" ክረምቱ ይገባል በኛ በኩል ጊዜውን ከዚህ በላይ መግፋት አንችልም " - የኢትዮጵያ ብሔራዊ ምርጫ ቦርድ

" ምርጫው የሚደረግባቸው አካባቢዎች የፀጥታ ሁኔታ፣ የበጀት እና ድምፅ የሚሰጥበት ቀን እና ጊዜ ይታሰብበት " - ተፎካካሪ ፖርቲዎች እና ሲቪክ ማህበራት

የኢትዮጵያ ብሔራዊ ምርጫ ቦርድ በፀጥታ ችግር ምክንያት 6ኛው ጠቅላላ ምርጫ ያልተደረገባቸው እና ቀሪ ምርጫ የሚደረግባቸው የቤኒሻንጉል ጉሙዝ፣ አፋር፣ ሶማሌ እና ማዕከላዊ ኢትዮጵያ አራት ክልሎች  በሰኔ 6 2016 ዓ/ም ምርጫ የሚደረግ መሆኑን አሳውቋል።

ምርጫ ቦርድ ከጥር 22 ፥ 2016 ዓ/ም ጀምሮ የምርጫ ቢሮዎችን የመክፈት እንቅስቃሴ በመጀመር ፣ የምርጫ አስፈፃሚዎችን ምልመላ እያከናወነ ሲሆን የመራጮች ምዝገባ ከሚያዚያ 7 እስከ ሚያዚያ 21 / 2016 ዓ/ም ለማድረግ አቅዷል።

ምርጫ ያልተደረገባቸው እና ቀሪ ምርጫ የሚደረግባቸው ፦
👉 4 ክልሎችን ፣
👉 29 የምርጫ ክልሎችን ፤
👉 1146 አጠቃላይ የምርጫ ጣቢያዎችን፣
👉 በ34 የሀገር ውስጥ የተፈናቃዮች የምርጫ ጣቢያዎች ፣ ወደ 5730 የሚሆኑ የምርጫ አስፈፃሚዎችን ባካተተ መልኩ ለ9 የህዝብ ተወካዮች ምክር ቤት መቀመጫ እና ለ26 የክልል ምክር ቤት መቀመጫ ምርጫ ይደርጋል።

የሲቪክ ማህበራት እና ተፎካካሪ ፓርቲዎች ምን አሉ ?

- የምርጫ ጊዜው ክረምት መሆኑ አብዛኛው መራጭ አራሽ ገበሬ መሆኑን ያላገናዘበ መሆኑ ፤ በተጨማሪም የምርጫው ቀን ሰኔ 6 2016 ዓ/ም ቀን ሐሙስ የሚውል መሆኑን ተከትሎ ቀኑ እንዲሻሻልና በእረፍት ቀናት እንዲደረግ ሀሳብ አላቸው።

- ለመራጮች ምዝገባ የተሰጠው ቀን ከሚያዚያ 7 እስከ 21 መሆኑ እና የእጩዎች ምዝገባና ከሚያዚያ 7 እስከ ሚያዚያ 16 ፥ 2016 ዓ/ም መሆኑ የሚያንስ ስለሆነ ቀኑ እንዲጨመር ጠይቀዋል።

- ምርጫ ከሚደረግባቸው ክልሎች አንዱ በሆነው ቤንሻንጉል ክልል መተከል እና ካማሺ እና ሌሎች አካባቢዎች ባለ የፀጥታ ችግር ምክንያት ምርጫውን ለማድረግ አስቸጋሪ በመሆኑ ቦርዱ አራቱ ክልሎች ያሉበትን የፀጥታ ሁኔታን የሚለይ ግምገማ አድርጎ ከሆነ ጥያቄ ቀርቦለታል።

የኢትዮጵያ ምርጫ ቦርድ ወ/ሮ ሜላተ ወርቅ ሀይሉ ለጥያቄዎቹ ምን ምላሽ ሰጡ ?

