#MoE

ትምህርት ሚኒስቴር ፤ በትግራይ ክልል በሚገኙ ዩኒቨርሲቲዎች ይማሩ የነበሩና በሌሎች ዩኒቨርሲቲዎች ተመድበው ለተመረቁ ተማሪዎች #መደበኛ_ዲግሪ ለመስጠት እንደሚቸገር አሳውቋል፡፡

በትግራይ ክልል በሚገኙ ዩኒቨርሲቲዎች ይማሩ የነበሩና በሌሎች ዩኒቨርሲቲዎች ተመድበው ትምህርታቸውን ያጠናቀቁ ከአራት ሺህ በላይ ተማሪዎች መደበኛ ዲግሪ ማግኘት ባለመቻላቸው ሥራ ለመቀጠር መቸገራቸውን ይገልጻሉ።

በተማሪዎቹ ቅሬታ ዙሪያ በሪፖርተር ጋዜጣ የተጠየቁት የትምህርት ሚኒስትሩ ብርሃኑ ነጋ (ፕ/ር) " የተማሪዎቹ ሙሉ መረጃ ሳይገኝ መደበኛ ዲግሪ ለመስጠት እንደሚቸገሩ " ገልጸዋል።

" ሰላምና መረጋጋት በሰሜን ኢትዮጵያ በአስተማማኝ ሁኔታ ሲሰፍን ከመጡባቸው ዩኒቨርሲቲዎች ትምህርት ያቆሙበት መረጃ ተሟልቶ ሲቀርብ ዲግሪው ይሰጣቸዋል " ሲሉ አክለዋል፡፡

እስከዚያው ግን በተሰጣቸው ጊዚያዊ ሰርተፊኬት ሥራ መፈለግ እንደሚችሉ ነው ሚኒስትሩ የተናገሩት።

በትግራይ ክልል ከሚገኙ ዩኒቨርሲቲዎች ተፈናቅለው በሌሎች ዩኒቨርሲቲዎች ትምህርታቸውን ያጠናቀቁት ተማሪዎች ግን " ትምህርት ሚኒስቴር በአንድ ሴሚስተር የውጤት መግለጫ ወረቀት/Grade Report አሰናብቶናል " ሲሉ ቅሬታቸውን አሰምተዋል፡፡

ይህ ወረቀት በሥራ ዓለም ተወዳዳሪ ሆኖ ለመቀጠር እንደማያስችላቸው በመጥቀስ ሚኒስቴሩ ዘላቂ መፍትሄ እንዲፈልግላቸው ጠይቀዋል፡፡

@tikvahuniversity @tikvahethiopia

የአማራ ክልል እስልምና ጉዳዮች ከፍተኛ ም/ቤት በጎንደር የተፈፀመው " ጭፍጨፋ እና የሽብር ጥቃት " ነው ሲል ገለፀ።

ም/ቤቱ በጎንደር ስለተፈጠረው ሁኔታ መግለጫ አውጥቷል።

በመግለጫው በሼኽ ኤልያስ ጥንታዊ የሙስሊም መካነመቃብር ላይ ለቀብር በወጡ ሙስሊሞች ላይ የታጠቁ አክራሪ ክርስቲያኖች በቡድን እና በነፍሥ ወከፍ ትጥቅ ጭፍጨፋ ተፈፅሟል ብሏል።

ም/ቤቱ፤ ሼይኽ ኤልያስ ጥንታዊ የሙስሊም መካነመቃብር ቦታን በተለያየ መንገድ ለመውረር ሰፊ እርምጃ ተካሂዷል ቢሆንም ቦታው በታሪክ አንድና አንድ የሙስሊሞች ታሪካዊ የመካነ መቃብር ቦታ ነው ሲል ገልጿል።

ነገር ግን እንደልባቸው በተባሉና በመንግስትም መዋቅር በሚደገፉ ኃይሎች ወንዝ ተሻግረው በእለቱ ያረፉትን ታዋቂ የህዝብ ባለውለታ የሆኑትን አባት ቀብር አናስቀብርም በማለት ቀድሞ ባዘጋጁት ማሳሪያ ለቀብር በወጡት መስሊሞች ላይ በተኮሱት የመትረየስና የቦንብ ውርጅብኝ የሙስሊሞች ህይወት አልፏል፤ በርካቶች በከፍተኛ ጉዳት ሆስፒታል ገብተዋል ሲል ም/ቤቱ ሁኔታውን አስረድቷል።

በቀብር ቦታ መነሻ ያደረገው የተደራጀው ኃይል የጥቃት እንቅስቃሴውን በቀጥታ ወደ ከተማው በማድረግ በንግድ ተቋማት ላይ በማነጣጠር በርካታ የሙስሊም ህ/ተሰብ ሱቆች ዘርፏል፤ መስጂዶችን እና የሙስሊሞችን ቤት እየለዩ በመደብደብ አገር የማተራመስ አላማውን ቀጥሎ አምሽቷል ሲል ገልጿል።

