |Youtube| Instagram |X| Threads

#yashirin_iqtisodiyot #ijtimoiy_sorovnoma

Yashirin iqtisodiyot nima?

Yashirin iqtisodiyot – bu iqtisodiyotning tadbirkorlik faoliyati odatda rasmiy roʻyxatga olinmagan, soliqqa tortilmaydigan va rasmiy statistika va nazorat doirasidan tashqarida qoladigan turli norasmiy iqtisodiy faoliyatni ifodalovchi iqtisodiyot tarmogʻidir.

▪️norasmiy bandlik
▪️qonuniy boʻlmagan ish haqi
▪️norasmiy tadbirkorlik
▪️noqonuniy tovarlar va xizmatlar savdosi
▪️soliq toʻlashdan boʻyin tovlash

Bunday harakatlar rasmiy qoidalar va tartiblarni chetlab oʻtadi. Darhaqiqat, davlat idoralaridan daromadlarni yashirish yoki soliq toʻlashdan boʻyin tovlashga olib keladigan har qanday tadbirkorlik faoliyatini yashirin iqtisodiy faoliyat deb hisoblash mumkin.

Oʻzbekiston fuqarolarining aksariyati yashirin iqtisodiyotga duch kelgan.

Soliqdan qochganlarga qanday choralar qo‘llanilishi kerak?

📹 Jamoatchilik fikri bilan batafsil videolavhada tanishing

Тelegram |Facebook |Youtube| Instagram |X| Threads

#nazorat_tadbiri #yashirin_iqtisodiyot

Yashirin iqtisodiyotga qarshi o‘tkazilgan 1 315 ta nazorat tadbirlarida huquqbuzarlik holatlari aniqlangan

 Soliq organlari tomonidan yashirin iqtisodiyotga qarshi kurashish maqsadida, umumiy ovqatlanish sohasida onlayn – NKTdan foydalanish hamda tadbirkorlik subyektlari tomonidan ayrim tovarlarni majburiy raqamli markirovkalash qoidalariga rioya qilinishi bo‘yicha sayyor soliq tekshiruvlari o‘tkazilmoqda.

Joriy yilning sentabr-oktabr oylarida o‘tkazilgan 1 315 ta nazorat tadbirlarida qator huquqbuzarlik holatlari aniqlangan. Natijada huquqbuzarlarga nisbatan jami 10,8 mlrd so‘m miqdorida moliyaviy jarima qo‘llanilgan.

Umumiy ovqatlanish sohasida :

▫️ 960 ta holatda xaridorga onlayn-NKTdan 117,4 mln so‘mga chek berilmaganligi hamda 529,8 mln so‘m naqd pullar onlayn-NKTga kirim qilinmaganligi;
▫️113 ta holatda 141 nafar norasmiy ishchilar faoliyat yuritayotganligi;
▫️63 ta holatda markirovkalanmagan 4,6 mln so‘mlik alkogol mahsulotlari savdoga qo‘yilganligi;
▫️15 ta holat (nazorat xaridi)da to‘lovlarni jismoniy shaxslarning bank plastik kartochkalariga o‘tkazish orqali amalga oshirilganligi;
▫️ 41 ta holatda foydalanilayotgan avtomatlashtirilgan hisobga olish o‘lchov vositalarini soliq organlari axborot tizimlariga integratsiya qilinmaganligi aniqlangan.

Makirovkalash qoidalariga rioya qilinishi (121 ta dori vositalari va tibbiy buyumlar 114 ta alkogol, 84 ta tamaki, 34 ta maishiy texnika sotuvchilar):

▫️343 ta holatda onlayn-NKTdan 32,4 mln so‘mga chek berilmaganligi hamda 283,2 mln so‘m naqd pullar onlayn-NKTga kirim qilinmaganligi;

▫️ 47 ta holatda markirovkalanmagan 63,4 mln so‘mlik mahsulotlar savdoga qo‘yilganligi;
▫️21 ta holatda 6,3 mln so‘mlik aksiz markasiz va hujjatsiz alkogol va tamaki mahsulotlari savdoga qo‘yilganligi aniqlandi.