የምርጫ ቀኑ #ሐሙስ እንዲሆን የተወሰነው ቅዳሜ እና እሁድ የእረፍት እና የገበያ ቀናት በመሆናቸው ምክንያት ያን ታሳቢ በማድረግ መሆኑን ገልጸዋል።

ቦርዱ ጥያቄውን #የሚቀበለው መሆኑን እና ቀኑ ወደ እረፍት ቀናት ሊቀየር የሚችልበትን ሁኔታ እንዳለ ፍንጭ ተሰጥተል።

ቀኑ አጠረ ስለተባሉት የምዝገባ ቀናት ከጊዜ እጥረት አኳያ መሆኑን ገልጸዋል።

ቦርዱ ምርጫ በሚደረግባቸው ክልሎች ያሉበትን የፀጥታ ሁኔታ በተመለከተ ከሚመለከተው አካል መረጃ ጠይቆ በመጠባበቅ ላይ ነው።

ቀጣይ ከባለድርሻ አካላት ጋር የፀጥታ ሁኔታ ግምገማ ስብሰባ እንደሚኖር በመግለፅ የፀጥታ ሁኔታውን ለባለድርሻ አካላት ይፋ የሚያደርግ መሆኑን አመልክተዋል።

@tikvahethiopia

#AddisAbaba

የሚዘጉ መንገዶች ይፋ ሆኑ።

128ኛው የዓድዋ ድል መታሰቢያ ክብረ በዓል በአዲስ አበባ ይከበራል፡፡

በዓሉ ፒያሳ አካባቢ በሚገኘው የዓድዋ ድል መታሰቢያ ሙዚየም እንደሚከበር ተገልጿል፡፡

ይህ ተከትሎ መንገዶች ይዘጋሉ።

በዚህም መሰረት፡-

- ከአፍንጮ በር ወደ ቅ/ጊዮርጊስ ቤ/ክርስቲያን

- ከሰሜን ሆቴል ወደ ቅ/ጊዮርጊስ ቤ/ክርስቲያን

- ከዮሃንስ ቤተ ክርስቲያን ወደ አቡነ ጴጥሮስ
• ከአራት መንታ ወደ ጅንአድ

- ከይርጋ ሃይሌ የገበያ ማዕከል ወደ አቡነ ጴጥሮስ

- ከሃብተ ጊዮርጊስ ድልድይ ወደ ሱማሌ ተራ

- ከሱማሌ ተራ ወደ ኤሊያና ሆቴል(ባንኮዲሮማ) መስቀለኛ

- ከተክለ ሃይማኖት አደባባይ ወደ ቴዎድሮስ አደባባይ

- ከአገር አስተዳደር መብራት( ኢሚግሬሽን) ወደ ቴዎድሮስ አደባባይ

- ከንግድ ማተሚያ ቤት ወደ ቴዎድሮስ አደባባይ

- ከአሮጌው ቄራ ወደ ባንኮ ዲሮማ መብራት

- ከራስ መኮንን ድልድይ ወደ ደጎል አደባባይ

- ከራስ መኮንን ድልድይ ወደ ቅ/ጊዮርጊስ ቤ/ክርስቲያን

- ከመቅደላ ሆቴል ወደ ቅ/ጊዮርጊስ ቤ/ክርስቲያን

- ከቅ/ጊዮርጊስ ቤ/ክርስቲያን ወደ ቴሌ እና ወደ ቅ/ጊዮርጊስ ቤ/ክርስቲያን ፊት ለፊት ወደሚገኘው አደባባይ የሚወስዱት መንገዶች የካቲት 23 ቀን 2016 ዓ/ም ከንጋቱ 11 ሰዓት ጀምሮ ለተሽከርካሪ ዝግ ይሆናሉ።

አሽከርካሪዎች አማራጭ መንገዶችን እንዲጠቀሙ እና የትራፊክ ፖሊሶች የሚጠቁሟቸውን አማራጭ አቅጣጫዎችን በመጠቀም አስፈላጊውን ትብብር እንዲያደርጉ የአዲስ አበባ ፖሊስ ጥሪ አቅርቧል።

ክብረ በዓሉ በሚከበርበት ዙሪያ ከዋዜማው ከየካቲት 22 ቀን 2016 ዓ/ም ጀምሮ በዓሉ እስከሚጠናቀቅ ድረስ ከላይ በተጠቀሱት መንገዶች እና ፕሮግሙ በሚካሄድበት በአድዋ መታሰቢያ ሙዚየም ዙሪያ ተሽከርካሪን ማሳደርም ሆነ ለአጭርም ሆነ ለረጀም ሰዓት አቁሞ መሄድ ፈፅሞ የተከለከለ ነው ተብሏል።

#AddisAbabaPolice

@tikvahethiopia

እነሆ የአድዋ ድል መታሰቢያ በዓልን ይበልጥ የሚያደምቅ ልዩ አድዋ የሞባይል ጥቅል አሰናድተን እስከ 20% በሚደርስ ቅናሽ በአርዲ ቻትቦት፣ በማይ ኢትዮቴል እና *999# እንዲሁም በቴሌብር https://onelink.to/fpgu4m ከተጨማሪ 10% ቅናሽ ጋር አቅርበናል።

ጥቅሉን ለራስዎ በመግዛትና በስጦታ በማበርከት በዓሉን በደስታ ያሳልፉ!