ቀድሞ በዚህ ቦታ ላይ ሊፈጠር የሚችለውን አደጋ እየተነገረው በቸልታ የተመለከተው የከተማው አስተዳደር የትላንቱን ችግር ፈጥኖ ለማርገብ ባለመቻሉ ም/ቤቱ መረጃው ከደረሰው ሰዓት አንስቶ እስከ ፌዴራል ድረስ ለሚመለከታቸው አካላት በማሳወቅ ገለልተኛ ኃይል ወደቦታው እንዲደርስ በማደርግ የአጥፊ ኃይሎች እንቅስቃሴ ለጊዜው እንዲገታ ተደርጓል ብሏል።

(ሙሉ መግለጫው ከላይ ተያይዟል)

@tikvahethiopia

#Update

የአዲስ አበባ እስልምና ጉዳዮች ከፍተኛ ም/ቤት ዛሬ ባወጣው መግለጫ ትላንት በጎንደር ከተማ የተካሄደው ቀድሞ የታቀደበት ጭፍጨፋ ነው ሲል ገለፀ።

ምክር ቤቱ ፤ የሸይኽ ከማል ለጋስ (ረሂመሁላህ) የቀብር ስነ ስርአት እንደ መንስኤ በመጠቀም ቀድሞ በታቀደ መልኩ በሙስሊሙ ላይ በተፈፀመውን ጭፍጨፋ፣ 21 ሰዎች በግፍ መገደላቸውን እና መስጂዶችና ቁርአን መቃጠሉን ገልጿል።

በሙስሊሙ ላይ የተቃጣን አጥፊ የሆነና በፅንፈኞች ወገን ቀድሞ የተቀነባበረን ግልፅ የሆነ የወንጀል ድርጊት ፦ የክልሉ ሚዲያዎች፣ መንግስት እና አንዳንድ የፖለቲካ ፓሪቲዎች በጉዳዩ ላይ የሰጡት መግለጫ የተፈፀመውን አረመኔያዊ ድርጊት የማይመጥን ነው ሲል ምክር ቤቱ አውግዟል።

እነዚሁ አካላት በመስሊሙ ላይ የተቃጣውንና የ21 ሙስሊሞችን ህይወት የቀጠፈውን ወንጀል የእርስ በርስ ግጭትና በሀሰት በድንበር ምክንያት የተፈጠረ ነው በማለት ያወጡት መግለጫ ሀገርን ለማፈራረስ ላቀዱ ሰዎች ሽፋን ከመሆኑም ባሻገር ምክር ቤታችንንም ሆነ ህዝበ ሙስሊሙን በከፍተኛ ደረጃ አሳዝኗል ሲል አሳውቋል።

@tikvahethiopia

#ፊቼ_ጨምበላላ

የሲዳማ ብሄር ዘመን መለወጫ የፊቼ ጨምበላላ በዓል ያለምንም የጸጥታ ስጋት ተከብሮ እንዲጠናቀቅ ቅድመ ዝግጅት መደረጉን የሲዳማ ክልል ሰላምና ጸጥታ ቢሮ ገለጸ፡፡

ቢሮው 1 ሺህ 500 ወጣቶች ከጸጥታ አካላት ጋር በቅንጅት ለመስራት ዝግጅት እያደረጉ መሆኑን አሳውቋል።

የፊቼ ጨምበላላ በዓል ከሲዳማ አልፎ የአለም ቅርስ በመሆኑ በዓሉ ባህልና እሴቱን በጠበቀ መልኩ እንዲከበር የህብረተሰቡን ደህንነት መጠበቅ ቀዳሚ ስራው መሆኑን ቢሮው ገልጿል።

ለስራው መሳካት ብሄራዊ መረጃና ደህንነት ተቋም ከሁሉም የፌዴራልና የሲዳማ ክልል የጸጥታ አካላት ጋር በጋራ ሰፊ ስራ እየሰሩ መቆየታቸውን እና ተግባሩ እስከ በዓሉ መባቻ ድረስ እንደሚዘልቅ ተገልጿል።

ለሰላም መጠበቅ የህብረተሰቡ ሚና ግንባር ቀደም ቦታ እንዳለው የተግለፀ ሲሆን ማንኛውም አጠራጣሪ ነገር ከተመለከቱ በቶሎ በአቅራቢያቸው ላሉ የጸጥታ አካላት ጥቆማ እንዲሰጡም ጥሪ ቀርቧል።

ምንጭ፦ ደሬቴድ

@tikvahethiopia

#AmharaRegion

በቅርቡ በአማራ ክልል በሰሜን ሸዋ እና በኦሮሞ ብሔረሰብ ዞኖች አስተዳደር አጎራባች አካባቢዎች የፀጥታ ችግር ተፈጥሮ እንደነበር አይዘነጋም።