Bundan tashqari, Soliq qo‘mitasi xodimlari tomonidan alkogol mahsulotlarini ishlab chiqaruvchi «U.Sh» MCHJda o‘tkazilgan sayyor soliq tekshiruvida:
▫️ 31,1 mln so‘mlik tovar moddiy zaxiralari qoldig‘i omborlarda mavjud emasligi;
▫️38,9 mln so‘mlik tovar moddiy zaxiralari qoldig‘i omborlarda ortiqchaligi;
▫️960,9 mln so‘mlik 139,4 ming dona ishlab chiqarilgan alkogol mahsulotlar buxgalteriyada aks ettirilmaganligi;
▫️1 507,4 mln so‘mlik 199 ming dona ishlab chiqarilgan alkogol mahsulotlari bo‘yicha maʼlumotlar “Asl belgisi” axborot tizimiga yuborilmaganligi;
▫️7 nafar ishchilarning ish haqi summasi hisobotda aks ettirilmaganligi aniqlandi.

Natijada SK 223- va 227 prim 1- moddalariga asosan korxonaga nisbatan 426,7 mln so‘m moliyaviy jarima qo‘llanilgan.

Тelegram |Facebook |Youtube| Instagram |X| Threads

#Prezident #yashirin_iqtisodiyot

"To‘g‘ri ishlayotgan, tushumlarini to‘liq ko‘rsatib, soliqlarini o‘z vaqtida to‘layotgan tadbirkorlar bir narsadan hotirjam bo‘lsin. Bunday tadbirkorlarni biz har tomonlama qo‘llab-quvvatlashni davom ettiramiz"

Sh. Mirziyoyev


Telegram | Facebook | Youtube | Instagram

#Mirzo_Ulugbek #soliq_tushumlari #yashirin_iqtisodiyot

Mirzo Ulug'bek tumani Soliq inspeksiyasida tuman hokimi B.Gaibnazarov, shahar hokimining birinchi o‘rinbosari B.Haydarov hamda Toshkent shahar Soliq boshqarmasi boshlig'i o'rinbosari J.Maxmadustovlar ishtirokida yig'ilish bo'lib o'tdi.

Unda Inspeksiya shaxsiy tarkib xodimlari ishtirok etishib, soliq to'lovchilarning muammolarini joyida bartaraf etish, faoliyati vaqtincha to'xtab qolgan tadbirkorlik subyektlariga ko'mak ko'rsatib faoliyatlarini qayta tiklash, ularga soliqchi-ko'makchi tamoyili asosida amaliy yordam ko'rsatish yuzasidan mas'ullarga tegishli ko'rsatmalar berildi.

Tadbirda soliq tushumlari rejasini bajarilishi ahvoli, soliq prognozi ijrosini o‘z vaqtida ta’minlash, qo‘shimcha soliq manbalarini aniqlash, mamlakat budjetiga soliqlarni sifatli undirilishini ta'minlash borasida amalga oshirilgan ishlar, sohadagi kamchiliklar muhokama etilib, tegishli chora-tadbirlar belgilab olindi hamda mas’ullarga tegishli topshiriqlar berildi. Bundan asosiy ko'zlangan maqsad yashirin iqtisodni oldini olish hamda tadbirkorlarga ko'mak ko'rsatishdir.

Toshkent shahar soliq boshqarmasi Axborot xizmati

Telegram | Facebook | Youtube | Instagram

#yashirin_iqtisodiyot

Naqd pulsiz hisob-kitoblar rag‘batlantiriladi

Davlatimiz rahbari Hukumat faoliyatining eng muhim yo‘nalishlarini belgilab berdi.

Makroiqtisodiy muvozanatni saqlab, kelgusi besh yilda iqtisodiy o‘sish surʼatini 6-7 foiz atrofida taʼminlash zarur. Bunda inflyatsiya darajasi 5-6 foiz, budjet taqchilligi 3 foiz doirasida bo‘lishiga erishish, yillik kreditlash hajmini 30 milliard dollarga olib chiqish asosiy vazifa bo‘ladi.

Shu bilan birga norasmiy iqtisodiyotni “soyadan chiqarish”da raqamli texnologiyalarni tayanch vositaga aylantirish lozim. Xususan, kelgusi yilda naqd pulsiz hisob-kitoblarni yanada rag‘batlantirib, onlayn to‘lovlar ulushini 60 foizga yetkazish muhim vazifa bo‘ladi.

Тelegram |Facebook |Youtube| Instagram |X| Threads