መልካም የድል በዓል!

#Ethiotelecom #telebirr #RealizingDigitalEthiopia

#Adwa128

የሀገር መከላከያ ሠራዊት የዘንድሮው 128ኛው የዓድዋ ድል በዓል በተለያዩ ስነስርዓቶች እንደሚከበር አሳውቋል።

በዓሉ በአ/አ ፒያሳ በሚገኘው የ " ዓድዋ ድል መታሰቢያ ሙዚየም " እንደሚከበር ገልጿል።

የዓድዋ ጀግኖችን የሚዘክር የ34 ደቂቃ ዶክመንታሪ ፊልም፣ ቢል ቦርድ፣ በራሪ ወረቀቶች፣ ሎጎ፣ መሪ ቃል እና ሠራዊቱ ከአካባቢው ማህበረሰብ ጋር ሆኖ የሚወያይበት ፅሁፍ ተዘጋጅቷል ተብሏል።

በዕለቱ የካቲት 23 ቀን ወታደራዊ የሰልፍ ትርኢት እና ድሉን የሚያስታውሱ ልዩ ልዩ ትርኢቶች ፒያሳ በሚገኘው የዓድዋ ድል መታሰቢያ ሙዚየም ይቀርባል ተብሏል።

@tikvahethiopia

#ሀዋሳ🕯

በቅርቡ ከአርባ ምንጭ ወደ ሐዋሳ ሲመለሱ በዎላይታ ዞን ውስጥ በመኪና አደጋ ህይወታቸዉ ላለፈ የሐዋሳ ከተማ ወጣቶች የሻማ ማብራትና የገቢ ማሰባሰቢያ  ፕሮግራም በከተማ ደረጃ ከንቲባዉ በተገኙበት ተካሄደ።

በድንገተኛ የመኪና አደጋ ህይዎታቸዉ ያለፉ የጤና ቡድን አባላትን ለመዘከር ያለመ የሻማ ማብራትና የገቢ ማሰባሰቢያ ፕሮግራም የተጎጅ ቤተሰቦች ፣ የሀዋሳ ከተማ ከንቲባ የሀይማኖት አባቶች ፣ የሲዳማ ባህል ሽማግሌዎች በተገኙበት ተካሂዷል።

በሻማ ማብራት ፕሮግራሙ ላይ ንግግር ያደረጉት የሀዋሳ ከተማ ከንቲባ አቶ መኩሪያዬ መርሻዬ ፤ " እንደሀዋሳ ብቻ ሳይሆን እንደሀገር አልቅሰናል  " ብለዋል።

ከዚህ አይነት አስከፊ የትራፊክ አደጋ ለመዉጣት ጥንቃቄ ብቻ ሳይሆን ጸሎትም ያስፈልገናል ሲሉ ገልጸዋል።

የተጎጅ ቤተሰቦችን ለመደገፍ ለተሰናዳዉ ፕሮግራም በከንቲባዉ ቢሮ 3 መቶ ሺህ ብር እንዲሁም በግላቸዉ 10 ሽህ ብር በማበርከት ድጋፉን አስጀምረዋል።

ፕሮግራሙን ለመካፈል ተደግፎ የመጣዉና ከአደጋዉ የተረፈዉ ወጣት ፋሲል በበኩሉ ሀዘኑን መቋቋም ከባድ መሆኑን በመግለጽ በእንባ ታጆቦ ወደቦታዉ ተመልሷል።

በእለቱ ከሁለት ሚሊየን ብር በላይ  በጎፈንድሚና ለዚህዉ ተብሎ በተከፈተዉ የባንክ አካዉንት መሰብሰብ ተችሏል።

የገቢ ማሰባሰቢያ ፕሮግራሙን ያዘጋጀዉ ኮሚቴ  " በድንገት ያጣናቸዉ ጓደኞቻችን ልጆችና ቤተሰቦች ለመርዳት ሁሉም ወጣት ድጋፍ እንዲያደርግ " ሲል ጠይቋል።
 