ይህንን ተከትሎ ዳግም ግጭት እንዳይፈጠር እና ሰላምን ለማጠናከር በአጣዬ ከተማ ትላንት የምክክር መድረክ ተካሂዷል።

መድረኩ ሰላምን ለማጠናከር የሚጠቅሙ አንኳር ሀሳቦች የተነሱበት መሆኑ የተጠቆመ ሲሆን በዋናነት ለግጭቱ መንስኤ የሆኑ አካላት በሕግ እንዲዳኙና ማኅበረሰቡም አሳልፎ እንዲሰጥ መግባባት ላይ ተደርሷል።

የሃይማኖት አባቶች ሰላም የሁሉም ነገር መሰረት የሕዝቦች ትስስር ዋልታ ነው፤ የሰው ልጅ ሁሉ ደሙ አንድ ነው፤ በሰውነቱ ሁሉም ከአንድ የተገኘ ነውም ብለዋል።

ምክክሩ የተጠናቀቀው ባለ ሰባት ነጥብ የአቋም መግለጫ በማውጣት ሲሆን የአቋም መግለጫው በዚህ ተያይዟል ፦ https://telegra.ph/Amhara-Region-04-27

ምንጭ፦ የአማራ ክልል የሰላምና የሕዝብ ደኅንነት ጉዳዮች ቢሮ

@tikvahethiopia

#GONDAR

ትላንት በጎንደር ከተማ ስለተፈጠረው ሁኔታ ዛሬ ውይይት ተካሂዷል።

ውይይቱን የአማራ ክልል ም/ርእሰ መሥተዳድር ዶ/ር ጌታቸው ጀምበር ፣ የክልሉ ሰላምና ጸጥታ ቢሮ ኀላፊ አቶ ደሳለኝ ጣሰው እና የክልሉ የቱሪዝም ቢሮ ኃላፊ አቶ ጣሂር መሐመድ ናቸው የመሩት።

ዶ/ር ጌታቸው ፤ ውይይቱ ችግሩን በሰከነ መንገድ ለመፍታት ያለመ ነው ብለዋል።

አክለው ፥ " ትናንት የተፈጠረው የፀጥታ ችግር አሳዛኝና የከተማዋን ሕዝብ አብሮነት ታሪክ የማይገልፅ ነው ፤ የፀጥታ ችግሩን የፈጠሩ አካላትን በመለየት የእርምት እርምጃ እንዲወሰድ የክልሉ መንግሥት ከከተማው ነዋሪዎች ጋር በጋራ ይሰራል " ሲሉ ገልፀዋል።

አቶ ደሳለኝ ጣሰው በበኩላቸው፤ " የተፈጠረው ችግር ለጠላት ምቹ ሁኔታን የሚፈጥር በመሆኑ ችግሩን በውይይት ለመፍታት ሕዝቡ ባለቤት መኾን አለበት " ብለዋል።

" በየደረጃው ያለው የመንግሥት መዋቅር ያሉትን ክፍተቶች ለማስተካከል ጠንካራ ሥራ ይሠራል " ሲሉም ተናግረዋል። የሃይማኖት አባቶችና የሀገር ሽማግሌዎችም ከመንግሥት ጋር በመሆን እንዲሠሩ ጥሪ አቅርበዋል።

አቶ ጣሂር መሐመድ ፤ ችግሩን ለመፍታት በስክነት መወያየት እንደሚገባ ገልጸዋል።

በከተማው የቆየውን አብሮነት ለመሸርሸር የሚሠሩ አካላትን ተከታትሎ በቁጥጥር ሥር በማዋል ሕግ የማስከበር ሥራ ሊሠራ እንደሚገባም ተናግረዋል።

በሌላ በኩል ፤ ትላንትና ጎንደር ላይ የተፈፀመውን ድርጊት የሚያወግዝ ተቃውሞ ዛሬ በአዲስ አበባ እና ጅማ ከተማ የተለያዩ መስጂዶች ተካሂዷል።

በአዲስ አበባ በኑር (በኒ) መስጂድ እና በአንዋር መስጃድ ከፍተኛ ቁጥር ያለው ምዕመን ድርጊቱን አውግዞ ፍትህ ጠይቋል። በተመሳሳይ በጅማ ፈትህ መስጂድ ምእመኑ በጎንደር የተፈፀመውን ድርጊት አውቆ የተቃውሞ ድምፅ አሰምቷል።