ለዚህ ሲባል የተከፈተዉ የባንክ አካዉንት ቁጥር 1000610475667 መሆኑን ገልጿል።

መረጃውን አዘጋጅቶ የላከው የሀዋሳው የቲክቫህ ኢትዮጵያ ቤተሰብ አባል ነው።

@tikvahethiopia

#Amahra

በሰሜን ጎጃም ሀገረ ስብከት በላይ ጋፊት ቅዱስ ገብርኤል ቤተ ክርስቲያን 11 የቅኔ ተማሪዎች መገደላቸውን የኢትዮጵያ ኦርቶዶክስ ተዋሕዶ ቤተክርስቲያን መገናኛ ብዙሃን ዘግበዋል።

በሜጫ ወረዳ ብራቃት ቀበሌ በሚገኘው በላይ ጋፊት  ቅዱስ ገብርኤል ቤተ ክርስቲያን የአብነት ትምህርታቸውን ሲከታተሉ የነበሩ 11 የቅኔ ተማሪዎች  እንዲሁም 1 በግብርና የሚተዳደር የአካባቢው ነዋሪ ከመንግሥት የጸጥታ ኃይሎች በተተኮሰ ጥይት ተገድለው እንደሞቱ ተነግሯል።

የሟች ቤተሰቦች በሰጡቅ ቃል የካቲት 20 ቀን 2016 ዓ.ም ከሌሊቱ 6:00 ገደማ እንደሆነ ተማሪዎቹ በጎጇቸው ሳሉ የመንግሥት የጸጥታ ኃይሎች ፦

- " ፋኖን ታስጠልላላችሁ " ፣

- " ለፋኖ አባላት ጥይት የማያስመታ መድኃኒት ትሰጣላችሁ "

- " እናንተም የፋኖ አባላት ናችሁ " በማለት 11 ተማሪዎች እንዲሁም የጩኸት ድምፅ ሰምቶ ወደ ጉባኤ ቤቱ ሲሄድ የነበረን የአካባቢው ነዋሪ መግደላቸውን ገልጸዋል።

አሁን የተገለጸው የሟቾች ቁጥር በዛሬው ዕለት በትክክል የተገኘ እንደሆነ እና በሰዓቱም በጉባኤ ቤቱ የነበሩ በርካታ ተማሪዎች ወደተለያየ አቅጣጫ ስለተበታተኑ የሟቾች ቁጥር አሁን ከተጠቀሰው ቁጥር ሊልቅ እንደሚችል ተጠቁሟል።

ከጥቂት ጊዜያት በፊት በተመሳሳይ ሁኔታ ከ12 ያላነሱ የአቋቋም ተማሪዎች በአዴት ፍልሰታ ደብር ተገድለው እንደነበር ተገልጿል።

የዞኑ ሰላምና ፀጥታ ቢሮ ስለ ጉዳዩ እስካሁን የሰጠው አስተያየት የለም። #ተሚማ

@tikvahethiopia

የወልዲያ ከተማ አገልግሎት ጽ/ቤት ኃላፊ አቶ ዓለማየሁ ካሳሁን በጥይት ተመተው መገደላቸው ተነግሯል።

ኃላፊው ትናንት ባልታወቁ ሰዎች መገደላቸውን የቅርብ ጓደኞቻቸውን ዋቢ በማድረግ ዶቼ ቨለ ሬድዮ ዘግቧል።

ቃላቸውን የሰጡ ከጓደኞቻቸው አንዱ ፤ " ትናንት ጠዋት 2 ሰዓት አካባቢ ሆርማት በተባለ የከተማው አካባቢ ማንነታቸው ባልታወቁ ታጣቂዎች በጥይት ተመትተው ተገድለዋል። አጥቂዎቹ ሸሽተው አምልጠዋል " ብለዋል።

ተጠርጣሪዎቹ በባለሦስት እግር ተሸከርካሪ (ባጃጅ) ሆነው ጥቃቱን መፈፀማቸው ነው የተነገረው።

ጓደኞቻቸው ፤ ከዚህ ቀደምም መኖሪያ ቤታቸው ላይ ከዚህ በፊት ቦምብ ተወርውሮ እንደነበር አስታውሰዋል፡፡

በወልዲያ ገቢዎች ጽ/ቤት ይሰሩ እንደነበርና በነበራቸው የስራ ትጋት በክልል ደረጃ ተሸላሚ እንደነበሩም ግልጸዋል።

አቶ ዓለማየሁ የከተማ አስተዳደሩ አገልግሎት ኃላፊ ሆነው ሲሰሩም ከመሬት ወረራ ጋር በተያያዘ በርካታ ሥራዎችን ሲሰሩ እንደነበር ፤ ግድያውም ከዚህ ሥራቸው ጋር ሳይያያዝ አይቀርም የሚል ግምት እንዳላቸው አመልክተዋል፡፡

ሬድዮ ጣቢያው ጉዳዩን በተመለከተ ለከተማው ፖሊስ ጽ/ቤት ሲደውል " መረጃ በስልክ አልሰጥም "  የሚል ምላሽ እንደተሰጠው በዘገባው ጠቅሷል።

@tikvahethiopia

#ተመስገን_ደሳለኝ

ጋዜጠኛ ተመስገን “ትክክለኛ ፍትሕ ይሰጣሉ ብዬ ስለማላምን ይነሱልኝ” ያሏቸው ዳኛ “ #አልነሳም” አሉ።

ጋዜጠኛ ተመስገን ደሳለኝ ጥር 7 ቀን 2016 ዓ/ም ጠቅላይ ፍርድ ቤት ሰሚ ችሎት ቀርበው በነበረበት ወቅት፣ “የግራ ዳኛ የሆኑት ክቡር አቶ አሕመድ መሐመድ ትክክለኛ ፍትህ ይሰጣሉ ብዬ ስለማላምን በዚህ ጉዳይ ከችሎት እንዲነሱልኝ ምክንቻቶቼን አቀርባለሁ” ብለው ያዘጋጁትን ምክንያታዊ ፅሑፍ በዝርዝር አቅርበው ነበር።

ችሎቱም የጋዜጠኛውን አቤቱታ ካደመጠ በኋላ፣ የዳኛውን ከችሎት መነሳትና አለመነሳትን ጉዳይ ለመወሰን፣ ጋዜጠኛ ተመስገን በዋናው ክሳቸው ይሰጣሉ ተብሎ የሚጠበቀውን መለስ ለመቀበል ለጥር 28 ቀን 2016 ዓ/ም ተለዋጭ ቀጠሮ መስጠቱ አይዘነጋም።

ይሁን እንጂ ለጥር 28 ቀን 2016 ዓ/ም ተሰጥቶ የነበረው ቀጠሮ፣ “አቤቱታ የቀረበባቸው ዳኛ ስልጠና ላይ ስለሆኑ ውሳኔ አልሰጠንም” በሚል ለየካቲት 21 ቀን 2016 ዓ/ም ተለዋጭ ቀጠሮ ተሰጥቶበት ተራዝሞ ቆይቷል።

በየካቲት 21 ቀን 2016 ዓ/ምቱ ችሎት ደግሞ፣ ጋዜጠኛው ከችሎቱ እንዲነሱ አቤቱታ ያቀረቡባቸው ዳኛ “አልነሳም” ብለዋል።

ጋዜጠኛው ያቀረቡት የዳኛውን “ከችሎት ይነሱልኝ” አቤቱታ ችሎቱ ወድቅ ያደረገው፣ “እንዲነሱ የተጠየቁት ዳኛ መልካም ስብዕና ያላቸው መሆኑን” በመጥቀስ ነው።

ጋዜጠኛ ተመስገን፣ የተሳሳተ ትዕዛዝ መስጠታቸውን ዋቢ አድርገው በመጥቀስ “ዳኛው ይነሱልኝ” ብለው ባቀረቡት አቤቱታ ሳቢያ የ1,000 (አንድ ሺሕ ብር) ቅጣት ተፈርዶባቸው ክፍያውን ፈጽመዋል።

ጋዜጠኛው ተመስገን፣ ፍርድ ቤቱ ‹ዳኛው ስህተት ሰርተዋል ወይስ አልልሩም?› ወይም ‹ከሳሽ ያለአግባብ ጠቅመዋል ወይስ አልጠቀሙም?› በማለት የቀረበውን ቅሬታ መመርመሩን ወደ ጎን በመተውና የቀድሞ ስብእናቸውን መነሻ በማድረግ ቅሬታዬን ውድቅ ማደረጉ እጅጉን አስደንግጦኛል” ሲሉ ተናግረዋል።

አክለውም፣ “የፍርድ ቤቱ ትእዛዝ እኔን ስጋት ላይ የጣለ ነው” ያሉ ሲሆን፣ ጋዜጠኛው ላይ የቀረበውን የይግባኝ መልስ ለመስማትም ለመጋቢት 16 ቀን 2016 ዓ/ም ቀጠሮ ተስጥቷል።

መረጃውን አዘጋጅዮ የላከው የአ/አ ተክቫህ ኢትዮጵያ ቤተሰብ አባል ነው።

@tikvahethiopia