@tikvahethiopia

የኢትዮጵያ የሃይማኖት ተቋማት ጉባኤ መግለጫ አውጥቷል።

ጉባኤው በመግለጫው " በጎንደር ከተማ በሚገኙ የእስልምና እምነት ተከታዮች ላይ ሚያዝያ 18 ቀን 2014 ዓ.ም የተፈፀመው የግድያ፤ የመስኪድ ቃጠሎ የሙስሊም ግለሰቦች ንብረት ውድመትና ዘረፋ በሃይማኖት እጅግ የከፋ ሃጢያት ሲሆን በፈጣሪም ዘንድ የሚያስጠይቅ ፀያፍ ተግባር ነው፡፡ የሃገራችን ሕዝብ ልዩነትን በማክበር በጋራ ጉዳዮች ላይ በመደጋገፍና በመተባበር ለዘመናት የኖረበትን የተከበሩ እሴቶችና ታሪኮች የሚያጎድፍ እጅግ አሳዛኝ ተግባር ነው፡፡ " ብሏል።

ጉባኤው " የሃገራችን ሕዝብ ልዩነትን በማክበር በጋራ ጉዳዮች ላይ በመደጋገፍና በመተባበር ለዘመናት የኖረበትን የተከበሩ እሴቶችና ታሪኮች የሚያጎድፍ እጅግ አሳዛኝ ተግባር ነው፡፡ " ሲልም አክሏል።

የኢትዮጵያ የሃይማኖት ተቋማት ጉባኤ ፤ የደረሰውን የሕይወት መጥፋትና የንብረት ውድመት ዜና የሰማው በታላቅ የልብ ስብራት መሆኑም ገልጾ ድርጊቱን አምርሮ እንደሚያወግዝ ገልጿል።

(ዝርዝር መገለጫው ከላይ ተያይዟል)

@tikvahethiopia

#Repost

ስለፊቼ ጨምባላላ ምን ያህል ያውቃሉ ?

- የሲዳማ ሕዝብ የጨረቃና ከዋክብትን አቀማመጥ በማጥናት አዲስ ዓመት ያከብራል። በዓሉም ፊቼ ጨምበላላ ይባላል።

- ፊቼ ጫምባላላ መከበር ከጀመረ ከ1800 ዓመታት በላይ ማስቆጠሩን የአገር ሽማግሌዎች ይናገራል።

- በዓሉ የሲዳማ ሕዝብ ማንነቱን ከተረዳበት ጊዜ አንስቶ ሲከበር ቆይቷል።

- ፊቼ ጨምበላላ በዓል የሚከበርበት ቋሚ ቀን የለውም። በአያንቱዎች ጥቆማ መሰረት በዓሉ የሚከበርበት ቀን ይቆረጣል።

- 'የፊቼ ጨምበላላ ዋነኛ ትርጉም ሰላም ነው'፤ አንድነትና ፍቅር የበዓሉ መለያ ነው።

- የተጣሉ ሰዎች በፊቼ ጨምበላላ በዓል ላይ ይታረቃሉ። ሃዘን ላይ የነበሩ ሰዎችም የሃዘን ልብሳቸውን ይቀይራሉ።

- ከቀዬው ርቆ የነበረ ሰው ለፊቼ ጨምበላላ ወደቀዬው ይመለሳል።

- ለዚህ በዓል ተብሎ እርድ አይፈጸምም፤ ስጋም አይበላም። ክብቶችን መምታትም ክልክል ነው። ላሞች ሳር የበዛበት መስክ ላይ ይሰማራሉ።

- በሲዳማ ሕዝብ ዘንድ በፊቼ ጨምበላላ በዓል ወቅት ማረስ ነውር ነው። ለዚህም ምክንያቱ ደግሞ የፊቼ ጨምበላላ በዓል የሲዳማ ሕዝብ ብቻ ሳይሆን የተፈጥሮም ነው ተብሎ ስለሚታመን ነው።

- ፊቼ የአዲስ ዓመት በዓል ዋዜማ ሲሆን፤ ጨምበላላ ደግሞ የአዲስ ዓመት መጀመሪያው ቀን ነው።

- ሲዳማ ከአንድ ዓመት ወደሌላው የሚሸጋገርበት ሂደት ሁሉቃ ይባላል። ሁሉቃ ማለት ከሸምበቆና ከአርጥብ ቅጠል ተሠርቶ የሚቆም ነገር ነው። ሁሉቃ በቤተሰብና በማኅበረሰብ ደረጃ የሚሠራ ሲሆን፤ አዲስ ዓመት ሲገባ ሰዎችና ከብቶች ይተላለፉበታል።

- የሲዳማ ሕዝብ አዲስ ዓመትን ሲቀበሉ፤ ዓመቱ የብልጽግና እንዲሆንላቸው 'ፊቼ ጄጂ' ይላሉ።

ይህ መረጃ የቀረበው ከ2019 የቢቢሲ ድረገፅ ላይ ከወጣው ፅሁፍ ነው።

@tikvahethiopia